| s-601
| ᠸᡝᡞᠯᡝᠷᠠᠨ ᠮᡝᠶᡝᠨ ᡞ᠋ ᡥᠠᠯᡥᡡᠨ ᡧᠠᡥᡡᠷᡠᠨ ᠪᡝ ᡫᠣᠨᡪᡞᠷᡝ ᠪᡝ ᡩᠣᠨᡪᡞᡥᠠᡩᡝ ︐ ᡨᠠᡪᡞᡤᡠᠯᡞ ᡝᠶᡠᠨ ᡠᠮᡝᠰᡞ ᠠᠴᡞᡢᡤᡞᠶᠠᠪᡠᡫᡞ ︐ ᠶᠠᠰᠠᡞ ᠮᡠᡣᡝ ᡣᠠᠮᠴᡞᠮᡝ ᠸᡝᡞᠯᡝᠷᠠᠨ ᠮᡝᠶᡝᠨ ᡞ᠋ ᠮᡠᡪᡞᠯᡝᠨ ᡨᠠᡨᠠᡧᠠᡥᠠ ᡪᠠᡞ ᠠᡞᠰᡞᠯᠠᡥᠠ ᡩᡝ ᠪᠠᠨᡞᡥᠠᠯᠠᡥᠠ ︒ |
| s-602
| ︽ ᡨᠠᡞ ᠸᠠᠨ ᡝᠮᡠ ᡥᡝᡫᡝᠯᡞᡢᡤᡡ ᡩᡝ ᡠᠯᡥᡞᠪᡠᠷᡝ ᠪᡞᡨᡥᡝ ︾ ᠪᡝ ᠰᡝᠯᡤᡞᠶᡝᡥᡝ 40 ᠪᠠᠷᡠᠨᡞᠶᠠ ᠪᡝ ᡝᡪᡝᡨᡠᠯᡝᠷᡝ ᡞᠰᠠᠨ ᠪᡝ ᠪᡝᡞᡪᡞᠨᡤ ᡩᡝ ᡠᡪᡝᠨ ᡪᡞᠷᠠᠮᡞᠨ ᡞ᠋ ᠶᠠᠪᡠᠪᡠᡥᠠ |
| s-603
| ᠰᡞ ᡪᡞᠨ ᡦᡞᡢ ᡝᡪᡝᡨᡠᠯᡝᠷᡝ ᡞᠰᠠᠨ ᡩᡝ ᡨᡝᡣᡠᠯᡝᠮᡝ ᠣᠶᠣᡢᡤᠣ ᡤᡞᠰᡠᠨ ᡪᡞᠶᠠᡢᠨᠠᡥᠠᠪᡞ |
| s-604
| ︽ ᡨᠠᡞ ᠸᠠᠨ ᡝᠮᡠ ᡥᡝᡫᡝᠯᡞᡢᡤᡡ ᡩᡝ ᡠᠯᡥᡞᠪᡠᠷᡝ ᠪᡞᡨᡥᡝ ︾ ᠪᡝ ᠰᡝᠯᡤᡞᠶᡝᡥᡝ 40 ᠪᠠᠷᡠᠨᡞᠶᠠ ᠪᡝ ᡝᡪᡝᡨᡠᠯᡝᠷᡝ ᡞᠰᠠᠨ ᠪᡝ 1 ᠪᡞᠶᠠᡞ ᡞᠴᡝ 2 ᡩᡝ ᠨᡞᠶᠠᠯᠮᠠ ᡞᠷᡤᡝᠨ ᠠᠮᠪᠠ ᡞᠰᠠᠨ ᡨᠠᡢᡤᡞᠨ ᡩᡝ ᡠᡪᡝᠨ ᡪᡞᠷᠠᠮᡞᠨ ᡞ᠋ ᠶᠠᠪᡠᠪᡠᡥᠠ ︒ |
| s-605
| ᡪᡠᡢᡤᡠᡢ ᡪᡠᡢᠶᠠᡢ ᡠᡥᡝᠷᡞᠯᡝᡥᡝ ᡧᡠᡪᡞ ︑ ᡤᡠᠷᡠᠨ ᠪᠣᠣ ᡪᡠᠰᡞ ︑ ᡪᡠᡢᠶᠠᡢ ᠴᠣᠣᡥᠠᡞ ᠸᡝᡞ ᠶᡠᠸᠠᠨ ᡥᡡᡞ ᡪᡠᠰᡞ ᠰᡞ ᡪᡞᠨ ᡦᡞᡢ ᡝᡪᡝᡨᡠᠯᡝᠷᡝ ᡞᠰᠠᠨ ᡩᡝ ᡨᡝᡣᡠᠯᡝᠮᡝ ᡣᡝᠮᡠᠨᡞ ᠣᠶᠣᡢᡤᠣ ᡤᡞᠰᡠᠨ ᡪᡞᠶᠠᡢᠨᠠᡥᠠᠪᡞ ︐ ᠮᠠᡫᠠᡤᡠᠷᡠᠨ ᡞ᠋ ᠨᡞᠶᠠᠯᠮᠠ ᡞᠷᡤᡝᠨ ᠪᡝ ᡫᡠᠨᡩᡝᠯᡝᡫᡞ ︐ ᠣᠨᠴᠣ ᡝᠯᡤᡞᠶᡝᠨ ᡨᠠᡞ ᠸᠠᠨ ᡝᠮᡠ ᡥᡝᡫᡝᠯᡞᡢᡤᡡ ᡞ᠋ ᠪᠠᠷᡠ ᡠᠨᡝᡢᡤᡞ ᡥᠠᠯᡥᡡᠨ ᡞ᠋ ᡝᠯᡥᡝ ᠰᠠᡞᠨ ᡫᠣᠨᡪᡞᠷᡝ ᡪᠠᡞ ᠮᡠᡪᡞᠯᡝᠨ ᡩᡝᠷᡞ ᡪᠠᠯᠪᠠᠷᡞᠷᡝ ᠪᡝ ᡞᠰᡞᠪᡠᡥᠠ ︒ |
| s-606
| ᠰᡞ ᡪᡞᠨ ᡦᡞᡢ ᡩᡝᠰᡠᡢᡤᡞᠶᡝᠯᡝᠮᡝ ︐ ᠨᡝ ᠪᡝ ᡪᠠᡫᠠᡨᠠᠮᡝ ᠣᠮᠪᡞ ︐ ᡪᡞᡩᡝᠷᡞ ᠪᡝ ᡫᡠᡣᡪᡞᠯᡝᠮᡝ ᠣᠮᠪᡞ ︒ |
| s-607
| ᡞᠴᡝ ᡝᠷᡞᠨ ᡪᠠᠯᠠᠨ ᠣᠴᡞ ᡪᡠᡢᡥᡡᠸᠠ ᡠᡣᠰᡠᠷᠠᡞ ᠠᠮᠪᠠ ᠪᠠᡩᠠᠷᠠᠮᡝ ᠠᠮᠪᠠ ᡫᠠᡧᡧᠠᠨ ᠪᡞᠰᡞᠷᡝ ᡝᠷᡞᠨ ᡪᠠᠯᠠᠨ ︐ ᡤᡝᠯᡞ ᠣᠴᡞ ᡪᡠᠸᡝ ᡝᡣᠴᡞᠨ ᡞ᠋ ᡝᠮᡠ ᡥᡝᡫᡝᠯᡞᡢᡤᡡ ᠠᠮᠪᠠ ᠪᠠᡩᠠᠷᠠᠮᡝ ᠠᠮᠪᠠ ᡫᠠᡧᡧᠠᠨ ᠪᡞᠰᡞᠷᡝ ᡝᠷᡞᠨ ᡪᠠᠯᠠᠨ ᡞᠨᡠ ︒ |
| s-608
| ᡪᡠᠯᡝᠰᡞ ᡞᠪᡝᡩᡝᠷᡝ ᡪᡠᡤᡡᠨ ᡨᡝᠨᡨᡝᡣᡝ ᡞᡪᡞᠰᡥᡡᠨ ᠠᡣᡡ ᠣᠴᡞᠪᡝ ︐ ᡩᠠᠮᡠ ᠮᡠᠰᡝ ᡝᠮᡠ ᠮᡠᡪᡞᠨ ᡠᡥᡝᡞ ᡥᡡᠰᡠᠨ ᠣᠮᡝ ︑ ᡝᠮᠪᠠᡩᡝ ᡠᡥᡝᡞ ᡫᠠᡫᡠᠷᡧᠠᠴᡞ ︐ ᡠᡨᡥᠠᡞ ᡨᠣᡣᡨᠣᡫᡞ ᡪᡠᡢᡥᡡᠸᠠ ᡠᡣᠰᡠᠷᠠᡞ ᡥᠣᠷᠣᡢᡤᠣ ᠠᠮᠪᠠᠯᡞᡢᡤᡡ ᡩᠠᡥᡞᠮᡝ ᠶᡝᠨᡩᡝᠷᡝ ᠰᠠᡞᡣᠠᠨ ᡥᠣᡪᠣ ᡪᡞᡩᡝᠷᡝ ᡝᠷᡞᠨ ᠪᡝ ᡠᡥᡝᡞ ᡫᡠᡣᡪᡞᠯᡝᠮᡝ ᠮᡠᡨᡝᠮᡝ ︐ ᡠᡨᡥᠠᡞ ᡨᠣᡣᡨᠣᡫᡞ ᠮᠠᡫᠠᡤᡠᠷᡠᠨ ᡞ᠋ ᡝᠮᡠᠯᡝᠷᡝ ᠠᠮᠪᠠ ᡥᡝᡨᡥᡝ ᠪᡝ ᡧᠠᡢᡤᠠᠪᡠᠮᡝ ᠮᡠᡨᡝᠮᠪᡞ ᠰᡝᡥᡝ ︒ |
| s-609
| ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠴᠠᡢ ᠸᡝᡞ ︑ ᡤᡠᠪᠴᡞ ᡤᡠᠷᡠᠨ ᡰᡝᠨᡩᠠ ᡨᠣᡣᡨᠣᡥᠣ ᠸᡝᡞ ᠶᡠᠸᠠᠨ ᡥᡡᡞ ᠸᡝᡞ ᠶᡠᠸᠠᠨ ᡪᠠᡢ ᠯᡞ ᡪᠠᠨ ᡧᡠ ᡝᡪᡝᡨᡠᠯᡝᠷᡝ ᡞᠰᠠᠨ ᡩᡝ ᡨᡝᡣᡠᠯᡝᡥᡝᠪᡞ ︒ |
| s-610
| ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠴᠠᡢ ᠸᡝᡞ ︑ ᡤᡠᠪᠴᡞ ᡤᡠᠷᡠᠨ ᡪᡝᡢᠰᡞᠶᡝ ᡪᡠᠰᡞ ᠸᠠᡢ ᠶᠠᡢ ᡞᠰᠠᠨ ᠪᡝ ᡪᠠᡫᠠᡨᠠᡥᠠᠪᡞ ︒ |
| s-611
| ᠰᡞ ᡪᡞᠨ ᡦᡞᡢ ᡪᠣᠷᡞᠮᡝ ᡨᡠᠴᡞᠪᡠᠮᡝ ︐ ᠰᡠᡩᡠᠷᡞ ᠪᡝ ᠮᠠᠷᡞᠮᡝ ᡨᡠᠸᠠᠷᠠᡢᡤᡝ ︐ ᠣᠴᡞ ᡝᠨᡝᡢᡤᡞ ᠪᡝ ᠨᡝᡞᠯᡝᠮᡝ ︑ ᠴᡞᠮᠠᠷᡞ ᠪᡝ ᡤᡝᡨᡠᡣᡝᠨ ᡞᠯᡝᡨᡠᠯᡝᠷᡝ ᡪᠠᠯᡞᠨ ︒ |
| s-612
| ᠮᠠᡫᠠ ᡤᡠᠷᡠᠨ ᡠᠷᡠᠨᠠᡣᡡ ᡝᠮᡠᠯᡝᠮᠪᡞ ︐ ᡞᠨᡠ ᡨᠣᡣᡨᠣᡫᡞ ᡝᠮᡠᠯᡝᠮᠪᡞ ︒ |
| s-613
| ᡝᠷᡝ ᠣᠴᡞ 70 ᠠᠨᡞᠶᠠᡞ ᡪᡠᠸᡝ ᡝᡣᠴᡞᠨ ᡥᠣᠯᠪᠣᠪᡠᠨ ᠪᠠᡩᠠᠷᠠᡥᠠ ᡩᡠᠯᡝᠨᡠᠨ ᡞ᠋ ᠰᡠᡩᡠᠷᡞᡢᡤᡝ ᡨᠣᡣᡨᠣᡥᠣ ᠯᡝᠣᠯᡝᠨ ︐ ᡤᡝᠯᡞ ᠣᠴᡞ ᡞᠴᡝ ᡪᠠᠯᠠᠨ ᡪᡠᡢᡥᡡᠸᠠ ᡠᡣᠰᡠᠷᠠᡞ ᡥᠣᠷᠣᡢᡤᠣ ᠠᠮᠪᠠᠯᡞᡢᡤᡡ ᡩᠠᡥᡞᠮᡝ ᠶᡝᠨᡩᡝᠷᡝ ᡨᠣᡣᡨᠣᡥᠣ ᠪᠠᡞᡥᠠᠨᠠᠨ ᡞᠨᡠ ︒ |
| s-614
| ᡪᡠᠸᡝ ᡝᡣᠴᡞᠨ ᡞ᠋ ᡪᡠᡢᡬᠣ ᠨᡞᠶᠠᠯᠮᠠ ︑ ᠮᡝᡩᡝᠷᡞ ᡩᠣᠷᡤᡞ ᡨᡠᠯᡝᠷᡤᡞ ᡪᡠᡢᡥᡡᠸᠠ ᡞ᠋ ᡪᡠᠰᡝ ᡩᠠᠰᡠ ᡤᡞᠶᠠᠨᠨᡞ ᡠᡣᠰᡠᠷᠠᡞ ᠠᠮᠪᠠ ᡪᡠᠷᡤᠠᠨ ᠪᡝ ᡝᠮᠪᠠᡩᡝ ᡠᠨᡠᠮᡝ ︑ ᠰᡠᡩᡠᠷᡞ ᠠᠮᠪᠠ ᠠᠷᠪᡠᠨ ᡩᡝ ᡞᡪᡞᠰᡥᡡᠨ ᠠᠴᠠᠪᡠᠮᡝ ︐ ᡪᡠᠸᡝ ᡝᡣᠴᡞᠨ ᡥᠣᠯᠪᠣᠪᡠᠨ ᡥᡝᠪᡝᡢᡤᡝ ᠪᠠᡩᠠᠷᠠᠷᠠ ︑ ᠮᠠᡫᠠᡤᡠᠷᡠᠨ ᡞ᠋ ᡥᡝᠪᡝᡢᡤᡝ ᡝᠮᡠᠯᡝᠷᡝ ᡞᠪᡝᡩᡝᠷᡝ ᠣᠨ ᠪᡝ ᡠᡥᡝᡞ ᠠᡧᡧᠠᠨᡩᡠᠪᡠᠪᡠᠴᡞ ᠠᠴᠠᠮᠪᡞ ᠰᡝᡥᡝ ︒ |
| s-615
| ᠰᡞ ᡪᡞᠨ ᡦᡞᡢ ᡠᡨᡥᠠᡞ ᡪᡠᠸᡝ ᡝᡣᠴᡞᠨ ᡥᠣᠯᠪᠣᠪᡠᠨ ᡥᡡᠸᠠᠯᡞᠶᠠᠰᡠᠨ ᠪᠠᡩᠠᠷᠠᠷᠠ ᠪᡝ ᠠᡧᡧᠠᠨᡩᡠᠪᡠᠷᡝ ︑ ᠮᠠᡫᠠᡤᡠᠷᡠᠨ ᡝᠮᡠᠯᡝᠨ ᠪᡝ ᡠᠮᡝᠰᡞᠯᡝᠷᡝ ᡩᡝ 5 ᡨᡠᠸᠠᡣᡡᠨ ᠪᡝ ᡨᡞᡞᠯᡝᠮᡝ ᡨᡠᠴᡞᠪᡠᡥᡝ ︒ |
| s-616
| ᡠᡪᡠ ᡩᡝ ︐ ᡤᡝᠯᡞ ᡣᡠᡨᡠᠯᡝᡫᡞ ᡠᡣᠰᡠᠷᠠᡞ ᡩᠠᡥᡞᠮᡝ ᠶᡝᠨᡩᡝᠷᡝ ᠪᡝ ᠠᡧᡧᠠᠨᡩᡠᠪᡠᠮᡝ ︐ ᡥᡡᠸᠠᠯᡞᠶᠠᠰᡠᠨ ᡞ᠋ ᡝᠮᡠᠯᡝᠷᡝ ᡪᠣᠷᡞᠨ ᠪᡝ ᡠᠮᡝᠰᡞᠯᡝᠮᠪᡞ ︒ |
| s-617
| ᡪᠠᡞᡩᡝ ︐ “ ᡪᡠᠸᡝ ᡩᡠᠷᡠᠨ ᡣᡝᠮᡠᠨ ” ᠰᡝᠷᡝ ᡨᠠᡞᠸᠠᠨ ᠠᠷᡤᠠ ᡤᠠᠮᠠᠨ ᠪᡝ ᠰᡞᡥᡝᡧᡝᠮᡝ ᠪᠠᡞᠮᡝ ︐ ᡥᡡᠸᠠᠯᡞᠶᠠᠰᡠᠨ ᡞ᠋ ᡝᠮᡠᠯᡝᠷᡝ ᠶᠠᠷᡤᡞᠶᠠᠯᠠᠨ ᠪᡝ ᠪᠠᠶᠠᠨ ᡝᠯᡤᡞᠶᡝᠨ ᠣᠪᡠᠮᠪᡞ ︒ |
| s-618
| ᡞᠯᠠᠨᠴᡞ ᡩᡝ ︐ ᡝᠮᡠ ᡪᡠᡢᡬᠣ ᠰᡝᠷᡝ ᡩᠠ ᡣᠣᠣᠯᡞ ᠪᡝ ᡨᡝᡢ ᠰᡝᠮᡝ ᡪᠠᡫᠠᠮᡝ ︐ ᠠᠷᠪᡠᠨ ᠪᡝ ᡣᠠᠷᠮᠠᡨᠠᠮᠪᡞ ︒ |
| s-619
| ᡩᡠᡞᠴᡞ ᡩᡝ ︐ ᡪᡠᠸᡝ ᡝᡣᠴᡞᠨ ᠸᡝᠮᡝ ᠠᠴᠠᠮᡝ ᠪᠠᡩᠠᠷᠠᠷᠠ ᠪᡝ ᡧᡠᠮᡞᠯᡝᠪᡠᠮᡝ ︐ ᡥᡡᠸᠠᠯᡞᠶᠠᠰᡠᠨ ᡞ᠋ ᡝᠮᡠᠯᡝᠷᡝ ᡫᡠᠯᡝᡥᡝ ᠪᡝ ᠪᡝᡣᡞᠯᡝᠮᠪᡞ ︒ |
| s-620
| ᠰᡠᠨᡪᠠᠴᡞ ᡩᡝ ︐ ᡝᠮᡠ ᡥᡝᡫᡝᠯᡞᡢᡤᡡ ᡞ᠋ ᠮᡠᡪᡞᠯᡝᠨ ᡞᠰᡥᡠᠨᡩᡝ ᠠᠴᠠᠷᠠ ᠪᡝ ᡠᠮᡝᠰᡞᠯᡝᠮᡝ ︐ ᡥᡡᠸᠠᠯᡞᠶᠠᠰᡠᠨ ᡞ᠋ ᡝᠮᡠᠯᡝᠷᡝ ᡠᠷᡠᡧᡝᠨ ᠪᡝ ᠨᠣᡢᡤᡞᠮᡝ ᡞᠪᡝᠪᡠᠮᠪᡞ ︒ |
