Dependency Tree
Universal Dependencies - Coptic - Scriptorium
| Language | Coptic |
|---|
| Project | Scriptorium |
|---|
| Corpus Part | train |
|---|
| Annotation | Abrams, Mitchell; Davidson, Elizabeth; Zeldes, Amir |
|---|
Select a sentence
| s-1
| ⲉⲩⲉ ⲉϥϫⲱ ⲙⲙⲟⲥ . ϫⲉⲉⲓⲟⲩⲱϣ ⲉⲧⲟⲩϫⲉⲧⲁⲯⲩⲭⲏ . |
| s-2
| ⲛⲧⲟⲥ ⲇⲉ ⲁⲥϩⲓⲥⲉ ⲉⲥϣⲱϣⲧ ⲙⲙⲟϥ ⲙⲡⲉⲥϣϭⲙϭⲟⲙ ⲉⲣⲟϥ |
| s-3
| ⲙⲛⲛⲥⲱⲥ ⲁⲥⲕⲁⲁϥ ⲉⲃⲟⲗ . |
| s-4
| ⲛⲧⲉⲣⲉϥⲃⲱⲕ ⲇⲉ ⲛϥⲣⲙⲟⲛⲁⲭⲟⲥ ⲁϥϣⲱⲡⲉ ϩⲛⲟⲩⲁⲙⲉⲗⲓⲁ . ⲁⲩⲱ ⲁϥϫⲉⲡⲉϥⲁϩⲉ ⲉⲃⲟⲗ ⲕⲁⲕⲱⲥ . |
| s-5
| ⲁⲥϣⲱⲡⲉ ⲇⲉ ⲛⲧⲉⲣⲉⲧⲉϥⲙⲁⲁⲩ ⲙⲟⲩ . ⲙⲛⲛⲥⲁⲟⲩⲟⲉⲓϣ ⲇⲉ ⲁϥϣⲱⲛⲉ ϩⲛⲟⲩⲛⲟϭ ⲛϣⲱⲛⲉ . ϩⲱⲥⲧⲉ ⲛϥϣⲱⲡⲉ ϩⲛⲟⲩⲉⲕⲥⲧⲁⲥⲓⲥ ⲉⲧⲣⲉⲩⲧⲟⲣⲡϥ ⲉⲧⲉⲕⲣⲓⲥⲓⲥ . |
| s-6
| ⲁⲩⲱ ⲁϥϭⲓⲛⲉ ⲛⲧⲉϥⲙⲁⲁⲩ ⲙⲙⲁⲩ ⲙⲛⲛⲉⲧⲟⲩⲕⲣⲓⲛⲉ ⲙⲙⲟⲟⲩ . |
| s-7
| ⲛⲧⲟⲥ ⲇⲉ ⲛⲧⲉⲣⲉⲥⲛⲁⲩ ⲉⲣⲟϥ ⲁⲥⲡⲱϣⲥ . |
| s-8
| ⲁⲩⲱ ⲡⲉϫⲁⲥ ⲛⲁϥ . ϫⲉⲟⲩ ⲡⲉ ⲡⲁⲓ ⲡⲁϣⲏⲣⲉ ⲉⲧⲣⲉⲕⲉⲓ ϩⲱⲱⲕ ⲉⲡⲉⲓⲙⲁ ϩⲱⲥⲧⲉ ⲉⲧⲣⲉⲩⲕⲣⲓⲛⲉ ⲙⲙⲟⲕ ϩⲱⲱⲕ . |
