| s-501
| игѹмен꙽ же сергїи сїѧ видѣвъ и слышав꙽ со всѣми братїѧми прослави бг҃а гл҃ѧ |
| s-502
| видите ли братїе како ти промышленикъ всѣх бг҃ъ не оставитъ мѣста сего ниже ѡставлѧет рабъ своих соиночьс꙽твꙋющих живѹщих на мѣсте семъ работающихъ емѹ дн҃ь и нощъ и терпѧщих с вѣрою и со блг҃одаренїемъ |
| s-503
| поминаше же братїѧм старецъ ѡно слово еже ѿ павла апсла реченное |
| s-504
| имѹще пищѹ и одеждѹ сими доволни бѹдем |
| s-505
| а ничим же пещи сѧ неполезными но паче ѹповати и възирати къ бг҃ѹ могѹщемѹ кормити нас и одѣвати и ѡ всемъ промышлѧти нами и ѿ него ѡжидати потребных добрых и полезныхъ дш҃ам и тѣломъ нашим |
| s-506
| и молимъ бг҃а и да тои промышлѧет намъ |
| s-507
| наипаче надѣем сѧ на нь присно |
| s-508
| иже бо древле іил҃ьтескїѧ люди таковііѧ жестокїѧ и непокоривыѧ толикїѧ тысѹща в꙽ пѹстыни таже и послѣді немало мнѡжес꙽тво препитавыи до сытости |
| s-509
| ѡдожди имъ маннѹ ꙗсти и хлѣбъ нбсныи дастъ имъ |
| s-510
| хлѣб агг҃льскии ꙗде чел҃къ |
| s-511
| просиша и прїидоша крастели |
| s-512
| и ѡдожди на нѧ ꙗко прах плоти и ꙗко песокъ моръскїи и птица пернатыѧ |
| s-513
| и ѧдоша и насытиша сѧ ѕѣло |
| s-514
| самъ нн҃ѣ тои нами бѹдет промышлѧи |
| s-515
| ниже бо силою немощнѣиши нынѣ ниже ѡ еже промышлѧти лѣнивїиши бысть но ꙗкож преже древле тако и нн҃ѣ нам всегда мощенъ ес пищѹ подаѧти |
| s-516
| ѿтолѣ же ѹбо мниси навыкоша прочее не стѹжати си въ скорби и въ теснотѣ елижды аще когда слѹчит сѧ каѧ теснота или скѹдость или недостат꙽кы потребных |
| s-517
| но все терпѧхѹ со ѹсердїемъ и с вѣрою надѣющеи сѧ на г҃а бг҃а залѡгъ имꙋще преподобнаг ѿц҃а нашегѡ сер꙽гїѧ |
| s-518
| послухѡвъ ли не будеть а будеть кунъ г҃ гр҃и то ити ѥму про своѣ куны ротѣ |
| s-519
| будеть ли боле кунъ то речи ѥму тако |
| s-520
| промиловал сѧ ѥси оже еси не ставꙇл послуховъ |
| s-521
| ѹставъ волдимѣр всеволдича |
| s-522
| володимѣръ всеволѡдичь по ст҃ополцѣ созва дружину свою на берестовѣмь ратибора киѥвьскѡ тысѧчьскогѡ прокѡпью бѣлогородьскѡгѡ тысѧчьскѡго станислава переꙗславьскогѡ тысѧчьскогѡ нажира мирослава ꙇванка чюдиновича ѡлгѡва мужа |
| s-523
| и ѹставили до третьꙗгѡ рѣза оже ѥмлеть въ треть куны |
| s-524
| аже кто возметь два рѣза то то ѥму взѧти исто |
| s-525
| паки ли возметь три рѣзы то иста ѥму не взѧти |
| s-526