| s-621
| ᠪᡝ ᡠᡪᡝᠨ ᡤᡞᡢᡤᡠᠴᡠᡣᡝ ᡨᡞᡞᠯᡝᠮᡝ ︐ “ ᡝᠮᡠ ᠮᡞᡢᡤᠠᠨ ᡠᠶᡠᠨ ᡨᠠᡢᡤᡡ ᡠᠶᡠᠨᡪᡠ ᡪᡠᠸᡝᠴᡞ ᠠᠨᡞᠶᠠᡞ ᡠᡥᡝᡞ ᡨᠠᡣᠠᠰᡠ ” ᡩᡝ ᡨᡝᡢ ᠰᡝᠮᡝ ᡞᠯᡞᠮᡝ ︑ “ ᡨᠠᡞᠸᠠᠨ ᡝᠮᡥᡠᠨ ᡞᠯᡞᡨᠠᡢᡤᠠ ” ᡩᡝ ᡝᠯᡪᡝᠷᡝ ᡠᡥᡝᡞ ᡪᡝᡢᡲᡞ ᡫᡠᠨᠯᡝᡥᡝ ᡞ᠋ ᠨᡞᡢᡤᡠᡩᡝ ︐ ᡝᡣᠴᡞᠨ ᡞ᠋ ᡪᡠᠸᡝ ᡝᠷᡤᡞ ᡤᡝᠷᡝᠨ ᡩᠠᠰᠠᠨ ᡩᠠᡢ ︑ ᡤᡝᠷᡝᠨ ᡪᡝᠴᡝᠨ ᠨᡞᡢᡤᡝ ᡫᡠᠨᡩᡝᠰᡞ ᠪᠠᠨᡞᡢᡤᡝ ᡠᠷᠰᡝ ᠪᡝ ᡨᠠᡣᠠᠨᡩᡠᠪᡠᠮᡝ ᡨᡠᠴᡞᠪᡠᠮᡝ ︐ ᡠᡨᡥᠠᡞ ᡝᡣᠴᡞᠨ ᡞ᠋ ᡪᡠᠸᡝ ᡝᠷᡤᡞ ᡥᠣᠯᠪᠣᠪᡠᠨ ᡪᠠᡞ ᡠᡣᠰᡠᠷᠠᡞ ᡪᡞᡩᡝᠷᡝ ᡪᠠᠯᡞᠨ ᠣᠨᠴᠣ ᠪᡞᠷᡝᡨᡝᡞ ᡧᡠᠮᡞᠯᡝᠷᡝ ᡞᠷᡤᡝᡪᡝᡢᡤᡝ ᡥᡝᠪᡩᡝᠨ ᠪᡝ ᠰᠠᠷᡞᠪᡠᠮᡝ ︐ ᡠᡨᡥᠠᡞ ᡝᡣᠴᡞᠨ ᡞ᠋ ᡪᡠᠸᡝ ᡝᠷᡤᡞ ᡥᠣᠯᠪᠣᠪᡠᠨ ᡥᡡᠸᠠᠯᡞᠶᠠᠰᡠᠨ ᠪᠠᡩᠠᠷᠠᠷᠠ ᠪᡝ ᠠᡧᡧᠠᠨᡩᡠᠪᡠᠷᡝ ᡩᡝ ᡩᡠᠷᡠᠨ ᡣᡝᠮᡠᡢᡤᡝ ᡨᡝᠪᡠᠨᡝᠪᡠᠨ ᠪᡝ ᡧᠠᡢᡤᠠᠪᡠᠮᠪᡞ ︒ |
| s-622
| ᡪᡠᡢᡬᠣ ᡞ᠋ ᡝᠮᡠᠯᡝᠨ ︐ ᠶᠠᠶᠠ ᡤᡠᠷᡠᠨ ᠪᠣᠣ ᡞ᠋ ᡨᠣᠪ ᠠᠴᠠᠨᠠᠷᠠ ᠠᡞᠰᡞ ᡨᡠᠰᠠ ᡪᠠᡞ ᡨᡝᠷᡝᡞ ᡨᠠᡞᠸᠠᠨ ᡩᡝ ᠪᡞᡥᡝ ᡪᡞᡢᡪᡞ ᠠᡞᠰᡞ ᡨᡠᠰᠠ ᠪᡝ ᡥᠣᡣᡞᠷᠠᠷᡣᡡ ︐ ᡩᠠᠮᡠ ᡤᡝᠷᡝᠨ ᡤᡠᠷᡠᠨ ᡩᡝ ᡝᠯᡝ ᠯᠠᠪᡩᡠ ᠪᠠᡩᠠᠷᠠᠷᠠ ᠨᠠᠰᡥᡡᠨ ᠪᡝ ᡤᠠᡪᡞᠮᡝ ᠪᡠᠮᡝ ︐ ᡩᠠᠮᡠ ᠶᠠᡪᡝᠣ ᡨᠠᡞ ᡦᡞᡢ ᠶᠠᡢ ᡩᡞᠴᡞᠣᡞ ᡪᠠᡞ ᡪᠠᠯᠠᠨ ᡪᡝᠴᡝᠨ ᠶᡝᠨᡩᡝᠮᡝ ᠪᠠᡩᠠᠷᠠᠷᠠ ᡨᠣᠶᠣᠮᡝ ᡨᠣᡣᡨᠣᠷᠣ ᡩᡝ ᡝᠯᡝ ᠯᠠᠪᡩᡠ ᡨᠣᠪ ᠮᡠᡨᡝᠨ ᡥᡡᠰᡠᠨ ᠪᡝ ᡩᠣᠰᡞᠪᡠᠮᡝ ︐ ᡩᠠᠮᡠ ᠨᡞᠶᠠᠯᠮᠠᠰᡠ ᡞ᠋ ᡠᠪᡠ ᡥᡝᠰᡝᠪᡠᠨ ᡠᡥᡝᡞ ᡩᡠᠷᠰᡠᠨ ᠪᡝ ᡞᠯᡞᠪᡠᠮᡝ ᠠᠷᠠᠷᠠ ︑ ᡪᠠᠯᠠᠨ ᡪᡝᠴᡝᠨ ᡥᡡᠸᠠᠯᡞᠶᠠᠰᡠᠨ ᠪᠠᡩᠠᠷᠠᠮᡝ ᡪᠠᡞ ᠨᡞᠶᠠᠯᠮᠠᠰᡠᡞ ᡞᠪᡝᡩᡝᠷᡝ ᠪᠠᡞᡨᠠ ᡥᡝᡨᡥᡝ ᡪᠠᠯᡞᠨ ᡝᠯᡝ ᠠᠮᠪᠠ ᠠᠯᡞᠪᡠᠨ ᠠᠯᡞᠪᡠᠮᠪᡞ ︒ |
| s-623
| ᡞᠯᡞ ᡪᡝᠣ “ ᡥᠠᠯᠠᠨ ᠨᡝᡞᠯᡝᠨ 40 ᠪᠠᠷᡠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᡞᠷᡤᡝᠨ ᡠᠯᠠᠮᡝ ᡪᡞᠶᠠᡢᠨᠠᠷᠠ ᡫᠠᠯᡞᠨ ” ᠴᠠᠪᠴᠠᠯ ᡩᡝ ᠶᠠᠪᡠᠮᡝ ᡩᠣᠰᡞᡥᠠᠪᡞ |
| s-624
| ᡥᠠᠨᠴᡞᡣᡞ ᡩᡝ ︐ ᡞᠯᡞ ᡪᡝᠣ ᡩᠠᡢ ᠸᡝᡞ ᡪᡞᠶᠠᡢᠨᠠᠰᡞ ᡫᠠᠯᡞᠨ ᡨᡠᠷᡠᠯᠠᠮᡝ ᠠᠴᠠᠮᡝ ᡧᠠᡢᡤᠠᡥᠠ ᡥᠠᠯᠠᠨ ᠨᡝᡞᠯᡝᠨ 40 ᠪᠠᠷᡠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᡞᠷᡤᡝᠨ ᡨᡠᠷᡠᠯᠠᠮᡝ ︐ ᡠᠯᠠᠮᡝ ᡪᡞᠶᠠᡢᠨᠠᠷᠠᡢᡤᡝ ᠴᠠᠪᠴᠠᠯ ᠰᡞᠶᠠᠨ ᠰᡠᠨᡪᠠᠴᡞ ᠨᡞᠷᡠ ᡪᡝᠨ ᡩᡝ ᡞᠴᡞᡥᡞᠶᠠᡥᠠᠪᡞ ︒ |
| s-625
| ᡤᡠᠪᠴᡞ ᡪᡝᠨ ᡤᡝᠷᡝᠨ ᡨᠣᡣᠰᠣ ᡩᡠᡞ ︑ “ ᡫᠠᡢ ᡥᡡᡞ ᡪᡞᠣᡞ ” ᠸᡝᡞᠯᡝᠷᠠᠨ ᠮᡝᠶᡝᠨ ︑ ᡞᠷᡤᡝᠨ ᡠᠯᠠᠮᡝ ᡪᡞᠶᠠᡢᠨᠠᠰᡞ ︑ ᡠᠰᡞᠨ ᠠᡩᡠᠯᠠᠷᠠ ᡞᠷᡤᡝᠨ ᡫᡠᠨᡩᡝᠰᡞ ᡪᡝᠷᡤᡞ ᡠᡥᡝᠷᡞ 200 ᡩᡠᠯᡝᠷᡝ ᠨᡞᠶᠠᠯᠮᠠ ᠨᡝᡞ ᡫᠠᠯᡤᠠ ᡩᡝ ᡝᠷᡝ ᠮᡠᡩᠠᠨ ᡠᠯᠠᠮᡝ ᡪᡞᠶᠠᡢᠨᠠᠷᠠ ᡞᠰᠠᠨ ᠪᡝ ᡩᠣᠨᡪᡞᡥᠠᠪᡞ ︒ |
| s-626
| ᡠᠯᡞᠨ ᡩᠣᠰᡞᠪᡠᠷᡝ ᡨᠣᠷᡥᠣᠮᡞᠯᠠᠰᡠ ᠪᡝ ᠰᡞᠰᡝᡨᡝᠮᡝ ᠠᠷᠠᡫᡞ ︐ ᡝᠯᡝ ᠯᠠᠪᡩᡠ ᠰᠠᡞᠨ ᡫᡝᡨᡝᠰᡠᡢᡤᡝ ᠴᡞ ᠶᡝ ᠪᡝ ᠶᠠᠷᡠᠮᡝ ᡞᠨᠠᠨ ᠸᡝᡞᠯᡝᠨ ᡥᡝᡨᡥᡝ ᠶᠠᡫᠠᠨ ᠴᡞᠣᡞ ᡩᡝ ᡩᠣᠰᡞᠪᡠᠮᡝ ᡨᡝᠪᡠᠮᠪᡞ |
| s-627
| ᠴᠠᠪᠴᠠᠯ ᠰᡞᠶᠠᠨ ᡞᠨᠠᠨ ᠸᡝᡞᠯᡝᠨ ᡥᡝᡨᡥᡝ ᠶᠠᡫᠠᠨ ᠴᡞᠣᡞ ᡞ᠋ ᡝᡨᡠᡣᡠ ᠠᡩᡠ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠶᠠᡫᠠᠨ 2015 ᠴᡞ ᠠᠨᡞᠶᠠ 9 ᠪᡞᠶᠠ ᡩᡝᠷᡞ ᠪᠣᡩᠣᠮᡞᠯᡝᠮᡝ ᡞᠯᡞᠪᡠᠮᡝ ᠠᠷᠠᠮᡝ ᡩᡝᠷᡞᠪᡠᡫᡞ ︐ ᠸᠠᡪᡞᠪᡠᡥᠠ ᡣᡝᠮᡠᡢᡤᡝ ᠴᠠᡢᠰᡝ ᠪᠣᠣ 22 ᡩᡠᡢ 7.8 ᡨᡠᠮᡝᠨ ᡦᡞᡢᡫᠠᡢ ᠮᡞᠶᡝᡨᡝᠷ ᠨᡝ ᠪᡞᡥᡝ ᠸᡝᡞᠯᡝᠷᠠᠰᡞ ᡪᡝᠮᡝᡢᡤᡝ ᡨᠠᡢᡤᡞᠨ ᡝᠮᡣᡝᠨ ︐ 12 ᡩᡠᡢ 3.8 ᡨᡠᠮᡝᠨ ᡦᡞᡢᡫᠠᡢ ᠮᡞᠶᡝᡨᡝᠷ ᡪᡠᠷᡠ ᡫᡠᡣᡪᡞᠯᡝᠮᡝ ᡞᠯᡞᠪᡠᠷᡝ ᠶᠠᡫᠠᠨ ᠪᡝ ᠠᡪᡞᡤᡝ ᠴᡞᠣᡞ ︑ ᠠᡩᠠᡣᡞ ᠨᡞᠶᠠᠮᠠᠨ ᡩᡠᠯᡞᠮᠪᠠ 2 ᡨᡠᠮᡝᠨ ᡦᡞᡢᡫᠠᡢ ᠮᡞᠶᡝᡨᡝᠷ ᡪᠠᡞ ᠶᠣᡥᡞᠯᠠᠮᡝ ᠠᠴᠠᠪᡠᠷᡝ ᡫᡠᠯᡝᡥᡝᡢᡤᡝ ᡨᡝᠪᡠᠨᡝᠨ ᡞᠯᡞᠪᡠᠷᠠᠨ ᠪᡝ ᠶᠣᡥᡞᠯᠠᠮᡝ ᠠᠴᠠᠪᡠᡥᠠᠪᡞ ︒ |
| s-628
| ᡯᡞᡲᡞᠰᡞᠶᠠᠨ ᠨᡞᡢᡤᡝ ᡪᡝᡢᡮᡝ ᠰᡠᡪᠠᡣᡡ ᡩᡠᠷᠰᡠᠨ ᠰᡞᠷᡝᠨ ᠪᡝ ᡪᡞᡪᡞ ᠶᠣᡢᡣᡞᠶᠠᠪᡠᠮᡝ ︐ ᠠᠯᠪᠠᡧᠠᠷᠠ ᠪᡝ ᡝᡨᡠᡥᡠᠯᡝᠮᡝ ︐ ᡧᡠᠮᡞᠨ ᡪᡞᠷᠠᠮᡞᠨ ᡞ᠋ ᡥᡝᡨᡥᡝ ᠪᡝ ᡫᡠᡣᡪᡞᠯᡝᠷᡝ ᡨᠣᠷᡥᠣᠮᡞᠯᠠᠰᡠ ᠪᡝ ᠠᠮᠪᠠ ᡥᡡᠰᡠᠨ ᡞ᠋ ᠰᡞᠰᡝᡨᡝᠮᡝ ᠠᠷᠠᠮᡝ ︐ ᡨᡠᠯᡝᠷᡤᡞ ᠪᠠ ᡞ᠋ ᡥᠣᡨᠣᠨ ᡫᠠᠯᡤᠠ ᠴᡞ ᠶᡝ ᠪᡝ ᡤᠣᠴᡞᠮᡝ ᠶᠠᠷᡠᠮᡝ ᠴᠠᠪᠴᠠᠯ ᡩᡝ ᡫᡠᠯᡝᡥᡝ ᡪᠠᡫᠠᠮᡝ ᠪᠠᡩᠠᠷᠠᠪᡠᠮᠪᡞ ︒ |
| s-629
| ᡠᡥᡝᠷᡞᠯᡝᠮᡝ ᠪᠣᡩᠣᡥᠣ ᠪᡝ ᡨᡝᠨ ᠣᠪᡠᡥᠠᡩᡝ ︐ ᠶᠠᠰᠠᡞ ᡪᡠᠯᡝᠷᡞ ᡝᡨᡠᡣᡠ ᠠᡩᡠ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠶᠠᡫᠠᠨ ᡩᡝ ᡝᠮᡤᡝᠷᡞ ᡩᠣᠰᡞᡥᠠ ᡪᠣᡩᠣᠮᡝ ᡫᠣᠷᠣᠮᡝ ᡝᡨᡠᡣᡠ ᠠᠷᠠᠷᠠ ᠴᡞ ᠶᡝ 4 ᠪᠣᠣ ︐ 1000 ᡩᡠᠯᡝᠷᡝ ᠨᡞᠶᠠᠯᠮᠠ ᠪᡝ ᡤᠣᠴᡞᠮᡝ ᡨᠣᠶᠣᠮᡝ ᡨᠣᡣᡨᠣᠪᡠᠮᡝ ᡥᡝᡨᡥᡝ ᡩᡝ ᡩᠣᠰᡞᠪᡠᡥᠠᠪᡞ ︒ |
| s-630
| ᡨᡝᠪᡞᠴᡞ ︐ 2018 ᠴᡞ ᠠᠨᡞᠶᠠ 5 ᠪᡞᠶᠠ ᡩᡝ ᠴᠠᠪᠴᠠᠯ ᠰᡞᠶᠠᠨ ᠨᡞᡢᡤᡝ ᡥᡡᡩᠠᠰᡞ ᡝᠯᠪᡞᠮᡝ ᡠᠯᡞᠨ ᡪᡞᡥᠠ ᠶᠠᠷᡠᠮᡝ ᡩᠣᠰᡞᠪᡠᠷᡝ ᠪᡝ ᡩᡠᠯᡝᠪᡠᡫᡞ ᡥᡝ ᠪᡝᡞ ᠪᠣᠣ ᡩᡞᡢ ᡩᡝᠷᡞ ᠰᡞᠪᡣᡞᠮᡝ ᡫᡠᡥᠠᡧᠠᠮᡝ ︑ ᡨᡠᠴᡞᠪᡠᠮᡝ ᡧᡝᠣ ᡨᠣᠣ ᠪᡝ ᡥᠠᠰᡥᠠᠯᠠᠮᡝ ᠠᠷᠠᠷᠠ ᠪᡝ ᠣᠶᠣᡢᡤᠣ ᠣᠪᡠᡥᠠ ᠰᡞᠨᡪᡞᠶᠠᡢ ᠰᡞᠶᠠᠨ ᡪᡝᠨ ᡝᡨᡠᡣᡠ ᠠᡩᡠ ᡣᡝᠮᡠᡢᡤᡝ ᡤᡠᡢᠰᡟ ᠪᡝ ᠶᠠᠷᡠᠮᡝ ᡩᠣᠰᡞᠪᡠᡥᠠᠪᡞ ︒ |
| s-631
