| s-402
| въскѹю смѹщаете сѧ |
| s-403
| ѹповаите на бг҃а |
| s-404
| писано бо есть |
| s-405
| возрите на первыѧ роды и видите |
| s-406
| кто ѹпова на бг҃а постыдѣ сѧ когда |
| s-407
| или кто вѣрова гв҃и и посрамленъ быс |
| s-408
| или кто пребывъ въ с꙽трасѣ его ѡставленъ бысть |
| s-409
| или кто призвавыи его и не ѹслышан и презрѣн быс ѿ него |
| s-410
| г҃летъ бо г҃ь |
| s-411
| не азъ ли есмь податель пищам и житныѧ плоды износѧ и житница наполнѧѧ и кормитель всемꙋ мирꙋ и питатель вселенныѧ даѧи пищѹ всѧкои плоти даꙗи пищꙋ имъ во бл҃го времѧ ѿверзаѧ рѹкꙋ свою насыщаѧ всѧко животно бл҃говоленїѧ |
| s-412
| и въ еѵаглїи г҃ь рече |
| s-413
| ищете и просите преже црствїѧ бж҃їѧ и правды его и сїѧ всѧ приложат сѧ вамъ |
| s-414
| возрите на птица нбсныѧ ꙗко ни сѣют ни жнѹт ни з꙽бирают в꙽ житница но ѿц҃ъ нбсныи кормитъ ѧ |
| s-415
| не паче ли васъ маловѣрїи |
| s-416
| терпѣти ѹбо |
| s-417
| терпѣнїѧ бѡ потреба есть |
| s-418
| въ терпѣнїи вашем стѧжите дш҃а ваша |
| s-419
| претерпѣвыи бо до конца і сп҃сет сѧ |
| s-420
| и вы нн҃ѣ глада ради ѡскорбисте сѧ еже на мало времѧ на искѹшенїе вамъ съключающе сѧ |
| s-421
| но аще претерпите с вѣрою и со бл҃годаренїем то на ползѹ вамъ бѹдет искѹшенїе то и на болшїи прибытокъ ѡбрѧщет сѧ |
| s-422
| понеже блгдть б҃жїѧ всѣм бываетъ не безъ искѹшенїѧ ꙗкож в лѣс꙽твицы рече сѧ |
| s-423
| безъ искѹса злато не съвершает сѧ |
| s-424
| по скорби же радости начаем сѧ |
| s-425
| послѣдꙋет꙽ бо скоръбным радос꙽тнаѧ |
| s-426
| вечеръ бо рече водворит сѧ плачь а заѹтра радость |
| s-427
| и вы ѹбо н҃нѣ оскѹдѣнїе хлѣба имате и недостатокъ всѧкого брашна днес имате а заѹтра ѹмноженїе брашенъ всѣх потребных и всѧкого ѡбилїѧ ꙗстьѧ и питїѧ насладите сѧ |
| s-428
| тако бо вѣрѹю ꙗко не оставит бг҃ъ мѣста сего и живꙋщих в нем |
| s-429
| и еще семѹ гл҃ющꙋ и се нѣцїи внезаапѹ потолкаша во врата |
| s-430
| вратар꙽ же скоро приникнѹвъ скважнею и видѣ ꙗко принесено быс множс꙽тво брашенъ потребных |
| s-431
| и ѿ радости и вратъ не ѿверзе |
| s-432
| бѣ бо приалченъ |
| s-433
| и обрати сѧ |
| s-434
| съ тщанїем скоро рища притече къ прпдбномѹ сергїю повѣдаемѹ и гл҃ѧ |
| s-435
| ѿч҃е бл҃гослови и принесшаѧ хлѣбы |
| s-436
| ꙗко мл҃твами твоими обрѣте сѧ множес꙽тво брашенъ потребных |
| s-437
| и се предстоѧт при вратѣх |
| s-438
