| s-501
| ᡝᠷᡝ ᡨᠠᠴᡞᠰᡞ ᠠᠨ ᡞ ᡠᠴᡠᠷᡞ ᡣᡞᠴᡝᠪᡝ ᡫᠠᡧᡧᠠᡢᡤᠠ ᠪᡞᠮᡝ , ᡣᡝᠮᡠᠨᡞ ᡣᡠᠮᡩᡠ ᠮᡠᡪᡞᠯᡝᠨ ᡞ ᠰᡝᡫᡠ ᡩᡝᠷᡞ ᡨᠠᠴᡞᠮᡝ , ᠪᡝᠶᡝ ᡞᠨᡠ ᡪᡞᡢᡣᡞᠨ ᡠᠨᡝᡢᡤᡞ ᡞ ᠰᡞᠪᡣᡞᠮᡝ ᡫᡠᡥᠠᡧᠠᠷᠠ ᡨᡠᠷᡤᡠᠨᡩᡝ , ᡠᡨᡨᡠ ᠣᡫᡞ , ᠮᡠᡩᠠᠨ ᡩᠠᠷᡞ ᡠᡪᡠ ᡩᡝ ᠰᡞᠮᠨᡝᠪᡠᠮᠪᡞ 。 |
| s-502
| ᠠᡤᡠ , ᠰᡞ ᡝᠮᡤᡝᠷᡞ ᡤᡞᠰᡠᠨ ᠪᡝ ᡤᡞᠰᡠᠷᡝᠮᡝ ᡩᡝᠷᡞᠪᡠᠴᡞ ᡨᡝᡨᡝᠨᡩᡝᠷᡝ , ᡠᡠᡥᠠᡞ ᡤᡞᠰᡠᠷᡝᠮᡝ ᠸᠠᡪᡞᠪᡠᠴᡞ ᠠᠴᠠᠮᠪᡞ 。 |
| s-503
| ᠰᡠᠸᡝ ᠠᠮᠪᠠ ᡨᠠᠴᡞᡣᡡ ᡩᡝ ᡪᡞᡥᡝ ᠪᡝ ᡩᠠᡥᠠᠮᡝ , ᡠᠷᡠᠨᠠᡣᡡ ᡣᡞᠴᡝᠮᡝ ᡨᠠᠴᡞᠴᡞ ᠠᠴᠠᠮᠪᡞ 。 |
| s-504
| ᡨᡝᠷᡝ ᠠᡢᡤᠠᡞ ᡪᠠᠯᡠ ᠠᠯᡞᠮᡝ ᡤᠠᡞᠴᡞ ᡨᡝᡨᡝᠨᡩᡝᠷᡝ , ᡨᠣᡣᡨᠣᡫᡞ ᡣᡡᠪᡠᠯᡞᠷᠠᡣᡡ ᡣᠠᡞ 。 |
| s-505
| ᡫᡝ ᠠᠷᡤᠠ ᠪᡝ ᠪᠠᡞᡨᠠᠯᠠᡫᡞ ᠣᡪᠣᠷᠠᡣᡡ ᠪᡝ ᡩᠠᡥᠠᠮᡝ , ᡤᡞᠶᠠᠨ ᡞ ᡞᠴᡝ ᠠᠷᡤᠠ ᠪᡝ ᠪᠠᡞᡨᠠᠯᠠᠷᠠ ᠪᡝ ᠪᠣᡩᠣᠴᡞ ᠠᠴᠠᠮᠪᡞ 。 |
| s-506
| ᠨᡞᠶᠠᠯᠮᠠ ᡞᠷᡤᡝᠨ ᡞ ᠠᡞᠰᡞ ᡨᡠᠰᠠ ᡞ ᡪᠠᠯᡞᠨ , ᠮᡠᠰᡝ ᠠᡞ ᡝᡣᡞᠶᡝᡥᡠᠨ ᡨᠠᡧᠠᠮ ᠪᡝ ᡥᠠᠯᠠᠮᡝ ᠮᡠᡨᡝᠷᠠᡣᡡ ᠨᡞ ! |
| s-507
| ᠰᡞᠮᠪᡝ ᠮᡞᠨᡞ ᠰᡝᡪᡝᠨ ᠪᡝ ᠶᠠᠯᡠᡫᡞ ᠨᡝᠨᡝᠮᡝ ᠪᡝᡩᡝᠷᡝ ᠰᡝᠷᡝᡢᡤᡝ , ᠰᡠᠸᡝᠨᡞ ᠪᠣᡠ ᡞ ᡠᠷᠰᡝ ᡨᠠᡨᠠᡧᠠᠷᠠᡣᡡ ᠣᡣᡞᠨᡞ ᠰᡝᠷᡝ ᡪᠠᠯᡞᠨ 。 |
| s-508
| ᠰᡞ ᠠᡞᡣᠠ ᡝᠮᡠ ᡤᡞᠰᡠᠨ ᡤᡞᠰᡠᠷᡝᠷᠠᡣᡡ ᠣᠴᡞ , ᡤᡝᠷᡝᠨ ᠨᡞᠶᠠᠯᠮᠠ ᠠᠮᠪᡠᠯᠠ ᡝᠷᡝᠴᡠᠨ ᡠᡫᠠᠷᠠᠮᠪᡞ 。 |
| s-509
| ᠠᡞᡣᠠᠪᠠᡩᡝ ᡨᡝᠷᡝ ᠮᡝᠷᡤᡝᠨ ᡩᠠᡞᡫᡠ ᠸᠠᡣᠠ ᠣᠴᡞ , ᠮᡞᠨᡞ ᡝᠷᡤᡝᠨ ᡣᡝᡪᡞᠨᡝ ᡪᠣᠴᡞᡥᠠ 。 |
| s-510
| ᡩᠠᠮᡠ ᡞᠪᡝᡩᡝᡥᡝᡝ ᡪᠠᡣᠠ ᠪᡝ ᡨᡝᠰᡠᡨᡝᠯᡝ ᠠᠯᡤᡞᠮᠪᡠᡫᡞ , ᠠᠮᠠᠷᡞᠯᡥᠠ ᡪᠠᡣᠠ ᠪᡝ ᡝᡨᡝᠴᡞ , ᡤᡝᠷᡝᠨᡠᠰᡠ ᠪᡝ ᡨᡝᠨᡞ ᡪᡠᠯᡝᠰᡞ ᡞᠪᡝᠪᡠᠮᡝ ᠮᡠᡨᡝᠮᠪᡞ 。 |
| s-511
| ᡩᠠᠮᡠ ᡣᡠᠮᡩᡠᠰᡩᡠᠨ ᠪᡝ ᠪᠠᡥᠠᠮᡝ ᡤᠣᠴᡞᠴᡞ , ᠨᡞᠶᠠᠯᠮᠠ ᡨᡝᠨᡞ ᡨᠠᡣᠰᡞᠮᡝ ᠮᡠᡨᡝᠮᠪᡞ 。 |
| s-512
| ᡨᠣᡣᡨᠣᡫᡞ ᡠᠷᡠᠨᠠᡣᡡ ᡨᠠᡧᠠᠨ ᠪᡝ ᡥᠠᠯᠠᠴᡞ , ᡨᡝᠨᡞ ᡤᡝᠷᡝᠨ ᠨᡞᠶᠠᠯᠮᠠᡞ ᠣᠨᠴᠣᡩᠣᠷᠣ ᡤᡞᠯᡪᠠᠷᠠ ᠪᡝ ᠪᠠᡥᠠᠮᡝ ᠠᠯᡞᠮᠪᡞ 。 |
| s-513
| ᠠᡤᡠ , ᠰᡞ ᡝᠨᡝᡢᡤᡞ ᡨᡠᠯᡝᠰᡞ ᡨᡠᠴᡞᠷᠠᡣᡡ ᠣᡥᠣᡩᡝ , ᠶᠠᠮᡪᡞᠰᡥᡡᠨ ᠮᡞᠨᡞ ᠪᠣᡠ ᡩᡝ ᠪᡠᡩᠠᠯᠠᠮᡝ ᡪᡞᠷᡝᡠ 。 |
| s-514
| ᠣᠮᠣᠯᠣ ᠠᠮᡠ ᡪᡞᡫᡞ ᠠᠮᡤᠠᡥᠠ ᠮᠠᡢᡤᡞ , ᠪᡞ ᡨᡝᠨᡞ ᠪᠠᡪᡞ ᡝᠷᡤᡝᠮᡝ ᠮᡠᡨᡝᠮᠪᡞ 。 |
| s-515
| ᡩᠠᠮᡠ ᡪᡠᡢ ᡥᡡᠸᠠ ᡞ ᡠᡩᡠ ᠮᡞᡢᡤᠠᠨ ᠠᠨᡞᠶᠠᠴᡞ ᡠᠯᠠᠪᡠᠮᡝ ᡪᡞᡥᡝ ᡫᡠᠯᡠ ᠰᠠᡞᠨ ᡧᡠ ᠸᡝᠨ ᠪᡝ ᠰᡞᠷᠠᠮᡝ ᠠᠯᡤᡞᠮᠪᡠᠷᡝ ᠣᡥᠣᡩᡝ , ᡞᠴᡝ ᡝᠷᡞᠨ ᡪᠠᠯᠠᠨ ᡞ ᡧᡠ ᡤᡝᡢᡤᡞᠶᡝᠨ ᡪᠠᡞ ᡧᡠ ᠸᡝᠨ ᠪᡝ ᡨᡝᠨᡞ ᡞᠯᡞᠪᡠᠮᡝ ᠠᠷᠠᠮᡝ ᠮᡠᡨᡝᠮᠪᡞ 。 |
| s-516
| ᡝᠷᡝ ᡪᡠᡞ ᠰᡠᠷᡝ ᠰᡝᡣᡨᡠ ᠯᡞᡢᡤᡝ ᡣᡞᠶᠠᡢᡩᡠ ᠪᡞᠮᡝ , ᠪᠠᠨᡪᡞᡥᠠᡢᡤᡝ ᡞᠨᡠ ᡤᡞᠯᡨᡠᡣᠠᠨ ᠠᡞᠯᡠᡢᡤᠠ ᠰᡝᠴᡞ , ᡤᡡᠨᡞᠨ ᠮᡠᡪᡞᠯᡝᠨ ᡥᠣᠨᠣ ᡤᡠᠯᡠ ᠨᠣᠮᡥᠣᠨ ᠰᠠᡞᠨ 。 |
| s-517
| ᡨᡝᠰᡝ ᡤᡠᠯᡥᡠᠨ ᡩᠣᠪᠣᠷᡞ ᡝᠮᡠ ᡩᡝᠷᡝᡞ ᠠᠷᡣᡞ ᠣᠮᡞᠮᡝ , ᡝᠮᡠ ᡩᡝᠷᡝᡞ ᡣᡠᠮᡠᠨᡩᡠᠮᡝ ᡠᠴᡠᠯᡝᠮᡝ , ᠰᡝᠪᡪᡝᠨ ᡨᡝᠨ ᡩᡝ ᡞᠰᡞᠨᠠᡥᠠ ᠰᡝᠴᡞ ᠣᠮᠪᡞ 。 |
