Dependency Tree
Universal Dependencies - Old East Slavic - Ruthenian
| Language | Old East Slavic |
|---|
| Project | Ruthenian |
|---|
| Corpus Part | test |
|---|
| Annotation | Lyashevskaya, Olga; Sitchinava, Dmitri; Shvedova, Maria |
|---|
Select a sentence
| s-1
| Ѡто кнѧз(ѧ) Иван(а) Семенович(а), полоцког(о) намѣсник(а), и ѡто всих мужь полочан кнѧз(ю) мештерюли ризком(у) и всим ратманом ризкимъ поклон. |
| s-2
| Што есте прислал(и) к нам ратмана Федора, и ѡнъ с нам(и) поконцал ѡт вас, што вам нашихъ людеи всихъ ѡтпустити к нам и со всим ихъ товаром, и тог(о) ч(о)л(о)в(е)ка, што есте его казнил(и), а и тотъ струг съ товаром, што есте поимал(и), и тую нашю челѧд(ь), што ваши торговци безъ кунъ ихъ поимал(и). |
| s-3
| Ино которыи наши торговци восхотѧть на конехъ ехати, и кол(и) к нам възьедут(ь), тогды мы вашь товаръ ѡтпустим к вам на низъ, которыи поторгованыи воскъ а бѣлку. |
| s-4
| А кол(и) пак будуть наши люд(и) в на с вси и с товаром, што на струзѣхъ идут(ь), мы пак тогды весь вашь товаръ ѡтпустимъ. |
| s-5
| Хто пак чет(ь) торговати, торгуи, а хто хочеть поехати, поедь доброволно. |
| s-6
| А на том есмо и рук(и) дал(и) Федору, и печати свои приклали. |
| s-7
| И с тою грамою послали есмо доброго ч(о)л(о)в(е)ка Климѧту. |
| s-8
| А писан(а) быстъ сиѧ грамота въ Полоцку, въ понедѣлник передъ [с](вѧ)т(о)го Семивон(а) днем лѣтопроводьца, по Б(о)жью нарожѣнью 1000 лѣтъ и чотырисот и 9 лѣтъ. |
Text view
•
Download CoNNL-U