| s-102
| Tõzz ij šõõdd šiõǥǥ jieʹllem, mutta kååʹtt ko peäʹl väldd tai kuälmõõzz ko väldd ni tõt lij reeʹǧǧesvuõtt ja šiõǥǥ jieʹllem lij tõn oummust. |
| s-103
| Joo mon tõn räjja teâđam, jäänab jiõm tieʹđ. |
| s-104
| Mutta mon jiõm muuʹšt mainsted puârast. |
| s-105
| Niõđâž âʹpet lij, de toʹben lij ääkkaž de tõn ääkka håiddmen âma lij niõđâž di ... tõk liâ teâđast dõõk... a hoiʹddje toʹben ... |
| s-106
| Leäi, leäi di âʹpet ooumaž lij tõn niõđ teâđstam di son tõn niõđ vuõddmâstõlškuõʹđi ja sitten son mâŋŋa vaaʹldi kaavân. |
| s-107
| Näʹde järraz âʹtte gõs tõn ääkka kâʹčče, što koʹst lij ja mäʹhtt lij tõt nijdd šât. |
| s-108
| Son ceälkk, son ij tieʹđ, näʹde måttam liâ teâđstam teâđast että kuuskõõzz liâ tõn niõđ välddam, de mâiʹd toʹb rõssad ni måttam liâ teâđstam. |
| s-109
| No kâʹčče, kâʹčče: |
| s-110
| “Mâiʹd ääkka niõđâž rõssad?” |
| s-111
| – ”Ääkka niõđâž ij ni mâiʹd, ääkka niõđâž pâi peeiʹvin da mannuin seârr, kåʹllkåʹđđnjõõzzid kååđđ.” |
| s-112
| De âʹpet nuʹt-i jälsteškuäʹtte, jälste, jälste. |
| s-113
| Âʹpet toʹb da måttam vuâra aalmi-han kâʹl jåått da teâtt. |
| s-114
| Mâŋŋa teâđsti di tõid teâđstââll što mâiʹd tõt nijdd rõssad. |
| s-115
| A pâi ceäʹlǩǩe, što ääkka niõđâž kåʹllkåʹđđnjõõzzid kååđđ, miõtt-talkknid kâʒʒ, kåʹllkåʹđđnjõõzzid kååđđ, peeiʹvin da mannuin seârr. |
| s-116
| Leäi kueʹhtt viillj liâ de õhtt nijdd lij. |
| s-117
| Õhtt vuäʹbb lij seeʹst. |
| s-118
| Di sij koozz vueʹlǧǧe, de puk vuäbbses poʹhtte põʹrtte. |
| s-119
| Čääʹʒʒid di muõrid di puk poʹhtte, vuäʹbbes i-ǥõl ni koʹst jååʹtted. |
| s-120
| No måttmešt vaʹldde... de liâ čääʹʒʒtää kuâđđam, čääʹʒʒ jeäʹla kuâddam. |
| s-121
| Jiijj puäʹtte... kuätta puäʹtte, čuõvv ij kueʹst. |
| s-122
| Nuʹbb ceälkk: |
| s-123
| ”Čuõvv ij kueʹst, leäk-a dõõn... čääʹʒʒ kuõʹddiǩ jiõk?” |
| s-124
| Nuʹbb ceälkk: ”Mon jiõm kuâddam čääʹʒʒ.” |
| s-125
| – ”Na teʹl kâʹl vuäbbam iʹlla go jo čääʹʒʒ jiõk leäkku kuâddam.” |
| s-126
| Puõʹtte âʹtte põʹrtte ja mõʹnne čääʹcckaʹlddi luzz. |
| s-127
| Čääʹccskääll pâi åårr tõʹst jiõŋ âʹlnn. |
| s-128
| Stäʹlmmstääll lij välddam tõn niõđ, stäʹlmmstääll niõđ lij välddam. |
| s-129
| Näʹde nuʹbb villj näʹde čõõnõõđškuõʹđi. |
| s-130
| Mii leežž nåkkam peästtõõǥǥid koozz-a čõõnõõđi, čõõnõõđi. |
| s-131
| Čõõnõõđi âʹtte jiõčč di tõn nuuʹbb viʹllje ceälkk: ton ååʹn õõk lueʹštškueʹtted suu tok. |