| аже кто ѥмлеть по і҃ кунъ ѿ лѣта на гривну то тогѡ не ѿмѣтати |
| s-527
| аже котѡрыи купець истопить сѧ |
| s-528
| аже котѡрыи купець кдѣ любо шедъ съ чюжими кунами истопить сѧ любо рать возметь ли ѡгнь то не насилити ѥму ни продати ѥгѡ |
| s-529
| но како начнеть ѿ лѣта платити тако же платить зане же пагуба ѿ ба҃ ѥсть а не виноватъ ѥсть |
| s-530
| аже ли пропиѥть с или пробиѥть а в безумьи чюжь товаръ испортить то како любо тѣмъ чии то товаръ |
| s-531
| ждуть ли ѥму |
| s-532
| а своꙗ ꙇмъ волѧ |
| s-533
| продадѧть ли |
| s-534
| а своꙗ имъ волѧ |
| s-535
| о долзѣ |
| s-536
| аже кто мнѡгимъ долженъ будеть а пришедъ госпѡдь изъ иногѡ города или чюжеземець а не вѣдаꙗ запустить за нь товаръ а опѧть начнеть не дати гости кунъ а первии должебити начнуть ѥму запинати не дадуче ѥму кунъ то вести и на торгъ продати же и ѿдати же первоѥ гостины кѹны |
| s-537
| а домашнимъ что сѧ останеть кунъ тѣм же сѧ подѣлѧть |
| s-538
| паки ли бдуть кнѧжи куны то кнѧжи куны первоѥ взѧти |
| s-539
| а прѡкъ в дѣлъ |
| s-540
| аже кто мнѡго рѣза ималъ не ꙇмати тому |
| s-541
| аже закупъ бѣжить |
| s-542
| аже закупъ бѣжить ѿ господы то обель |
| s-543
| идеть ли искать кунъ а ꙗвленѡ хѡдить ꙇли ко кнѧзю или къ судиꙗмъ бѣжить обиды дѣлѧ своѥгѡ гн҃а то про то не рѡбѧть ѥгѡ но дати ѥмѹ правдѹ |
| s-544
| о закупѣ же |
| s-545
| аже ѹ гсна ролеиныи закупъ а погубить вѡискии кѡнь то не платити ѥму |
| s-546
| но ѥже далъ ѥму гснъ плугь и борону ѿ негѡ же купу ѥмлеть то то погубивше платити |
| s-547
| аже ли гснъ ѥго ѿслеть на своѥ орудьѥ а погибнеть без негѡ то тогѡ ѥму не платити |
| s-548
| о закупѣ ж |
| s-549
| аже изъ хлѣва выведуть то закупу того не платити |
| s-550
| но же погубить на поли и въ дворъ не вженеть ꙇ не затворить кдѣ ѥму гснъ велить или орудьꙗ своꙗ дѣꙗ а тогѡ погубить то то ѥмѹ платити |
| s-551
| въ лѣт҃ ҂ѕ҃ ѱ҃ л҃ ѕ поиде антонии архѥпс҃пъ новгородьскꙑи на хѹтино къ ст҃мѹ сп҃сѹ по своѥи воли |
| s-552
| тог҃же лѣт҃ придоша ѥмь воѥватъ въ ладозьскоѥ озѣро в лодкахъ |
| s-553
| и приде на спс҃въ дн҃ь вѣс҃ въ новгородъ |
| s-554
| новгородци же въсѣдавъше въ насадꙑ въгрѣбоша в ладогѹ съ кн҃зьмь ꙗрославомь |
| s-555
| володислав҃ посадник҃ ладозьскꙑи съ ладожанꙑ не ждѧ новгородьць гони сѧ в лодиꙗхъ по нихъ въ слѣдъ кде они воюють |
| s-556
| и постиже ꙗ |
| s-557