| s-9
| ⲉⲩⲧⲱⲛ ⲛⲉⲕϣⲁϫⲉ ⲉⲧⲉⲕϫⲱ ⲙⲙⲟⲟⲩ ϫⲉⲉⲓⲟⲩⲉϣ ⲉⲧⲟⲩϫⲉⲧⲁⲯⲩⲭⲏ . |
| s-10
| ⲁϥϣⲓⲡⲉ ⲇⲉ ⲉϫⲛ ⲛⲉⲛⲧⲁϥⲥⲟⲧⲙⲟⲩ |
| s-11
| ⲁϥⲁϩⲉⲣⲁⲧϥ ⲉϥⲟⲕⲙ . ⲉⲙⲛⲧϥ ⲗⲁⲁⲩ ⲛⲁⲡⲟⲗⲟⲅⲓⲁ ⲉϫⲱ ⲛⲁⲥ . |
| s-12
| ⲕⲁⲧⲁⲟⲩⲟⲓⲕⲟⲛⲟⲙⲓⲁ ⲇⲉ ⲛⲧⲉ ⲡⲛⲟⲩⲧⲉ ⲡⲙⲁⲓⲣⲱⲙⲉ .. ϣⲱⲡⲉ ⲉⲧⲣⲉϥⲗⲟϭ ⲙⲡϣⲱⲛⲉ ⲙⲛⲛⲥⲁⲉⲧⲣⲉϥⲛⲁⲩ ..... ⲛⲟⲓ ϩⲙⲡⲉϥ .... |
| s-13
| ⲛⲧⲁⲡⲉⲓϭⲙϣⲓⲛⲉ ϣⲱⲡⲉ ⲛ .. ⲉⲃⲟⲗ ϩⲓⲧⲙ ⲡⲛⲟⲩⲧⲉ . ⲁϥⲟⲧⲡϥ ϭⲉ ⲉϩⲟⲩⲛ ⲙⲁⲩⲁⲁϥ . |
| s-14
| ⲙⲛⲛⲥⲱⲥ ⲁϥϩⲙⲟⲟⲥ ⲉϩⲣⲁⲓ ⲉϥⲫⲣⲟⲛⲧⲓⲍⲉ ⲉⲡⲉϥⲟⲩϫⲁⲓ . ⲁⲩⲱ ⲉϥⲣⲓⲙⲉ ⲉϫⲛⲛⲉⲛⲧⲁϥⲁⲁⲩ ϩⲛⲟⲩⲙⲛⲧⲁⲙⲉⲗⲏⲥ ⲛϣⲟⲣⲡ . |
| s-15
| ⲁⲩⲧⲱⲃⲥ ϣⲱⲡⲉ ⲛⲁϥ ⲛⲧⲉⲓϭⲟⲧ . ϩⲱⲥⲧⲉ ⲉⲧⲣⲉⲟⲩⲙⲏⲏϣⲉ ⲡⲁⲣⲁⲕⲁⲗⲉⲓ ⲙⲙⲟϥ ⲉⲧⲣⲉϥϯⲙⲧⲟⲛ ⲛⲁϥ ⲛⲟⲩⲕⲟⲩⲓ ϫⲉⲛⲛⲉϥϣⲱϭⲉ ϩⲓⲧⲙⲡⲁϣⲁⲓ ⲙⲡⲣⲓⲙⲉ . |
| s-16
| ⲛⲧⲟϥ ⲇⲉ ⲙⲡⲉϥⲟⲩⲱϣ ⲉⲥⲗⲥⲱⲗϥ ⲉϥϫⲱ ⲙⲙⲟⲥ . ϫⲉⲉϣϫⲉ ⲙⲡⲓϣϭⲙϭⲟⲙ ⲉⲧⲱⲟⲩⲛ ϩⲁⲡⲛⲟϭⲛⲉϭ ⲛⲧⲁⲙⲁⲁⲩ . ⲛⲁϣ ⲛϩⲉ ⲉⲓⲛⲁϣⲧⲱⲟⲩⲛ ϩⲁⲡϣⲓⲡⲉ ⲙⲡⲉϩⲟⲟⲩ ⲛⲧⲉⲕⲣⲓⲥⲓⲥ ϩⲓⲧϩⲏ ⲙⲡⲉⲭⲣⲓⲥⲧⲟⲥ ⲙⲛⲛⲉϥⲁⲅⲅⲉⲗⲟⲥ ⲧⲏⲣⲟⲩ . |
Text view
•
Download CoNNL-U