Dependency Tree

Universal Dependencies - Armenian - ArmTDP

LanguageArmenian
ProjectArmTDP
Corpus Parttrain
AnnotationYavrumyan, Marat M.

Select a sentence

s-1 «Ոսկե ծիրան» հոբելյանական միջազգային կինոփառատոնն այս տարի Հայաստան կբերի հանրահայտ կինոգործիչների, որոնց թվում են կինոռեժիսորներ Դարեն Արոնոֆսկին, Ջանֆրանկո Ռոզին, Ուլրիխ Զայդլը և Շոն Բեյքերը:
s-2 Հյուրերի և հետահայաց ցուցադրությունների մասին հունիսի 29-ին լրագրողների հետ հանդիպմանը խոսեց փառատոնի կինոքննադատ Րաֆֆի Մովսիսյանը:
s-3 «Ներկա կլինեն հյուրեր, որոնք մեկ անգամ չէ, որ եղել են Հայաստանում:
s-4 Մեր երկիր կժամանեն ռեժիսորներ, որոնց հրավիրելու համար մենք երկար տարիներ ենք աշխատել, և, վերջապես, նրանցից դրական պատասխաններ ենք ստացել:
s-5 Նշանակալի է հայտնի կինոռեժիսոր Դարեն Արոնոֆսկու ներկայությունը, որի կինոնկարների ետահայաց ցուցադրությունը կանցկացվի»,- նշեց Մովսիսյանը:
s-6 Նա հավելեց` կցուցադրվեն «Ակունքը», «Սև կարապ», «Մայր» ֆիլմերը:
s-7 Կինոյի երկրպագուները հնարավորություն կունենան մասնակցել վարպետության դասերի, ստանալ ֆիլմերի վերաբերյալ իրենց հուզող հարցերի պատասխանները:
s-8 Մովսիսյանը շեշտեց, որ հյուրերի շարքում է հեղինակային ֆիլմերի վարպետ Ջանֆրանկո Ռոզին, ով մի շարք փառատոնների դափնեկիր է:
s-9 Կանցկացվի նաև նրա ժապավենների ետահայաց ցուցադրություն:
s-10 Կներկայացվեն «Ծովի մակարդակից ցածր», «Մարդասպան. սենյակ 164», «Սրբազան օղակաձև ճանապարհը» կինոնկարները:
s-11 Փառատոնի շրջանակում կանցկացվի Ուլրիխ Զայդլի «Սաֆարի» և ամերիկյան կինոյի ներկայացուցիչ Շոն Բեյքերի «Ֆլորիդա նախագիծը» ֆիլմերի հայաստանյան պրեմիերաները:
s-12 Կիրականացվի հատուկ ծրագիր` նվիրված ռեժիսոր Դավիթ Սաֆարյանի 65-ամյակին:
s-13 Փառատոնը կանցկացվի հուլիսի 8-15-ը:

Text view • Download CoNNL-U