| s-1
| Ѡт пана Васильѧ Дмитреевич(а) Корсак(а), наместни полоцког(о), ѡт боѧръ полоцких, и ѡт местичовъ, и ѡтто всихъ мужъ полочан ѡт велика и до мал(а) паномъ ратманомъ ризким чолобитье. |
| s-2
| Про то, панове, вамъ пишемъ, издес(е) была реч(ь) перед нами нашему полочанину Чернѧте с вашим немъчиномъ с Олександромъ. |
| s-3
| Была Чернѧтѣ торговлѧ с вашимъ немчимомъ с Тимофеемъ. |
| s-4
| Виноватъ былъ Чернѧта Тимофею полъторымъ беръковъскомъ воску. |
| s-5
| И едѧ Тимофеи на Ригу, оуказал тотъ воскъ взѧти Ѡлександру оу Чернѧты. |
| s-6
| Ино възвесилъ Чернѧт(а) издес(е) тотъ воскъ, и было оу томъ воску лише польтору беръковъска полъдевѧта пуду. |
| s-7
| И Чернѧта хотелъ тотъ слишок ѡткулупити проч(ь). |
| s-8
| А вашь немъчинъ молвил то слово: «Правъ, Чернѧто, не колупаи ты того слишка, Б(о)гъ дастъ, какъ ѧ съеду на низъ, и ѧ тобѣ оузошлю тотъ слишокъ воску полъдевѧта пуда» . |
| s-9
| И вдарили оу руку Ѡлександро съ Чернѧтою. |
| s-10
| А при томъ были добрыи люди: Ѡзаръѧ Сутреевич, Демешко Юшинич, а Ходоръ Медведь. |
| s-11
| И с тыхъ местъ так и не присыловал Ѡлександро того слишка къ Чернѧтѣ. |
| s-12
| И коли пок(а) Тимофеи оумерлъ оу Ризе, и Ѡлександро приехал на етьи годъ кь Полоцку ѡпосле Тимофеевы см(е)рти, и Чернѧта его оу томъ слишку нѧлъ и поставил перед нами. |
| s-13
| И мы ѡпросили Ѡлександра: «Чому ты не присыловал Чернѧтѣ его слишка? » . |
| s-14
| И Ѡлександро молъвит(ь): «Далъ ѧ Тимофею тотъ слишокъ» . |
| s-15
| И Чернѧта молвит(ь): «Не знаю ѧ Тимофеѧ оу томъ слишку. |
| s-16
| Нѧлъсѧ ты мне прислати с низу, а при томъ были оу насъ люди» . |
| s-17
| И послалъ Чернѧта с Олександромъ на тыи люд(и), при ком ѡни оударил(и) оу руку. |
| s-18
| И тыи люди ѡправили Чернѧту, нашего полочанин(а). |
| s-19
| И мы потомъ же велели Чернѧтѣ свои слишок оу- в Олександра полъдевѧта пуда воску взѧти, а вашему немъчину знати собѣ исца, хто оу Тимофееве дому живетъ. |
| s-20
| Паномъ ратъманомъ ризкимъ |