| ᡤᡠᡢᠰᡟ 2018 ᠴᡞ ᠠᠨᡞᠶᠠ 6 ᠪᡞᠶᠠ ᡩᡝ ᠠᠷᠠᠮᡨᡠᠴᡞᠪᡠᠮᡝ ᡩᡝᠷᡞᠪᡠᠮᡝ ︐ ᠣᠶᠣᡢᡤᠣ ᡨᡝᠪᡠᠨᡝᠨ 200 ᡨᠠᡞ ᠮᠠᠰᡞᠨᠠ ︑ 5 ᡨᠠᡞ ᡞᠯᡥᠠ ᡩᡠᠷᡠᡤᠠᡢᡤᠠ ᡧᡠᡢᡤᡞᡨᡠᠨ ︑ 10 ᡨᠠᡞ ᠮᡠᡨᡠᠨ ᠪᡝ ᡨᡠᠴᡞᠪᡠᠷᡝ ᡧᡠᡢᡤᡞᡨᡠᠨ ︑ 25 ᡨᠠᡞ ᡨᡝᡣᠰᡞᠯᡝᠮᡝ ᡫᡞᠶᠠᠨᠠᠷᠠᠷᠠ ᡧᡠᡢᡤᡞᡨᡠᠨ ︑ ᡝᠮᡠ ᡨᠠᡞ ᡞᠯᡥᠠ ᡧᡝᠣᠯᡝᠷᡝ ᡧᡠᡢᡤᡞᡨᡠᠨ ︐ ᡝᠮᡠ ᡨᠠᡞ ᡪᡞᠨ ᡧᡠ ᠶᠠᠨ ᡪᡝᠨ ᡧᡠᡢᡤᡞᡨᡠᠨ ︐ 5 ᡨᠠᡞ ᡦᠣᠣ ᡤᠣᠸᠠᡢ ᡧᡠᡢᡤᡞᡨᡠᠨ ᠪᡞ ︐ ᠶᠠᠰᠠᡞ ᡪᡠᠯᡝᠷᡞ ᡩᡝ ᠴᡞ ᠶᡝ ᡝᠮᡤᡝᠷᡞ ᠰᡠᠮᡝ ᠯᠠᠰᡥᠠᠯᠠᡥᠠ ᡨᡝᠰᡠ ᠪᠠ ᡞ᠋ ᡫᡠᠯᡠ ᡫᡠᠨᠴᡝᡥᡝ ᡪᠣᠪᠣᡨᡝᠨ ᡥᡡᠰᡠᠨ 150 ᠨᡞᠶᠠᠯᠮᠠ ᡩᡝ ᡥᠠᠨᠴᡞᡩᠠᠮᡝ ︐ ᡩᠠᡥᠠᠪᡠᡫᡞ ᡤᡝᠯᡞ ᠰᡞᠷᠠᠨᡩᡠᡥᠠᡞ 400 ᡩᡠᠯᡝᠷᡝ ᡪᠣᠪᠣᡨᡝᠨ ᡥᡡᠰᡠᠨ ᠪᡝ ᡤᠣᠴᡞᠮᡝ ᡩᠣᠰᡞᠪᡠᠮᠪᡞ ᠰᡝᠮᠪᡞ ︒ |
| s-632
| ᠪᡠᡪᠠᠨ ᡨᡠᠪᡞᡥᡝ ᡥᡝᡨᡥᡝ ᡞ᠋ ᠶᠠᠷᡤᡞᠶᠠᠰᡥᡡᠨ ᠪᠠᡞᡨᠠᠯᠠᠨ ᡫᠠᡣᠰᡞ ᡝᠷᡩᡝᠮᡠ ᠪᡝ ᡠᠷᡝᠪᡠᠮᡝ ᡨᠠᠴᡞᠪᡠᡥᠠᡩᡝ ᡠᠰᡞᠨ ᠠᡩᡠᠯᠠᠷᠠ ᡞᠷᡤᡝᠨ ᡞ᠋ ᡨᡠᠸᡝᠷᡞ ᡫᠣᠷᡤᠣᠨ ᠪᠠᠨᡪᡞᠨᠸᡝᠨ ᠪᡝ ᡝᠯᡩᡝᡧᡝᠪᡠᡥᡝᠪᡞ |
| s-633
| ᠴᠠᠪᠴᠠᠯ ᠰᡞᠶᠠᠨ ᠴᡞᠶᡠᡢᠪᡠᠯᠠᡣ ᡪᡝᠨ ᡠᠰᡞᠨ ᠠᡩᡠᠯᠠᠷᠠ ᡞᠷᡤᡝᠨ ᠴᡞᠶᡠᠨᡪᡠᡢ ᡞ᠋ ᠺᠣᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡫᡝᡨᡝᠰᡠ ᡪᠠᡞ ᡣᠠᡩᠠᠯᠠᠮᡝ ᡩᠠᠨᠠᠷᠠ ᠮᡠᡣᡝᠨᡝᠴᡞᠨ ᠪᡝ ᡝᠯᡝᡞ ᡝᠮᡠ ᠣᡣᠰᠣᠨ ᡞ᠋ ᡩᡝᠨ ᡨᡠᡣᡞᠶᡝᠷᡝ ︐ ᠨᡝᡞ ᡫᠣᡢᡤᡝ ᠪᡠᡪᠠᠨ ᡨᡠᠪᡞᡥᡝ ᡫᡠᠯᡝᡥᡝᡢᡤᡝ ᡞᠯᡞᠪᡠᠷᠠᠨ ᠠᠯᡣᡡᠨ ᠪᡝ ᡥᡡᡩᡠᠯᠠᠷᠠ ᡪᠠᠯᡞᠨ ︐ ᠨᡞᠶᠠᠯᠮᠠ ᡞᠷᡤᡝᠨ ᠴᡞᠶᡠᠨᡪᡠᡢ ᠪᡝ ᠺᠣᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡩᡝ ᠨᡞᡣᡝᡫᡞ ᠪᠠᠶᠠᠨᠠᠷᠠ ᡪᡠᡤᡡᠨ ᡩᡝ ᠶᠠᠪᡠᠪᡠᠮᠠᡥᠠᠪᡞ ︒ |
| s-634
| 2019 ᠴᡞ ᠠᠨᡞᠶᠠ 1 ᠪᡞᠶᠠᡞ ᡞᠴᡝ 3 ᡩᡝ ︐ ᠴᡞᠶᡠᡢᠪᡠᠯᠠᡣ ᡪᡝᠨ ᡤᡡᠰᡞᠴᡞ ᠪᡞᠯᡤᠠᠨ “ ᡣᡠᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡞ᠋ ᡨᡠᠸᡝᠷᡞ ” ᠰᡝᠷᡝ ᠪᡠᡪᠠᠨ ᡨᡠᠪᡞᡥᡝ ᡥᡝᡨᡥᡝ ᠶᠠᠷᡤᡞᠶᠠᠰᡥᡡᠨ ᠪᠠᡞᡨᠠᠯᠠᠨ ᡫᠠᡣᠰᡞ ᡝᠷᡩᡝᠮᡠ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᠪᠠᠨᠰᡝ ᠪᡝ ᠴᡞᠶᡠᡢᠪᡠᠯᠠᡣ ᡨᠣᡣᠰᠣ ᡩᡝ ᡪᡞᡢᡣᡞᠷᡝᠮᡝ ᡩᡝᠷᡞᠪᡠᡥᡝᠪᡞ ︒ |
| s-635
| ᠰᡞᠶᠠᠨ ᡣᡝᠰᡞᠶᡝ ᡪᡠᠰᡞ ᠪᠣᠯᠠᡨᡞ ᡪᠠᡞ ᠰᡞᠶᠠᠨ ᠪᡠᡪᠠᠨ ᡥᡝᡨᡥᡝ ᠶᠠᠮᡠᠨ ᡬᠠᠮᠪᡠ ᡧᡞ ᡪᡞᠶᡠᠨ ᠯᡠᡢ ᡪᡠᠸᡝ ᠰᡝᡫᡠ ᠴᠣᡥᠣᡨᠣᡞ ᡪᠣᠷᡞᡢᡤᠠ ᡞ᠋ ᡣᡞᠴᡝᠨ ᡪᡞᠶᠠᡢᠨᠠᠷᠠ ᠪᡝ ᠶᠠᠪᡠᠪᡠᠮᡝ ︐ 120 ᡩᡠᠯᡝᠷᡝ ᡠᠰᡞᠨ ᠠᡩᡠᠯᠠᠷᠠ ᡞᠷᡤᡝᠨ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᡩᡝ ᠠᡩᠠᠨᠠᡥᠠᠪᡞ ︒ |
| s-636
| ᡠᠷᡝᠪᡠᠮᡝ ᡨᠠᠴᡞᠪᡠᠷᡝᡢᡤᡝ ᠣᠶᠣᡢᡤᠣ ᠨᡞᡢᡤᡝ ᠪᠣᠣ ᡩᠣᠷᡤᡞ ᡩᡝ ᡣᡞᠴᡝᠨ ᡪᡞᠶᠠᡢᠨᠠᠷᠠ ᡪᠠᡞ ᡨᡝᠰᡠ ᡫᠠᠯᡤᠠ ᡩᡝ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᠠᠷᡤᠠ ᠪᡝ ᠪᠠᡞᡨᠠᠯᠠᠮᡝ ᠶᠠᠪᡠᠪᡠᠮᡝ ︐ ᠣᠶᠣᡢᡤᠣ ᡨᡠᠪᡞᡥᡝ ᡥᠠᡞᠯᠠᠨ ᠠᠷᠰᡠᠨ ᠪᡝ ᡨᠠᠷᡞᠮᡝ ᡨᡝᠪᡠᠷᡝ ᡩᠠᡨᡝᡢᡤᡝ ᠠᡧᡧᠠᠨᡩᡠᠪᡠᠮᡝ ᠶᠠᠪᡠᠪᡠᠷᡝ ᡫᠠᡣᠰᡞ ᡝᠷᡩᡝᠮᡠ ︑ ᡠᠰᡞᠨ ᠣᡣᡨᠣ ᠪᡝ ᡝᠯᡥᡝ ᠨᡝᠯᡥᡝ ᡞ᠋ ᠪᠠᡞᡨᠠᠯᠠᠷᠠ ᡪᡝᠷᡤᡞ ᡩᡝᠷᡞ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᠪᡝ ᠰᠠᠷᡞᠪᡠᠮᡝ ︐ ᡣᡞᠴᡝᠨ ᡪᡞᠶᠠᡢᠨᠠᠷᠠ ᠪᠠᡣᡨᠠᠮᠪᡠᠨ ᠪᡝ ᠠᠨ ᡞ᠋ ᡥᠠᡫᡠ ᠸᠠ ᡞ᠋ ᡠᠯᡥᡞᠷᡝ ᡤᡞᠰᡠᠨ ᡞ᠋ ᡪᡞᠶᠠᡢᠨᠠᡥᠠᠪᡞ ︒ |
| s-637
| ᡨᡝᠰᡠ ᡫᠠᠯᡤᠠ ᡩᡝ ᠶᠠᠷᡤᡞᠶᠠᠰᡥᡡᠨ ᠠᡧᡧᠠᠨᡩᡠᠪᡠᠮᡝ ᠶᠠᠪᡠᠪᡠᠷᡝ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᡩᠣᠯᠣ ︐ ᡣᡞᠴᡝᠨ ᡪᡞᠶᠠᡢᠨᠠᠮᡝ ᠪᡠᠷᡝ ᠰᡝᡫᡠ ᡧᠠᡥᡡᠷᡠᠨ ᠪᡝ ᠠᠯᡞᡫᡞ ᡥᠠᡞᠯᠠᠨ ᡩᡝ ᡨᠠᡫᠠᠨᠠᡫᡞ ᡤᡝᠷᡝᠨ ᠨᡞᠶᠠᠯᠮᠠ ᡩᡝ ᡤᠠᠷᡤᠠᠨ ᠪᡝ ᡩᠠᠰᠠᠷᠠ ᠪᡝ ᠠᠯᠠᠮᡝ ᠪᡠᠮᡝ ︐ ᡨᡝᠰᡠ ᡫᠠᠯᡤᠠ ᡞ᠋ ᡤᠠᡣᠰᡞᠰᠠ ᠮᡠᡪᡞᠨ ᠪᡝ ᡤᡞᠷᡣᡡᠮᡝ ᡩᠣᠨᡪᡞᠮᡝ ︐ ᡠᠨᡝᠨᡤᡤᡞᠯᡝᠮᡝ ᡝᡪᡝᠪᡠᠨ ᠪᡝ ᡝᡪᡝᠮᡝ ︐ ᡩᠠᠷᡠᡥᠠᡞ ᡠᠯᡥᡞᠷᡣᡡ ᡫᠣᠨᡪᡞᠨ ᠪᡝ ᡨᡞᡞᠯᡝᠮᡝ ᡨᡠᠴᡞᠪᡠᠮᡝ ︐ ᡨᡝᠰᡠ ᡫᠠᠯᡤᠠ ᡞ᠋ ᠰᡠᡣᡩᡠᠨ ᠠᠷᠪᡠᠨ ᠸᡝᠨᡪᡝᡥᡠᠨ ᡩᡝᡣᡪᡞᡢᡤᡝ ᠪᡞᠮᡝ ᡥᠠᠯᡥᡡᠨ ᡠᠷᡤᡠᡢᡤᡝ ︒ |
| s-638
| ᠰᡝᡫᡠᠰᡝ ᡣᡞᠷᡞᠪᠠ ᠮᡠᡪᡞᠨ ᡞ᠋ ᡥᠠᠯᡥᡡᠨ ᠪᡠᠶᡝᠨᡞᠨ ᡞ᠋ ᠰᡠᠮᡝ ᡪᡞᠶᠠᡢᠨᠠᠷᠠ ᡪᠠᡞ ᡨᡝᠰᡠ ᠪᠠᡩᡝ ᡩᡠᠷᡠᠨ ᡨᡠᠸᠠᠪᡠᠷᡝ ᠪᡝ ᡩᡠᠯᡝᠪᡠᡫᡞ ︐ ᡤᡝᠷᡝᠨ ᠨᡞᠶᠠᠯᠮᠠ ᡨᡝᡞᠰᡠ ᡨᡝᡞᠰᡠ ᡞᠯᡝᡨᡠᠯᡝᠷᡝᡢᡤᡝ ᡝᠷᡝ ᡣᡞᠴᡝᠨ ᠪᡝ ᡩᠣᠨᡪᡞᡥᠠᡩᡝ ︐ ᡨᡝᠨᡞ ᡩᡠᠯᡝᠨᡠᠨ ᡞ᠋ ᡨᠠᠷᡞᠮᡝ ᡨᡝᠪᡠᠷᡝ ᡪᠠᡞ ᠺᠣᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡞ᠋ ᡨᠠᠷᡞᠮᡝ ᡨᡝᠪᡠᠷᡝ ᠰᡞᡩᡝᠨ ᠴᠠᠯᠠᠪᡠᠨ ᠠᠮᠪᠠ ᠪᡝ ᡨᠠᡣᠠᠮᡝ ︐ ᡝᡩᡝᠷᡞ ᠠᠮᠠᠰᡞ ᡠᠷᡠᠨᠠᡣᡡ ᠺᠣᡨᠠᠴᡞᠨ ᡣᠠᡩᠠᠯᠠᠮᡝ ᡩᠠᠨᠠᠷᠠ ᡫᠠᡣᠰᡞ ᡝᠷᡩᡝᠮᡠ ᠪᡝ ᠯᠠᠪᡩᡠ ᡨᠠᠴᡞᠮᡝ ︐ ᡝᠷᡩᡝᡣᡝᠨ ᡞ᠋ ᠪᠠᠶᠠᠨᠠᠷᠠ ᠪᡝ ᠨᡝᠮᡧᡝᠮᡝ ᡤᠠᡞᠮᠪᡞ ᠰᡝᡥᡝ ︒ |
| s-639
| ᡝᠷᡝ ᠮᡠᡩᠠᠨ ᡠᠷᡝᠪᡠᠮᡝ ᡨᠠᠴᡞᠪᡠᡥᠠᡢᡤᡝ ︐ ᡠᠰᡞᠨ ᠠᡩᡠᠯᠠᠷᠠ ᡞᠷᡤᡝᠨ ᡞ᠋ ᠶᠠᠰᠠ ᡪᡝᠴᡝᠨ ᠪᡝ ᠯᡝᠯᡞ ᠣᠨᠴᠣ ᠣᠪᡠᡥᠠ ᡨᡝᡞᠯᡝ ᠸᠠᡣᠠ ︐ ᠪᡠᡪᠠᠨ ᡨᡠᠪᡞᡥᡝ ᡥᡝᡨᡥᡝ ᡞ᠋ ᡞᠴᡝ ᠰᠠᠷᠠᠰᡠ ᠪᡝ ᡪᠠᡫᠠᡨᠠᠮᡝ ︐ ᠺᠣᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡞ᠋ ᠪᠠᠶᠠᠨᠠᠷᠠ ᠠᡣᡩᠠᠴᡠᠨ ᠮᡠᡪᡞᠨ ᠪᡝ ᡝᠯᡝ ᡞᠯᡞᠪᡠᠮᡝ ︐ ᠣᠨᠴᠣ ᡝᠯᡤᡞᠶᡝᠨ ᡠᠰᡞᠨ ᠠᡩᡠᠯᠠᠷᠠ ᠴᡞᠶᡠᠨᡪᡠᡢ ᠨᡞ ᡝᠮᡩᡠᠪᡝᡞ ᠰᠠᡞᠨ ᠰᡝᠮᡝ ᡦᡞᡢᠨᡝᠷᡝ ᠪᡝ ᠪᠠᡥᠠᠮᡝ ᠠᠯᡞᡥᠠᠪᡞ ︒ |
| s-640