| s-132
| Di tut nuʹbb âʹtte lueʹšti, lueʹšti, lueʹšti di peästtõõǥǥ puʹtte. |
| s-133
| Ceälkk: ”Mâŋŋa õõk ǩieʹssed mååusat.” |
| s-134
| Lueʹšti âʹtte di peästtõõǥǥ puʹtte. |
| s-135
| Näʹde son mååusat ǩieʹzzškuõʹđi, mååusat ǩieʹzzi, ǩieʹzzi, ǩieʹzzi, ǩieʹzzi da vuõssmõõzzâst puõʹđi vuäʹbbes. |
| s-136
| Kââčč, ceälkk: ”Mii vâl lij?” |
| s-137
| Ceälkk: ”Teäʹǧǧčuʹǩǩ lij.” |
| s-138
| Ǩieʹzzi, ǩieʹzzi, ǩieʹzzi teäʹǧǧčuʹǩǩ puõʹđi. |
| s-139
| ”Mii vâl lij?” |
| s-140
| – ”Heävaš lij.” |
| s-141
| Ǩieʹzzi, ǩieʹzzi, ǩieʹzzi di heävaš puõʹđi. |
| s-142
| ”Mii vâl lij?” |
| s-143
| Rââst peästtõõǥǥ čõõʹcǩi, tõt vuõʹlji eʹpet koozz leežž. |
| s-144
| Täk puõʹtte kâʹl. |
| s-145
| Eʹpet tõt mõõni, mõõni, mõõni tõt villjâs di mõõni väʹst, tok-i mõõni koozz leežž tõt. |
| s-146
| De ceäʹlǩǩe što ääkka årra mõõni... |
| s-147
| ”Mii oummust lij jieʹtt”. |
| s-148
| ”A mon jiõm ni vuâmmšõõttâm mååusat tok koʹst vuõʹlǧǧem go... puõʹttem âʹtte ni.” |
| s-149
| – ”No mâiʹd ton täättak?” |
| s-150
| – ”A heäppaž, muʹnne õõlǥči heävaš.” |
| s-151
| Ääkkaž ceälkk: ”Mõõnžiǩ tok stallju... |
| s-152
| Mõõnžiǩ, di kååʹtt heävaš ǩiʹcstež tuu ool de tõn õõk i väʹldded.” |
| s-153
| Son mõõni heävašstallju, ǩiiččii, ǩiiččii. |
| s-154
| Siõm heäppaž ââlǥaž ǩiʹcsti suu ool, tõn vaaʹldi... ij välddam. |
| s-155
| Son puõʹđi, ceälkk što: ”Mäʹhtt mon tõn vääldam ko dõõt occkaž lij čuuʹt.” |
| s-156
| No son ceälkk: ”Håʹt muʹvddem heävaš ǩiʹcstež di väʹldded õõk tõn.” |
| s-157
| De son vaaʹldi, mõõni di heävaš ǩiʹcsti di de son vaaʹldi, ǩeässti di vuejjli. |
| s-158
| Vuejai, vuejai, vuejai, vuejai de dõõzz-e stäʹlmmstääll kuäʹđ ool vuejai, Toʹben uʹrčče päärna ... |
| s-159
| ”Jeänn’jam puõʹđi.” |
| s-160
| – ”Mõõnnâd, mõõnnâd mååusat, mon jeänn’jad pooutam, mõõnnâd mõõnnâd.” |
| s-161
| Päärna mõʹnne mååusat. |
| s-162
| Nijdd leäi tõt... võʹll’ji... ij võʹll’jam. |
| s-163
| Eiʹdde vuõʹlji di stäʹlmmstääll puõʹđi di suʹst rikstääuta njimsti rââst. |
| s-164
| Son âʹpet mâʹte vuäđđji deǥo. |
| s-165
| Ääkkaž puõʹđi, puk jieʹlličaaʹʒʒin da mõin leežž pååusai, pååusai. |
| s-166
| Puârrni di kaggstõõđi, ceälkk: |
| s-167
| ”Oho kuuʹǩǩ leäm vuäʹđstam.” |
| s-168
| – ”Leʹjjiǩ tâma vueʹđđed jeällam mon talkkâm”. |
| s-169
| Son âʹpet: ”Mâiʹd ooumaž tätt?” |
| s-170
| A ooumaž tätt eʹpet heävaš õõlǥči. |
