| s-1
| Излуциль ѥсми грамота на Б(о)зъ милости. |
| s-2
| Такоже што полоцѧномъ въсему нѣмѣцкомъ купцѣви и нашимъ слицно и право дѣятъ съ въсѧкомъ торговомъ дѣль и торговълою. |
| s-3
| Потомъ вамъ нимѣцъкому купъцѣвъ нашему въсею ѡдиначътвою а за себѧ и за послѣдънихъ будущи доброю волою ихъ пускати оу Полоцку торъговатъ и зъ гостомъ, и съ полоцѧномъ позполу, то будъ мало любо велико въсѧкомъ торговль, то будъ товаръ како нибудъ въсемъ никакого цего вымано бѣзъ въсѧкого хитростъ. |
| s-4
| Тако же мы русъкому купъцѣви въ Ригу дѣѥмъ. |
| s-5
| Потомъ вамъ нимѣцкому купцѣви право судити и право дѣятъ да стерецъ ихъ въсѧкомъ дѣль, какъ своя брат(ь)я, бѣсъ въсѧкоѥ пересловиѥ. |
| s-6
| Тако же мы русъкому купцѣви дѣѥмъ въ Ригу. |
| s-7
| Потомъ азъ которъ нѣмцинъ въизвинитцѧ въ Полоцку, того вамъ намъ ѡтослати въ Ригу судити. |
| s-8
| Азъ полоцѧнинъ въизвинитсѧ въ Ригу, того мы ѡтослемъ къ вамъ въ Полотъску вамъ судити. |
| s-9
| Потомъ восковую вѣсъ бытъ полупудѧ тѧзелѣѧ нашего. |
| s-10
| А солъ вѣсити пуднимъ ременумъ по старому. |
| s-11
| Азъ которъ вѣсъ неправа будетъ, ино ѡтослати въ Ригу правити по старому закону. |
| s-12
| А серебрени вѣсъ дѣржѧтъ по старому закону. |
| s-13
| А вѣсцѧм хрестъ человати, како имъ право вѣсити, нѣмъцѧмъ, какъ своимъ братмъ. |
| s-14
| А вѣсцю ѡт вѣса възѧти по старому закону. |
| s-15
| А мы вамъ тако же въ Ригу дѣѥмъ. |
| s-16
| Потомъ азъ бъ како нелюбовию стало примежи местерѧ и кн(ѧ)зѧ Витовъта, и бояровъ, и кунъдуровъ, и рицеровъ, и дворѧниновъ на ѡбе стороне, въ томъ купцеви не въступатисѧ ни вашимъ, ни нашимъ. |
| s-17
| А купцеви цистъ путъ ѡт(ъ)ѥхати и приѥхати въсегъди. |
| s-18
| Потомъ азъ бъ цего стало въ рубезѧ какоѥ мѣсѧние, то ѡпроцъ купцеви, нашимъ и вашимъ. |
| s-19
| Исцю исцѧ знати. |
| s-20
| Сею грамоту крѣпъко дѣрзѧти безъ въсѧкоѥ хитростъ намъ и вамъ по хресътномъ целованию. |
| s-21
| И пецѧтъ привѣсити изъ ѡбе стороне. |