| s-518
| ᠪᡞ ᡠᠮᠠᡞ ᠶᠠᠪᡠᠷᠠᡣᡡ ᠰᡝᠷᡝᡢᡤᡝ ᠸᠠᡣᠠ , ᠮᠠᡢᡤᠠᡞ ᡨᠠᡣᠠ ᡣᡝᠮᡠᠨᡞ ᠶᠠᠪᡠᠮᡝ ᠮᡠᡨᡝᠷᠠᡣᡡ 。 |
| s-519
| ᡠᡥᡝᡞ ᠮᠠᡫᠠᡤᡠᠷᡠᠨ ᡞ ᠠᠯᡞᠨ ᠪᡞᠷᠠ ᡩᡝ ᡨᡝᡫᡞ , ᡠᡥᡝᡞ ᠮᠠᡫᠠᡤᡠᠷᡠᠨ ᡞ ᠮᡠᡣᡝ ᠪᡝ ᠣᠮᡞᠮᡝ ᠣᡫᡞ , ᠰᡠᠰᠠᡞ ᠨᡞᡢᡤᡠᠨ ᡠᡣᠰᡠᠷᠠ ᠸᡝ ᡤᡝᠯᡞ ᠸᡝ ᡩᡝᠷᡞ ᡩᡝᠯᡥᡝᠮᡝ ᠮᡠᡨᡝᠷᠠᡣᡡ 。 |
| s-520
| ᡥᠠᡞᠯᠠᠨ ᡩᡝ ᡫᡠᠯᡝᡥᡝ ᠪᡞ , ᠮᡠᡣᡝ ᡩᡝ ᠰᡝᡣᡞᠶᡝᠨ ᠪᡞ , ᠨᡞᠶᠠᠯᠮᠠ ᡩᡝ ᠴᡞᡣᡨᠠᠨ ᠪᡞ , ᡠᡨᡨᡠ ᠣᡫᡞ , ᠰᡝᡢᡤᡝ ᠪᡝ ᡤᡞᡢᡤᡠᠯᡝᠮᡝ ᡥᡞᠶᠣᡠᡧᡠᠨ ᠪᡝ ᠠᡣᡡᠮᠪᡠᠮᠪᡞ ᠰᡝᠷᡝᡢᡤᡝ , ᡪᡠᡢ ᡥᡡᠸᠠ ᡠᡣᠰᡠᠷᠠᡞ ᡠᠯᠠᠨᡩᡠᠨᡪᡞᡥᡝ ᠰᠠᡞᠨ ᡝᠷᡩᡝᠮᡠ ᡣᠠᡞ 。 |
| s-521
| ᡨᡝᠷᡝ ᠪᡞᡨᡥᡝᡞ ᡫᡠᠯᡥᡡ ᡩᡝ ᡞᠨᡞ ᠪᡞᡨᡥᡝ ᠴᠠᡤᠠᠨ ᡪᠠᡞ ᡫᡞ ᠪᡝ ᡨᡝᠪᡠᡫᡞ , ᡤᡝᠯᡞ ᡝᠮᡠ ᠮᡠᡩᠠᠨ ᠨᠠᠷᡥᡡᡧᠠᠮᡝ ᠪᠠᡞᠴᠠᠮᡝ ᡨᡠᠸᠠᡫᡞ , ᠠᠮᠠᠯᠠ ᡨᡝᠨᡞ ᠪᠠᠨᠰᡝ ᡩᡝᠷᡞ ᡨᡠᠴᡞᠮᡝ ᠶᠠᠪᡠᡥᠠ 。 |
| s-522
| ᠨᡞᠶᠠᠯᠮᠠᠰᡠ ᡞᠨᡞ ᠪᡝᠶᡝᡞ ᡥᡡᠰᡠᠨ ᡩᡝ ᠠᡣᡩᠠᡫᡞ ᠪᠠᠨᡪᡞᡨᠠᠨ ᠪᡝ ᡩᠠᡞᠯᠠᠮᡝ ᡩᠠᡥᠠᠪᡠᡥᠠ ᡨᡝᡞᠯᡝ ᠸᠠᡣᠠ , ᡣᡝᠮᡠᠨᡞ ᠪᠠᠨᡪᡞᡨᠠᠨ ᡞ ᠠᡞᠰᡞ ᠪᡝ ᠪᠠᡞᡨᠠᠯᠠᠮᡝ ᠪᠠᠶᠠᠰᡠ ᡫᡠᡣᡪᡞᠯᡝᠮᡝ ᠠᠷᠠᠮᠪᡞ 。 |
| s-523
| ᠨᡞᠶᠠᠯᠮᠠᡞ ᠮᠠᡢᡤᠠ ᡩᡝ ᠠᡞᠰᡞᠯᠠᠷᠠᡣᡡ ᡩᠠᡩᡝ , ᡝᠯᡝᠮᠠᡢᡤᠠ ᡩᠠᠯᠪᠠ ᡩᡝ ᡞᠯᡞᡫᡞ ᡝᠮᡠ ᡩᡝᠷᡝᡞ ᠪᠠᠰᡠᠮᡝ ᡞᠨᡪᡝᠮᠪᡞ 。 |
| s-524
| ᠮᡝᠨᡞ ᠰᡝᡫᡠ ᠮᠠᠨᡪᡠ ᠰᡞᠪᡝ ᡤᡞᠰᡠᠨ ᡩᡝ ᡠᠷᡝᠮᡝ ᡥᠠᡫᡠᡣᠠ ᡩᠠᡩᡝ , ᠨᡞᡣᠠᠨ ᡤᡞᠰᡠᠨ ᡥᡝᠷᡤᡝᠨ ᡩᡝ ᡞᠨᡠ ᡠᠷᡝᠮᡝ ᡥᠠᡫᡠᡣᠠᠪᡞ 。 |
| s-525
| ᠴᡞᠮᠠᠷᡞ ᡝᡞᠴᡞ ᠰᡞ ᡪᡞᡠ , ᡝᡞᠴᡞ ᡨᡝᠷᡝ ᡪᡞᡣᡞᠨᡞ , ᡝᠮᡣᡝᠨ ᡪᡞᠷᠠᡣᡡ ᠣᠴᡞ ᠣᡪᠣᠷᠠᡣᡡ 。 |
| s-526
| ᡝᠮᡠ ᡪᠠᠯᠠᠨ ᡩᡝ ᠠᡞᠨᠠᠮᡝ ᠠᡞᠨᠠᠮᡝ ᠠᠷᠰᠠᠷᡞ ᠪᠠᠨᡪᡞᠷᡝ ᠠᡢᡤᠠᠯᠠ , ᡝᠮᡠ ᡫᠠᠯᡤᠠ ᡥᠣᡠ ᡥᡞᡠ ᠰᡝᠮᡝ ᠪᠠᡞᡨᠠ ᡞᠴᡞᡥᡞᠶᠠᠷᠠ ᡩᡝ ᡞᠰᡞᠷᠠᡣᡡ 。 |
| s-527
| ᠠᠮᠠ ᡪᡠᡞ ᡞ ᠪᠠᠷᡠ ᡥᡝᠨᡩᡠᠮᡝ : ' ᡝᠮᠪᡞᠴᡞ ᠪᡞᡨᡥᡝ ᡨᠠᠴᡞᠮᠪᡞᡠ ? ᡝᠮᠪᡞᠴᡞ ᡠᠰᡞᠨ ᠸᡝᡞᠯᡝᠮᠪᡞᡠ ? ᠰᡞᠨᡞ ᠪᡝᠶᡝ ᡨᠣᡣᡨᠣᠪᡠ ' ᠰᡝᡥᡝ 。 |
| s-528
| ᠨᡞᠶᠠᠯᠮᠠᡞ ᡞᠴᡞᡥᡞᠶᠠᡥᠠ ᠪᠠᡞᡨᠠ ᠪᡝ ᡝᠷᡝ ᡞᠨᡠ ᠣᡪᠣᠷᠠᡣᡡ ᡨᡝᠷᡝ ᡞᠨᡠ ᠣᡪᠣᠷᠠᡣᡡ ᠰᡝᠮᡝ ᡪᠠᠪᠴᠠᠷᠠ ᠠᡢᡤᠠᠯᠠ , ᡞᠨᡞ ᠪᡝᠶᡝ ᡤᠠᠯᠠ ᡩᠠᠮᡝ ᡞᠴᡞᡥᡞᠶᠠᠷᠠ ᡩᡝ ᡞᠰᡞᠷᠠᡣᡡ 。 |
| s-529
| ᡤᡝᠷᡝᠨ ᡤᡝᠮᡠ ᡣᡝᡪᡞᠨᡝ ᡞᠰᡞᠨᠠᠮᡝ ᡪᡞᡥᡝᠪᡞ , ᡩᠠᠮᡠ ᠠᡤᡠ ᡞ ᡨᡝᡞᠯᡝ ᡪᡞᠷᡝ ᡠᠨᡩᡝ 。 |
| s-530
| ᠪᠠᠨᡪᡞᡥᠠ ᠠᠷᠪᡠᠨ ᠮᡠᠷᡠ ᡤᡞᠷᡠ ᡤᡞᠯᡨᡠᡣᠠᠨ ᡤᠣᡪᡞᠮᡝ , ᡩᠠᠮᡠ ᠠᡞᠨᠠᠷᠠ ᡩᠣᠷᠣ ᠶᠣᠰᠣ ᠠᡣᡡ ᡩᡝ ᡤᡡᡨᡠᠪᡠᡥᠠ 。 |
| s-531
| ᠪᡞ ᡠᡩᡠ ᡤᡡᠯᡪᠠ ᡩᡝ ᡨᡝᡫᡞ ᠴᠠᠪᠴᠠᠯ ᡩᡝ ᡥᠠᠨᠴᡞ ᠪᡞᠴᡞᠪᡝ , ᠪᠠᡞᡨᠠ ᠠᡣᡡ ᠣᠴᡞ ᡞᠨᡠ ᡩᠠᠷᡠᡥᠠᡞ ᡤᡝᠨᡝᠷᡝ ᡧᠣᠯᠣ ᠠᡣᡡ 。 |
| s-532
| ᡠᡩᡠ ᡪᡠᡞ ᠪᡝ ᡣᡞᡩᡠᠷᡝ ᠮᡠᡪᡞᠯᡝᠨ ᡝᠷᡞᠨ ᡩᠠᠷᡞ ᠴᡞᡣ ᠴᡞᡣ ᠰᡝᠮᠪᡞ ᠰᡝᠴᡞᠪᡝ , ᡩᠠᠮᡠ ᠠᠯᡞᠨ ᠪᡞᠷᠠ ᡤᠣᠷᠣ ᡤᡞᠶᠠᠯᠠᠪᡠᡫᡞ , ᡞᠨᡠ ᠰᠠᠪᡠᠷᡝ ᡩᡝ ᡞᠯᡩᡠᡢᡤᠠ ᠠᡣᡡ 。 |
| s-533
