| s-301
| كاتېر كۆلنى بىر ئايلىنىپ بولغاندىن كىيىن قىرغاققا قايتتى. |
| s-302
| كاتېردىن چۈشۈۋېتىپ، كۆل گىرۋىكىدە لەيلەپ تۇرغان مىنېرال سۇ بوتۇلكىسىنى كۆرۈپ قېلىپ ئۇنى ئېلىۋەتتىم. |
| s-303
| دولقۇن قىرغاققا ئۇرۇلۇپ ماڭا سۇ چاچراتتى. |
| s-304
| بۇنى كۆرگەن سىڭلىم قاقاقلاپ كۈلۈپ: _ ئاكا، كۆل سىزگە رەھمەت ئېيتىۋاتىدۇ. _ دېدى. |
| s-305
| بۇنىڭدىن يۈز نەچچە يىل ئىلگىرى، ئەنگىلىيىدە دارۋىن ئىسىملىك بىر ئالىم ئۆتكەن. |
| s-306
| بىر قېتىم دارۋىن كېمە بىلەن تىنچ ئوكياندىكى بىر كىچىك ئارالغا تەكشۈرۈشكە بارىدۇ. |
| s-307
| ئۇ ئارالدىكى ھاشاراتلارنىڭ بەزىلىرىنىڭ قانىتى چوڭ، بەزىلىرىنىڭ قانىتى يوق ئىكەنلىكىنى كۆرۈپ، بەكلا غەلىتىلىك ھېس قىلىدۇ. |
| s-308
| دارۋىن ھەرخىل ھاشاراتلارنى تۇتۇپ كېلىپ، قايتا - قايتا كۆزىتىدۇ، سېلىشتۇرىدۇ، ئاخىرى بۇنىڭدىكى سىرنى تاپىدۇ. |
| s-309
| ئەسلىدە، بۇ ئارالدا دائىم بوران چىقىپ تۇرسىمۇ، قانىتى يوق ھاشاراتلارنى ئۇچۇرۇپ كېتەلمەيدىكەن. |
| s-310
| شۇڭا، ئۇلارنىڭ ئۆلۈش ئېھتىمالى ئانچە چوڭ ئەمەسكەن. |
| s-311
| قانىتى ئالاھىدە چوڭ ھاشاراتلار بورانغا بەرداشلىق بېرەلەيدىغان بولغاچقا ھايات قالغان ئىكەن. |
| s-312
| ئۇۋال بولغىنى، قانىتى چوڭ بولمىغان ھاشاراتلار بولۇپ، ئۇلار ئۇچالىغىنى بىلەن بورانغا بەرداشلىق بېرەلمەيدىكەن. |
| s-313
| شۇڭا يوقىلىپ كەتكەن ئىكەن. |
| s-314
| بۇ قىزىقارلىق بايقاش دارۋېننىڭ كىيىنكى تەتقىقاتىدا ئىنتايىن مۇھىم رول ئوينىغان. |
| s-315
| مەن ئۆزگىرەلەيمەن. |
| s-316
| ئاپتاپتا ھورغا ئايلىنىمەن. |
| s-317
| ئاسمانغا كۆتۈرۈلۈپ سانسىز كىچىك تامچىلارغا ئايلىنىمەن. |
| s-318
| ھاۋادا ساياھەت قىلىمەن. |
| s-319
| بەزىدە ئاق، بەزىدە قارا كىيىنسەممۇ، ئەتىگەن ھەم كەچتە قىزىل كىيىنىمەن. |
| s-320
| بۇنداق چاغلاردا ئادەملەر مېنى < بۇلۇت > دەيدۇ. |
| s-321
| مەن ئاسماندا ئەگىپ يۈرگەندە سوغۇق شامالغا ئۇچراپ قالسام، ئۇششاق تامچىلارغا ئايلىنىپ يەرگە چۈشىمەن. |
| s-322
| بۇ چاغدا كىشىلەر مېنى < يامغۇر > دەيدۇ. |
| s-323
| قىش كۈنلىرى كىچىك ئاق چېچەككە ئايلىنىپ، ئۇچقۇنداپ يەرگە چۈشسەم، كىشىلەر مېنى < قار > دەيدۇ. |
| s-324
| بەزىدە مارجاندەك ئاپئاق مۇز بولۇپ چۈشسەم، كىشىلەر مېنى < مۆلدۈر > دەيدۇ. |
| s-325
| كۆپىنچە كۆللەردە ئۇخلايمەن، ئېرىقلاردا ساياھەت قىلىمەن، دەريالاردا ئۆركەش ياسايمەن، دېڭىزلاردا ناخشا ئېيتىمەن ھەم ئۇسسۇل ئوينايمەن. |