| и би сѧ с ними |
| s-558
| и бꙑс҃ нощь |
| s-559
| и ѿстѹпиша въ островълець |
| s-560
| а ѥмь на брѣзѣ съ полон[о]мъ |
| s-561
| воѥвали бо бѧхѹ около озера на исадѣхъ и олоньсь |
| s-562
| тоиже нощи просивъше мира и не да имъ посадник҃ съ ладожанꙑ |
| s-563
| а они исѣкше полонъ всь а сами побегоша на лѣсъ лодкꙑ пометавъше пѣши |
| s-564
| мног҃ ихъ тѹ паде |
| s-565
| а лодкꙑ ихъ ижгоша |
| s-566
| новгородьци же стоꙗвъше въ неве неколїко дн҃ии створиша вѣче и хотѣша ѹбити сѹдимира |
| s-567
| и съкрꙑ и кн҃зь въ насаде ѹ себе |
| s-568
| ѿтоле въспѧтиша сѧ въ новъгородъ ни ладожанъ ждавъше |
| s-569
| послѣдь же оставъше сѧ ижерѧне оставъше сѧ ѹстрѣтоша ихъ бегающе |
| s-570
| и тѹ ихъ избиша мног҃ |
| s-571
| а прокъ ихъ разбеже сѧ кѹдꙑ кто видѧ |
| s-572
| нъ тѣхъ корѣла кде обидѹче въ лѣсе ли вꙑводѧче избиша |
| s-573
| бе бо ихъ пришло творѧхѹ ҂в҃ или боле |
| s-574
| б҃ъ вѣсть |
| s-575
| а то все мрт҃во |
| s-576
| томьж҃ лѣт҃ кнѧзь ꙗрославъ преж҃ сеи рати поиде въ пльсковъ съ посадникомь иванкомь и тꙑсѧчьскꙑи вѧчеслав҃ |
| s-577
| и слꙑшавше пльсковицї ꙗко идеть к нимъ кн҃зь и затвориша сѧ въ городѣ |
| s-578
| не пѹс҃ша к собѣ |
| s-579
| кн҃зь же постоꙗвъ на дубровнѣ въспѧти сѧ в новъгород҃ |
| s-580
| промъкла бо сѧ вѣсть бѧше си въ пльскове ꙗко везеть оковꙑ хотѧ ковати вѧцьшеѥ мѹж҃ |
| s-581
| и пришьдъ створи вѣче въ влд҃чьнї дворѣ |
| s-582
| и реч҃ ꙗко |
| s-583
| не мꙑслилъ ѥсмь до пльсковичь грѹба ничегоже |
| s-584
| нъ везлъ ѥсмь бꙑлъ въ коробьꙗхъ дарꙑ паволокꙑ и овощь |
| s-585
| а они мѧ обьщьствовали |
| s-586
| и положи на нихъ жалобѹ велику |
| s-587
| тъгда ж҃ приведе пълкꙑ ис переꙗславлѧ а рекѧ |
| s-588
| хочю ити на ригу |
| s-589
| и сташа около городища шатрꙑ |
| s-590
| а инии въ славнѣ по дворомъ |
| s-591
| и въздорожиша все по търгѹ и хлѣбъ и мѧса и рꙑбꙑ |
| s-592
| и ѿтолѣ ста дороговь |
| s-593
| куплѧхѹ хлѣбъ по в҃ кѹнѣ а кадь ржи по г҃ грв҃нѣ а пшеницю по е҃ грв҃нъ а пшена по з҃ грв҃нъ |
| s-594
| и так҃ ста по г҃ лѣт҃ |
| s-595
| тож҃ слꙑшавъше пльсковици ꙗко привед҃ ꙗрослав҃ пълкꙑ ѹбоꙗвше сѧ тог҃ възѧша миръ съ рижанꙑ новгородъ вꙑложивъше а рекѹче |
| s-596
| то вꙑ а то новгородьци |
| s-597
| а намъ не надобе |
| s-598
| нъ оже поидѹ на насъ тъ вꙑ намъ помозите |
| s-599
| и они рекоша |
| s-600
| так҃ бѹди |