| ᠰᡝᡫᡠ ᡠᡩᡠ ᡝᠷᡝ ᡫᠣᠨᡪᡞᠨ ᠪᡝ ᡨᡝᠷᡝ ᡩᡝ ᡩᠠᡥᡡᠨ ᡞ ᠰᡠᠮᡝ ᡪᡞᠶᠠᡢᠨᠠᡥᠠ ᠰᡝᠮᡝ , ᡨᡠᠸᠠᠴᡞ , ᡠᠮᠠᡞ ᡠᠯᡥᡞᡥᡝ ᠮᡠᠷᡠ ᠠᡣᡡ 。 |
| s-534
| ᡠᡨᡥᠠᡞ ᡨᡠᠮᡝᠨ ᡠᠯᠴᡞᠨ ᠪᠣᡠ ᡞ ᡥᡝᡨᡥᡝ ᠪᡞᡥᡝ ᠰᡝᠮᡝ , ᡣᠠᡨᡠᠨ ᡤᡠᡞᡤᡠ ᠪᡝᠶᡝ ᡩᡠᠷᠰᡠᠨ ᠠᡣᡡ ᠣᠴᡞ , ᡞᠨᡠ ᠠᡞ ᡨᡠᠰᠠ ᠪᡞ ! |
| s-535
| ᠪᡞ ᠴᡞᡥᠠᡢᡤᠠᡞ ᠶᠠᡩᠠᠮᡝ ᠮᡠᡨᡝᠮᠪᡞ , ᡞᠨᡠ ᡨᡝᠰᡝ ᠪᡝ ᡩᠠᡥᠠᠮᡝ ᡨᠠᠴᡞᠷᠠᡣᡡ 。 |
| s-536
| ᠴᡞᡥᠠᡢᡤᠠᡞ ᠪᡝᠶᡝ ᠨᠠᡞ ᡤᡞᠨᡩᠠᠨᠠ ᡩᡝ ᡩᠣᠰᡞᠮᡝ ᠮᡠᡨᡝᠮᠪᡞ , ᡞᠨᡠ ᡥᠠᡪᡞ ᠨᡞᠶᠠᠮᠠᡢᡤᠠ ᠪᡝ ᠠᠪᡣᠠᡞ ᡨᠠᡢᡤᡞᠨ ᡩᡝ ᡨᠠᡫᠠᠪᡠᠮᠪᡞ 。 |
| s-537
| ᠮᠠᠨᡩᠠᠨ ᠣᠴᡞ ᠮᠠᠨᡩᠠᠨ ᠣᡣᡞᠨᡞ , ᡩᠠᠮᡠ ᡥᡝᠨᡞ ᠰᠠᡞᠨ ᠣᡣᡞᠨᡞ 。 |
| s-538
| ᠰᡞ ᠠᡞ ᠰᡝᠮᡝ ᡤᡞᠰᡠᠷᡝᡥᡝ ᠰᡝᠴᡞᠪᡝ , ᠪᡞ ᡤᡝᠮᡠ ᡪᡞᠯᡞ ᠪᠠᠨᡪᡞᠷᠠᡣᡡ 。 |
| s-539
| ᠶᠠ ᠸᡝ ᡨᠠᡧᠠᠷᠠᡥᠠ ᠪᡝ ᡩᠠᠷᡣᡡ , ᠮᡠᠰᡝ ᡤᡝᠮᡠ ᡨᡝᡫᡞ ᡧᡠᠮᡞᠯᡝᠮᡝ ᠰᡝᡠᠯᡝᠴᡞ ᠠᠴᠠᠮᠪᡞ 。 |
| s-540
| ᠠᡞ ᠪᠠᡞᡨᠠ ᡨᡠᠴᡞᡣᡝ ᠰᡝᠮᡝ , ᠪᡞ ᡤᡝᠮᡠ ᠰᡞᠨᡩᡝ ᠠᡞᠰᡞᠯᠠᠮᠪᡞ 。 |
| s-541
| ᡝᠷᡝ ᠪᠠᡞᡨᠠ ᠪᡝ ᡤᡞᠶᠠᠨ ᡞ ᡞᠴᡞᡥᡞᠶᠠᠴᡞ ᠠᠴᠠᠮᡝ ᠣᡥᠣ , ᡨᡠᡨᡨᡠ ᠸᠠᡣᠠ ᠣᠴᡞ ᡨᡠᡨᠠᠯᠠ ᠪᠠᡞᡨᠠ ᡤᡝᠮᡠ ᠰᠠᠷᡨᠠᠪᡠᠮᠪᡞ 。 |
| s-542
| ᡪᠠᠪᡧᠠᠨ ᡩᡝ ᠰᡞᡣᠰᡝ ᠪᡞ ᡨᡝᠷᡝ ᠰᡝᡪᡝᠨ ᡩᡝ ᡨᡝᡥᡝᡣᡡᡢᡤᡝ , ᡨᡠᡨᡨᡠ ᠸᠠᡣᠠ ᠪᡞᡥᡝ ᠪᡞᠴᡞ , ᠪᡞ ᡞᠨᡠ ᡪᠣᠪᠣᠯᠣᠨ ᡩᡝ ᡨᡠᡧᠠᠮᠪᡞᡥᡝ 。 |
| s-543
| ᡝᡞᠴᡞ ᡨᡝᠷᡝ ᠨᡞᠶᠠᠯᠮᠠ ᠠᠮᠪᠠ ᡨᠠᡧᠠᠨ ᡨᠠᡧᠠᠷᠠᡥᠠ ᠠᡞᠰᡝ , ᡠᡨᡨᡠ ᠸᠠᡣᠠ ᠣᡥᠣ ᠪᡞᠴᡞ , ᡨᡝᠷᡝᠪᡝ ᠣᠷᠣᠨ ᡩᡝᠷᡞ ᠸᠠᠰᡞᠪᡠᠷᠠᡣᡡ ᠪᡞᡥᡝ 。 |
| s-544
| ᡝᡞᠴᡞ ᠮᡞᠨᡞ ᡤᡞᠰᡠᠷᡝᡥᡝ ᠰᠣᡢᡣᠣᡞ ᡞᠴᡞᡥᡞᠶᠠ , ᡠᡨᡨᡠ ᠸᠠᡣᠠ ᠣᠴᡞ , ᠪᡞ ᠰᡞᠮᠪᡝ ᡤᡠᠸᡝᠪᡠᠷᠠᡣᡡ 。 |
| s-545
| ᡞᠯᡞ ᡪᡠᠸᠠᠨ ᡞᠯᠠᠴᡞ ᠪᡞᠯᡤᠠᠨ “ ᠨᡞᠮᠠᡢᡤᡞ ᠪᡠᠶᡝᠨᡞᠨ ” ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᡪᠠᡞ ᠴᠠᠪᠴᠠᠯ ᠰᡞᠶᠠᠨ ᠶᠠᡩᠠᡥᡡᠨ ᠪᡝ ᠸᡝᡥᡞᠶᡝᠮᡝ ᡨᠠᠴᡞᠨ ᡩᡝ ᠠᡞᠰᡞᠯᠠᠷᠠ ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᡥᡞᡩᠠ ᠨᡝᡞᡥᡝᠪᡞ |
| s-546
| 1 ᠪᡞᠶᠠᡞ ᡞᠴᡝ ᡩᡝ , ᡞᠯᡞ ᡪᡠᠸᠠᠨ ᡞᠯᠠᠴᡞ ᠪᡞᠯᡤᠠᠨ “ ᠨᡞᠮᠠᡢᡤᡞ ᠪᡠᠶᡝᠨᡞᠨ ” ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᡪᠠᡞ ᠴᠠᠪᠴᠠᠯ ᠰᡞᠶᠠᠨ ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᠪᡝ ᠸᡝᠨᡪᡝᡥᡠᠨ ᡠᠷᡤᡠᡢᡤᡝ ᡠᠴᡠᠨ ᠮᠠᡣᠰᡞᠨ ᡝᡫᡞᠨ ᡩᠣᠯᠣ ᡥᡞᡩᠠ ᠨᡝᡞᡥᡝᠪᡞ ︒ |
| s-547
| ᡥᡞᡩᠠ ᠨᡝᡞᠷᡝ ᡩᠣᠷᠣᠯᠣᠨ ᠪᡝ ᠴᠠᠪᠴᠠᠯ ᠰᡞᠶᠠᠨ ᠶᡠᠸᠠᠨ ᡦᡠ ᠶᡠᠸᠠᠨ ᡩᡝ ᠶᠠᠪᡠᠪᡠᡫᡞ ︐ ᡞᠯᡞ ᡪᡝᡠ ᡞᠯᡥᡞ ᡪᡝᡠ ᡪᠠᡢ ᡪᠠᡢ ᡪᡞᡠᡞ ᡪᠠᡞ ᡪᡝᡠ ᡩᡝ ᡨᠣᠨᡩᠣᡣᠣᠨ ᡣᠠᡩᠠᠯᠠᠪᡠᠷᡝ ᠣᠷᠣᠨ ᡞ᠋ ᡨᡠᡧᠠᠨᡠᠰᡞ ︐ ᠰᡞᠶᠠᠨ ᡩᡠᡞᠨ ᠶᠣᡥᡞ ᠪᠠᠨᠰᡝᡞ ᠶᠠᠷᡥᡡᡩᠠᠰᡞ ᡩᠣᠷᠣᠯᠣᠨ ᡩᡝ ᡨᡝᡣᡠᠯᡝᡥᡝᠪᡞ ︒ |
| s-548