| s-326
| بەزى چاغلاردا بەكلا مۇلايىم، بەزى چاغلاردا تەلۋىلىشىپ كېتىمەن. |
| s-327
| مەن ياخشى ئىشلارنىمۇ كۆپ قىلدىم. |
| s-328
| ئېتىزلارنى سۇغىرىپ، ماشىنىلارنى ھەركەتلەندۈرۈپ ئىنسانلارغا ياردەملەشتىم. |
| s-329
| لېكىن، مەن قىلغان يامان ئىشلارمۇ ئاز ئەمەس. |
| s-330
| زىرائەتلەرنى چۆكتۈرۈپ، ئۆيلەرنى ئۆرۈپ ئىنسانلارغا ئاپەت ئېلىپ كەلدىم. |
| s-331
| كىشىلەر مېنى يامان ئىشتىن توسۇپ، ياخشى ئىشقا سېلىش ئۈچۈن كۆپ ئەقىل ئىشلىتىپ، ئوبدان چارىلەرنى تاپماقتا. |
| s-332
| ساۋاقداشلار، بىلەمسىلەر، مەن زادى نېمە؟ |
| s-333
| كۆپكۆك ئاسمان، ئاپئاق بۇلۇت، ئېگىز تاغ، ئويناق دەريا - ئېقىنلار نەقەدەر گۈزەل - ھە! |
| s-334
| ئانا تەبىئەتنى قوغداش بىزنىڭ بۇرچىمىز. |
| s-335
| بۈگۈن مېنى پارتىدىشىم ئەركىن: < سەن قەلەندەرمۇ؟! > دەپ ئەيىبلىدى. |
| s-336
| ئەسلىدە مەن ئۇ تاشلىۋەتكەن پۇچۇق ئۆچۈرگۈچنى يەردىن ئېلىپ، قەلەمدېنىمغا سېلىۋالغان ئىدىم. |
| s-337
| ئەركىن بۇ ئىشنى كۆرۈپ قالغان چېغى. |
| s-338
| مەن: _ ئاداش، بۇ ئۆچۈرگۈچنى يەنە ئىشلەتكىلى بولىدىكەنغۇ؟ _ دېدىم. |
| s-339
| ئەركىن بالىلارغا: _ ئاڭلىمىدىم دېمەڭلار! بۈگۈندىن باشلاپ تاشلىۋېتىدىغان ئەسكى - تۈسكىلىرىڭلار بولسا غەيرەتكە بېرىڭلار! _ دەپ توۋلىدى. |
| s-340
| بالىلار پاراققىدە كۈلۈشۈپ كېتىشتى. |
| s-341
| مەن ئىسراپچىلىققا ئۆچ. رەھمەتلىك بوۋام دائىم ماڭا: < ئىسراپچىلىق قىلسا يامان بولىدۇ > دەيتتى. |
| s-342
| شۇڭا، مەن پۇچۇق ئۆچۈرگۈچنى ئۆزۈم ئىشلىتىپ، يېڭى ئۆچۈرگۈچۈمنى نامرات ساۋاقدىشىم يۇلتۇزغا بېرەي، دەپ ئويلاۋاتىمەن. |
| s-343
| سۆيۈملۈك بوۋا، بۇ قىلغىنىم توغرىمۇ؟ |
| s-344
| مەكتىپىمىزدە نامرات رايوندىكى بالىلارغا ئىللىقلىق يەتكۈزۈش پائالىيىتى ئېلىپ بېرىلدى. |
| s-345
| بالىلار بەس – بەستە كىيىم - كېچەك، كىتاب - ژۇرناللارنى ئىئانە قىلدى. |
| s-346
| مەنمۇ پاكىز ساقلىغان كىيىملىرىمنى، كىتابلىرىمنى، يەنە ئۇزاقتىن بېرى يىغىپ كەلگەن 50 يۈەن پۇلۇمنى مۇئەللىمگە تەڭلىدىم. |
| s-347
| _ بۇ پۇلنى نەدىن تاپتىڭىز! - دېدى مۇئەللىم. |
| s-348
| بۇ چاغدا ئەركىن: _ غەيرەتجان بەكمۇ تېجەشلىك، ئۇ بىزنىڭ ئۆگىنىش ئۈلگىمىز، - دېدى. |
| s-349
| بالىلار ماڭا قىزغىن ئالقىش ياڭراتتى. |
| s-350
| بوۋا، شۇ تاپتا سىز ماڭا كۈلۈمسىرەپ قاراۋاتقاندەك بىلىندىڭىز. |
| s-351
| ئەركىن ئاغرىپ، دوختۇرخانىدا يېتىپ قالغانىدى. |
| s-352
