akk-riao-test
Universal Dependencies - Akkadian - RIAO
| Language | Akkadian |
|---|
| Project | RIAO |
|---|
| Corpus Part | test |
|---|
| Annotation | Luukko, Mikko; Sahala, Aleksi; Hardwick, Sam; Lindén, Krister |
|---|
View options
Text: - Show: - Tags:
Javascript seems to be turned off, or there was a communication error. Turn on Javascript for more display options.
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
ina ūmēšuma ina pî ilāni rabûti šarrūtī bēlūtī ūṣâ ēkallāti ina šiddi mātiya arṣip epinnāti ina šiddi mātiya arkus še’ī tabkāni ana erišti mātiya eli ša pān ušātir atbuk eli māt Aššur māta eli nišīša nišī uraddi Ninurta u Nergal ša šangûti irammū būl ṣēri ušatlimūnima epēš baʾʾuri iqbûni 60 nēšē dannūti ina narkabtiya pattûti ina libbiya ekdi ina qitrub meṭlūtiya ina pašhi adūk enūma dūru ša tamlê rabê ša ēkal bēlūtiya ša ištu pāna šarrāni mahrûte ālikūt mahriya ēpušū ēnahma Aššur-bel-kala iššak Aššur ēpuš itūr ēnahma Tukulti-Ninurta iššak Aššur mār Adad-nerari iššak Aššurma ašaršu umessi dannassu ikšud uššīšu ina muhhi kiṣir šadê danni addi 3 mē tibkī ana 20 libnāti rapšāti ištu kīdi eli mahrišu muhhišu uraddi ukabbir ištu uššīšu adi gabadibbīšu arṣip ušeklil eli mahrî ussime ušarrih narê aškun
Download XML • Download text
• Sentence view • Dependency trees