| ᠴᠠᠪᠴᠠᠯ ᠰᡞᠶᠠᠨ ᠸᡝᡞ ᡞᠯᡥᡞ ᡧᡠᡪᡞ ︑ ᠰᡞᠶᠠᠨ ᡪᠠᡢ ᡤᡠᠸᠠᠨ ᡤᡠᡞᡪᡝᠨ ᠴᠠᠪᠴᠠᠯ ᠰᡞᠶᠠᠨ ᠸᡝᡞ ︑ ᠰᡞᠶᠠᠨ ᠨᡞᠶᠠᠯᠮᠠ ᡞᠷᡤᡝᠨ ᡩᠠᠰᠠᠨ ᠶᠠᠮᡠᠨ ᠪᡝ ᡫᡠᠨᡩᡝᠯᡝᡫᡞ ︐ ᠠᡧᡧᠠᠨ ᡩᡝ ᡝᡢᡤᡝᠯᡝᠮᡝ ᡪᡞᡥᡝ ᡤᡝᠷᡝᠨ ᠶᠠᠷᡥᡡᡩᠠᠰᡞ ︑ ᠠᠨᡨᠠᡥᠠ ᡞ᠋ ᠪᠠᠷᡠ ︐ ᡤᠣᠯᠮᡞᠨ ᠪᡞᠯᡤᠠᠨ ᠴᡞ ᡝᠪᠰᡞ ᠴᠠᠪᠴᠠᠯ ᡞ᠋ ᠪᠠᡩᠠᠷᠠᠨ ᡩᡝ ᠮᡠᡪᡞᠯᡝᠨ ᡨᠠᡨᠠᡧᠠᠮᡝ ᠸᡝᡥᡞᠶᡝᡥᡝ ᡤᡝᠷᡝᠨ ᡪᡝᠴᡝᠨ ᡠᠷᠰᡝ ᡞ᠋ ᠪᠠᠷᡠ ᡥᠠᠯᡥᡡᠨ ᡞ᠋ ᡠᠷᡤᡠᠯᡝᠷᡝ ᡪᠠᡞ ᡠᠨᡝᡢᡤᡞ ᡞ᠋ ᡝᠯᡥᡝ ᠰᠠᡞᠨ ᡫᠣᠨᡪᡞᠷᡝ ᠪᡝ ᡞᠯᡝᡨᡠᠯᡝᡥᡝ ︐ ᡣᡝᠮᡠᠨᡞ ᡨᡝᠰᡠ ᠪᡞᠯᡤᠠᠨ ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᡞ᠋ ᡩᠠᡨᡝᡢᡤᡝ ᠠᠷᠪᡠᠨ ᡪᠠᡞ ᠠᡧᡧᠠᠨ ᡞ᠋ ᠪᠠᡣᡨᠠᠮᠪᡠᠨ ᠪᡝ ᡨᠠᡣᠠᠪᡠᡥᠠ ︒ |
| s-549
| ᡨᠠᡣᠠᠨᡩᡠᠪᡠᡥᠠ ᠪᡝ ᡨᡝᠨ ᠣᠪᡠᡥᠠ ᡩᡝ ︐ ᡞᠯᡞ ᡪᡠᠸᠠᠨ ᡞᠯᠠᠴᡞ ᠪᡞᠯᡤᠠᠨ “ ᠨᡞᠮᠠᡢᡤᡞ ᠪᡠᠶᡝᠷᡧᡝᠨ ” ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ ᡪᠠᡞ ᠴᠠᠪᠴᠠᠯ ᠰᡞᠶᠠᠨ ᡪᡠᡥᡝ ᠨᡞᠮᠠᡢᡤᡞ ᡧᡠ ᠸᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠰᠠᡞᡢᡤᡞ 2019 ᠴᡞ ᠠᠨᡞᠶᠠ ᠠᠨᡞᠶᠠᡞ ᠪᡞᠶᠠᡞ ᡞᠴᡝ ᡩᡝᠷᡞ ᡩᡝᠷᡞᠪᡠᡫᡞ ᡝᠷᡝ ᠠᠨᡞᠶᠠ 2 ᠪᡞᠶᠠᡞ ᡧᠣᡧᠣᡥᠣᠨ ᠰᡞᡩᡝᠨ ︐ ᠠᡧᡧᠠᠨ ᡠᠴᡠᠷᡞ ᡞ᠋ ᡠᠴᡝ ᡦᡞᠶᠣᠣ ᡞ᠋ ᡩᠣᠰᡞᠪᡠᠨ ᡤᡠᠪᠴᡞ ᠪᡝ ᡤᡝᠮᡠ ᠰᡞᠶᠠᠨ ᡞ᠋ ᠪᡞᡨᡥᡝ ᡨᠠᠴᡞᠮᠠᡥᠠ 237 ᠶᠠᡩᠠᡥᡡᠨ ᠮᠠᡢᡤᠠ ᠠᠮᠪᠠ ᡨᠠᠴᡞᡣᡡ ᡞ᠋ ᡨᠠᠴᡞᠰᡞ ᡩᡝ ᠠᡞᠰᡞᠯᠠᠮᡝ ᠪᡠᠮᠪᡞ ︒ |
| s-550
| ᠠᠮᠠᠷᡤᡞ ᠪᡞᠯᡤᠠᠨ ᡩᡝ ᡤᡝᠯᡞ ᡩᡝᡢᡪᠠᠨ ᠣᠨᠣᡣᠴᡠᠨ ᠪᡝ ᡨᡠᠯᠪᡞᠷᡝ ᡞᠯᡥᠠ ᡩᡝᡢᡪᠠᠨ ᠪᡝ ᡨᡠᠸᠠᠷᠠ ᡪᡝᠷᡤᡞ ᡝᠮᡠ ᠰᡞᠷᡝᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠠᡧᡧᠠᠨ ᠪᡞᠮᡝ ︐ ᠴᠠᠪᠴᠠᠯ ᠰᡞᠶᠠᠨ ᡨᡠᠸᡝᠷᡞ ᡫᠣᠷᡤᠣᠨ ᡤᡝᡢᡧᡝᠮᡝ ᠰᠠᠷᡧᠠᠷᠠ ᠪᡝ ᡪᡞᡢᡣᡞᠷᡝᠮᡝ ᠸᡝᠨᡪᡝᠪᡠᠮᠪᡞ ︒ |
| s-551
| ᠴᠠᠪᠴᠠᠯ ᠰᡞᠶᠠᠨ ᠴᡞ ᠶᡝ ᡨᡠᡧᠠᠨᡠᠰᡞ ᡨᡝᡞᠰᡠ ᡨᡝᡞᠰᡠ ᡞ᠋ ᡞᠯᡝᡨᡠᠯᡝᡥᡝᡢᡤᡝ ᡤᡝᠷᡝᠨ ᡥᠠᠴᡞᠨ ᠠᠷᡤᠠ ᡩᡠᠷᡠᠨ ᠪᡝ ᡩᡠᠯᡝᠪᡠᡫᡞ ᡝᠷᡝ ᠮᡠᡩᠠᠨ ᠠᡧᡧᠠᠨ ᡩᡝ ᠠᡩᠠᠨᠠᠮᠪᡞ ᠰᡝᡥᡝᠪᡞ ︒ |
| s-552
| ᡤᡠᠷᡠᠨ ᠪᠣᠣ ᡪᡠᠰᡞ ᠰᡞ ᡪᡞᠨ ᡦᡞᡢ ᡪᡠᠸᡝ ᠮᡞᡢᡤᠠᠨ ᡪᡠᠸᠠᠨ ᡠᠶᡠᠴᡞ ᠠᠨᡞᠶᠠ ᡞ᠋ ᡞᠴᡝ ᠠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᡤᡞᠰᡠᠨ ᡤᡞᠰᡠᠷᡝᡥᡝᠪᡞ |
| s-553
| ᡞᠴᡝ ᠠᠨᡞᠶᠠ ᡞ᠋ ᠣᡢᡤᠣᠯᠣ ᡩᠣᠪᠣᠷᡞ ︐ ᡤᡠᠷᡠᠨ ᠪᠣᠣ ᡪᡠᠰᡞ ᠰᡞ ᡪᡞᠨ ᡦᡞᡢ ᡪᡠᡢᠶᠠᡢ ᡤᡠᠸᠠᡢᠪᠣ ᡩᡞᠶᠠᠨᡧᡞ ᡠᡥᡝᠷᡞᠯᡝᡥᡝ ᡨᠠᡞ ᡪᠠᡞ ᠠᠰᡠᠷᠠᠨ ᠪᡝ ᡩᡠᠯᡝᠮᠪᡠᡫᡞ ︐ ᡪᡠᠸᡝ ᠮᡞᡢᡤᠠᠨ ᡪᡠᠸᠠᠨ ᡠᠶᡠᠴᡞ ᠠᠨᡞᠶᠠ ᡞ᠋ ᡞᠴᡝ ᠠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᡤᡞᠰᡠᠨ ᠪᡝ ᡤᡞᠰᡠᠷᡝᡥᡝ ︒ |
| s-554
| ᡤᡝᠷᡝᠨᠣᡫᡞ ᠰᠠᡞᠨ ! |
| s-555
| ᡝᠯᡩᡝᠨ ᠰᡞᠯᠮᡝᠨ ᡞᠯᡞᠨᡪᠠᠷᡣᡡ ︐ ᡝᠶᡝᠷᡝ ᠮᡠᡣᡝ ᡞ᠋ ᠠᡩᠠᠯᡞ ︒ |
| s-556
| 2019 ᠴᡞ ᠠᠨᡞᠶᠠ ᡞᠰᡞᠨᠠᠮᡝ ᡪᡞᠮᡝ ᠣᡥᠣ ︐ ᠪᡞ ᠪᡝᡞᡪᡞᡢ ᡥᠣᡨᠣᠨ ᡩᡝ ᡤᡝᠷᡝᠨᠣᡫᡞ ᡞ᠋ ᠪᠠᠷᡠ ᡞᠴᡝ ᠠᠨᡞᠶᠠᡞ ᠰᠠᡞᡣᠠᠨ ᡥᠣᡪᠣ ᡪᠠᠯᠪᠠᠷᡞᠨ ᠪᡝ ᡞᠰᡞᠪᡠᠮᠪᡞ ︒ |