| ئۇ يۇقۇملۇق كېسەلگە گىرىپتار بولۇپ قالغاچقا، دوختۇرخانىنىڭ تۈزۈمى بويىچە كېسەل يوقلىغۇچىلار ياتاققا كىرگۈزۈلمەيتتى. |
| s-353
| ئۇنىڭمۇ سىرتقا چىقىشىغا رۇخسەت قىلىنمايتتى. |
| s-354
| ئەركىن كارىۋاتتا دېرىزىگە قاراپ ياتاتتى. |
| s-355
| بىنانىڭ ئۈچىنچى قەۋىتىدىن نېمىنى كۆرگىلى بولىدۇ دەيسىز. |
| s-356
| ئۇدۇلدىكى بىنا ۋە ئاسماننىڭ بىر بۇرجىكىدىن باشقا ھېچنېمىنى كۆرگىلى بولمايتتى. |
| s-357
| ئۇ يېتىۋېرىپ ناھايىتى زېرىكتى. |
| s-358
| توساتتىن بىر قىزىل شار لەيلەپ، دېرىزە ئالدىغا كېلىپ توختىدى. |
| s-359
| شار بىردەم تىنچ تۇرغاندىن كىيىن بىر كۆتۈرۈلۈپ، بىر پەسىيىشكە باشلىدى. |
| s-360
| بۇ نېمە ئىشتۇ؟ |
| s-361
| ئەركىن سەپسېلىپ قارىدى. |
| s-362
| شارغا ئوماق بىر بالىنىڭ كۈلۈپ تۇرغان يۈز سۈرىتى سىزىلغانىدى. |
| s-363
| ئۇ بۇ ئىشنىڭ سىرىنى بىلدى، كۆڭلىدە: < بۇ چوقۇم ھەسەننىڭ تاپقان چارىسى > دەپ ئويلىدى. |
| s-364
| ئۇ ساۋاقداشلىرىنىڭ يوقلاپ كەلگەنلىكىنى بىلدى. |
| s-365
| ئەركىننىڭ كۆڭلى خېلى كۆتۈرۈلۈپ قالدى. |
| s-366
| ئۇ ھەسەننىڭ شار يىپىنى ھە دەپ تارتىۋاتقانلىقىنى، ئۇنىڭ ئەتراپىدا بىر نەچچە ساۋاقدىشىنىڭ ئۇنى - بۇنى دېيىشىپ چۇرقىرىشىۋاتقانلىقىنى كۆرگەندەك بولدى. |
| s-367
| ئەركىن دېرىزىدىن كۆرۈنۈپ تۇرغان < ئوماق بالا > غا قارىغىنىچە كۈلۈپ كەتتى. |
| s-368
| ئەگەر مېنىڭ خىسلەتلىك بويىقىم بولغان بولسا، نۇرغۇن نەرسىلەرنى سىزىپ، ھاجەتمەن كىشىلەرگە بەرگەن بولاتتىم. |
| s-369
| كىشىلەر ئۆزئارا كۆيۈنۈشنى تېخىمۇ بىلسىدى، دۇنيا تېخىمۇ گۈزەللىشىپ كەتكەن بولاتتى. |
| s-370
| ھايۋانات پادىشاھى شىر ھايۋانلار ئىچىدىن ئۆزىگە ئىزباسار تاللىماقچى بوپتۇ. |
| s-371
| ئۇ: _ ھازىردىن باشلاپ، ھەممىڭلار بىر ھەپتىدىن ئالمىشىپ پادىشاھ بولىسىلەر، كىم ياخشى ئىشلىسە، شۇ پادىشاھ بولىدۇ! _ دەپ جاكارلاپتۇ. |
| s-372
| بىرىنچى قېتىم مۈشۈكياپىلاق ۋەزىپىگە ئولتۇرۇپتۇ. |
| s-373
| ئۇ ئۆزىنىڭ پادىشاھ بولغانلىقىدىن پەخىرلەنگەن ھالدا بۇيرۇق چۈشۈرۈپتۇ. |
| s-374
| _ بۇگۈندىن باشلاپ، ھەممىڭلار ماڭا ئوخشاش كۈندۈزى دەم ئېلىپ، كېچىسى ئىشلەيسىلەر! _ دەپتۇ. |
| s-375
| كۆپچىلىك غۇلغۇلا قىلىشىپتۇ. |
| s-376
| بىراق بۇيرۇققا بويسۇنۇشقا مەجبۇر بوپتۇ. |
| s-377
| ھايۋانلار بىر ھەپتىلىك جاپالىق تۇرمۇشنى بېشىدىن كەچۈرۈپتۇ. |
| s-378
| ئىككىنچى ھەپتىسى كىنگورۇ ۋەزىپىگە ئولتۇرۇرۇپتۇ. |
| s-379
