orv-rnc-test-doc8

Universal Dependencies - Old East Slavic - RNC

LanguageOld East Slavic
ProjectRNC
Corpus Parttest
AnnotationLyashevskaya, Olga; Skachedubova, Maria
Javascript seems to be turned off, or there was a communication error. Turn on Javascript for more display options.
index sentence 1 - 6 > sentence 7 - 17
† Благословление от владыцѣ, поклонъ от посадника, и от тысячкого, и от всѣхъ старѣишиихъ, и от всѣхъ мѣншиихъ, и от всего Новагорода господину князю великому Михаилу. На семь, господине, Новгородъ всь хрьстъ цѣлуеть. Княжение твое честьно дьржяти по пошлинѣ, безъ обиды; а тобѣ, господине, такоже дьржяти Новъгородъ по пошлинѣ, безъ обиды. Что свободъ Дмитриевыхъ и Андрѣевыхъ, и что сельць тягнуло къ тымъ свободамъ, того всего тобѣ съступитися, то все къ Новугороду бес кунъ. А что, княже, селъ твоихъ, и владычьнихъ, и княгыниныхъ, и бояръ твоихъ, и слугъ твоихъ на Новгородьскои земли: которое село зашло бес кунъ, то бес кунъ поидеть къ Новугороду; а кто купилъ, а тыи знаеть своего истьца или дѣти его; истьца ли не будеть ни дѣтии его, цѣловати ему хрьстъ, како истьча не свѣдаеть, взяти ему куны, колико будеть далъ, по исправѣ, а земля къ Новугороду. А рубежь ти, княже, межю Суждальскою землею и Новгородьскою дати ти старыи, како было при дѣдѣ твоемь и при отци твоемь Ярославѣ.

Download XML • Download text • Sentence view • Dependency trees