| ᡝᡩᡝᠷᡞ ᠠᠮᠠᠰᡞ ᡠᠷᡠᠨᠠᡣᡡ ᡩᠠᡢ ᠨᡞ ᡪᡠᠸᠠᠨ ᡠᠶᡠᠴᡞ ᠪᡞᠯᡤᠠᠨ ᡫᡠᠨᡩᡝᠰᡞ ᠠᠮᠪᠠ ᡞᠰᠠᠨ ᠣᠣᠷᡞ ᠰᡠᡣᡩᡠᠨ ︑ ᡞᠷᡤᡝᠨ ᠪᡝ ᡨᡠᠸᠠᡧᠠᠷᠠ ᡪᡝᡢᡯᡝ ︑ ᠺᠣᡨᠠᠴᡞᠨ ᡫᡠᠰᡝᠨᡝᠪᡠᠮᡝ ᡠᡪᡞᠷᡝ ᡪᠠᡞ ᡨᠠᠷᡞᠮᡝ ᡨᡝᠪᡠᠷᡝ ︑ ᠪᠣᡩᠣᠮᡞᠨ ᠪᡞᠮᡝ ᡪᡠᠰᡝ ᡠᡪᡞᠷᡝ ︑ ᡫᠠᡫᡠᠨ ᡣᠣᠣᠯᡞ ᡪᡝᠷᡤᡞ ᠰᠠᠷᠠᠰᡠ ᠪᡝ ᡨᠣᠷᡥᠣᡫᡞ ᡠᠷᡝᠪᡠᠮᡝ ᡨᠠᠴᡞᠪᡠᠷᡝ ᠪᡝ ᠰᠠᠷᡞᠪᡠᠮᡝ ︐ ᡞᠷᡤᡝᠰᡝ ᠶᠠᠷᡤᡞᠶᠠᠰᡥᡡᠨ ᠪᠠᡞᡨᠠᠯᠠᠷᠠ ᡪᠠᠯᡞᠨ ᡨᠠᠴᡞᠮᡝ ︐ ᠪᠠᠶᠠᠨᠠᠷᠠ ᡪᡠᡤᡡᠨ ᠪᡝ ᠣᠨᠴᠣᠯᠣᠮᡝ ︐ ᠴᡞᠶᡠᡢᠪᡠᠯᠠᡣ ᡪᡝᠨ ᡪᡞᡢᡪᡞ ᡤᡝᠷᡝᠨᡠᠰᡠ ᡣᠠᡨᡠᠨ ᡤᡠᡞᡤᡠ ᡞ᠋ ᠰᡞᠷᠠᠨᡩᡠᡥᠠᡞ ᡥᡡᡩᡠᠯᠠᠮᡝ ᠪᠠᡩᠠᠷᠠᠷᠠ ᡪᠠᠯᡞᠨ ᡫᡠᠯᡠ ᠰᠠᡞᠨ ᡫᠠᡣᠰᡞ ᡝᠷᡩᡝᠮᡠ ᡫᡠᠯᡝᡥᡝ ᠪᡝ ᡨᠠᠨᡨᠠᠮᠪᡠᡥᡝᠪᡞ ︒ |
| s-641
| ᡤᠣᡥᠣᠮᠴᡞ ᡨᠣᡣᠰᠣ ᠨᡞᡢᡤᡝ ᠶᠠᡩᠠᡥᡡᠨ ᠪᠣᡞᡤᠣᠨ ᡞ᠋ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠪᠠᠶᠠᠨᠠᠷᠠ ᡩᡠᠷᡠᡤᠠᡢᡤᠠ ᠪᡝ ᡥᡠᠸᡝᡣᡞᠶᡝᠮᠪᡠᠷᡝ ᡞᠰᠠᠨ ᠪᡝ ᠰᠠᠷᡞᠪᡠᡥᠠᠪᡞ |
| s-642
| ᡥᠠᠨᠴᡞᡣᡞ ᡩᡝ ︐ ᡤᠣᡥᠣᠮᠴᡞ ᡨᠣᡣᠰᠣᡞ ᡧᡠ ᠸᡝᠨ ᠠᡧᡧᠠᠨ ᠨᡞᠶᠠᠮᠠᠨ ᡩᡠᠯᡞᠮᠪᠠ ᡪᡠᠸᠠᠨ ᡫᡠᠨ ᡞ᠋ ᠸᡝᠨᡪᡝᡥᡠᠨ ︐ ᡨᠣᡣᠰᠣ ᡩᡝ ᡨᡝᡥᡝ ᠸᡝᡞᠯᡝᠷᠠᠨ ᠮᡝᠶᡝᠨ ︑ ᡨᠣᡣᠰᠣᡞ ᡬᠠᠮᠪᡠ ᡪᠠᡞ ᡨᠣᡣᠰᠣᡞ ᡞᠷᡤᡝᠨ ᡠᡥᡝᠷᡞ 150 ᡩᡠᠯᡝᠷᡝ ᠨᡞᠶᠠᠯᠮᠠ ᡝᠮᡠ ᡨᠠᡢᡤᡞᠨ ᡩᡝ ᠯᡝᡣᠰᡝᡞ ᡞᠰᠠᠨᡩᡠᡫᡞ ︐ ᡞᠴᡝ ᠠᠨᡞᠶᠠ ᠪᡝ ᠣᡣᡩᠣᠷᠣ ᡠᠷᡤᡠᠨᡪᡝᠷᡝ ᠠᠷᠪᡠᠨ ᡩᠣᠯᠣ ᠣᡥᠣ ︐ 2018 ᠴᡞ ᠠᠨᡞᠶᠠᡞ ᡠᡥᡝᠷᡞᠯᡝᠮᡝ ᡧᠣᡧᠣᠮᡝ ᡥᡠᠸᡝᡣᡞᠶᡝᠮᠪᡠᠷᡝ ᡞᠰᠠᠨ ᠪᡝ ᡝᠯᠪᡞᠮᡝ ᠨᡝᡞᡥᡝᠪᡞ ︒ |
| s-643
| ᡞᠰᠠᠨ ᡩᡝ ᡫᡠᠯᡠ ᠰᠠᡞᠨ ᡞᠯᡝᡨᡠᠯᡝᡥᡝ 5 ᡨᠣᡣᠰᠣᡞ ᡬᠠᠮᠪᡠ ︑ 5 ᡩᠠᡢ ᠶᡠᠸᠠᠨ ︑ 5 ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠮᡝ ᡥᡝᡨᡥᡝ ᠪᡝ ᡫᡠᡣᡪᡞᠯᡝᡥᡝ ᡩᡠᠷᡠᡤᠠᠨ ︑ 5 ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠪᠠᠶᠠᠨᠠᠷᠠ ᡩᡠᠷᡠᡤᠠᠨ ︑ 7 ᠠᠴᠠᠯᠠᡥᠠ ᠪᠣᡞᡤᠣᠨ ᡩᠠ ᠪᡝ ᡥᡠᠸᡝᡣᡞᠶᡝᠮᠪᡠᡥᡝᠪᡞ ; 18 ᠪᠣᡞᡤᠣᠨ ᠶᠠᡩᠠᡥᡡᠨ ᠮᠠᡢᡤᠠ ︑ ᡫᠠᡢᡣᠠᠯᠠᠨ ᠪᡝ ᠠᡣᡩᡠᠯᠠᠷᠠ ᠪᠣᡞᡤᠣᠨ ᡩᡝ ᡨᠣᠷᠣᠮᠪᡠᠮᡝ ᡫᠣᠨᡪᡞᠷᡝ ᡪᡞᡥᠠ ᠪᡝ ᡫᠠᠯᠠᠮᡝ ᠪᡠᡥᡝ ︐ 62 ᠠᡪᡞᡤᡝ ᡨᠠᠴᡞᡣᡡ ᡨᠠᠴᡞᠰᡞ ᡩᡝ ᠪᡞᡨᡥᡝ ᡫᡠᠯᡥᡡ ︑ ᡧᡠ ᠸᡝᠨ ᠪᠠᡞᡨᠠᠯᠠᠷᠠ ᡪᠠᡣᠠᠰᡠ ᠪᡝ ᡫᠠᠯᠠᠮᡝ ᠪᡠᡥᡝᠪᡞ ︒ |
| s-644
| ᡥᡠᠸᡝᡣᡞᠶᡝᠮᠪᡠᠨ ᠪᡝ ᠠᠯᡞᡥᠠ ᠶᠠᡩᠠᡥᡡᠨ ᠪᠣᡞᡤᠣᠨ ᡠᠰᡠᡫᡠᡪᡞᠶᠠᡢ ᠠᠴᡞᡢᡤᡞᠶᠠᠪᡠᠮᡝ ᡤᡞᠰᡠᠷᡝᠮᡝ ︐ ᡝᠨᡝᡢᡤᡞ ᠪᡞ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠪᠠᠶᠠᠨᠠᠷᠠ ᡤᠠᠯᠠ ᡩᡝ ᠰᠣᠨᡪᠣᠪᡠᡥᠠ ︐ ᡨᠠᡞᠰᡝ ᡩᡝ ᡨᠠᡫᠠᠨᠠᡫᡞ ᡥᡠᠸᡝᡣᡞᠶᡝᠮᠪᡠᠨ ᠪᡝ ᡤᠠᡞᡥᠠ ︒ |
| s-645
| ᡩᠠᡢ ᡪᠠᡞ ᡩᠠᠰᠠᠨ ᠶᠠᠮᡠᠨ ᡞ᠋ ᠰᠠᡞᠨ ᡩᠠᠰᠠᠨ ᠠᠷᡤᠠ ᡩᡝ ᡪᡞᡢᡣᡞᠨᡞ ᠪᠠᠨᡞᡥᠠᠯᠠᠮᡝ ︐ ᠸᡝᡞᠯᡝᠷᠠᠨ ᠮᡝᠶᡝᠨ ᡝᠮᡠ ᠠᠨᡞᠶᠠ ᠴᡞ ᡝᠪᠰᡞ ᠮᡠᡪᡞᠯᡝᠨ ᡨᠠᡨᠠᡧᠠᠮᡝ ᡪᠠᡞ ᠠᡞᠰᡞᠯᠠᡥᠠ ᡩᡝ ᠪᠠᠨᡞᡥᠠᠯᠠᠮᡝ ︐ ᠮᡠᠰᡝᡞ ᠪᠠᠨᡪᡞᠨᠸᡝᠨ ᡝᠯᡝᡞ ᡪᡞᠮᡝ ᡝᠯᡝᡞ ᠰᠠᡞᠨ ᠣᡥᠣ ︒ |
| s-646
| ᠰᡞᠷᠠᠮᡝ ᠪᡞ ᡝᠯᡝᡞ ᡥᡡᠰᡠᡨᡠᠯᡝᠮᡝ ᠶᡝᠪᡣᡝᠨ ᠪᠠᠨᡪᡞᠨᠸᡝᠨ ᠴᡞ ᡝᠮᠪᠠᡩᡝ ᠣᡣᠰᠣᠮᡝ ᡩᠣᠰᡞᠮᠪᡞ ᠰᡝᡥᡝ ︒ |
| s-647
| ᠴᡝᠨ ᠴᡞᠣᠸᠠᠨ ᡬᠣ ᡯᡞᡲᡞᠴᡞᠣᡞ ᡩᠠᡢ ᠸᡝᡞ ᠠᠰᡠᠷᠠᠨ ᡝᠯᡥᡝ ᠨᡝᠯᡥᡝ ᡪᠠᡞ ᠮᡝᡩᡝᡤᡝ ᡩᡠᠷᡠᡢᡤᡝ ᠸᡝᡞ ᠶᡠᠸᠠᠨ ᡥᡡᡞ ᡞᠰᠠᠨ ᠪᡝ ᡩᠠᠯᠠᠮᡝ ᠨᡝᡞᡥᡝᠪᡞ |
| s-648
| 1 ᠪᡞᠶᠠᡞ ᡞᠴᡝ 4 ᡩᡝ ︐ ᡯᡞᡲᡞᠴᡞᠣᡞ ᡩᠠᡢ ᠸᡝᡞ ᡧᡠᡪᡞ ︑ ᡯᡞᡲᡞᠴᡞᠣᡞ ᡩᠠᡢ ᠸᡝᡞ ᠠᠰᡠᠷᠠᠨ ᡝᠯᡥᡝ ᠨᡝᠯᡥᡝ ᡪᠠᡞ ᠮᡝᡩᡝᡤᡝ ᡩᡠᠷᡠᡢᡤᡝ ᠸᡝᡞ ᠶᡠᠸᠠᠨ ᡥᡡᡞ ᡪᡠᡰᡝᠨ ᠴᡝᠨ ᠴᡞᠣᠸᠠᠨ ᡬᠣ ᡯᡞᡲᡞᠴᡞᠣᡞ ᡩᠠᡢ ᠸᡝᡞ ᠠᠰᡠᠷᠠᠨ ᡝᠯᡥᡝ ᠨᡝᠯᡥᡝ ᡪᠠᡞ ᠮᡝᡩᡝᡤᡝ ᡩᡠᠷᡠᡢᡤᡝ ᠸᡝᡞ ᠶᡠᠸᠠᠨ ᡥᡡᡞ ᡞᠰᠠᠨ ᠪᡝ ᡩᠠᠯᠠᠮᡝ ᠨᡝᡞᡥᡝᠪᡞ ︒ |
| s-649
| ᡞ ᡩᡝᠰᡠᡢᡤᡞᠶᡝᠯᡝᠮᡝ ︐ ᡠᠷᡠᠨᠠᡣᡡ ᠰᡞ ᡪᡞᠨ ᡦᡞᡢ ᡞᠴᡝ ᡝᠷᡞᠨ ᡪᠠᠯᠠᠨ ᡪᡠᡢᡬᠣ ᠴᠣᡥᠣᡨᠣᠰᡥᡡᠨ ᠪᡞᠰᡞᠷᡝ ᡧᡝᡥᡡᡞ ᡪᡠᠠᡞ ᠰᡟᠰᡞᠶᠠᡢ ᡪᠠᡞ ᡩᠠᡢ ᠨᡞ ᡪᡠᠸᠠᠨ ᡠᠶᡠᠴᡞ ᠪᡞᠯᡤᠠᠨ ᡞᠰᠠᠨ ᠣᠣᠷᡞ ᠰᡠᡣᡩᡠᠨ ᠪᡝ ᡪᠣᠷᡞᡧᠠᠨ ᠣᠪᡠᠷᡝ ᡩᡝ ᡨᡝᡢ ᠰᡝᠮᡝ ᡞᠯᡞᠮᡝ ︐ ᠰᡞ ᡪᡞᠨ ᡦᡞᡢ ᡠᡥᡝᠷᡞᠯᡝᡥᡝ ᡧᡠᡪᡞ ᡞ᠋ ᠠᠰᡠᠷᠠᠨ ᡝᡨᡠᡥᡠᠨ ᡤᡠᠷᡠᠨ ᡩᡝ ᡥᠠᠷᡨᡠᡢᡤᠠ ᠣᠶᠣᡢᡤᠣ ᠯᡝᠣᠯᡝᠨ ᠪᡝ ᡧᡠᠮᡞᠯᡝᠮᡝ ᡫᡝᠷᡝ ᡥᡝᠴᡝᠮᡝ ︐ ᡤᡝᠷᡝᠨᡠᠰᡠᡞ ᡨᠣᠶᠣᠮᡝ ᡨᠣᡣᡨᠣᠷᠣ ᡪᠠᡞ ᡤᠣᠷᠣ ᡤᠣᠯᠮᡞᠨ ᡝᠯᡥᡝ ᡨᠠᡞᡫᡞᠨ ᠣᡪᠣᠷᠣ ᡠᡥᡝᠷᡞᠯᡝᡥᡝ ᡪᠣᠷᡞᠨ ᠪᡝ ᡨᠠᡣ ᠰᡝᠮᡝ ᡨᠣᠷᡥᠣᠮᡝ ︐ ᠮᡠᠰᡝᡞ ᠴᡞᠣᡞ ᠠᠰᡠᠷᠠᠨ ᡝᠯᡥᡝ ᠨᡝᠯᡥᡝ ᡪᠠᡞ ᠮᡝᡩᡝᡤᡝ ᡩᡠᠷᡠᡢᡤᡝ ᠸᡝᡞᠯᡝᠷᠠᠨ ᡞᠴᡝ ᠪᠠᡩᠠᠷᠠᠷᠠ ᠪᡝ ᡠᠮᡝᠰᡞᠯᡝᠷᡝ ᠪᡝ ᠯᠠᡣᠴᠠᠷᡣᡡ ᡞ᠋ ᠠᡧᡧᠠᠨᡩᡠᠪᡠᡣᡞ ᠰᡝᡥᡝ ︒ |
| s-650
| ᠴᡝᠨ ᠴᡞᠣᠸᠠᠨ ᡬᠣ ᡩᡝᠰᡠᡢᡤᡞᠶᡝᠯᡝᠮᡝ ︐ ᡠᠷᡠᠨᠠᡣᡡ ᡤᡝᠷᡝᠨᡠᠰᡠᡞ ᡨᠣᠶᠣᠮᡝ ᡨᠣᡣᡨᠣᠷᠣ ᡪᠠᡞ ᡤᠣᠷᠣ ᡤᠣᠯᠮᡞᠨ ᡝᠯᡥᡝ ᡨᠠᡞᡫᡞᠨ ᠣᡪᠣᠷᠣ ᠪᡝ ᡝᠮᡠᠯᡝᠮᡝ ᠶᠠᠷᡥᡡᡩᠠᠷᠠᡢᡤᡝ ᠣᠪᡠᡫᡞ ︐ ᠣᠶᠣᡢᡤᠣ ᠪᠠᠪᡝ ᡩᡠᡣᡩᡠᠮᡝ ᡨᡠᠴᡞᠪᡠᠮᡝ ︑ ᠣᠶᠣᡢᡤᠣ ᠪᠠᠪᡝ ᡪᠠᡫᠠᠮᡝ ︐ ᠮᡠᠰᡝᡞ ᠴᡞᠣᡞ ᠠᠰᡠᠷᠠᠨ ᠮᡝᡩᡝᡤᡝ ᠸᡝᡞᠯᡝᠷᠠᠨ ᡞ᠋ ᡞᠴᡝ ᡝᠷᡞᠨ ᠠᠷᠪᡠᠨ ᠪᡝ ᠯᠠᡣᠴᠠᠷᡣᡡ ᡞ᠋ ᡫᡠᡣᡪᡞᠯᡝᠮᠪᡞ ︒ |
| s-651
| ᡠᠷᡠᠨᠠᡣᡡ ᡩᠠᡢ ᠨᡞ ᡞᠰᠠᠨᡩᡠᠮᡝ ᡝᠮᡠᠯᡝᠮᡝ ᠶᠠᠷᡥᡡᡩᠠᠷᠠ ᠪᡝ ᡝᡨᡠᡥᡠᠯᡝᠮᠪᡞ ︒ |
| s-652