| прпдбныи же повелѣ гл҃ѧ |
| s-439
| скоро ѿверзите врата ꙗко да внидѹт внѹтрь |
| s-440
| и семѹ быв꙽шѹ видѣша привезеное в꙽ манастырь брашно на колесницѣ и во вретищи |
| s-441
| и прославиша бг҃а давъшаго имъ таковѹю пищѹ и вечерю стран꙽нѹ готовѹ сѹщѹ на земли ꙗк да накормит ѧ и дш҃а алчющаѧ насытит препитати ѧ въ дн҃ь глада |
| s-442
| прпдбныи ж сергїи повелѣ мнихом си призвати на ꙗдь привез꙽ших ꙗдь прирекъ имъ сице |
| s-443
| вы сами алъчни сѹще насытите сытых до сытости |
| s-444
| накормите кормѧщих васъ |
| s-445
| напитаите питающих вы и ѹчредите и почтите |
| s-446
| дѡстоини бо сѹть ѹчреженїѧ и почитанїѧ |
| s-447
| и самъ не преж в꙽кѹси принесенаго емѹ готоваго брашна аще и ѕело алъченъ сыи но преж повелѣ бити в꙽ било і вниде съ братїѧми въ цр҃ковь пѣт молебенъ и велико бл҃годаренїе и бл҃гохваленїе в꙽сылаше къ бг҃ѹ не оставлѧющемꙋ на длъѕѣ рабъ своихъ терпѧщих его ради |
| s-448
| и исшед изъ цр҃кви сѣде съ братїѧми на трапезѣ |
| s-449
| пред ними же и предложени быша хлѣби оны новопринесеныѧ и новопеченыѧ |
| s-450
| прпдбныи же въставъ сотвори мл҃твѹ и бл҃гослови и преломль и разделивъ вдасть чрънцем своимъ |
| s-451
| и ꙗдоша вси и насытиша сѧ и прославиша бг҃а тако напитав꙽шаго ѧ |
| s-452
| бѧхѹ же хлѣби ѡны тепли сѹще и мѧк꙽цы ꙗко ѡбычаи ес новепеченым быти |
| s-453
| и ꙗко нѣкотораѧ в них зелїѧ рас꙽творенна бл҃гоѹхана |
| s-454
| сладость пос꙽тнѹю ꙗко мнѣти и ѿ сего имѣти ꙗвлѧюще |
| s-455
| и ꙗкож древле іил҃ьтѧном нѣкогда в꙽ пѹстыни манна ѿ бг҃а посылаема бѧше о нихже рече дв҃дъ проркъ |
| s-456
| и ѡдожди имъ маннѹ ꙗсти |
| s-457
| и хлѣбъ небсныи дасть имъ |
| s-458
| хлѣбъ агг҃льскїи ꙗде чл҃къ |
| s-459
| брашно посла имъ до ѡбилїѧ |
| s-460
| и ꙗдоша и насытиша сѧ ѕелѡ |
| s-461
| и ꙗко не дѣланнаѧ в рѣснотꙋ пища познаваше сѧ засылаема |
| s-462
| и се показа бг҃ъ прпдбномꙋ сергїю плод терпѣнїѧ и воздержанїѧ его еже претерпѣ по четыре дн҃и |
| s-463
| пос꙽трада алъча и жажда поеликѹ съ гладом борѧ сѧ терпѧше бг҃а ради |
| s-464
| ꙗкоже рече проркъ дв҃дъ |
| s-465
| терпѣнїе ѹбогих не погибнетъ до конца |
| s-466
| трѹды плод своих снѣси |
| s-467
| блаженъ еси |
| s-468
| добро тебѣ бѹдет |
| s-469
| за хлѣбы ѡны гнилыѧ таковое слад꙽кое бг҃ъ засылаше емѹ брашно |
| s-470
| в꙽ мѣсто гнилых не гнилыѧ но новопеченыѧ сладкїѧ бл҃гоѹханныѧ |
| s-471
