kpv-lattice-test
Universal Dependencies - Komi Zyrian - Lattice
| Language | Komi Zyrian |
|---|
| Project | Lattice |
|---|
| Corpus Part | test |
|---|
| Annotation | Partanen, Niko; Lim, KyungTae; Poibeau, Thierry; Rueter, Jack |
|---|
View options
Tags:
Javascript seems to be turned off, or there was a communication error. Turn on Javascript for more display options.
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
Урожай идралӧмын медся нин бӧрӧ кольччӧны Черныб да Чупрово сельсӧветъясса колхозъяс, кӧні план дінӧ зерновӧй культураяс идралӧма 12-20 прӧчент вылӧ. Тайӧ лыдпасъясыс висьталӧны сы йылысь, мый колхозъясса председательяс, а сідз жӧ сиктса общественность колхозникъясӧс ӧнӧдз на эз мобилизуйтны ыджыд урожай босьтӧм вӧсна тышӧ, аскадӧ да некутшӧм вошӧмъястӧг идралӧм вӧсна тышӧ. Урожай идралӧм – удж сезоннӧй, сійӧ оз виччысь некутшӧм нюжмасьӧм. Идралін аскадӧ – выиграйтін, сёрмӧдчин – проиграйтін. Тайӧ кывъясыс, кодӧс висьтавліс Сталин ёрт, оз вермы лоны вунӧдӧма некодӧн да должен лоны пӧртӧма олӧмӧ. Урожай идралӧмын бӧрӧ кольччӧмлӧн помкаыс сыын, мый колхозъясса председательяс оз тыр нагрузкаӧн уджӧдны уборочнӧй машинаяс, а ӧткымын колхозъясса председательяс умышленнӧя сулӧдӧны машинаяссӧ 4 лун чӧжӧн некутшӧм уджтӧг. (Выль олӧм колхоз, председательыс Калинин). Сельсӧветъясса председательяс да парторгъяс оз нуӧдны решительнӧй тыш сэтшӧм колхозъясса председательяскӧд, кодъяс недооценивайтӧны машиннӧй удж, новлӧдлӧны антимеханизаторскӧй настроение. Медым содтыны урожай идралӧмын ӧдъяс, колӧ не сӧмын сувтӧдны удж вылӧ став вундан машинаяс, но и приспособитны лобогрейкаӧ ытшкан машинаяс да используйтны найӧс тыр нагрузкаӧн урожай идралӧм вылӧ. Сідз жӧ колӧ сетны ыджыд тӧдчанлун вошӧмъяскӧд тышкасьӧм вылӧ. Вундігӧн да тэчигӧн му вылӧ усьӧ уна шеп.
Download XML • Download text
• Sentence view • Dependency trees