| ᡣᡞᠷᡠ ᡤᡝᡨᡠᡣᡝᠨ ᡫᡞᠶᠠᡢᡤᠠ ︑ ᠮᠠᡪᡞᡤᡝ ᠰᡝᠮᡝ ᡤᡠᠷᡞᠨᡪᡝᠷᡣᡡ ᡞ᠋ ᠰᡞ ᡪᡞᠨ ᡦᡞᡢ ᡨᡠᡢᡲᡞ ᠪᡝ ᠨᡞᠶᠠᠮᠠᠨ ᡩᡠᠯᡞᠮᠪᠠ ᠣᠪᡠᡥᠠ ᡩᠠᡢ ᡪᠣᡢᠶᠠᡢ ᠨᡞᡢᡤᡝ ᠠᠰᡠᠷᠠᠨ ᠮᡝᡩᡝᡤᡝ ᠸᡝᡞᠯᡝᠷᠠᠨ ᡩᡝ ᡞᠰᠠᠨᡩᡠᠮᡝ ᡝᠮᡠᠯᡝᠮᡝ ᠶᠠᠷᡥᡡᡩᠠᠷᠠ ᡩᡝ ᡨᡝᡢ ᠰᡝᠮᡝ ᡞᠯᡞᠮᡝ ︐ ᠠᠰᡠᠷᠠᠨ ᠮᡝᡩᡝᡤᡝ ᠸᡝᡞᠯᡝᠷᠠᠨ ᡞ᠋ ᠶᠠᠷᡥᡡᡩᠠᠷᠠ ᡨᠣᠣᠰᡝ ᠪᡝ ᡨᠠᡣ ᠰᡝᠮᡝ ᡪᠠᡫᠠᡨᠠᠮᡝ ︐ ᠰᡞᠨᡪᡞᠶᠠᡢ ᠨᡞ ᠠᠰᡠᠷᠠᠨ ᠮᡝᡩᡝᡤᡝ ᠪᠠᡞᡨᠠ ᡥᡝᡨᡥᡝ ᡩᡝᠷᡞᠪᡠᠨ ᡩᡝᠷᡞ ᡩᡠᠪᡝᠨ ᡩᡝᠨ ᡨᠣᠪ ᠠᠴᠠᠨᠠᠷᠠ ᡫᠣᠷᠣᡥᠣᠨ ᠪᡝ ᡩᠠᡥᠠᠮᡝ ᠶᠠᠪᡠᠷᡝ ᠪᡝ ᠠᡣᡩᡠᠯᠠᠮᠪᡞ ︒ |
| s-653
| ᡠᠷᡠᠨᠠᡣᡡ ᠰᡞᠨᡪᡞᠶᠠᡢ ᠸᡝᡞᠯᡝᠷᠠᠨ ᡞ᠋ ᡠᡥᡝᠷᡞᠯᡝᡥᡝ ᡪᠣᠷᡞᠨ ᠪᡝ ᡥᡡᠰᡠᠨ ᡫᠣᠷᠣᠮᡝ ᠯᠣᡧᡞᠯᡝᠮᠪᡞ ︒ |
| s-654
| ᠴᠠᠨᠴᠠᠯ ᠰᡞᠶᠠᠨ ᡠᡥᡝᠷᡞᠯᡝᡥᡝ ᠸᡝᡞᠯᡝᠷᠠᠰᡞ ᡣᡠᠷᡝᠨ ᠨᡞᡢᡤᡝ “ ᡪᡠᡢᡬᠣ ᡨᠣᠯᡤᡞᠨ · ᡪᠣᠪᠣᡨᡝᠨ ᠰᠠᡞᡣᠠᠨ ᠰᡞᠨᡪᡞᠶᠠᡢ ᠰᠠᡞᡣᠠᠨ · ᡩᠠᡢ ᠨᡞ ᠪᠠᡞᠯᡞ ᡩᡝ ᡥᡠᡣᡧᡝᠮᠪᡞ ” ᠰᡝᠷᡝ ᠣᠶᠣᡢᡤᠣ ᡪᠣᠷᡞᡢᡤᠠ ᡞ᠋ ᡠᠯᠠᠮᡝ ᠰᡝᠯᡤᡞᠶᡝᠷᡝ ᡨᠠᠴᡞᠪᡠᠨ ᡥᡡᠸᠠᡧᠠᠪᡠᠨ ᠠᡧᡧᠠᠨ ᠪᡝ ᡞᠴᡞᡥᡞᠶᠠᡥᠠᠪᡞ |
| s-655
| ᠠᠨᡞᠶᠠ ᠪᡞᠶᠠᡞ ᡞᠴᡝ 7 ᡩᡝ ︐ ᠴᠠᠪᠴᠠᠯ ᠰᡞᠶᠠᠨ ᡠᡥᡝᠷᡞᠯᡝᡥᡝ ᠸᡝᡞᠯᡝᠷᠠᠰᡞ ᡣᡠᠷᡝᠨ ᠨᡞᡢᡤᡝ ᡞ ᠨᠠᠨ ᠸᡝᡞᠯᡝᠨ ᡥᡝᡨᡥᡝ ᠶᠠᡫᠠᠨ ᡫᠣᠷᠣᠮᡝ ᡪᠣᡩᠣᠷᠣ ᡝᡨᡠᡣᡠ ᠠᡩᡠ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠶᠠᡫᠠᠨ ᠠᠴᠠᠨᡩᡠᡥᠠ ᠸᡝᡞᠯᡝᠷᠠᠰᡞ ᡣᡠᠷᡝᠨ ᡞ᠋ ᡝᠮᡤᡞ ᠰᡞᠶᠠᠨ ᡪᡝᠨ ᡝᡨᡠᡣᡠ ᠠᡩᡠ ᡞᠣ ᠰᡞᠶᠠᠨ ᡤᡠᡢᠰᡟ ᠸᡝᡞᠯᡝᠷᠠᠨ ᠰᡞᡩᡝᡢᡤᡝ ᠪᠣᠣ ᡞ᠋ ᠨᡝᡞ ᡫᠠᠯᡤᠠ ᡩᡝ ᡠᡥᡝᡞ “ ᡪᡠᡢᡬᠣ ᡨᠣᠯᡤᡞᠨ · ᠰᡞᠨᡪᡞᠶᠠᡢ ᠰᠠᡞᡣᠠᠨ · ᡩᠠᡢ ᠨᡞ ᠪᠠᡞᠯᡞ ᡩᡝ ᡥᡠᡣᡧᡝᠮᠪᡞ ” ᠰᡝᠷᡝ ᠣᠶᠣᡢᡤᠣ ᡪᠣᠷᡞᡢᡤᠠ ᡠᠯᠠᠮᡝ ᠰᡝᠯᡤᡞᠶᡝᠷᡝ ᡨᠠᠴᡞᠪᡠᠨ ᡥᡡᠸᠠᡧᠠᠪᡠᠨ ᠠᡧᡧᠠᠨ ᡞᠴᡞᡥᡞᠶᠠᠮᡝ ︐ ᡤᡠᡢᠰᡟ ᡞ᠋ 200 ᡩᡠᠯᡝᠷᡝ ᠸᡝᡞᠯᡝᠷᠠᠰᡞ ᠠᡧᡧᠠᠨ ᡩᡝ ᠠᡩᠠᠨᠠᡥᠠᠪᡞ ︒ |
| s-656
| ᠠᡧᡧᠠᠨ ᡠᡨᡥᠠᡞ ᡪᠣᡢᡬᠣ ᠸᡝᡞᠯᡝᠷᠠᠰᡞ ᡣᡠᠷᡝᠨ ᡪᡠᠸᠠᠨ ᠨᠠᡩᠠᠴᡞ ᠪᡞᠯᡤᠠᠨ ᡤᡠᠪᠴᡞ ᡤᡠᠷᡠᠨ ᡫᡠᠨᡩᡝᠰᡞ ᠠᠮᠪᠠ ᡞᠰᠠᠨ ᠣᠣᠷᡞ ᠰᡠᡣᡩᡠᠨ ᠪᡝ ᡠᠯᠠᠮᡝ ᡪᡞᠶᠠᡢᠨᠠᠷᠠ ᠪᡝ ᠶᠠᠪᡠᠪᡠᠮᡝ ︐ ᡣᡝᠮᡠᠨᡞ ︽ ᠰᡞᠨᡪᡞᠶᠠᡢ ᡠᡞᡤᡠᠷ ᡯᡞᡲᡞᠴᡞᠣᡞ ᡨᡝᠨ ᡝᠯᡪᡝᠷᡝ ᡨᡞᠶᠣᠣ ᠯᡞ ︾ ᠪᡝ ᡪᡞᠶᠠᡢᠨᠠᠮᡝ ᠰᡠᠮᠪᡠᠷᡝ ᠪᡝ ᠶᠠᠪᡠᠪᡠᠮᡝ ︐ ᠶᠠᡫᠠᠨ ᠴᡞᠣᡞ ᡫᠣᠷᠣᠮᡝ ᡪᠣᡩᠣᠷᠣ ᡥᡝᡥᡝ ᠪᠠᠨᡞᡢᡤᡝ ᠸᡝᡞᠯᡝᠷᠠᠰᡞ ᡫᡠᠨᡩᡝᠰᡞ ᡤᡝᠮᡠᠨ ᡥᡝᠴᡝᠨ ᠪᡝᡞᡪᡞᡢ ᡩᡝ ᡤᡠᠷᡠᠨ ᡣᡞᠷᡠ ᠮᡠᡣᡩᡝᠪᡠᠷᡝ ᡩᠣᠷᠣᠯᠣᠨ ᡩᡝ ᠠᡩᠠᠨᠠᡥᠠ ᠰᡝᠷᡝᠪᡠᠨ ᠪᡝ ᠯᡝᠣᠯᡝᠴᡝᠮᡝ ︐ ᠴᡞ ᠶᡝ ᠸᡝᡞᠯᡝᠷᠠᠰᡞ ᡩᠠᠪᠴᡞᡣᡡ ᡤᠣᠴᡞᠮᡝ ᡤᡡᠨᡞᠨ ᠪᡝ ᡞᠯᡝᡨᡠᠯᡝᠷᡝ ᠪᡝ ᠰᠠᠷᡞᠪᡠᡥᠠᠪᡞ ︒ |
| s-657
| ᠰᡞᠶᠠᠨ ᡠᡥᡝᠷᡞᠯᡝᡥᡝ ᠸᡝᡞᠯᡝᠷᠠᠰᡞ ᡣᡠᠷᡝᠨ ᡞᠯᡥᡞ ᡪᡠᠰᡞ ᡥᠣ ᡧᡠ ᡥᡡᡢ ᡪᡠᡢᡬᠣ ᠸᡝᡞᠯᡝᠷᠠᠰᡞ ᡣᡠᠷᡝᠨ ᡪᡠᠸᠠᠨ ᠨᠠᡩᠠᠴᡞ ᠮᡠᡩᠠᠨ ᡤᡠᠪᠴᡞ ᡤᡠᠷᡠᠨ ᡫᡠᠨᡩᡝᠰᡞ ᠠᠮᠪᠠ ᡞᠰᠠᠨ ᠣᠣᠷᡞ ᠰᡠᡣᡩᡠᠨ ᠪᡝ ᡠᠯᠠᠮᡝ ᡪᡞᠶᠠᡢᠨᠠᠷᠠ ᡩᡝ ᡤᡞᠰᡠᠷᡝᡥᡝᡢᡤᡝ ︐ ᡨᡝᡣᡠᠯᡝᡥᡝ ᠸᡝᡞᠯᡝᠷᠠᠰᡞ ᡠᡩᡠ ᡤᠣᡞᡩᠠᡥᠠᡣᡡ ᡩᡝ ᡣᡝᠮᡠᠨᡞ ᡠᠰᡞᠨ ᡞᠷᡤᡝᠨ ᡝᠮᠪᡞᠴᡞ ᠪᠣᠣ ᠪᠣᡞᡤᠣᠨ ᡥᡝᡥᡝ ᠪᠠᠨᡞᡢᡤᡝ ᡩᡝᠷᡞ ᠴᡞ ᠶᡝ ᠸᡝᡞᠯᡝᠷᠠᠰᡞ ᠴᡞ ᡫᠣᠷᡤᠣᡧᠣᠮᡝ ᡪᡞᡥᡝᡢᡤᡝ ᠣᠴᡞᠪᡝ ︐ ᡩᠠᠮᡠ ᠮᡝᠨᡩᡝ ᠪᠣᠣ ᠪᠣᡞᡤᠣᠨ ᡪᠠᠯᡞᠨ ᡩᠣᠰᡞᠪᡠᠨ ᡫᡠᡣᡪᡞᠯᡝᠮᡝ ᠪᡠᠮᡝ ︑ ᡤᡝᠷᡝᠨᡠᠰᡠ ᡞ᠋ ᡪᠠᠯᡞᠨ ᡥᡡᠰᡠᠨ ᡨᡠᠴᡞᠮᡝ ︑ ᡝᠷᡞᠨ ᡪᠠᠯᠠ ᡪᠠᠯᡞᠨ ᡤᡠᡢᡤᡝ ᡞᠯᡞᠪᡠᠷᡝ ᡩᡝ ᡥᠠᠴᡞᠰᡠ ᠪᡞᠮᡝ ︑ ᠮᡠᡨᡝᠨ ᡥᡡᠰᡠᠨ ᠪᡞᠮᡝ ︑ ᡨᡠᡧᠠᠨᡠᠨ ᠪᡞᠮᡝ ︑ ᡪᡠᠷᡤᠠᠨ ᠪᡝ ᠠᡣᡡᠮᠪᡠᠷᡝᡢᡤᡝ ᠪᡞᠮᠪᡞ ︒ |
| s-658
| ᡠᠷᡠᠨᠠᡣᡡ ᠪᡝᠶᡝᡞ ᡫᠠᡞᠴᡞᡢᡤᠠ ᡞ᠋ ᡨᡠᠴᡞᠪᡠᠨ ᠪᡠᠷᡝ ᡪᠠᡞ ᡝᠯᡤᡞᠶᡝᠨ ᠪᠠᠷᡤᡞᠶᠠᡥᠠᠨ ᡞ᠋ ᡞᠴᡝ ᡝᠷᡞᠨ ᡪᠠᠯᠠᠨ ᡩᡝ ᡤᡠᡢᡤᡝ ᡞᠯᡞᠪᡠᠷᡝ ᡪᠠᠯᡞᠨ ᠠᠯᡞᠪᡠᠨ ᠠᠷᠠᠮᡝ ᡨᡠᠴᡞᠪᡠᠮᠪᡞ ︒ |
| s-659
| ᠴᠠᠪᠴᠠᠯ ᡪᡝᠨ ᡞᠷᡤᡝᠨ ᡠᠯᠠᠮᡝ ᡪᡞᠶᠠᡢᠨᠠᠰᡞ ᡧᠠᡞᠪᠠᠮᡠ ᠴᠠᠪᠴᠠᠯ ᠰᡞᠶᠠᠨ ᡤᡝᠷᡝᡤᠠᠰᡠ ᡞ᠋ ᠶᠠᠷᡤᡞᠶᠠᠰᡥᡡᠨ ᠠᠷᠪᡠᠨ ᡩᡝ ᠠᠴᠠᠪᡠᠮᡝ ︐ ︽ ᠰᡞᠨᡪᡞᠶᠠᡢ ᡠᡞᡤᡠᠷ ᡯᡞᡲᡞᠴᡞᠣᡞ ᡨᡝᠨ ᡩᡠᠪᡝ ᡩᡠᠷᡠᡢᡤᡝ ᡩᡝ ᡝᠯᡪᡝᠷᡝ ᡨᡞᠶᠣᠣ ᠯᡞ ︾ ᡩᡝ ᠠᠴᠠᠪᡠᡫᡞ ᠪᡝᠶᡝᡞ ᡨᠠᡣᠠᠪᡠᡥᠠ ᠪᡝ ᠯᡝᠣᠯᡝᠴᡝᡥᡝᠪᡞ ︒ |
| s-660
| ᡫᠣᠷᠣᠮᡝ ᡪᠣᡩᠣᠷᠣ ᡝᡨᡠᡣᡠ ᠠᡩᡠ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠶᠠᡫᠠᠨ ᠠᡣᡝᠮᡞ ᡝᡨᡠᡣᡠ ᠠᡩᡠ ᡞᠣ ᠰᡞᠶᠠᠨ ᡨᡠᡧᠠᠨᡠᠷᡝ ᡤᡠᡢᠰᡟ ᠸᡝᡞᠯᡝᠷᠠᠰᡞ ᠰᡞᠶᠠᠮᡞᠰᡞᠯᠨᡠᠨ · ᡰᡠᡰᠠᡥᡡᡢ ︐ ᡤᡝᠷᡝᠨᠣᡫᡞ ᡞ᠋ ᠪᠠᠷᡠ ᡤᡡᡞᡩᠠᡥᠠᡣᡡ ᡩᡝ ᠶᠠᡫᠠᠨ ᠴᡞᠣᡞ ᡞ᠋ ᡫᠣᠷᠣᠮᡝ ᡪᠣᡩᠣᠷᠣ ᠴᡞ ᠶᡝ ᡞ᠋ ᠸᡝᡞᠯᡝᠷᠠᠰᡞ ᠪᡝ ᡫᡠᠨᡩᡝᠯᡝᡫᡞ ᡤᡝᠮᡠᠨ ᡥᡝᠴᡝᠨ ᠪᡝᡞᡪᡞᡢ ᡩᡝ ᡤᡝᠨᡝᠮᡝ ᡤᡠᠷᡠᠨ ᡣᡞᠷᡠ ᠮᡠᡣᡩᡝᠪᡠᠷᡝ ᡩᠣᠷᠣᠯᠣᠨ ᡩᡝ ᠠᡩᠠᠨᠠᡥᠠ ᡩᡠᠯᡝᠮᠪᡠᠨ ᡪᠠᡞ ᠰᡝᠷᡝᠪᡠᠨ ᠪᡝ ᡨᠠᡣᠠᠪᡠᡥᠠᠪᡞ ︒ |
| s-661
| ᡝᠷᡝᠮᡠ ᡫᠠᠯᡤᠠ ᠣᠶᠣᡢᡤᠣ ᡪᠣᠷᡞᡢᡤᠠ ᡞ᠋ ᡠᠯᠠᠮᡝ ᡨᠠᠴᡞᠪᡠᠷᡝ ᠠᡧᡧᠠᠨ ᡩᡝ ᠠᡩᠠᠨᠠᡥᠠ ᠠᠮᠠᠯᠠ ︐ ᠰᡞᠶᠠᠨ ᡪᡝᠨ ᡤᡠᡢᠰᡟ ᠸᡝᡞᠯᡝᠷᠠᠰᡞ ᡨᡝᡞᠰᡠ ᡨᡝᡞᠰᡠ ᡞ᠋ ᡞᠯᡝᡨᡠᠯᡝᠮᡝ ︐ ᡠᠷᡠᠨᠠᡣᡡ ᠪᡝᠶᡝᡞ ᡨᡝᡞᠰᡠ ᡣᡡᠪᡠᠯᡞᠮᡝ ᡫᠣᠷᡤᠣᡧᠣᡥᠣ ᡩᡝ ᡥᡡᡩᡠᡣᠠᠨ ᡞ᠋ ᠠᠴᠠᠪᡠᠮᡝ ︐ ᡝᠮᡠ ᡪᡝᡢᡲᡞ ᡣᡝᠮᡠᠨ ᡩᡝ ᠠᠮᠴᠠᠷᠠ ︑ ᡫᠠᡣᠰᡞ ᡪᠠᠯᠠᠨ ᡝᠷᡩᡝᠮᡠ ᡩᡝ ᡠᠷᡝᠰᡥᡡᠨ ᡞᠴᡝ ᡝᠷᡞᠨ ᡫᡠᠨ ᡫᡠᠯᡠ ᠰᠠᡞᠨ ᠴᡞ ᠶᡝ ᠸᡝᡞᠯᡝᠷᠠᠰᡞ ᠣᡪᠣᠷᠣ ᠪᡝ ᠨᡝᠮᡧᡝᠮᠪᡞ ᠰᡝᡥᡝ ︒ |
| s-662
| ᠠᠰᡠᠷᠠᠨ ᡞ᠋ ᠰᠠᠷᡞᠪᡠᠨ ᡣᡠᠷᡝᠨ ᠪᡝ ᡨᡠᠸᠠᡫᡞ ᡨᠠᠴᡞᠪᡠᠨ ᡥᡡᠸᠠᡧᠠᠪᡠᠨ ᠪᡝ ᠠᠯᡞᡥᠠᠪᡞ |
| s-663