| s-557
| 2018 ᠴᡞ ᠠᠨᡞᠶᠠ ᡩᡝ ︐ ᠮᡠᠰᡝ ᠶᠠᠷᡤᡞᠶᠠᠨ ᡪᠠᠯᡠᡣᡞᠶᠠᠮᡝ ᡩᡠᠯᡝᠪᡠᡥᡝ ︐ ᡠᠮᡝᠰᡞ ᠠᡣᡩᡠᠨ ᡨᠣᠮᠣᠷᡥᠣᠨ ᡞ᠋ ᠶᠠᠪᡠᡥᠠ ︒ |
| s-558
| ᡝᠷᡝ ᡝᠮᡠ ᠠᠨᡞᠶᠠ ᡩᡝ ︐ ᠮᡠᠰᡝ ᡤᡝᠷᡝᠨ ᡥᠠᠴᡞᠨ ᡨᡠᡣᠰᡞᠴᡠᡣᡝ ᡝᠯᡤᡞᠷᠠ ᠠᡫᠠᠨ ᠪᡝ ᠠᡫᠠᠮᡝ ᡝᡨᡝᡥᡝ ︐ ᡪᡞᡢᡪᡞ ᡩᡝᠨ ᡫᡝᡨᡝᠰᡠᡢᡤᡝ ᠪᠠᡩᠠᠷᠠᠷᠠ ᠪᡝ ᠠᡧᡧᠠᠨᡩᡠᠪᡠᠮᡝ ︐ ᡞᠴᡝ ᡫᡝ ᠠᡧᡧᠠᠨᡩᡠᠨ ᠮᡠᡨᡝᠨ ᡫᠣᠷᡤᠣᡧᠣᠮᡝ ᡥᡡᠯᠠᡧᠠᠷᠠ ᠪᡝ ᡥᡡᡩᡠᠯᠠᠪᡠᠮᡝ ︐ ᡪᡞᡢᡪᡞ ᠪᡝ ᡤᡞᠶᠠᠨ ᡩᡝ ᠠᠴᠠᠨᠠᠷᠠ ᡣᡡᠸᠠᠷᠠᡤᠠᠨ ᡩᡝ ᠶᠠᠪᡠᠪᡠᠷᡝ ᠪᡝ ᠠᡣᡩᡠᠯᠠᡥᠠ ︒ |
| s-559
| ᠯᠠᠮᡠᠨ ᠠᠪᡣᠠ ︑ ᠨᡞᠣᡥᠣᠨ ᠮᡠᡣᡝ ︑ ᠪᠣᠯᡤᠣ ᠪᠣᡞᡥᠣᠨ ᠪᡝ ᡣᠠᠷᠮᠠᡨᠠᠷᠠ ᠠᡫᠠᠨ ᡞᡪᡞᠰᡥᡡᠨ ᡞ᠋ ᠠᠨᠠᠮᡝ ᡞᠪᡝᠪᡠᠮᡝ ︐ ᡤᡝᠷᡝᠨ ᡥᠠᠴᡞᠨ ᡞᠷᡤᡝᠨ ᠪᠠᠨᡪᡞᠨᠸᡝᠨ ᠪᠠᡞᡨᠠ ᡥᡝᡨᡥᡝ ᡥᡡᡩᡠᠯᠠᠮᡝ ᠪᠠᡩᠠᠷᠠᠮᡝ ︐ ᠨᡞᠶᠠᠯᠮᠠ ᡞᠷᡤᡝᠨ ᠪᠠᠨᡪᡞᠨᠸᡝᠨ ᠰᡞᠷᠠᠨᡩᡠᡥᠠᡞ ᠰᠠᡞᠯᠠᠪᡠᡥᠠ ︒ |
| s-560
| ᠪᡝᡞᡪᡞᡢ ᡨᡞᠶᠠᠨᡪᡞᠨ ᡥᡝᠪᡝᡞ ᡥᡝᠪᡝᡢᡤᡝ ᠪᠠᡩᠠᠷᠠᠮᡝ ︑ ᡤᠣᠯᠮᡞᠨ ᡠᠯᠠ ᡪᡞᡢᡪᡞ ᡤᡞᠷᡞᠨ ᠪᠠᡩᠠᠷᠠᠷᠠ ︑ ᡤᡠᠸᠠᡢᡩᡠᡢ ᠰᡞᠶᠠᡢᡬᠠᡢ ᠣᠣᠮᡝᠨ ᠠᠮᠪᠠ ᡥᠣᡨᠣᠨ ᠮᡝᠶᡝᠨ ᡞᠯᡞᠪᡠᠷᠠᠨ ᡪᡝᠷᡤᡞ ᡤᡠᠷᡠᠨ ᠪᠣᠣᡞ ᠠᡫᠠᠨ ᠪᠣᡩᠣᡤᠣᠨ ᠪᡝ ᡨᠣᠮᠣᠷᡥᠣᠨ ᠣᡣᠰᠣᠨ ᡞ᠋ ᠶᠠᠷᡤᡞᠶᠠᠯᠠᠮᡝ ᠶᠠᠪᡠᠪᡠᡥᠠ ︒ |
| s-561
| ᠪᡞ ᡤᡝᠷᡝᠨ ᠪᠠᡩᡝ ᠪᠠᡞᠴᠠᠷᠠ ᡝᠷᡞᠨᡩᡝ ᡠᠷᡤᡠᠨᡪᡝᠮᡝ ᠰᠠᠪᡠᡥᠠᡢᡤᡝ ᠄ ᡤᠣᠯᠮᡞᠨ ᡠᠯᠠ ᡞ᠋ ᡪᡠᠸᡝ ᡝᡣᠴᡞᠨ ᡩᡝ ᠨᡞᠶᡝᡢᠨᡞᠶᡝᠷᡞ ᠰᡠᡣᡩᡠᠨ ᠯᡝᠷ ᠯᡝᠷ ᠰᡝᠮᡝ ︐ ᡪᡞᠶᠠᠨ ᠰᠠᠨᡪᡞᠶᠠᡢ ᡨᡠᠮᡝᠨ ᡞᠮᠠᠷᡞ ᡩᠠᡩᡞ ᡥᠣᠣ ᡥᠠᠨᡩᡠ ᡞ᠋ ᠪᠣᠯᡪᠣᠨ ᡩᡝᠪᡝᡧᡝᠮᡝ ᡧᡝᠨᡪᡝᠨ ᡥᠣᡨᠣᠨ ᡞ᠋ ᠮᡝᡩᡝᠷᡞ ᡪᡠᠯᡝᠷᡤᡞ ᠸᡝᡞᡪᡠᠷᡝ ᠰᡠᡣᡩᡠᠨ ᠯᡝᠷ ᠯᡝᠷ ᠰᡝᠮᠪᡞ ︐ ᡬᠠᡢ ᡪᡠ ᠣᠣ ᠠᠮᠪᠠ ᡩᠣᠣᡥᠠᠨ ᡞᠯᠠᠨ ᠪᠠᡩᡝ ᡩᡝᠶᡝᠮᡝ ᠠᠷᠠᡥᠠ ᠁ |
| s-562
| ᡝᠷᡝ ᡪᡝᠷᡤᡞ ᡧᠠᡢᡤᠠᠨ ᠣᠴᡞ ᡤᡠᠪᠴᡞ ᡤᡠᠷᡠᠨ ᡤᡝᠷᡝᠨ ᡠᡣᠰᡠᠷᠠ ᡞ᠋ ᠨᡞᠶᠠᠯᠮᠠ ᡞᠷᡤᡝᠨ ᡠᠯᡥᡞ ᠪᡝ ᠰᡠᠮᠠᠯᠠᡫᡞ ᠸᡝᡞᠯᡝᠮᡝ ᡨᡠᠴᡞᠪᡠᡥᡝᡢᡤᡝ ︐ ᠣᠴᡞ ᡞᠴᡝ ᡝᠷᡞᠨ ᡪᠠᠯᠠᠨ ᡫᠠᡫᡠᠷᡧᠠᠰᡞ ᠨᡝᡞ ᡨᠠᠷᠠᠨ ᠪᡝ ᡝᠶᡝᠪᡠᠮᡝ ᡫᡠᠨᡨᡠᠷᡧᡝᠮᡝ ᡨᡠᠴᡞᠪᡠᡥᡝᡢᡤᡝ ︒ |
| s-563
| ᡝᠷᡝ ᠠᠨᡞᠶᠠ ᡩᡝ ︐ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᠮᡝ ᠠᡣᡩᡠᠨ ᠪᡝ ᡤᡠᡢᠯᡝᠷᡝ ᠸᡝᡞᠯᡝᠷᠠᠨ ᡩᡝ ᡠᠮᡝᠰᡞ ᠯᠠᠪᡩᡠ ᠰᠠᡞᠨ ᠮᡝᡪᡞᡤᡝ ᡠᠯᠠᠨᡪᡞᡥᠠ ︒ |
| s-564
| ᡤᡠᠪᠴᡞ ᡤᡠᠷᡠᠨ ᡩᡝ ᡤᡝᠯᡞ 125 ᠶᠠᡩᠠᡥᡡᠨ ᠰᡞᠶᠠᠨ ᠪᠠᡞᠴᠠᠷᠠ ᠪᡝ ᡩᡠᠯᡝᠮᠪᡠᡫᡞ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᡥᠠ ︐ 1000 ᡨᡠᠮᡝᠨ ᡠᠰᡞᠨ ᡨᠣᡣᠰᠣᡞ ᠶᠠᡩᠠᡥᡡᠨ ᠨᡞᠶᠠᠯᠮᠠ ᠠᡢᡤᠠᠯᠠ ᠶᠠᡩᠠᡥᡡᠨ ᡩᡝᠷᡞ ᡠᡣᠴᠠᡥᠠ ︒ |
| s-565
| 2019 ᠴᡞ ᠠᠨᡞᠶᠠ ︐ ᠮᡠᠰᡝ ᡪᡠᡢᡥᡡᠸᠠ ᠨᡞᠶᠠᠯᠮᠠ ᡞᠷᡤᡝᠨ ᡤᡠᡢᡥᡝᡬᠣ ᡞ᠋ 70 ᠪᠠᠷᡠᠨᡞᠶᠠ ᠪᡝ ᡠᡪᡝᠨ ᡪᡞᠷᠠᠮᡞᠨ ᡞ᠋ ᡠᠷᡤᡠᠯᡝᠮᠪᡞ ︒ |
| s-566
| 2019 ᠴᡞ ᠠᠨᡞᠶᠠ ︐ ᠨᠠᠰᡥᡡᠨ ᠪᡞᠮᡝ ᡤᡝᠯᡞ ᡝᠯᡣᡞᠷᡝ ᠠᡫᠠᠨ ᠪᡞᠮᠪᡞ ︐ ᡤᡝᠷᡝᠨᠣᡫᡞ ᡣᡝᠮᡠᠨᡞ ᡝᠮᠪᠠᡩᡝ ᡫᠠᡫᡠᠷᡧᠠᠮᡝ ︑ ᡝᠮᠪᠠᡩᡝ ᡫᡠᠨᡨᡠᠷᡧᡝᠮᠪᡞ ︒ |
