Dependency Tree
Universal Dependencies - Western Armenian - ArmTDP
| Language | Western Armenian |
|---|
| Project | ArmTDP |
|---|
| Corpus Part | dev |
|---|
| Annotation | Yavrumyan, Marat M. |
|---|
Select a sentence
| s-1
| Վերապահութիւն Ղարաբաղի յանձնախումբի տեղեկագրին |
| s-2
| Թուրքիոյ Խորհրդարանի զանազան կուսակցութիւններու մասնակցութեամբ կազմուած Ղարաբաղի յանձնախումբը աւարտեց իր աշխատութիւնները եւ այդ աշխատասիրութեան արդիւնքները բաժնեց հասարակութեան հետ։ |
| s-3
| Յանձնախումբը 44օրեայ պատերազմի տեւողութեան արձանագրուած Մարդու Իրաւունքներու բռնաբարումները արձանագրելու համար այցելած է Ատրպէյճան։ |
| s-4
| Հոն զանազան շփումներ ունեցած է Պաքու Գանձակ Տէրտէր եւ Պերտէ քաղաքներու խաղաղ բնակիչներուն հետ, որոնք ենթարկուած են հայկական բանակի յարձակումներուն։ |
| s-5
| Յանձնախումբի քննարկման նիւթերէն մէկն ալ եղած է պատերազմի տեւողութեան Թուրքիոյ հայ համայնքին այս լարուածութենէ ազդուելու երեւոյթները։ |
| s-6
| Յանձնախումբի անդամները այցելած են Թուրքիոյ Հայոց Պատրիարքարանը, Սուրբ Փրկիչ Ազգային Հիւանդանոցը, «Լոյս» եւ «Ակօս» թերթերու խմբագրութիւնը, Մալաթիա ՀայՏէր հայրենակցական միութիւնը եւ Շիշլիի մարզակումբը։ |
| s-7
| Այս հանդիպումներու ընթացքին փորձած են իմանալ Թուրքիոյ հայութեան մատնուած հոգեբանութիւնը։ |
| s-8
| Իրենց պատրաստած տեղեկագրին մէջ յանձնախումբը կը յայտնէ թէ հաստատած են հայ համայնքը յուզող մտահոգութիւնները եւ ուրախութեամբ արձանագրած նաեւ թէ ֆիզիքական յարձակումի ոչ մէկ դէպք պատահած է։ |
| s-9
| Յանձնախումբի ՀՏՓական անդամները վերապահութիւն յայտնած են պատրաստուած տեղեկագրին դէմ, նշելով որ այս բնոյթի ուսումնասիրութիւն մը պէտք էր ըլլար երկկողմանի։ |
| s-10
| Արդարեւ անհրաժեշտ էր Հայաստան եւս այցելել եւ լսել հայկական կողմի դիտողութիւնները։ |
| s-11
| Այս մասին ՀՏՓի պատգամաւոր Կիւլիսթան Քըլըչ Քոչյիղիթ «Ակօս»ին յայտնեց թէ յանձնախումբը պէտք էր աշխատէր մարդու իրաւունքներու սահմանագծով, բայց փոխանակ այդ սկզբունքին գերակշռած է Թուրքիոյ կողմնակցական դիրքորոշումը։ |
| s-12
| Այսպէսով յանձնախումբի ՀՏՓցի անդամներ իրենց վերապահութիւնը շեշտած են հրապարակուած տեղեկագրին նկատմամբ։ |
Text view
•
Download CoNNL-U