Dependency Tree
Universal Dependencies - Old East Slavic - Ruthenian
| Language | Old East Slavic |
|---|
| Project | Ruthenian |
|---|
| Corpus Part | test |
|---|
| Annotation | Lyashevskaya, Olga; Sitchinava, Dmitri; Shvedova, Maria |
|---|
Select a sentence
| s-1
| Здороваѥть намѣсник полоцькии і вси полочане посадьниковъ ризьских і всѣхъ ратъманъ. |
| s-2
| Што жо писали ѥсте намъ ѡ вѣсу ѡ солоном, ѡ томъ вѣсу много было словъ і послы ваши были у нас. |
| s-3
| A вѣсы солоныі, восковыі, серебреныи ѡтъ вас пришли к нам. |
| s-4
| И мы ныне в тыи вѣсы вѣсим. |
| s-5
| А привезлъ к нам вѣсы Іванъ Колинъ: и солоныи, и серебреныи. |
| s-6
| А только вам не любы ваши жъ вѣсы, и вы возмите свои вѣсы, а мы вѣсимъ въ свои вѣсы въ старыи. |
| s-7
| А што Іванъ правит(ь) воску, Момотовъ ученик, а тотъ воскъ поимали чистоі С(вя)тоѥ Софьи, а поимал тотъ воскъ Іванъ, Марков ученик, да Кондрат Ѥремѣѥвъ, Микула Романовъ у Поливала да у Ѡндрона у Сорочьковича, а передъ намѣсники полоцькими: перед Домонтом, перед Васильѥмъ Дмитреѥвич, перед Ѡвдошъком Толъстоусович, перед Терешъком Костѧнтинович; Ѡлександръ Лобьиничь былъ, Лука Попович, Климѧта Мѧсникович, Ингнатъ Нѣмъчинович, а вильневьци были: Семенъ Золотоверьхиі, Тильковъ сынъ Іванъ, а рижанъ: Іванъ Колинъ, Ѥрофѣи Федьковъ брат, Захарьѧ Кудрѧвыи. |
| s-8
| А и нашого воску възѧли были 95 круговъ, и мы у них выимали із учѧновъ. |
| s-9
| И нынеча намъ на вас боле жалоба: въ ваших вѣсѣхъ у берьковьска полупуда нѣтъ, а въ серебреных вѣсѣхъ полузолотьника. |
| s-10
| По хрестъному цолованью штобы ѥсте то поправили. |
Text view
•
Download CoNNL-U