| s-1
| Հայկական շպռոտի առանձնահատկությունները |
| s-2
| ՀՀԿ փոխնախագահ Արմեն Աշոտյանը գրել է. |
| s-3
| «Սեփական օրինակով ևս մեկ անգամ համոզվեցի, որ նախկիններն ամեն ինչի ընդունակ են։ |
| s-4
| Այդ թվում՝ սոված վիճակում այս ժամին շպռոտի գժական կոնսերվ բացելու։ |
| s-5
| Բարի ախորժակ, «լափամանից կտրված անկուշտներ»: |
| s-6
| Շատ-շատերի մոտ այս գրառումը տարակուսանք էր առաջացրել, թե յանի էս ի՞նչ է գրել Արմեն Աշոտյանը: |
| s-7
| Թերևս, մենք էլ տարակուսանքի մեջ մնայինք, եթե պատահաբար մեր աչքով չընկներ երգչուհի Շպռոտի ֆեյսբուքյան լայվը: |
| s-8
| Շպռոտն այդ լայվում լիքը քննադատում է բոլորին՝ նախկիններին, ներկաներին: |
| s-9
| Նաև գրել էր. |
| s-10
| «Ես նախկիններին չեմ սատարում, ես նախկինների փողերն եմ ուզում տեսնեմ Հայոց Բանակի մեջ։ |
| s-11
| Ես Նոր իշխանությանը չեմ սատարում, որովհետև դուք զիջող եք, իսկ ես Քյալ Հայ»: |
| s-12
| Բոլորը Շպռոտի համար հող տվող են, բոլոր նախկին ղեկավարները, Նիկոլը՝ առավել ևս, բայց պահանջում է, որ նախկիններն իրենց թալանածը ետ բերեն, հանձնեն ժողովրդին, բանակին ու էլի ինչ-որ տեղեր: |
| s-13
| Դե, մարդ է, խոսել է, խելքին եկածը ասել է, ու Արմեն Աշոտյանը սրանից նեղվել է: |
| s-14
| ՀՀԿ փոխնախագահ մարդ ես, Շպռոտն ո՞վ է, որ անդրադառնում ես նրան: |
| s-15
| Աշոտյանը ակնարկում է, որ իրենց իշխանության օրոք Շպռոտին տիրություն են արել, կերակրել են, լավ աչքով են նայել: |
| s-16
| Ահա, հենց այստեղ է ձեր պրոբլեմներից մեկը: |
| s-17
| Գիտե՞ք , ինչքան քյարթու, ռաբիզ դեմք եք աճեցրել: |
| s-18
| Ռաբիզի ձկնաբուծարան էիք սարքել, այնտեղից ձկնկիթները գցում էիք մշակութային դաշտ, մեծանում, Շպռոտ էին դառնում: |
| s-19
| Գիտե՞ք , ինչ անկապ, էն ամենացածր որակի, պլենդուզից էլ ցածր, ցածրաճաշակ դեմքերի եք ՀՀ վաստակավորի կոչում տվել: |
| s-20
| Իհարկե՝ Քոչարյանից սկսած: |
| s-21
| Մի հատ նայեք, էլի, թե ում եք ձեր օրոք կոչումներ ու տարատեսակ պարգևներ տվել՝ Արմենչիկով, բանով: |
| s-22
| Շպռոտը ձեր զարգացրած մշակույթի պտուղն է, ինչի՞ եք նեղվում: |
| s-23
| Մենք պիտի նեղվենք, որ մեր մշակութային դաշտն այսպիսի ողբալի վիճակում է, վիճակ, որին նաև դուք եք հասցրել: |
| s-24
| Ու վերջում. հետաքրքիր է, որ Արմեն Աշոտյանն ասում է՝ լափաման, չի՞ ջոկում, որ դրանով իրենց իշխանությունն է որակում: |