| ᡥᠠᠨᠴᡣᡞᡩᡝ ︐ ᠰᡞᠶᠠᠨ ᡤᡠᠷᡠᠨ ᠪᠣᠣ ᠪᠠᠨᠠ ᠪᠠᠶᠠᠰᡠ ᠶᠠᠮᡠᠨ ᠨᡞᡢᡤᡝ ᡬᠠᠮᠪᡠ ᠠᠯᠪᠠᠰᡞ ᠪᡝ ᡯᡠᡲᡞᠯᡝᡫᡞ “ ᡥᠣᠷᠣᡢᡤᠣ ᠠᠮᠪᠠᠯᡞᡢᡤᡡ ᡣᡡᠪᡠᠯᡞᠨ ︱ ᡥᠠᠯᠠᠨ ᠨᡝᡞᠯᡝᠨ 40 ᠪᠠᠷᡠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᠠᠮᠪᠠ ᡩᡠᠷᡠᡤᠠᠨ ᠰᠠᠷᡞᠪᡠᠨ ” ᠰᡝᠷᡝ ᠠᠰᡠᠷᠠᠨ ᡞ᠋ ᠰᠠᠷᡞᠪᡠᠨ ᡣᡠᠷᡝᠨ ᠪᡝ ᡨᡠᠸᠠᡫᡞ ︐ ᡥᠠᠯᠠᠨ ᠨᡝᡞᠯᡝᠨ 40 ᠠᠨᡞᠶᠠ ᠴᡞ ᡝᠪᠰᡞ ᠮᠠᡫᠠᡤᡠᠷᡠᠨ ᡞ᠋ ᡨᡝᠨ ᡞ᠋ ᠠᠮᠪᠠ ᡣᡡᠪᡠᠯᡞᠨ ᠪᡝ ᠰᡝᠷᡝᠪᡠᡥᡝ ︒ |
| s-664
| ᠠᠰᡠᠷᠠᠨ ᡞ᠋ ᠰᠠᠷᡞᠪᡠᠨ ᡩᡝ ᡥᡝᠷᡤᡝᠨ ︑ ᠨᡞᠷᡠᡤᠠᠨ ︑ ᡧᡞᡦᡞᠨ ᡪᠠᡞ 3D ᡩᡠᠷᡠᡤᠠᠨ ᡨᡠᠰᠠᠯᡞ ᠪᡝ ᠠᠴᠠᠪᡠᡥᠠᡩᡝ ︐ ᠮᡠᠰᡝ ᠪᡝ ᠠᠰᡠᠷᠠᠨ ᡞ᠋ ᡩᠣᠯᠣ ᠪᡝᠶᡝ ᠨᡞᡣᡝᠨᡝᠮᡝ ᡩᠣᠰᡞᡥᠠ ᡤᡝᠰᡝ ᡝᠮᡠ ᡥᠠᠯᠠᠨ ᠨᡝᡞᠯᡝᠨ 40 ᠠᠨᡞᠶᠠ ᡞ᠋ ᠠᠮᠪᠠ ᡩᡠᠷᡠᡤᠠᠨ ᠰᠠᠷᡞᠪᡠᠨ ᡩᡝ ᠶᠠᠪᡠᠮᡝ ᡩᠣᠰᡞᠪᡠᡥᠠ ︒ |
| s-665
| ᡤᡠᠪᠴᡞ ᡤᡠᠷᡠᠨ ᡠᠯᠠᠮᡝ ᠰᡝᠯᡤᡞᠶᡝᠷᡝ ᡪᡠᠷᡤᠠᠨ ᡩᠠ ᡞ᠋ ᡞᠰᠠᠨ ᠪᡝ ᠪᡝᡞᡪᡞᡢ ᡩᡝ ᡝᠯᠪᡞᠮᡝ ᠨᡝᡞᡥᡝᠪᡞ |
| s-666
| ᡤᡠᠪᠴᡞ ᡤᡠᠷᡠᠨ ᡠᠯᠠᠮᡝ ᠰᡝᠯᡤᡞᠶᡝᠷᡝ ᡪᡠᠷᡤᠠᠨ ᡩᠠ ᡞ᠋ ᡞᠰᠠᠨ ᠪᡝ 1 ᠪᡞᠶᠠᡞ ᡞᠴᡝ 6 ᡩᡝ ᠪᡝᡞᡪᡞᡢ ᡩᡝ ᡝᠯᠪᡞᠮᡝ ᠨᡝᡞᡥᡝᠪᡞ ︒ |
| s-667
| ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠴᠠᡢ ᠸᡝᡞ ︑ ᡪᡠᡢᠶᠠᡢ ᡧᡠᡪᡞ ᠴᡠ ᡧᡠᡪᡞ ᠸᠠᡢ ᡥᡡ ᠨᡞᡢ ᡞᠰᠠᠨ ᡩᡝ ᡨᡝᡣᡠᠯᡝᠮᡝ ᡤᡞᠰᡠᠨ ᡤᡞᠰᡠᠷᡝᡥᡝᠪᡞ ︒ |
| s-668
| ᠸᠠᡢ ᡥᡡ ᠨᡞᡢ ᡞᠯᡝᡨᡠᠯᡝᠮᡝ ︐ ᡩᠠᡢ ᠨᡞ ᡪᡠᠸᠠᠨ ᡪᠠᡣᡡᠴᡞ ᠪᡞᠯᡤᠠᠨ ᡞᠰᠠᠨ ᠴᡞ ᡝᠪᠰᡞ ︐ ᠰᡞ ᡪᡞᠨ ᡦᡞᡢ ᡨᡠᡢᡲᡞ ᠪᡝ ᠨᡞᠶᠠᠮᠠᠨ ᡩᡠᠯᡞᠮᠪᠠ ᠣᠪᡠᡥᠠ ᡩᠠᡢ ᡪᡠᡢᠶᠠᡢ ᠨᡞᡢᡤᡝ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᠪᡝ ᡩᡝᠨ ᡣᡝᠮᡠᠨ ᡞ᠋ ᡠᡪᡝᠯᡝᠮᡝ ᡨᡠᠸᠠᠮᡝ ︐ ᠰᡞ ᡪᡞᠨ ᡦᡞᡢ ᡠᡥᡝᠷᡞᠯᡝᡥᡝ ᡧᡠᡪᡞ ᡝᠮᡠ ᠰᡞᠷᡝᠨ ᠣᠶᠣᡢᡤᠣ ᠯᡝᠣᠯᡝᠨ ᠪᡝ ᠠᠷᠠᠮᡝ ᡨᡠᠴᡞᠪᡠᡫᡞ ︐ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᡞ᠋ ᠣᠷᠣᠨ ᠪᠠᡞᡨᠠᠯᠠᠪᡠᠨ ︑ ᡫᠣᠷᠣᡥᠣᠨ ᡪᠣᠷᡞᠨ ︑ ᠠᡫᠠᠪᡠᡥᠠ ᡥᡝᠰᡝᡞ ᡨᡠᡧᠠᠨᡠᠨ ︑ ᠸᡝᡞᠯᡝᠷᠠᠨ ᡞ᠋ ᠣᠶᠣᡢᡤᠣ ᠪᠠ ︑ ᡩᠠᡨᡝᡢᡤᡝ ᠪᠠᡞᡥᠠᠨᠠᠨ ᠪᡝ ᡧᡠᠮᡞᠯᡝᠮᡝ ᡫᡞᠰᡝᠮᠪᡠᡥᡝᠪᡞ ︒ |
| s-669
| ᠰᡞ ᡪᡞᠨ ᡦᡞᡢ ᡠᡥᡝᠷᡞᠯᡝᡥᡝ ᡧᡠᡪᡞ ᡞ᠋ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᡝᠷᡤᡞ ᠣᠶᠣᡢᡤᠣ ᠰᡟᠰᡞᠶᠠᡢ ︐ ᠣᠴᡞ ᡞᠴᡝ ᡝᠷᡞᠨ ᡪᠠᠯᠠᠨ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᠪᡝ ᠰᠠᡞᠨ ᠠᠷᠠᠷᠠ ᠶᠠᠪᡠᠨ ᡞ᠋ ᡥᡝᡧᡝᠨ ᡞᠨᡠ ︐ ᠮᡠᠰᡝ ᡠᠷᡠᠨᠠᡣᡡ ᡠᠨᡝᠨᡤᡤᡞᠯᡝᠮᡝ ᡨᠠᠴᡞᠮᡝ ᡠᠯᡥᡞᠮᡝ ︑ ᡧᡠᠮᡞᠯᡝᠮᡝ ᡫᡝᠷᡝ ᡥᡝᠴᡝᠮᡝ ᠯᠣᡧᡞᠯᡝᡣᡞ ᠰᡝᡥᡝ ︒ |
| s-670
| ᡠᠷᡠᠨᠠᡣᡡ ᡞᠴᡝ ᡪᠣᡢᡬᠣ ᡞᠯᡞᠮᡝ ᡧᠠᡢᡤᠠᡥᠠ 70 ᠪᠠᠷᡠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᠪᡝ ᡨᠣᠷᡥᠣᠮᡝ ᡤᡝᠷᡝᠨ ᡥᠠᠴᡞᠨ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᠪᡝ ᡝᠮᡠᠯᡝᠮᡝ ᠪᠣᡩᠣᠮᡞᠯᡝᠮᡝ ᠠᠨᠠᠮᡝ ᡞᠪᡝᠪᡠᠮᡝ ︐ ᡨᡠᠮᡞᠨ ᡪᡞᠷᠠᠮᡞᠨ ᠠᠷᠪᡠᠨ ᠪᡝ ᡞᠯᡞᠪᡠᠮᡝ ︑ ᡫᠠᡫᡠᠷᡧᠠᠮᡝ ᡞᠪᡝᡩᡝᠷᡝ ᡥᡡᠰᡠᠨ ᠪᡝ ᠪᠠᡣᡪᠠᠮᡝ ᡞᠰᠠᠪᡠᠮᠪᡞ ︒ |
| s-671
| ᡠᠷᡠᠨᠠᡣᡡ ᡩᠠᡢ ᠨᡞ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠸᡝᡞᠯᡝᠷᠠᠨ ᠪᡝ ᡤᡠᠪᠴᡞ ᡩᡝᠷᡝᡞ ᠶᠠᠷᡥᡡᡩᠠᠷᠠ ᠪᡝ ᡝᡨᡠᡥᡠᠯᡝᠮᡝ ︐ ᡩᠠᡢ ᠨᡞ ᡪᡝᡢᡲᡞ ᡞᠯᡞᠪᡠᠷᠠᠨ ᠪᡝ ᡠᡪᡠᡞ ᠣᠷᠣᠨ ᡩᡝ ᠰᡞᠨᡩᠠᠷᠠ ᡩᡝ ᡨᡝᡢ ᠰᡝᠮᡝ ᡞᠯᡞᠮᡝ ︐ ᡬᠠᠮᠪᡠ ᡪᠠᡞ ᠨᡞᠶᠠᠯᠮᠠᡞ ᠮᡠᡨᡠᠨ ᠮᡝᠶᡝᠨ ᡞ᠋ ᡞᠯᡞᠪᡠᠷᠠᠨ ᠪᡝ ᠰᠠᡞᠨ ᡪᠠᡫᠠᠮᡝ ︐ ᡨᠠᡣᠠᠰᡠᡞ ᠠᠷᠪᡠᠨ ᠸᡝᡞᠯᡝᠷᠠᠨ ᠪᡝ ᠶᠠᠷᡥᡡᡩᠠᠷᠠ ᡨᠣᠣᠰᡝ ᠪᡝ ᡨᠠᡣ ᠰᡝᠮᡝ ᡪᠠᡫᠠᡨᠠᡣᡞ ᠰᡝᡥᡝ ︒ |
| s-672
| ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠸᡝᡞ ᠶᡠᠸᠠᠨ ︑ ᡪᡠᡢᠶᠠᡢ ᡠᠯᠠᠮᡝ ᠰᡝᠯᡤᡞᠶᡝᠷᡝ ᡪᡠᠷᡤᠠᠨ ᡞ᠋ ᡩᠠ ᡥᡡᠸᠠᡢ ᡣᡠᠨ ᠮᡞᡢ ᡞᠰᠠᠨ ᠪᡝ ᡪᠠᡫᠠᡨᠠᠮᡝ ᡣᡝᠮᡠᠨᡞ ᠸᡝᡞᠯᡝᠷᠠᠨ ᠪᡝ ᡨᡝᠪᡠᠨᡝᠪᡠᡥᡝᠪᡞ ︒ |
| s-673
| ᡠᠷᡠᠨᠠᡣᡡ ᡩᠠᡢ ᠨᡞ ᡪᡝᡢᡲᡞ ᡞᠯᡞᠪᡠᠷᠠᠨ ᠪᡝ ᡝᠮᡠᠯᡝᠨ ᠶᠠᠷᡥᡡᡩᠠᠨ ᠣᠪᡠᡫᡞ ︐ ᠰᡟᠰᡞᠶᠠᡢ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠠᡫᠠᠨ ᡪᡞᡪᡠᠨ ᡞ᠋ ᡩᠠᡢ ᠨᡞ ᡞᠯᡞᠪᡠᠷᠠᠨ ᠪᡝ ᡤᡠᠪᠴᡞ ᡩᡝᠷᡝᡞ ᡝᡨᡠᡥᡠᠯᡝᠮᡝ ︐ “ ᡩᡠᡞᠨ ᡥᡡᠰᡠᠨ ” ᠪᡝ ᡝᡨᡠᡥᡠᠯᡝᠷᡝ ᡨᠠᠴᡞᠪᡠᠨ ᡥᡡᠸᠠᡧᠠᠪᡠᠨ ᠶᠠᠷᡤᡞᠶᠠᠯᠠᠨ ᠪᡝ ᠣᠨᠴᠣ ᡝᠯᡤᡞᠶᡝᠨ ᠰᠠᠷᡞᠪᡠᡫᡞ ︐ ᡫᡠᠯᡠ ᠰᠠᡞᠨ ᠣᠣᠷᡞ ᠰᡠᡣᡩᡠᠨ ᠠᠷᠪᡠᠨ ᡪᠠᡞ ᡫᡠᠯᡠ ᡝᠨᠴᡠ ᠸᡝᡞᠯᡝᠷᠠᠨ ᡧᠠᡢᡤᠠᠨ ᡞ᠋ ᡪᡞᡫᡞ ᡞᠴᡝ ᡪᡠᡢᡬᠣ ᡞᠯᡞᠮᡝ ᡧᠠᡢᡤᠠᡥᠠ 70 ᠪᠠᠷᡠᠨᡞᠶᠠ ᠪᡝ ᠣᡣᡩᠣᠮᠪᡞ ︒ |
| s-674
| ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠸᡝᡞ ᠶᡠᠸᠠᠨ ︑ ᡪᡠᡢᠶᠠᡢ ᡧᡠᡪᡞ ᠴᡠ ᡧᡠᡪᡞ ᡩᡞᡢ ᠰᡞᠶᠣ ᡧᡞᠶᠠᡢ ︐ ᡪᡠᡢᡤᡠᡢ ᡪᡠᡢᠶᠠᡢ ᡪᡝᡢᡲᡞ ᡪᡞᠣᡞ ᠸᡝᡞ ᠶᡠᠸᠠᠨ ︑ ᡬᠣ ᡠ ᠶᡠᠸᠠᠨ ᡞᠯᡥᡞ ᡯᡠᡢᠯᡞ ᠰᡠᠨ ᠴᡠᠨ ᠯᠠᠨ ᡞᠰᠠᠨ ᡩᡝ ᡨᡝᡣᡠᠯᡝᡥᡝᠪᡞ ︒ |
| s-675
| ᠪᡝᡞᡣᡠᠸᡝᠨ ᡨᡠᠸᡝᠷᡞ ᡩᡝ ᡨᠠᠯᡣᡞᠶᠠᠨ ᡪᠠᠯᡠᡣᡞᠶᠠᠪᡠᠷᡝ ᡩᡝ ᡝᡣᡧᡝᠮᡝ ᠯᠠᠪᡩᡠ ᠠᠷᡤᠠ ᡤᠠᠮᠠᠨ ᠪᠠᡞᡨᠠᠯᠠᡫᡞ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠠᡣᡩᡠᠨ ᠪᡝ ᡤᡠᡢᠯᡝᠷᡝ ᡧᠠᡢᡤᠠᠨ ᡨᡠᠪᡞᡥᡝ ᠪᡝ ᠪᡝᡣᡞᠯᡝᠮᠪᡞ |