| s-567
| ᡤᡠᠪᠴᡞ ᠮᡠᠮᡠᡥᡠ ᡩᡝ ᠶᠠᠰᠠ ᠮᠠᡣᡨᠠᠮᡝ ᡨᡠᠸᠠᠴᡞ ︐ ᠮᡠᠰᡝ ᡪᡞᡢ ᡨᠠᡢᡤᡡ ᠠᠨᡞᠶᠠ ᡩᡝ ᠪᡞᠮᡝ ᡩᡠᠯᡝᡣᡝᡣᡡ ᠠᠮᠪᠠ ᡣᡡᠪᡠᠯᡞᠨ ᡩᡝ ᡨᡝᡞᠰᡠᠯᡝᡥᡝᠪᡞ ︒ |
| s-568
| ᡤᡠᠷᡠᠨ ᠰᡞᡩᡝᠨ ᡝᡩᡠᠨ ᡨᡠᡤᡞ ᠠᠪᠰᡞ ᡣᡡᠪᡠᠯᡞᠴᡞᠪᡝ ︐ ᡪᡠᡢᡬᠣ ᡞ᠋ ᡤᡠᠷᡠᠨ ᠪᠣᠣᡞ ᡩᠠ ᡨᠣᠣᠰᡝ ᡪᠠᡞ ᡝᠯᡥᡝ ᠨᡝᠯᡥᡝ ᠪᡝ ᡣᠠᠷᠮᠠᡨᠠᠷᠠ ᠮᠠᡣᡨᠠᠴᡠᠨ ᠮᡠᡪᡞᠨ ᡪᠠᡞ ᠯᠠᠰᡥᠠᡨᠠᡞ ᠮᡠᡪᡞᠨ ᡣᡡᠪᡠᠯᡞᠷᡣᡡ ︐ ᡪᡠᡢᡬᠣ ᡞ᠋ ᡪᠠᠯᠠᠨ ᡪᡝᠴᡝᠨ ᡥᡡᠸᠠᠯᡞᠶᠠᠰᡠᠨ ᡥᡝᠪᡝᡢᡤᡝ ᠪᡝ ᡣᠠᠷᠮᠠᡨᠠᠷᠠ ︑ ᡠᡥᡝᡞ ᠪᠠᡩᠠᠷᠠᠷᠠ ᠪᡝ ᡥᠠᠴᡞᡥᡞᠶᠠᠷᠠ ᡠᠨᡝᡢᡤᡞ ᡤᡡᠨᡞᠨ ᡪᠠᡞ ᠰᠠᠯᡤᠠᡢᡤᠠ ᠮᡠᡪᡞᠯᡝᠨ ᡣᡡᠪᡠᠯᡞᠷᡣᡡ ︒ |
| s-569
| ᠪᡝ “ ᡝᠮᡠ ᡣᡞᠷᡞᠨ ᡝᠮᡠ ᡪᡠᡤᡡᠨ ” ᠪᡝ ᡪᡞᡪᡞ ᠠᡧᡧᠠᠨᡩᡠᠪᡠᠮᡝ ᡠᡥᡝᡞ ᡞᠯᡞᠪᡠᠮᡝ ︐ ᠨᡞᠶᠠᠯᠮᠠᠰᡠᡞ ᡠᠪᡠ ᡥᡝᠰᡝᠪᡠᠨ ᡠᡥᡝᡞ ᡩᡠᠷᠰᡠᠨ ᠪᡝ ᠰᡞᠷᠠᠨᡩᡠᡥᠠᡞ ᡞᠯᡞᠪᡠᠮᡝ ᠠᠷᠠᡫᡞ ︐ ᡝᠮᡠ ᡝᠯᡝᡞ ᠶᡝᠨᡩᡝᠮᡝ ᠪᠠᡩᠠᠷᠠᠷᠠ ᠰᠠᡞᡣᠠᠨ ᡥᠣᡪᠣ ᡪᠠᠯᠠᠨ ᡪᡝᠴᡝᠨ ᠪᡝ ᡞᠯᡞᠪᡠᠮᡝ ᠠᠷᠠᠷᠠ ᡪᠠᠯᡞᠨ ᠪᠠᡩᠠᠷᡣᡡ ᡞ᠋ ᡥᡡᠰᡠᡨᡠᠯᡝᠮᠪᡞ ︒ |
| s-570
| ᡞᠴᡝ ᠠᠨᡞᠶᠠ ᡞ᠋ ᡪᡠᡢᡣᡝᠨ ᡪᡞᠯᡤᠠᠨ ᠪᡝ ᡫᠣᠷᡞᠮᡝ ᡠᠷᠠᠨᡩᠠᠪᡠᠮᡝ ᠣᡥᠣ ︐ ᠮᡠᠰᡝ ᡨᡠᡢᡤᡝᠨ ᡪᠠᠯᡠ ᠠᡣᡩᠠᠴᡠᠨ ᠮᡠᡪᡞᠨ ᡪᠠᡞ ᡝᠷᡝᠮᡝ ᡣᠠᠷᠠᠷᠠ ᠪᡝ ᡨᡝᠪᡠᡫᡞ ︐ 2019 ᠴᡞ ᠠᠨᡞᠶᠠ ᡞ᠋ ᡞᠰᡞᠨᡪᡞᠷᡝ ᠪᡝ ᡝᠮᠪᠠᡩᡝ ᡠᡣᡩᡠᡣᡞ ︒ |
| s-571
| ᡪᡠᡢᡬᠣ ᠪᡝ ᡪᠠᠯᠪᠠᠷᡞᠮᠪᡞ ! |
| s-572
| ᡪᠠᠯᠠᠨ ᡪᡝᠴᡝᠨ ᠪᡝ ᡪᠠᠯᠪᠠᠷᡞᠮᠪᡞ ! |
| s-573
| ᡤᡝᠷᡝᠨᠣᡫᡞ ᡩᡝ ᠪᠠᠨᡞᡥᠠ ! |
| s-574
| ᠴᠠᠪᠴᠠᠯ ᠠᠮᠪᠠ ᠪᠠᠨᠠ ᡩᡝ ᡞᠴᡝ ᡨᠠᠴᡞᠨᡠᠨ ᡞᠴᡝ ᠠᠷᠪᡠᠨ ᠮᡠᠷᡠ ᡞ᠋ ᡞᠴᡝ ᠠᠨᡞᠶᠠ ᠪᡝ ᠣᡣᡩᠣᠮᠪᡞ |
| s-575
| ᡞᠴᡝ ᠠᠨᡞᠶᠠ ᡩᡝᠷᡞᠪᡠᠮᡝ ︐ ᡨᡠᠮᡝᠨ ᠠᠷᠪᡠᠨ ᡤᡞᠷᡠ ᡞᠴᡝᠮᡞᠯᡝᠪᡠᡥᡝᠪᡞ ︒ |
| s-576
| ᠴᠠᠪᠴᠠᠯ ᠰᡞᠶᠠᠨ ᡤᡝᠷᡝᠨ ᡠᡣᠰᡠᠷᠠ ᡬᠠᠮᠪᡠ ᡞ᠋ ᠴᡞᠶᡠᠨᡪᡠᡢ ᡩᠣᠷᡤᡞ ᠪᠠᡣᡨᠠᠮᠪᡠᠨ ᠪᠠᠶᠠᠨ ᡝᠯᡤᡞᠶᡝᠨ ︑ ᠯᠠᠪᡩᡠ ᡩᡠᠷᡠᡤᠠᡢᡤᠠ ᡞ᠋ ᡞᠴᡝ ᠠᠨᡞᠶᠠ ᠪᡝ ᠣᡣᡩᠣᠷᠣ ︑ ᠶᠠᡢᠯᡞ ᠠᠨᡞᠶᠠ ᠪᡝ ᡠᠷᡤᡠᠯᡝᠷᡝ ᠠᡧᡧᠠᠨ ᠪᡝ ᠰᠠᠷᡞᠪᡠᡥᠠᠪᡞ ︒ |
| s-577
| ᡤᡝᠷᡝᠨ ᠨᡞᠶᠠᠯᠮᠠ ᡝᠮᠪᠠᡩᡝ ᡞᠰᠠᡫᡞ ︐ ᡞᠴᡝ ᠠᠨᡞᠶᠠ ᡞᠰᡞᠨᠠᠮᡝ ᡪᡞᡥᡝ ᠪᡝ ᡠᠷᡤᡠᠯᡝᠮᡝ ᠣᡣᡩᠣᠮᡝ ︐ ᡠᡣᠰᡠᠷᠠ ᡫᠠᠯᡞᠨᡩᡠᠷᡝ ᠪᡠᠶᡝᠨ ᡤᡡᠨᡞᠨ ᠪᡝ ᡠᡥᡝᡞ ᡤᡞᠰᡠᠷᡝᠮᠪᡞ ︒ |
| s-578
| ᡞᠰᡥᡠᠨᡩᡝ ᡤᡠᠴᡠᠯᡝᠷᡝ ᠠᡧᡧᠠᠨ “ ᡞᠷᡤᡝᠨ ᠮᡠᡪᡞᠨ ᠪᡝ ᡠᠷᡤᡠᠨᡪᡝᠪᡠᡥᡝᠪᡞ ” |
| s-579
| 12 ᠪᡞᠶᠠ 29 ᡞᠨᡝᠨᡤᡤᡞ ᡩᡝᠷᡞ ᡩᡝᠷᡞᠪᡠᠮᡝ ︐ ᡧᠠᠶᠠᠨ ᡥᠣᠨᡞᠨ ᡫᠠᠯᡤᠠ ᡤᡝᠷᡝᠨ ᡨᠣᡣᠰᠣ ︑ ᡩᠠᡞᡫᡠᠷᠠᠨ ᡪᠠᡞ ᡨᠠᠴᡞᡣᡡ ᡪᠠᡞ ᡫᠠᠯᡤᠠ ᡪᡞᡤᡠᠸᠠᠨ ᡤᡝᠮᡠ ᠪᠠᠶᠠᠨ ᡝᠯᡤᡞᠶᡝᠨ ᠯᠠᠪᡩᡠ ᡥᠠᠴᡞᠨ ᡧᡠ ᠸᡝᠨ ᡣᠠᡨᡠᠷᡝᠪᡠᠨ ᠠᡧᡧᠠᠨ ᠪᡝ ᡯᡠᡲᡞᠯᡝᡥᡝᠪᡞ ︒ |
| s-580
| ᡤᡝᠷᡝᠨ ᡠᡣᠰᡠᠷᠠ ᡧᡠ ᡥᡡᠮᠠᠨ ᠴᡞᡥᠠᠯᠠᠰᡞ ᡞᠨᡞ ᠪᡝᠶᡝ ᡥᠠᠴᡞᠨ ᠮᡝᠶᡝᠨ ᡯᡠᡲᡞᠯᡝᠮᡝ ᡝᡫᡞᠮᡝ ︐ ᡥᠠᠴᡞᠨ ᠮᡝᠶᡝᠨ ᡩᡠᠷᡠᡤᠠᠨ ᠪᠠᠶᠠᠨ ᡝᠯᡤᡞᠶᡝᠨ ︐ ᡤᡝᠷᡝᠨ ᠨᡞᠶᠠᠯᠮᠠ ᡞ᠋ ᠴᡞᡥᠠᠯᠠᠷᠠ ᠪᡝ ᠪᠠᡥᠠᠮᡝ ᠠᠯᡞᡥᠠᠪᡞ ︒ |