| ئۇ ھاياجانلانغان ھالدا: _ ھازىردىن باشلاپ، ھەممىڭلار يول يۈرگەندە ماڭا ئوخشاش سەكرەپ ماڭىسىلەر! _ دەپتۇ. |
| s-380
| كۆپچىلىك كىنگورۇنىڭ گېپىنى ئاڭلاپ باشلىرىنى چايقاپتۇ. |
| s-381
| لېكىن ئىلاجىسىز سەكرەپ مېڭىشقا مەجبۇر بوپتۇ. |
| s-382
| ئۈچىنچى ھەپتىسى پادىشاھ بولۇش نۆۋىتى مايمۇنغا كەپتۇ. |
| s-383
| كۆپچىلىك: < ئۇ، ھەممىڭلار كۈن بويى دەرەخنىڭ ئۈستىدە شاختىن - شاخقا سەكرەپ يۈرىسىلەر، دەپ بۇيرۇق قىلارمۇ؟ > دېيىشىپ ئەندىشە قىلىشىپتۇ. |
| s-384
| ئويلىمىغان يەردىن مايمۇن: بۈگۈندىن باشلاپ، ھەممىڭلار ئۆزۈڭلارنىڭ ئادىتى بويىچە تۇرمۇش كەچۈرۈڭلار! _ دەپتۇ. |
| s-385
| بۇ گەپنى ئاڭلاپ كۆپچىلىك خۇشاللىقىدىن سەكرىشىپ كېتىپتۇ. |
| s-386
| شىر كۈلۈمسىرىگەن ھالدا: _ ئەمدى نۆۋەت ئالمىشىشنىڭ ھاجىتى قالمىدى، مەن شۇنى جاكارلايمەنكى، بۈگۈندىن باشلاپ، مايمۇن ھايۋانات پادىشاھى بولىدۇ! _ دەپتۇ. |
| s-387
| تاڭ سەھەردە كىرپە ئورمانلىققا مېۋە تەرگىلى مېڭىپتۇ. |
| s-388
| ئۇ يول بويىدا بىر بورسوقنىڭ ئورۇندۇق ياساۋاتقانلىقىنى كۆرۈپتۇ. |
| s-389
| بورسوق ئۈچ ئورۇندۇقنى ياساپ بولغان ئىكەن. |
| s-390
| ئورۇندۇقلار قوپال بولسىمۇ، بىراق بورسۇقنىڭ خېلى ئەجىر قىلغانلىقى بىلىنىپ تۇرىدىكەن. |
| s-391
| كىرپە بىر ئورۇندۇقنى قولىغا ئېلىپ سىنچىلاپ قاراپ: _ بورسۇقجان، ھەقىقەتەن قولۇڭدىن ئىش كېلىدىكەن، بۇلارنى بىر - بىرىدىن ياخشى ياساپسەن! - دەپتۇ. |
| s-392
| _ راستمۇ؟ - دەپتۇ بورسوق خۇشال بولۇپ. |
| s-393
| كەچقۇرۇن كىرپە قىپقىزىل ئالمىلارنى يۈدۈپ ئۆيىگە قاراپ مېڭىپتۇ. |
| s-394
| بورسۇق كىرپىنى كۆرۈپ خۇشخۇيلۇق بىلەن ئۇنىڭ ئالدىغا بېرىپتۇ، ئاندىن ئۇنىڭغا بىر ئورۇندۇق سوۋغا قىپتۇ. |
| s-395
| كىرپە ئوڭايسىزلانغان ھالدا: _ مەن ساڭا ياردەملەشمىگەن تۇرسام، ئورۇندۇقۇڭنى ئالسام قانداق بولىدۇ؟ - دەپتۇ. |
| s-396
| بورسۇق كىرپىنىڭ قولىنى تۇتۇپ: - مەن ئورۇندۇق ياساشنى ئۆگىنىۋاتقان ۋاقتىمدا، سەن ماڭا مەدەت بەردىڭ. قارا، مەن ئورۇندۇق ياسىيالايدىغان بولدۇم. بۇ مېنىڭ كۆڭلۈم، قوبۇل قىلغىن، _ دەپتۇ. |
| s-397
| كىرپە ئىككى تال ئالمىنى بورسۇققا سۇنۇپ: _ ئالغىن بۇمۇ مېنىڭ كۆڭلۈم! _ دەپتۇ. |
| s-398
| بورسۇق ئالمىنى ئېلىپ: _ پاھ! مەن بۇنداق ئېسىل ئالمىنى زادىلا كۆرۈپ باقماپتىكەنمەن! - دەپتۇ. |
| s-399
| كىرپە خۇشال بولۇپ: _ رەھمەت ساڭا! بۇ سۆزۈڭ ھاردۇقۇمنى چىقاردى، _ دەپتۇ. |
| s-400
| لۇتپۇللا كىچىكىدىن تارتىپلا ھېكايە - چۆچەك ئاڭلاشقا ئامراق ئىدى. |