| s-676
| ᠪᡝᡞᡣᡠᠸᡝᠨ ᡨᡠᠸᡝᠷᡞ ᡩᠣᠰᡞᡥᠠ ᡩᡝ ︐ ᡠᠯᠠᠪᡠᠨ ᡞ᠋ ᡨᡝᠪᡠᠨᡝᠪᡠᠨ ᠪᡝ ᡩᠠᡥᠠᠮᡝ ︐ “ ᡨᡠᠸᡝᠷᡞ ᡧᠣᠯᠣ ᡠᠴᡠᠷᡞ ” ᠣᠴᡞ ᡠᠰᡞᠰᡞ “ ᠮᠠᡪᡞᡤᡝ ᡝᠷᡤᡝᠷᡝ ” ︑ “ ᡝᠮᡠ ᠠᡢᡤᠠ ᡝᠷᡤᡝᠨ ᡥᡡᠯᠠᡧᠠᠷᠠ ” ᡝᠷᡞᠨ ᡞᠨᡠ ︒ |
| s-677
| ᡨᡠᡨᡨᡠ ᠪᡞᠴᡞᠪᡝ ︐ ᠴᠠᠪᠴᠠᠯ ᠰᡞᠶᠠᠨ ᡪᠠᡥᡝᠰᡨᠠᡞ ᡪᡝᠨ ᡞ᠋ ᡠᠰᡞᠰᡞ ᠰᠠ “ ᡨᡠᠸᡝᠷᡞ ᡧᠣᠯᠣ ᡠᠴᡠᠷᡞ ” ᡩᡝᠷᡞ “ ᡨᡠᠸᡝᠷᡞ ᡝᡣᡧᡝᠷᡝ ᡠᠴᡠᠷᡞ ” ᠴᡞ ᡣᡡᠪᡠᠯᡞᠪᡠᠮᡝ ︐ ᠶᠠᠶᠠᠮᡠ ᡞᠨᡝᡢᡤᡞ ᡩᡝ 250 ᡥᠠᠮᡞᠷᡝ ᡠᠰᡞᠰᡞ ᠠᡩᡠᠯᠠᠰᡞ ᡣᡞᠴᡝᠨ ᡨᠠᡢᡤᡞᠨ ᡩᡝ ᡪᡞᡫᡞ ᡨᠠᠯᡣᡞᠶᠠᠨ ᡩᠣᠰᡞᠪᡠᠮᠠᡥᠠᠪᡞ ︒ |
| s-678
| ᡥᠠᠨᠴᡞᡣᡞ ᡩᡝ ︐ ᡝᡪᡝᠰᡞ ᠴᠠᠪᠴᠠᠯ ᠰᡞᠶᠠᠨ ᡪᠠᡥᡝᠰᡨᠠᡞ ᡪᡝᠨ ᠺᠣᡨᠠᠴᡞᠨ ᡫᠠᡣᠰᡞ ᡝᠷᡩᡝᠮᡠ ᡨᡠᠸᡝᠷᡞ ᡠᠷᡝᠪᡠᠨ ᠪᠠᠨᠰᡝ ᡩᡝᠷᡞ ᠰᠠᠪᡠᠮᡝ ︐ ᡣᡞᠴᡝᠨ ᡨᠠᡢᡤᡞᠨ ᡩᡝ ᡠᠰᡞᠰᡞ ᠠᡩᡠᠯᠠᠰᡞ ᡨᠠᠴᡞᠪᠴᡝᠨ ᡪᠠᡫᠠᠮᡝ ︐ ᡤᠠᠯᠠ ᡩᡝ ᡫᡞ ᡪᠠᡫᠠᡫᡞ ︐ ᠰᡝᡫᡠ ᠪᡝ ᡩᠠᡥᠠᠮᡝ ᡤᡠᠷᡠᠨ ᠪᠣᠣᡞ ᡥᠠᡫᡠ ᠪᠠᡞᡨᠠᠯᠠᠷᠠ ᡤᡞᠰᡠᠨ ᡥᡝᠷᡤᡝᠨ ᠪᡝ ᡠᠨᡝᡢᡤᡞᠯᡝᠮᡝ ᡨᠠᠴᡞᠮᠪᡞ ︐ ᡝᠷᡝ ᠠᠨᡞᠶᠠ 54 ᠰᡝ ᠣᡥᠣ ᠰᡟᡨᡞᠸᠠᡩᡞ · ᡥᡡᡪᡞᠶᠠᠪᠣᠣᡩᡠᠨ ᠣᠴᡞ ᡪᠠᡥᡝᠰᡨᠠᡞ ᡪᡝᠨ ᠠᡣᡝᠶᠠᠨ ᡨᠣᡣᠰᠣᡞ ᡞᠷᡤᡝᠨ ︐ ᡞ ᡩᡠᠯᡝᡣᡝ ᡩᡝ ᡤᡠᠷᡠᠨ ᠪᠣᠣᡞ ᡥᠠᡫᡠ ᠪᠠᡞᡨᠠᠯᠠᠷᠠ ᡤᡞᠰᡠᠨ ᡥᡝᠷᡤᡝᠨ ᠪᡝ ᡠᠷᡝᠰᡥᡡᠨ ᡪᠠᡫᠠᡨᠠᠮᡝ ᠮᡠᡨᡝᠷᡣᡡ ᡩᠠᡩᡝ ︐ ᡤᡝᠯᡞ ᡪᠣᠪᠣᡨᡝᠨ ᡫᠠᡣᠰᡞ ᠮᡠᡨᡝᠨ ᠠᡣᡡ ︒ |
| s-679
| ᡪᠠᡥᡝᠰᡨᠠᡞ ᡪᡝᠨ ᠨᡞᡢᡤᡝ ᡨᡠᠸᡝᠷᡞ ᡫᠣᠷᡤᠣᠨ ᠠᠮᠪᠠ ᡠᠷᡝᠪᡠᠨ ᠪᡝ ᠰᠠᠷᡞᠪᡠᡥᠠ ᠴᡞ ᡝᠪᠰᡞ ︐ ᠰᡟᡨᡞᠸᠠᡩᡞ · ᡥᡡᡪᡞᠶᠠᠪᠣᠣᡩᡠᠨ ᡞ᠋ ᡤᡠᠷᡠᠨ ᠪᠣᠣᡞ ᡥᠠᡫᡠ ᠪᠠᡞᡨᠠᠯᠠᠷᠠ ᡤᡞᠰᡠᠨ ᡥᡝᠷᡤᡝᠨ ᡞ᠋ ᠮᡠᡣᡝᠨᡝᠴᡞᠨ ᡩᡝᠨ ᠸᡝᠰᡞᠮᡝ ︐ ᡨᡠᠸᠠᡣᡡᠨ ᡠᠯᡥᡞᠶᡝᠨ ᡠᠯᡥᡞᠶᡝᠨᡞ ᡣᡡᠪᡠᠯᡞᠮᡝ ︑ ᡫᠠᡣᠰᡞ ᠮᡠᡨᡝᠨ ᡞᠨᡠ ᡨᡠᡣᡞᠶᡝᠪᡠᡥᡝ ︐ ᡩᠣᠰᡞᠪᡠᠨ ᠯᠠᡣᠴᠠᠷᡣᡡ ᡞ᠋ ᠨᠣᡢᡤᡞᠪᡠᠮᡝ ︐ ᡞᠨᡞ ᠪᡝᠶᡝᡞ ᡪᡠᠷᡠ ᡤᠠᠯᠠ ᡞ᠋ ᠪᠠᠨᡪᡞᠨᠸᡝᠨ ᠪᡝ ᡣᡡᠪᡠᠯᡞᠪᡠᠮᡝ ︐ ᠪᠠᠨᡪᡞᠨᠸᡝᠨ ᡝᠯᡝᡞ ᡪᡞᠮᡝ ᡝᠯᡝᡞ ᡫᡠᠯᡤᡞᠶᠠᠨ ᡫᡠᠯᠠᡥᡡᠨ ᠣᡥᠣ ︒ |
| s-680
| ᠰᡟᡨᡞᠸᠠᡩᡞ · ᡥᠣᡪᡞᠶᠠᠪᠣᠣᡩᡠᠨ ᠶᠠᡩᠠᡥᡡᠨ ᠪᠣᡞᡤᠣᠨ ᠣᡫᡞ ᡨᡠᠪᡞᡥᡝ ᠶᠠᡫᠠᠨ ᠪᡝ ᡣᠠᡩᠠᠯᠠᠮᡝ ᡩᠠᠨᠠᠷᠠ ᡩᡝ ᠠᡩᠠᠨᠠᠪᡠᡫᡞ ︐ ᠶᠠᠶᠠᠮᡠ ᠪᡞᠶᠠ ᡩᡝ ᠰᡞᠪᡣᡞᠮᡝ ᠪᠠᡞᠴᠠᠮᡝ ᡣᡝᠮᡠᠨ ᡩᡝ ᠠᠮᠴᠠᡥᠠ ᠠᠮᠠᠯᠠ 1000 ᠶᡠᠸᠠᠨ ᡪᡞᡥᠠ ᠨᡞᠶᡝᠴᡝᠪᡠᠨ ᠪᡝ ᠪᠠᡥᠠᠮᡝ ᡤᠠᡞᠮᡝ ︐ ᡤᡠᠪᠴᡞ ᠠᠨᡞᠶᠠ ᡩᡝ 12000 ᠶᡠᠸᠠᠨ ᠪᠠᡥᠠᠮᡝ ᡤᠠᡞᠮᠪᡞ ︒ |
| s-681
| ᡪᠠᡥᡝᠰᡨᠠᡞ ᡪᡝᠨ ᠨᡞᡢᡤᡝ ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠷᡝ ᠪᡝ ᡥᡠᠸᡝᡣᡞᠶᡝᠮᠪᡠᠷᡝ ᡪᠠᠯᡞᠨ ︐ ᡥᡝᡨᡥᡝ ᡩᡝ ᡨᠣᠮᠣᠷᡥᠣᠨ ᡞ᠋ ᡨᡝᠪᡠᠨᡝᠪᡠᡥᡝ 6 ᠪᡞᠶᠠ ᡩᡝᠷᡞ ᠸᡝᠰᡞᡥᡠᠨ ᠨᡞᡢᡤᡝ ︐ 1500 ᠶᡠᠸᠠᠨ ᡥᡠᠸᡝᡣᡞᠶᡝᠮᠪᡠᠨ ᡪᡞᡥᠠ ᠪᡝ ᠪᠠᡥᠠᠮᡝ ᡤᠠᡞᠮᠪᡞ ᠰᡝᠮᡝ ᡨᠣᡣᡨᠣᠪᡠᡥᠠ ︒ |
| s-682
| ᡩᡠᠯᡝᡣᡝ ᡝᠮᡠ ᠠᠨᡞᠶᠠ ᡩᡝ ︐ ᠰᡟᡨᡞᠸᠠᡩᡞ · ᡥᠣᡪᡞᠶᠠᠪᠣᠣᡩᡠᠨ ᡞ᠋ ᡝᠮᡠ ᠠᡩᠠᠯᡞ ᡠᠰᡞᠰᡞ ᠠᡩᡠᠯᠠᠰᡞ ᡥᠠᠷᠠᡢᡤᠠ ᡪᡝᠨ ᡩᡝ ᡣᡝᠮᡠᠨᡞ 126 ᠪᠣᡞᡤᠣᠨ ᠪᡞᡥᡝᠪᡞ ︐ ᡨᡝᠰᡝ ᠪᠠᠨᡪᡞᠷᠰᡠᠨ ᡞ᠋ ᠶᠠᡩᠠᡥᡡᠨ ᠪᡝ ᠸᡝᡥᡞᠶᡝᠷᡝ ᠪᡠᡪᠠᠨ ᡪᠠᡞ ᠠᡪᡞᡤᡝ ᠪᠣᠣ ᡥᡡᠸᠠ ᡩᡝ ᠨᡞᡣᡝᡫᡞ ᡝᠮᡣᡝ ᡝᠮᡣᡝᠨ ᠪᠠᠶᠠᠨᠠᠷᠠ ᡪᡠᡤᡡᠨ ᠪᡝ ᡫᡠᠨᡨᡠᠷᡧᡝᠮᡝ ᡨᡠᠴᡞᠪᡠᡥᡝᠪᡞ ︒ |
| s-683
| ᠰᡟᡨᡞᠸᠠᡩᡞ · ᡥᠣᡪᡞᠶᠠᠪᠣᠣᡩᡠᠨ ᡤᡞᠰᡠᠷᡝᠮᡝ ︐ ᠪᡞ 2017 ᠴᡞ ᠠᠨᡞᠶᠠ ᡩᡝᠷᡞ ᠪᠠᠨᡪᡞᠷᠰᡠᠨ ᡤᡠᡢᠰᡟ ᡩᡝ ᠸᡝᡞᠯᡝᠷᠠᠮᡝ ︐ ᠮᡝᠨᡞ ᠨᡝ ᡞ᠋ ᠪᠠᠨᡪᡞᠨᠸᡝᠨ ᡠᠮᡝᠰᡞ ᠰᠠᡞᠨ ︐ ᠨᡝ ᠮᡝᠨᡞ ᠪᡝᠶᡝ ᠮᡠᠰᡝᡞ ᡤᡠᠷᡠᠨ ᠪᠣᠣ ᡩᡝ ᠪᠠᠨᡞᡥᠠᠯᠠᠮᡝ ︐ ᡩᠠᡢ ᡪᡠᡢᠶᠠᡢ ᡩᡝ ᠪᠠᠨᡞᡥᠠᠯᠠᠮᡝ ︐ ᡠᡥᡝᠷᡞᠯᡝᡥᡝ ᡧᡠᡪᡞ ᠮᡠᠰᡝ ᡩᡝ ᠮᡠᡪᡞᠯᡝᠨ ᡨᠠᡨᠠᡧᠠᠮᡝ ᡥᠠᡞᠷᠠᠷᠠ ᡩᡝ ᠪᠠᠨᡞᡥᠠᠯᠠᠮᠪᡞ ᠰᡝᡥᡝ ︒ |
| s-684
| ᡯᡞᡲᡞᠰᡞᠶᠠᠨ ᡪᠠᡥᡝᠰᡨᠠᡞ ᡪᡝᠨ ᠨᡞᡢᡤᡝ ᠯᠠᠪᡩᡠ ᠠᠷᡤᠠ ᡤᠠᠮᠠᠨ ᠪᠠᡞᡨᠠᠯᠠᡫᡞ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠠᡣᡩᡠᠨ ᠪᡝ ᡤᡠᡢᠯᡝᠷᡝ ᡧᠠᡢᡤᠠᠨ ᡨᡠᠪᡞᡥᡝ ᠪᡝ ᠪᡝᡣᡞᠯᡝᡥᡝ ︐ ᠰᡟᠰᡞᠶᠠᡢ ᠪᡝ ᡣᡡᠪᡠᠯᡞᠪᡠᠮᡝ ︑ ᡧᡠᡢᡤᡞᡨᡠᠨ ᡩᡠᠷᡠᠨ ᠪᡝ ᡞᠴᡝ ᡫᡠᡣᡪᡞᠯᡝᠮᡝ ︐ ᡩᠠᠰᠠᠨ ᠠᠷᡤᠠ ᠪᡝ ᠪᠣᠣᡞ ᡩᡠᡣᠠᡞ ᠠᡢᡤᠠ ᡩᡝ ᡞᠰᡞᠪᡠᠮᡝ ︐ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠪᡝ ᠠᠮᠪᠠᠷᠠᠪᡠᠮᡝ ︐ ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠷᡝ ᠣᠷᠣᠨ ᠪᡝ ᠰᡠᡣᠰᠠᠯᠠᠮᡝ ︐ ᡠᠷᡝᠪᡠᠨ ᠪᡝ ᡝᡨᡠᡥᡠᠯᡝᠮᡝ ︐ ᡪᠣᠪᠣᡨᡝᠰᡞ ᡞ᠋ ᡫᠠᡣᠰᡞ ᠮᡠᡨᡝᠨ ᠪᡝ ᡩᡝᠨ ᡨᡠᡣᡞᠶᡝᠮᡝ ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠷᡝ ᠪᡝ ᡥᠠᠴᡞᡥᡞᠶᠠᠷᠠ ᡪᡝᠷᡤᡞ ᠠᠷᡤᠠ ᡤᠠᠮᠠᠨ ᠪᡝ ᡩᡠᠯᡝᠮᠪᡠᡫᡞ ︐ ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠮᡝ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠷᠠ ᠪᡝ ᡧᡠᠸᡝ ᠠᠮᠪᠠ ᡞᠷᡤᡝᠨ ᠪᠠᠨᡪᡞᠨᠸᡝᠨ ᠸᡝᡞᠯᡝᠨ ᠣᠪᡠᡫᡞ ᡪᠠᡫᠠᡥᠠᠪᡞ ︒ |
| s-685
| ᡪᠠᡥᡝᠰᡨᠠᡞ ᡪᡝᠨ ᡞᠯᡥᡞ ᡩᠠ ᠯᡞ ᡥᡡ ᡤᡞᠰᡠᠷᡝᠮᡝ ︐ 2019 ᠴᡞ ᠠᠨᡞᠶᠠ ᡪᠠᡥᡝᠰᡨᠠᡞ ᡪᡝᠨ ᠨᡞᡢᡤᡝ ᠣᠶᠣᡢᡤᠣ ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠷᡝ ᡥᡝᡨᡥᡝ ᡪᠠᡞ ᠪᠣᠣ ᡥᡡᠸᠠ ᡪᡞᡢᡪᡞ ᡝᠷᡤᡞᡩᡝ ᡥᡡᠰᡠᠨ ᡫᠠᠶᠠᠪᡠᠮᡝ ︑ ᡤᡠᡢᡤᡝ ᡩᠣᠰᡞᠪᡠᠮᠪᡞ ︒ |