| s-581
| ᡨᠣᠪᡠ ᡨᠣᡣᠰᠣ ᡞ᠋ ᡩᠠᡢ ᡲᡞᠪᡠ ᡧᡠᡪᡞ ᡥᡡ ᡪᡞᠨ ᠯᡠᡢ ᡤᡞᠰᡠᠷᡝᠮᡝ ︐ ᠨᡝ ︐ ᠮᡠᠰᡝᡞ ᡤᡝᠷᡝᠨ ᡠᡣᠰᡠᠷᠠ ᡝᠮᡠ ᡠᠴᡠᠨ ᡠᠴᡠᠯᡝᠮᡝ ︐ ᡝᠮᡠ ᠮᠠᡣᠰᡞᠨ ᠮᠠᡣᠰᡞᠮᡝ ︐ ᡫᠠᠯᡤᠠ ᠨᡞᡢᡤᡝ ᡞᠴᡞᡥᡞᠶᠠᡥᠠ ᡧᡠ ᡥᡡᠮᠠᠨ ᡝᡫᡞᠨ ᡝᡫᡞᠮᠪᡠᠷᡝ ᠠᡧᡧᠠᠨ ᠪᡝ ᡞᠴᡞᡥᡞᠶᠠᡥᠠᡢᡤᡝ ᠰᠠᡞᠨ ︐ ᠶᠠᠶᠠ ᡝᠮᡠ ᡨᠣᡣᠰᠣ ᡤᡝᠮᡠ ᠮᡝᡞᠮᡝᠨᡞ “ ᡥᠣᠷᠣᠨ ᡥᡡᠰᡠᠨ ” ᠪᡝ ᡨᡠᠴᡞᠪᡠᡥᡝᠪᡞ ︒ |
| s-582
| ᠠᠮᠪᠠ ᠴᠣᠣᡥᠠᡞ ᡠᠷᡝᠪᡠᠨ ᠠᡧᡧᠠᠨ “ ᡞᠷᡤᡝᠨ ᠮᡠᡪᡞᠨ ᠪᡝ ᡨᡝᡣᠰᡞᠯᡝᡥᡝᠪᡞ ” |
| s-583
| ᡤᡠᠪᠴᡞ ᡫᠠᠯᡤᠠ ᡞ᠋ ᠴᠣᠣᡥᠠ ᡞᠷᡤᡝᠨ ᡥᠠᡥᡞ ᠴᠠᡥᡞ ᡩᡝ ᠪᠠᡣᠴᡞᠯᠠᠷᠠ ᠮᡠᡨᡝᠨ ᡥᡡᠰᡠᠨ ᡞᠯᡞᠪᡠᠷᠠᠨ ᠪᡝ ᠠᠪᠰᡞ ᡩᡝᠨ ᡨᡠᡣᡞᠶᡝᠷᡝ ᡪᠠᠯᡞᠨ ︐ 12 ᠪᡞᠶᠠ ᡞᠴᡝᠷᡝᠮᡝ ᠴᡞ ᡝᠪᠰᡞ ︐ ᡧᠠᠶᠠᠨ ᡥᠣᠨᡞᠨ ᡫᠠᠯᡤᠠ ᡤᡝᠷᡝᠨ ᡨᠣᡣᠰᠣ ᠨᡞᡢᡤᡝ ᡤᡝᠮᡠ ᠴᠣᠣᡥᠠ ᡞᠷᡤᡝᠨ ᠠᠮᠪᠠ ᠴᠣᠣᡥᠠᡞ ᡠᠷᡝᠪᡠᠨ ᠠᡧᡧᠠᠨ ᠪᡝ ᡯᡠᡲᡞᠯᡝᠮᡝ ︐ ᡤᡠᠷᡠᠨ ᡤᡞᠰᡠᠨ ᡥᡝᠷᡤᡝᠨ ᠪᡝ ᡨᠠᠴᡞᠮᡝ ︑ ᡫᠠᡫᡠᠨ ᡣᠣᠣᠯᡞ ᠪᡝ ᡨᠠᠴᡞᠮᡝ ︑ ᡫᠠᡣᠰᡞ ᡝᠷᡩᡝᠮᡠ ᠮᡠᡨᡝᠨ ᡥᡡᠰᡠᠨ ᠪᡝ ᡨᠠᠴᡞᠮᡝ ᡠᡥᡝᡞ ᡨᡝᠪᡠᠨᡝᠪᡠᡥᡝᠪᡞ ︒ |
| s-584
| 12 ᠪᡞᠶᠠᡞ 31 ᡩᡝ ︐ ᡧᠠᠶᠠᠨ ᡥᠣᠨᡞᠨ ᡫᠠᠯᡤᠠ ᠨᡞᡢᡤᡝ ᡨᠠᠴᡞᡣᡡ ᡞ᠋ ᠯᠠᠨ ᠴᡞᠣ ᡫᠠᠯᡤᠠ ᡩᡝ “ ᡧᠠᠶᠠᠨ ᡥᠣᠨᡞᠨ ᡫᠠᠯᡤᠠ 2018 ᠴᡞ ᠠᠨᡞᠶᠠ ᡨᡠᠸᡝᠷᡞ ᡫᠣᠷᡤᠣᠨ ᡞᠷᡤᡝᠨ ᠴᠣᠣᡥᠠᡞ ᠠᠮᠪᠠ ᠴᠣᠣᡥᠠᡞ ᡠᠷᡝᠪᡠᠨ ᠮᡝᡣᡨᡝᠨ ” ᠪᡝ ᡞᠴᡞᡥᡞᠶᠠᡥᠠᠪᡞ ︒ |
| s-585
| ᠮᡝᡣᡨᡝᠷᡝ ᠪᡝ ᡩᡠᠯᡝᠪᡠᡫᡞ ᡨᠣᡥᠠᡞᡞ ᡨᠣᡣᠰᠣ ᠨᡞᡢᡤᡝ ᠮᡝᡣᡨᡝᠨ ᡞ᠋ ᡠᡪᡠ ᠪᡝ ᠪᠠᡥᠠᡥᠠᠪᡞ ︒ |
| s-586
| ᡫᡠᡨᠠ ᡨᠠᡨᠠᠷᠠ ᠮᡝᡣᡨᡝᠨ “ ᡞᠷᡤᡝᠨ ᡥᡡᠰᡠᠨ ᠪᡝ ᡞᠰᠠᠪᡠᡥᠠᠪᡞ ” |
| s-587
| ᡧᠠᠶᠠᠨ ᡥᠣᠨᡞᠨ ᡫᠠᠯᡤᠠ ᠨᡞᡢᡤᡝ ᡤᡝᠯᡞ “ ᡧᠠᠶᠠᠨ ᡥᡡᠨᡞᠨ ᡫᠠᠯᡤᠠ ᡞᠴᡝ ᠠᠨᡞᠶᠠ ᠪᡝ ᠣᡣᡩᠣᠷᠣ ᡫᡠᡨᠠ ᡨᠠᡨᠠᠷᠠ ᠮᡝᡣᡨᡝᠨ ” ᠪᡝ ᡞᠴᡞᡥᡞᠶᠠᡥᠠᠪᡞ ︒ |
| s-588
| ᡫᡠᡨᠠ ᡨᠠᡨᠠᠷᠠ ᠮᡝᡣᡨᡝᠨ ᡠᡥᡝᠷᡞ ᠨᠠᡩᠠᠨ ᠮᡝᠶᡝᠨ ᠮᡝᡣᡨᡝᠨ ᡩᡝ ᠠᡩᠠᠨᠠᠮᡝ ︐ ᠰᡠᡣᠰᡠᠷᡝ ᠮᡝᡣᡨᡝᠨ ᡩᡠᠷᡠᡤᠠᠨ ᠪᡝ ᡨᠣᠮᠰᠣᠮᡝ ᠪᠠᡞᡨᠠᠯᠠᠮᡝ ᠰᠠᠷᡞᠪᡠᡥᠠᠪᡞ ︒ |
| s-589
| ᠪᠠᠷᡥᠠ ᡧᡝᠷᡞ ᡨᠣᡣᠰᠣᡞ ᡩᠠᡢ ᡲᡞᠪᡠ ᡠᡪᡠᡞ ᡧᡠᡪᡞ ᠸᡝᠨ ᡩᡠᡢ ᡤᡞᠰᡠᠷᡝᠮᡝ ︐ ᡝᠷᡝ ᡪᡞᡢᡣᡞᠨᡞ ᡝᠮᡠ ᡫᠠᠯᡤᠠ ᡥᡡᠰᡠᠨ ᡣᡝᠮᡠᠨ ᡞ᠋ ᠮᡝᡣᡨᡝᠨ ︐ ᡧᡠᠸᡝ ᡧᠣᡧᠣᡥᠣᠨ ᡩᡝ ᡤᡝᠨᡝᠮᡝ ᠮᡝᡣᡨᡝᠷᡝᡢᡤᡝ ᡤᡝᠮᡠ ᠨᡞᠶᠠᠨᠴᠠᠨ ᡥᡡᠰᡠᠨ ︐ ᠮᡝᠨᡞ ᡨᠣᡣᠰᠣᡞ ᡞᠷᡤᡝᠨ ᡝᠷᡝ ᠮᡠᡩᠠᠨ ᠠᡧᡧᠠᠨ ᠪᡝ ᡩᡠᠯᡝᠪᡠᡫᡞ ᠪᠠᡣᡪᠠᠮᡝ ᡞᠰᠠᠷᠠ ᡥᡡᠰᡠᠨ ᡝᠯᡝ ᡝᡨᡠᡥᡠᠨ ᠣᡥᠣᠪᡞ ︒ |
| s-590
| ᡫᡝ ᠠᠨᡞᠶᠠ ᠪᡝ ᡫᡠᡩᡝᠮᡝ ᡞᠴᡝ ᠠᠨᡞᠶᠠ ᠪᡝ ᠣᡣᡩᠣᠮᡝ ︐ ᡤᡝᠷᡝᠨ ᡠᡣᠰᡠᠷᠠ ᠨᡞᠶᠠᠯᠮᠠ ᡞᠷᡤᡝᠨ ᡝᠮᠪᠠᡩᡝ ᠠᠴᠠᡥᠠᠪᡞ |
| s-591
| ᠠᠮᠪᠠ ᡧᠠᡢᡤᠠ ᠪᠠᡥᠠᡥᠠ 2018 ᠴᡞ ᠠᠨᡞᠶᠠ ᠪᡝ ᡫᡠᡩᡝᠮᡝ ︐ ᡝᠷᡝᠪᡠᠨ ᡪᠠᠯᡠᡣᡞᠶᠠᡥᠠ 2019 ᠴᡞ ᠠᠨᡞᠶᠠ ᠪᡝ ᠣᡣᡩᠣᠮᡝ ᡤᠠᡪᡞᡥᠠᠪᡞ ︒ |
| s-592