| s-171
| De son âʹtte mõõni, kuälmad vuâra juʹn mõõni, mõõni de sami siõm heäppaž ââlǥaž ǩiʹcsti. |
| s-172
| Na son vaaʹldi tõn, na kâʹl son väldd. |
| s-173
| Viiǥǥi ääkk årra, ääkkaž njauksti vuâr sieʹlj di jõnn šõõddi, nuuʹbb vuâra njauksti di vâl šuurab, kuälmad vuâra di jõnn heäppšen pâi påʹʒʒlõõđi. |
| s-174
| Ceälkk: ”Tän õõk ǩeässted.” |
| s-175
| Tõn ǩeässti de tõin vuõʹlji... |
| s-176
| Mõõni âʹtte âʹpet tok stäʹlmmstääl kuäʹđ ool. |
| s-177
| Mõõni di nijdd tõt pâi võʹll’ji saani ool... |
| s-178
| Ij, tieʹrmes, tieʹrmes âʹtte lij... |
| s-179
| Ij ko villjâs, tõt-i lij tõt kååʹtt ko kuâđđji tõt villj, tõt-i lij. |
| s-180
| Tõt tõn âʹtte vaaʹldi, vuejjli âʹtte vuejai, vuejai. |
| s-181
| Âʹpet uuʹrčsti, uuʹrčsti, uuʹrčsti stäʹlmmstääll... de suʹst... son šõõddi... son čuäʹjat... mõõni, mõõni, mõõni di triâŋggân. |
| s-182
| Ceälkk suu... stäʹlmmstääll... čuäʹjtõõđi triâŋggân, äʹn suu triâŋggân vaʹldde. |
| s-183
| ”Tõn ääiʹtest õõk jieʹlled, tõʹst õõk jieʹlled, tõʹst, tõʹst jiõk õõlǥ jieʹlled, tõʹst jiõk õõlǥ jieʹlled ja tõʹst jiõk õõlǥ jieʹlled, koummân ääiʹtest õõk jieʹlled, kooumâst jiõk õõlǥ jieʹlled.” |
| s-184
| Son dõnnääkk, mii son lij ko toʹb ij lueʹšt jååʹtted. |
| s-185
| Jälste, jälste âʹtte mõõn kuuʹǩǩ leežž. |
| s-186
| Leäi, leäi de son mâânn ǩiččâd tõid aaiʹtid. |
| s-187
| Mõõni ǩiččâd... |
| s-188
| Tieʹrmes åårr pâjspõõđi čõnnum košklõõvvâm, son âʹtte čääʹʒʒ uuʹdi teärmmsa, poorti. |
| s-189
| Âʹpet puõʹtte ceäʹlǩǩe: ”Ton čuõppõõllâd õõk.” |
| s-190
| Ceäʹlǩǩe: ”Ton, vot miʹjjid, vot miʹjjid i dõõt ... triâŋgg, vot miʹjjid i triâŋgg.” |
| s-191
| Âʹpet tõn triâŋgâs vaʹldde... |
| s-192
| Ij, vuõššân ceäʹlǩǩe: ”Vot miʹjjid vueʹǯǯ”. |
| s-193
| – ”Jeäʹled cieʹlǩ vueʹǯǯ mutta triâŋgg.” |
| s-194
| – ”Vot miʹjjid i triâŋgg, vot miʹjjid triâŋgg.” |
| s-195
| Triâŋgâs âʹtte viʹǩǩe di âʹpet jiijj vuõʹlǧǧe. |
| s-196
| Di son âʹtte mõõni måttam äitta di dõõt heävaš åårr pâjspõõđi, košklõõvvâm. |
| s-197
| Tõn pieʹsti di poorti. |
| s-198
| De leäi, leäi de kuälmad äitta mõõni di caar nijdd åårr čõnnum âʹpet toʹb. |
| s-199
| Di tõn poorti di tõt mättʼti... |
| s-200
| Tieʹrmes ceälkk što ååʹn õõk, ååʹn õõk väʹldded veäʹšǩǩčåkkam, leeik ja vieʹččer... ij, viʹlǧǧes reeʹppiǩ. |
| s-201
| No inn šõõddi, tuk âʹtte vuäđđje puk ... stäʹlmmstääll... dõõk leʹjje, vuäđđje. |