| въ тлѣнных мѣсто нетлѣнныѧ земных бл҃гъ наслаженїе |
| s-472
| и то же точїю еще в꙽ настоѧщем вѣцѣ а в꙽ бѹдꙋщем вѣце въ земных мѣсто нбснаѧ во временных мѣсто вѣчных бл҃гъ наслаженїе |
| s-473
| ꙗкоже рече апслъ |
| s-474
| ихже око не видѣ и ѹхо не слыша и на срдце чл҃кѹ не възыде ꙗже ѹготова б҃гъ любѧщим его и хранѧщим заповѣди его |
| s-475
| не точїю сергїю единомѹ но и всѧкомꙋ иже ѿ всеѧ дш҃а возлюбив꙽шемꙋ бг҃а и творѧщемꙋ волю его и хранѧщим заповѣди его возданїе мнѡго |
| s-476
| ꙗдѹщимъ ж имъ рече прпдбныи |
| s-477
| гдѣ есть ѡн꙽сица брат иже преже роп꙽ща рече |
| s-478
| плѣснѣвїи хлѣби |
| s-479
| да видит нн҃ѣ и да разѹмѣет во истинѹ ꙗко не сѹть плѣсневи но и ѕело сладцы и мѧк꙽цы |
| s-480
| а не ли помѧнѹ прорка гл҃юща |
| s-481
| зане пепелъ ꙗко хлѣб ꙗдѧх и питїе мое с꙽ плачемъ рас꙽творѧх |
| s-482
| потом же в꙽зысканїю бывшꙋ чїи сѹть хлѣбы и гдѣ есть принесеныѧ и кто ес пославыи и съзирахѹ сѧ промежи собою истѧзающе сѧ и совос꙽прошающе сѧ мниси |
| s-483
| и никто ж ѹдобь можаше извѣсто ѹразѹмѣти бываемаго дондеж прпдбныи вопросї ѧ гл҃ѧ |
| s-484
| не рѣхъ ли вамъ |
| s-485
| призовете ѧ ꙗсти и прїпровадив꙽шаѧ намъ хлѣбы ѡны |
| s-486
| то гдѣ сѹть нн҃ѣ |
| s-487
| како не ѡбрѣтоша сѧ в началѣ ꙗдꙋща с нами |
| s-488
| ѡни же рѣша |
| s-489
| мы ѹбо по словеси твоемѹ звахом ѧ и ѡ хлѣбех вопросихом ꙗ г҃люще |
| s-490
| чїи сѹть хлѣби ꙗже сѣмо послаша сѧ с вами |
| s-491
| посланїи же рѣша |
| s-492
| онъсица хрстолюбецъ богат ѕело живыи въ далнихъ с꙽транах посла на имѧ сергїево се иже с нимъ живѹщими братїѧми |
| s-493
| паки же мниси по повелѣнїю сергїевꙋ на ѡбѣд позваша ѧ |
| s-494
| ѡни же не рачиша но тщахѹ сѧ и нам ошес꙽твїе сотворити |
| s-495
| и тако изыдоша ѿ очїю их |
| s-496
| се же быс дивно ꙗко тогда мниси не ѹвѣдаша ни разѹмѣша кто есть привезыи хлѣбы ѡни кто ли есть пославыи ѧ |
| s-497
| токмо пришед꙽ше къ игꙋменѹ дивлѧхѹ сѧ гл҃юще |
| s-498
| ѡч҃е како п꙽шеничнїи хлѣбї и с маслом и съ зелїемъ ѹтворени сѹть тепли а не ѿ близ привезени сꙋще |
| s-499
| на дрꙋгїи же дн҃ь такожде мнѡжес꙽тво потребных привезено бысть въ манастырь и ꙗстїѧ и питїѧ |
| s-500
| паки же на третїи дн҃ь ѿ иноѧ с꙽траны по томѹж ѡбразѹ привезено бысть ꙗкож преди сказахомъ |
| s-501
| игѹмен꙽ же сергїи сїѧ видѣвъ и слышав꙽ со всѣми братїѧми прослави бг҃а гл҃ѧ |