| ᡧᡠ ᡥᡡᠮᠠᠨ ᡝᡫᡞᠨ ᡥᠠᠯᡥᡡᠨ ᠪᡠᠶᡝᠨ ᠶᠠᡢᡤᠠᠷ ᠰᡝᠷᡝ ᠮᠠᡣᠰᡞᠨ ︽ ᡪᡠᡢᡬᠣ ᡨᠣᠯᡤᡞᠨ ᠪᡝ ᡠᡥᡝᡞ ᠶᠣᡢᡣᡞᠶᠠᠪᡠᠷᡝ ︾ ᡩᠣᠯᠣ ᡥᡞᡩᠠ ᡨᠠᡨᠠᠮᡝ ︐ ᡥᠠᠴᡞᠨ ᠮᡝᠶᡝᠨ ᡨᡝᡢᡣᡞᠮᡝ ᠰᠠᡞᡣᠠᠨ ︐ ᡨᡠᠸᠠᠷᠠ ᡠᠷᠰᡝ ᡞ᠋ ᠮᡠᡪᡞᠨ ᠪᡝ ᡧᡠᠮᡞᠯᡝᠮᡝ ᠠᠴᡞᡢᡤᡞᠶᠠᠪᡠᠮᡝ ︐ ᡝᡫᡞᠰᡞᠰᠠ ᡠᠴᡠᠨ ᡪᡞᠯᡤᠠᠨ ᡞ᠋ ᡞᠴᡝ ᠠᠨᡞᠶᠠ ᡞ᠋ ᡠᠷᡤᡠᠨ ᠪᡝ ᡠᠯᠠᠮᡝ ᡞᠰᡞᠪᡠᠮᡝ ︐ ᠮᠠᡣᠰᡞᠨ ᡞ᠋ ᡠᡥᡝᡞ ᡪᠠᠯᠪᠠᠷᡞᠮᡝ ᡝᠷᡝᠷᡝ ᠪᡝ ᡠᡥᡝᡞ ᡞᠯᡝᡨᡠᠯᡝᠮᠠᡥᠠᠪᡞ ︒ |
| s-593
| ᡤᡝᠷᡝᠨ ᠨᡞᠶᠠᠯᠮᠠ ᡞᠴᡝ ᠠᠨᡞᠶᠠ ᡞ᠋ ᠰᠠᡞᡣᠠᠨ ᡥᠣᡪᠣ ᡪᠠᠯᠪᠠᠷᡞᠷᡝ ᠪᡝ ᡞᠯᡝᡨᡠᠯᡝᠮᡝ ︐ ᡤᡝᠯᡞ ᠣᠨᠴᠣ ᡝᠯᡤᡞᠶᡝᠨ ᠴᡞᠶᡠᠨᡪᡠᡢ ᡩᡝ ᡝᠮᡠ ᡫᠠᠯᡤᠠ ᡧᡠ ᠸᡝᠨ ᠪᡠᡩᠠ ᠪᡝ ᡤᠠᡪᡞᠮᡝ ᠪᡠᠮᡝ ︐ ᠴᡞᠶᡠᠨᡪᡠᡢ ᠨᡞ ᡧᡠ ᠸᡝᠨ ᠪᠠᠨᡪᡞᠨᠸᡝᠨ ᠪᡝ ᠪᠠᠶᠠᠨ ᡝᠯᡤᡞᠶᡝᠨ ᠣᠪᡠᠮᡝ ︐ ᡤᡝᠷᡝᠨᡠᠰᡠ ᡞᠴᡝ ᡩᠣᠷᠣ ᡨᠠᠴᡞᠨ ᠪᡝ ᠠᠮᠪᡠᠯᠠ ᡝᠯᡤᡞᠶᡝᠮᠪᡠᠮᡝ ︐ ᡨᠣᠪ ᠮᡠᡨᡝᠨ ᡥᡡᠰᡠᠨ ᠪᡝ ᡠᠯᠠᠮᡝ ᠰᡝᠯᡤᡞᠶᡝᠪᡠᡥᡝᠪᡞ ︒ |
| s-594
| ᡤᡝᠷᡝᠨ ᠨᡞᠶᠠᠯᠮᠠ ᡠᠷᡤᡠᠨᡪᡝᠮᡝ ᡞᠰᠠᡫᡞ ᡞᠴᡝ ᠠᠨᡞᠶᠠ ᡞᠰᡞᠨᠠᠮᡝ ᡪᡞᠷᡝ ᠪᡝ ᡠᠷᡤᡠᠨᡪᡝᠮᡝ ᠣᡣᡩᠣᠮᠪᡞ ︒ |
| s-595
| 2019 ᠴᡞ ᠠᠨᡞᠶᠠ ︐ ᠠᡞᠰᡞᠨ ᡧᡝᠷᡞ ᡪᡝᠨ ᠨᡞᡢᡤᡝ ᡪᡠᠸᠠᠨ ᡠᠶᡠᠴᡞ ᡫᡠᠨᡩᡝᠰᡞ ᠠᠮᠪᠠ ᡞᠰᠠᠨ ᠣᠣᠷᡞ ᠰᡠᡣᡩᡠᠨ ᠪᡝ ᠶᠠᠷᡠᡣᡡ ᠣᠪᡠᠮᡝ ︐ ᡩᠠ ᠮᡠᡪᡞᠯᡝᠨ ᠪᡝ ᠣᡢᡤᠣᠷᡣᡡ ︐ ᠠᠯᡞᡥᠠ ᡥᡝᠰᡝ ᠪᡝ ᡥᠠᡩᠠᡥᠠᡞ ᡝᡪᡝᠮᡝ ︐ ᡤᡝᠷᡝᠨ ᡥᠠᠴᡞᠨ ᠸᡝᡞᠯᡝᠷᠠᠨ ᡩᠠᡥᡞᠮᡝ ᡞᠴᡝ ᡨᡝᠷᡣᡞᠨ ᡩᡝ ᡨᠠᡫᠠᠨᠠᠷᠠ ᠪᡝ ᡥᡡᠰᡠᡢᡤᡝᡞ ᠨᡝᠮᡧᡝᠮᠪᡞ ︒ |
| s-596
| ᠮᡝᠨᡞ ᡠᡥᡝᡞ ᠰᠠᡞᡢᡤᡞ “ ᡠᡣᠰᡠᠷᠠ ᡫᠠᠯᡞᠨᡩᡠᠮᡝ ᡝᠮᡠ ᠪᠣᠣ ᡞ᠋ ᠠᡩᠠᠯᡞ ᡥᠠᡪᡞ ” ᠠᠴᠠᠮᡝ ᡠᠷᡤᡠᠯᡝᠷᡝ ᠠᡧᡧᠠᠨ |
| s-597
| 2018 ᠴᡞ ᠠᠨᡞᠶᠠ 12 ᠪᡞᠶᠠ 29 ᡩᡝ ︐ ᠨᠠᡩᠠᠴᡞ ᠨᡞᠷᡠ ᡤᡡᠰᠠ ᠨᡞᡢᡤᡝ 2019 ᠴᡞ ᠠᠨᡞᠶᠠ ᠪᡝ ᡠᠷᡤᡠᠯᡝᠮᡝ ᠣᡣᡩᠣᠮᡝ ᠮᡠᠰᡝᡞ ᡠᡥᡝᡞ ᠰᠠᡞᡢᡤᡞ “ ᡠᡣᠰᡠᠷᠠ ᡫᠠᠯᡞᠨᡩᡠᠮᡝ ᡝᠮᡠ ᠪᠣᠣ ᡞ᠋ ᠠᡩᠠᠯᡞ ᡥᠠᡪᡞ ” ᠰᡝᠷᡝ ᠠᠴᠠᠮᡝ ᡠᠷᡤᡠᠯᡝᠷᡝ ᠠᡧᡧᠠᠨ ᠪᡝ ᠰᠠᠷᡞᠪᡠᡥᠠᠪᡞ ︒ |
| s-598
| ᡨᠣᡣᠰᠣᡞ ᠸᡝᡞ ᠶᡠᠸᠠᠨ ᡥᡡᡞ ᡩᠣᠷᡤᡞ ᡩᡝ ᠨᡞᠶᠠᠯᠮᠠᡞ ᡠᡪᡠ ᠪᡠᠷᡤᠠᡧᠠᠮᡝ ︐ ᡠᠮᡝᠰᡞ ᠸᡝᠨᡪᡝᡥᡠᠨ ᠰᡞᠮᡝᡢᡤᡝ ︐ ᡤᡝᠷᡝᠨ ᡠᡣᠰᡠᠷᠠ ᠴᡞᠶᡠᠨᡪᡠᡢ ᡤᡝᠮᡠ ᡝᠮᠪᠠᡩᡝ ᠠᠴᠠᡫᡞ ᡠᠷᡤᡠᠯᡝᡥᡝᠪᡞ ︒ |
| s-599
| ᠠᡧᡧᠠᠨ ᡤᡡᠰᠠ ᡞ᠋ ᠰᡝᡢᡤᡝ ᠨᡞᠶᠠᠯᠮᠠ ᠸᡝᡞ ᠶᡠᠸᠠᠨ ᡥᡡᡞ ᡤᠠᡪᡞᠮᡝ ᡪᡞᡥᡝ ᠮᠠᡣᠰᡞᠨ ︽ ᡩᠠᡢ ᠨᡞ ᡣᡞᠷᡠ ᡠᠮᡝᠰᡞ ᡝᠯᡩᡝᡢᡤᡝ ᠰᠠᡞᡣᠠᠨ ︾ ᡩᠣᠯᠣ ᡥᡞᡩᠠ ᡨᠠᡨᠠᠮᡝ ︐ ᡩᠠᠶᡝ ᠠᠮᡣᡝ ᠰᠠ ᠮᠠᡣᠰᡞᠷᡝ ᡩᡝ ᠠᠰᡞᡤᠠᠨ ᠨᡞᠶᠠᠯᠮᠠ ᡩᡝ ᡝᡨᡝᠪᡠᠷᡣᡡ ︐ ᠮᡠᡪᡞᠯᡝᠨ ᠠᠷᠪᡠᠨ ᡠᠮᡝᠰᡞ ᠰᠠᡞᠨ ︐ ᠰᡠᡣᡩᡠᠨ ᠠᠷᠪᡠᠨ ᡠᠮᡝᠰᡞ ᠰᠠᡞᠨ ︐ ᡨᠠᡞᠰᡝ ᡫᡝᡪᡝᠷᡤᡞ ᡞ᠋ ᡨᡠᠸᠠᠷᠠ ᠨᡞᠶᠠᠯᠮᠠ ᡤᡝᠮᡠ ᠮᡠᡪᡞᠯᡝᠨ ᡤᡞᠷᡣᡡᠷᡝ ᡞ᠋ ᠠᠮᡨᠠᠨ ᡞ᠋ ᠰᡝᠪᡪᡝᠯᡝᠮᡝ ︐ ᡤᡝᠯᡞ ᡣᠣᠮᠰᠣ ᠠᡣᡡ ᡨᠣᡣᠰᠣᡞ ᡞᠷᡤᡝᠨ ᡧᡝᠣ ᡪᡞ ᡪᠠᡫᠠᡫᡞ ᡨᡝᠰᡝ ᠪᡝ ᡪᠣᠣᠯᠠᠮᡝ ᠪᡠᠮᡝ ᡝᡪᡝᡨᡠᠯᡝᠮᡝ ︐ ᠪᡝᠶᡝ ᡪᠠᡞ ᡤᡠᠴᡠᠰᠠ ᡩᡝ ᡝᠮᡠ ᡫᡝᠯᡝ ᠰᠠᡞᡣᠠᠨ ᡥᠣᡪᠣ ᠮᡝᠷᡣᡞᠷᡝ ᠪᡝ ᠸᡝᠷᡞᠮᡝ ᠪᡠᡥᡝᠪᡞ ︒ |
| s-600
| ᡨᡠᠸᡝᠷᡞ ᡧᠠᡥᡡᠷᡠᠨ ᡞ᠋ ᠮᡠᡪᡞᠯᡝᠨ ᡥᠠᠯᡥᡡᠨ ᠣᡥᠣ ᠪᠠᡞᡨᠠ |