| s-686
| ᡥᡝᡨᡥᡝ ᡩᡝ ᡨᡝᠪᡠᠨᡝᠪᡠᠷᡝ ᡩᡝ ᡝᠮᡠ ᠪᠣᡞᡤᠣᠨ ᡞ᠋ ᡝᠮᡠ ᠨᡞᠶᠠᠯᠮᠠ ᡩᡝ ᡝᠮᡠ ᡪᠣᠪᠣᡨᡝᠨ ᡫᠠᡣᠰᡞ ᠮᡠᡨᡝᠨ ᠪᡝ ᡪᠠᡫᠠᡨᠠᠪᡠᠮᡝ ︐ ᡝᠮᡠ ᠪᠣᡞᡤᠣᠨ ᡞ᠋ ᡝᠮᡠ ᠨᡞᠶᠠᠯᠮᠠ ᡥᡝᡨᡥᡝ ᡩᡝ ᡨᠣᠮᠣᠷᡥᠣᠨ ᡞ᠋ ᡨᡝᠪᡠᠨᡝᠪᡠᠷᡝ ᠪᡝ ᡠᠮᡝᠰᡞᠯᡝᠪᡠᠮᠪᡞ ︒ |
| s-687
| ᠪᠣᠣ ᡥᡡᠸᠠ ᡪᡞᡢᡪᡞ ᡝᠷᡤᡞᡩᡝ ᠶᠠᠰᠠᡞ ᡪᡠᠯᡝᠷᡞ ᠶᠠᠷᡤᡞᠶᠠᠰᡥᡡᠨ ᠠᠷᠪᡠᠨ ᡩᡝ ᠠᠴᠠᠪᡠᠮᡝ ︐ ᠨᡝᠨᡝᠮᡝ ᠪᠣᠣ ᡥᡡᠸᠠ ᠪᠣᡩᠣᠮᡞᠯᡝᠨ ᠪᡝ ᡠᠮᡝᠰᡞᠯᡝᠮᡝ ︐ ᡨᠠᠷᡞᠮᡝ ᠮᡠᡨᡝᠴᡞ ᡠᡨᡥᠠᡞ ᡨᠠᠷᡞᠷᡝ ᠪᡝ ᡠᠮᡝᠰᡞᠯᡝᠮᡝ ︐ ᠪᠣᠣ ᡥᡡᠸᠠ ᡩᡝ ᠪᠠᠨᠠ ᠰᡠᠯᠠ ᠰᡞᠨᡩᠠᠷᠠ ᠠᠷᠪᡠᠨ ᠪᡝ ᡨᡠᠴᡞᠪᡠᠷᡣᡡ ︒ |
| s-688
| ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᡞ᠋ ᠸᡝᡥᡞᠶᡝᠷᡝ ᡝᠷᡤᡞᡩᡝ ᠶᠠᠶᠠᠮᡠ ᠶᠠᡩᠠᡥᡡᠨ ᠪᠣᡞᡤᠣᠨ ᡩᡝ ᡠᠷᡠᠨᠠᡣᡡ ᡨᠣᠶᠣᠮᡝ ᡨᠣᡣᡨᠣᠮᡝ ᡩᠣᠰᡞᠪᡠᠨ ᠨᠣᡢᡤᡞᠪᡠᠷᡝ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᠪᡞᠪᡠᠮᡝ ︑ ᠠᠷᠠᠮᡨᡠᠴᡞᠪᡠᠷᡝ ᡥᡝᡨᡥᡝ ᡞ᠋ ᡩᠣᠰᡞᠪᡠᠨ ᠨᠣᡢᡤᡞᠪᡠᠷᡝ ᡪᠣᠷᡞᠨ ᡪᠠᡞ ᡫᠣᠷᠣᡥᠣᠨ ᠪᡝ ᡤᡝᡨᡠᡣᡝᠯᡝᠮᠪᡞ ᠰᡝᡥᡝ ︒ |
| s-689
| ᡠᠰᡞᠨ ᡧᡠᡢᡤᡞᡨᡠᠨ ᡝᠯᡥᡝ ᠨᡝᠯᡥᡝ ᠪᡝ ᠪᠠᡞᠴᠠᠷᠠᡢᡤᡝ ᡞᠷᡤᡝᠨ ᠪᠠᠨᡪᡞᠨᠸᡝᠨ ᡪᠠᠯᡞᠨ |
| s-690
| ᠮᡞ ᠯᡞᠶᠠᡢ ᠴᡞᠣᠸᠠᠨ ᡤᡡᠰᠠ ᠨᡞᡢᡤᡝ 2019 ᠴᡞ ᠠᠨᡞᠶᠠᡞ ᡠᠰᡞᠨ ᡥᡝᡨᡥᡝ ᡧᡠᡢᡤᡞᡨᡠᠨ ᡞ᠋ ᡝᠯᡥᡝ ᠨᡝᠯᡥᡝ ᡫᠠᡣᠰᡞ ᡝᠷᡩᡝᠮᡠ ᠪᡝ ᠪᠠᠨᡪᡞᠴᠠᠷᠠ ᠸᡝᡞᠯᡝᠷᠠᠨ ᠪᡝ ᡩᡝᠨ ᡣᡝᠮᡠᠨ ᡞ᠋ ᠣᠶᠣᠷᠣᡧᠣᠮᡝ ︐ ᡝᠷᡩᡝᡣᡝᠨ ᡞ᠋ ᠪᠣᡩᠣᠮᡞᠯᡝᠮᡝ ᡨᡝᠪᡠᠨᡝᠪᡠᡥᡝ ︐ ᡤᡡᠰᠠ ᡞ᠋ ᡠᠰᡞᠨ ᡧᡠᡢᡤᡞᡨᡠᠨ ᡨᠠᡨᠠᠨ ᡞ᠋ ᠪᠠᡞᡨᠠᠯᠠᠪᡠᠨ ᠪᡝ ᡨᡝᠰᡠᡨᡝᠯᡝ ᠨᡝᡞᠯᡝᠮᡝ ᡨᡠᠴᡞᠪᡠᠮᡝ ︐ ᡨᡠᠸᡝᠷᡞ ᡧᠣᠯᠣ ᡠᠴᡠᠷᡞ ᠪᡝ ᡪᠠᡫᠠᡫᡞ ︐ ᠪᠠᡞᠴᠠᠷᠠ ᠪᡝ ᡩᡠᠯᡝᠮᠪᡠᡫᡞ ᡨᠠᡣᠰᡞᠮᡝ ᠪᡞᡥᡝ ᡝᠯᡥᡝ ᠨᡝᠯᡥᡝ ᡩᡝ ᠰᠣᠮᡞᠪᡠᡥᠠ ᡪᠣᠪᠣᠯᠣᠨ ᠪᡝ ᡨᡠᠰᠠ ᠪᡞᠮᡝ ᠠᡣᡡᠪᡠᡥᠠ ︐ ᡧᡠᡢᡤᡞᡨᡠᠨ ᡞ᠋ ᡫᡠᠯᡠ ᠰᠠᡞᠨ ᠠᠷᠪᡠᠨ ᠪᡝ ᡣᠠᠷᠮᠠᡨᠠᠮᡝ ᡠᠰᡞᠨ ᡝᠷᡤᡞ ᡠᠷᡝᠪᡠᠰᡠ ᡩᡝ ᠠᡩᠠᠨᠠᠪᡠᠮᡝ ︐ ᠪᠠᡞᡨᠠ ᡥᠠᠴᡞᠨ ᡨᡠᠴᡞᠨᡪᡞᠷᡝ ᠪᡝ ᠯᠠᡣᠴᠠᠪᡠᡥᠠᠪᡞ ︒ |
| s-691
| ᡞᠴᡝ ᠠᠨᡞᠶᠠ ᡩᠣᠰᡞᡥᠠ ᠴᡞ ᡩᡝᠷᡞᠪᡠᠮᡝ ︐ ᡤᡠᠪᠴᡞ ᡤᡡᠰᠠ ᡞ᠋ 151 ᡩᠠᡢᠰᡝ ᡩᡝ ᠪᡞᡥᡝ ᡨᠣᠯᠠᡪᡞ ᡪᠠᡞ ᠪᠠᠷᡤᡞᠶᠠᠮᡝ ᡥᠠᡩᠠᠷᠠ ᡧᡠᡢᡤᡞᡨᡠᠨ ᠪᡝ ᡫᠠᠶᠠᠪᡠᠨ ᡤᠠᡞᠷᡣᡡ ᡞ᠋ ᠪᠠᡞᠴᠠᠮᡝ ᠪᡞᡥᡝ ︒ |
| s-692
| ᠶᠠᠰᠠᡞ ᡪᡠᠯᡝᠷᡞ ︐ ᠪᠠᡞᠴᠠᡫᡞ ᡣᡝᠮᡠᠨ ᡩᡝ ᠠᠮᠴᠠᡥᠠ ᡧᡠᡢᡤᡞᡨᡠᠨ ᡠᡥᡝᠷᡞ 140 ︐ ᠪᠠᡞᠴᠠᡥᠠ ᡣᡝᠮᡠᠨ 93% ᡩᡝ ᠠᠮᠴᠠᡥᠠ ︐ ᡠᠰᡞᠨ ᡧᡠᡢᡤᡞᡨᡠᠨ ᡝᠯᡥᡝ ᠨᡝᠯᡥᡝ ᠠᠷᠠᠮᡨᡠᠴᡞᠪᡠᠷᡝ ᡪᠣᠷᡞᠨ ᠪᡝ ᡣᠠᡩᠠᠯᠠᠮᡝ ᡩᠠᠨᠠᠷᠠ ᡨᡠᡧᠠᠨᡠᠨ ᠪᡞᡨᡥᡝ ᠪᡝ 140 ᡫᡝᠯᡝ ᡤᠠᠯᠠ ᡤᡞᡩᠠᡥᠠ ︐ ᡠᠰᡞᠨ ᡧᡠᡢᡤᡞᡨᡠᠨ ᡝᠯᡥᡝ ᠨᡝᠯᡥᡝ ᠠᠷᠠᠮᡨᡠᠴᡞᠪᡠᠷᡝ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠷᡝ ᠠᡫᠠᡥᠠᠷᡞ ᠪᡝ 140 ᡩᡠᠯᡝᠷᡝ ᡫᡝᠯᡝ ᡫᠠᠯᠠᠮᡝ ᠪᡠᡥᡝᡩᡝ ︐ ᡥᠠᠷᠠᡢᡤᠠ ᡤᡡᠰᠠ ᡞ᠋ ᡠᠰᡞᠨ ᡧᡠᡢᡤᡞᡨᡠᠨ ᡝᠯᡥᡝ ᠨᡝᠯᡥᡝ ᠠᠷᠠᠮᡨᡠᠴᡞᠪᡠᠷᡝ ᡩᡝ ᠠᡣᡩᡠᠨ ᠴᡞᠷᠠ ᡫᡠᠯᡝᡥᡝ ᠪᡝ ᡨᠣᡣᡨᠣᠪᡠᡥᠠᠪᡞ ︒ |
| s-693
| ᡪᡝᠣ ᡩᠠᡢ ᠸᡝᡞ ᠸᡝᡞᠯᡝᠷᠠᠨ ᡞᠰᠠᠨ ᡥᡞᡩᠠ ᠨᡝᡞᡥᡝᠪᡞ |
| s-694
| 1 ᠪᡞᠶᠠᡞ 10 ᡞ᠋ ᡞᠨᡝᡢᡤᡞ ᠣᡢᡤᠣᠯᠣ ︐ ᡞᠯᡞ ᡪᡝᠣ ᡩᠠᡢ ᠸᡝᡞ ᠸᡝᡞᠯᡝᠷᠠᠨ ᡞᠰᠠᠨ ᠪᡝ ᡤᡡᠯᡪᠠ ᡥᠣᡨᠣᠨ ᡩᡝ ᡥᡞᡩᠠ ᠨᡝᡞᡥᡝᠪᡞ ︒ |
| s-695
| ᡪᡝᠣ ᡩᠠᡢ ᠸᡝᡞ ᡧᡠᡪᡞ ᡪᠣᠣ ᡨᡞᠶᠠᠨ ᡪᡞᠶᡝ ᡞᠰᠠᠨ ᡩᡝ ︽ ᡠᡥᡝᠷᡞᠯᡝᡥᡝ ᡪᠣᠷᡞᠨ ᡩᡝ ᡥᡡᠰᡠᠨ ᡫᠣᠷᠣᠪᡠᠮᡝ ︑ ᡞᠴᡝ ᠠᠨ ᡞ᠋ ᠠᠷᠪᡠᠨ ᡩᡝ ᡥᡡᠰᡠᠨ ᡫᠣᠷᠣᠪᡠᡫᡞ ︐ ᡥᠠᠯᠠᠨ ᠨᡝᡞᠯᡝᠨ ᡞᠴᡝ ᡫᡠᡣᡪᡞᠯᡝᠷᡝ ᠣᠣᠷᡞ ᠰᡠᡣᡩᡠᠨ ᡞ᠋ ᡪᡞᡫᡞ “ ᡪᠠᠰᡝᡞ ᡨᡠᠯᡝᠷᡤᡞ ᡪᡞᠶᠠᡢᠨᠠᠨ ” ᠰᡝᠷᡝ ᡞᠴᡝ ᡞᠯᡞ ᠪᡝ ᡥᡡᡩᡠᠯᠠᠮᡝ ᡞᠯᡞᠪᡠᠮᡝ ᠠᠷᠠᠮᠪᡞ ︾ ᠰᡝᠷᡝ ᡪᠣᠷᡞᡢᡤᠠ ᡞ᠋ ᠪᠣᠣᠯᠠᠨ ᠪᡠᡥᡝᠪᡞ ︒ |
| s-696
| ᡪᡝᠣ ᡩᠠᡢ ᠸᡝᡞ ᡞᠯᡥᡞ ᡧᡠᡪᡞ ︑ ᡪᡝᠣ ᡪᠠᡢ ᡣᡠᠯᠮᠠᡧᡞ ᠰᡟᠯᡪᡞᠶᠠᡢ ᡥᡞᡩᠠ ᠨᡝᡞᠷᡝ ᡩᠣᠷᠣᠯᠣᠨ ᠪᡝ ᡪᠠᡫᠠᡨᠠᡥᠠᠪᡞ ︒ |
| s-697
| ᡪᠣᠣ ᡨᡞᠶᠠᠨ ᡪᡞᠶᡝ ᠨᡝᠨᡝᠮᡝ 2018 ᠴᡞ ᠠᠨᡞᠶᠠ ᠸᡝᡞᠯᡝᠷᠠᠨ ᠪᡝ ᡠᡪᡠ ᠮᠠᠷᡞᠮᡝ ᡨᡠᠸᠠᡥᠠᠪᡞ ︒ |
| s-698
| ᡪᠣᠣ ᡨᡞᠶᠠᠨ ᡪᡞᠶᡝ ᡪᠣᠷᡞᠮᡝ ᡨᡠᠴᡞᠪᡠᠮᡝ ︐ ᡝᠷᡝ ᠠᠨᡞᠶᠠ ᠣᠴᡞ ᡞᠴᡝ ᡪᡠᡢᡬᠣ ᡞᠯᡞᠮᡝ ᡧᠠᡢᡤᠠᡥᠠ 70 ᠪᠠᠷᡠᠨᡞᠶᠠ ︐ ᠣᠴᡞ “ ᡪᡠᠸᠠᠨ ᡞᠯᠠᠴᡞ ᠰᡠᠨᡪᠠ ᠠᠨᡞᠶᠠ ” ᠪᠣᡩᠣᠮᡞᠨ ᡪᠣᠷᡞᠨ ᠪᡝ ᠸᠠᡪᡞᠪᡠᠷᡝ ︑ ᠶᡝᠪᡣᡝᠨ ᡤᡝᠷᡝᠨᡠᠰᡠ ᠪᡝ ᡤᡠᠪᠴᡞ ᡩᡝᠷᡝᡞ ᡞᠯᡞᠪᡠᠮᡝ ᠠᠷᠠᠷᠠ ᠣᠶᠣᡢᡤᠣ ᠠᠨᡞᠶᠠ ︐ ᡤᡝᠯᡞ ᠣᠴᡞ ᡤᡝᠷᡝᠨ ᡥᠠᠴᡞᠨ ᠸᡝᡞᠯᡝᠷᠠᠨ ᡩᠠᡨᡝᡢᡤᡝ ᠠᠨ ᡞ᠋ ᠠᠷᠪᡠᠨ ᡩᡝ ᡩᠣᠰᡞᡥᠠ ᠠᠨᡞᠶᠠ ᡞᠨᡠ ︒ |
| s-699
| ᡝᠷᡞᠨ ᠠᠷᠪᡠᠨ ᡨᡠᡧᠠᠨᡠᠨ ᠪᡝ ᡨᡝᠨ ᠣᠪᡠᡫᡞ ᡫᡝᠷᠰᡞᠯᡝᠮᡝ ︐ ᡬᠠᠮᠪᡠ ᠴᡞᠶᡠᠨᡪᡠᡢ ᡞ᠋ ᠮᡝᠷᡤᡝᠨ ᡠᠯᡥᡞᠰᡠ ᠪᡝ ᡞᠰᠠᠪᡠᡫᡞ ︐ ᡝᠷᡝ ᠠᠨᡞᠶᠠᡞ ᠸᡝᡞᠯᡝᠷᠠᠨ ᡞ᠋ ᡠᡥᡝᠷᡞᠯᡝᡥᡝ ᠪᠠᡞᡥᠠᠨᠠᠨ ᡪᠠᡞ ᡪᠣᠷᡞᠨ ᡨᡠᡧᠠᠨᡠᠨ ᠪᡝ ᡨᡞᡞᠯᡝᠮᡝ ᡨᡠᠴᡞᠪᡠᡥᡝᠪᡞ ︒ |
| s-700
| ᡪᠣᠣ ᡨᡞᠶᠠᠨ ᡪᡞᠶᡝ ᡩᡝᠰᡠᡢᡤᡞᠶᡝᠯᡝᠮᡝ ︐ ᠮᡠᠰᡝ ᡝᠮᡤᡝᠷᡞ ᡞᠴᡝ ᠰᡠᡩᡠᠷᡞ ᠨᡝᠴᡞᠨ ᡨᠠᡞᠰᡝ ᡩᡝ ᡞᠯᡞᡥᠠ ︐ ᡝᠯᡝ ᡩᡝᡣᡝᠨ ᡪᠣᠷᡞᠨ ᡞ᠋ ᠪᠠᠷᡠ ᡠᡪᡠ ᡨᡠᡣᡞᠶᡝᡫᡞ ᠠᠮᠪᠠ ᠠᠯᡣᡡᠨ ᡞ᠋ ᡪᡠᠯᡝᠰᡞ ᠠᠯᡣᡡᠮᠠᡥᠠᠪᡞ ︒ |