| s-801
| Комсьсисемге иеть уш служи попокс, весе церьковань службанть вете суронзо ладсо содасы, проповетнеде тысщат ловнось, содасы, кодамо вал марто лисемс народонть икелев. |
| s-802
| Сынь учить паро невтемат Дуняшинэнь пельде. |
| s-803
| Но тече мень-бути варма ютась ланганзо, лоткась, нать, паметэнзэ лангс надиямодо, ― секс аноксты проповедентень. |
| s-804
| Алтарентень совась Микита-атя ды кармась престолонть лангсо свечатнень курвазтнемест. |
| s-805
| Федоров мезть-бути кевкстиксэль кедьстэнзэ, но се шкане алтарентень совась диаконось. |
| s-806
| Федоров истяк и кадовсь апак корта Микита-атя марто. |
| s-807
| Сторужось лиссь алтарьстэнть, попось кармась обеднянь служамо. |
| s-808
| Федоров ― обуцянь коряс стакаль. |
| s-809
| Пазава марто якамсто ливтька тензэ цилякто аламо товзюрот ― сраматанзат весе. |
| s-810
| Понги эйкакш пильгензэ алов ― пилеюр каи тензэ; ульцява молемстэ вастындерясак ды а сюкониндерят тензэ ― кирдть ансяк, Ёндолт-пурьгинеть кармить прамо лангозот. |
| s-811
| Весть истямо тамаша лиснесь. |
| s-812
| Инечи юткстонть велеванть якасть молебень марто. |
| s-813
| Ули арась мезес тонавтнемс од сёрмадыцятненень Дуняшинэнь пельде? |
| s-814
| Весе церьковань причтэсь ды моравтыцятне пазава марто якасть кудодо-кудос . |
| s-815
| Федоров мольсь моравтыцятне икеле. |
| s-816
| Кедьсэнзэ ульнесь крёст ды кропилка. |
| s-817
| Моравтыцятне юткс кода-бути пальдявсть кавто эйкакшт: вейкесь ведьгев азоронь цёра, омбоцесь ― Кандрань Петрань цёразо. |
| s-818
| Кавонест сюпавонь. |
| s-819
| Федоров истя паринзе сынст кропилкасонть ― эйкакштнэ кудов молемань перть рангсть пиже-ожо вайгельсэ. |
| s-820
| Тетятне пек кежиявтнесть Федоров лангс, мартонзо сёвномо сакшность. |
| s-821
| Федоров мик кортамояк эзь карма, поп-аванзо кучизе: азё, келя, мерть: попонтень тынк марто кортамс амезть . |
| s-822
| Те обуцясь эзь тукшно народонь мельс. |
| s-823
| Ламоксть думсесть панемензэ велестэнть тень кис. |
| s-824
| Ули. |
| s-825
| Ансяк вадря вайгелензэ кис кирдсь Федоровонь Петровка велесь. |
| s-826
| Астяк, нать, Федоров кемень иеть служась епархиальной соборсо, архиреенть икеле. |
| s-827
| Кодак серьгеди Федоров алтарьстэнть ― весе церьковась карми зэрнеме, ломантнень седеест соракадыть, телаваст кармить коткудавт чийнеме. |
| s-828
| Тень кис вана вечкизь Федоровонь. |
| s-829
| Паро службанзо кис кирдсь эйсэнзэ велесэнть Петровкань озныця народось. |
| s-830
| Саемс куть течинь чинть: Федоров служась обеднятнень истя парсте, истя парсте, кода колияк эзь служа. |
| s-831
| Мекс пек стараи? |
| s-832
| Эли тедидень «троицясь» пек мазы, эли пек вадря он несь Федоров, эли мезень кувалткак седеезэ палы? |
| s-833
| А содави. |
| s-834
| Чопода ломань потмось. |
| s-835
| Те кинигасонть пурназь сонзэ весе икелень сёрмадовксонзо. |
| s-836
| Соласть народонь седейтне: ве ёндо кизэнь чись эжди, омбоце ёндо ― ойме нильксэс пачкодиця Федоровонь вайгелесь: кой-кона чернечкатнень мик сельведест тусть. |
| s-837
| Ютась обиднянть пелезэ. |
| s-838
| Микита-атя уш «достойноентькак» чавизе церькова прясо. |
| s-839
| Федоров лиссь амвононть лангс проповедь марто. |
| s-840
| Народ кашт мольсь. |
| s-841
| Умок уш эзь лисне проповедь марто попось, Мезде-бути кортамо карми течи? |
| s-842
| АВОЛЬ икеле ладсо кортась течи Федоров. |
| s-843
| Аволь икеле ладсо. |
| s-844
| Течи Федоровонь валонзояк лиятальть, вайгельзэяк а икелень кондямоль ― урнезь урнесь. |
| s-845
| Колияк эзь пеняця истя Федоров, колияк истя эзь визделгавтне народонть берянь тевензэ-валонзо кис. |
| s-846
| Тесэ тешкстазь Дуняшинэнь весе сёрмадома кизэ. |
| s-847
| ― Эка корты ― прок пештть чулгони! ― тошказевсь ялганзо пилес церьковань старустась Хролань Илька. |
| s-848
| ― Иля кортаяк! ― дивси ялгась. |
| s-849
| Косто зняро валт: сон прок кинигасто ловны... |
| s-850
| Весе народонть проймизе Федоровонь проповедесь. |
| s-851
| Ков иля варшта, эрьва ёндо ваныть иконостасонть лангс абунгадозь чамат: мезть тейнемс? |
| s-852
| Ков кекшемс сельмтнень пазонь ликтенть? |
| s-853
| Проповеденть прядома ёнов Федоров кепедизе верев кедензэ, суронзо венстизе икелев, чамазо весе ловташкадсь, народонтень покш вайгельсэ: |
| s-854
| ― Мейсь те телесь пек якшамоль? |
| s-855
| Мейсь ловось пек куватьс эзь сола ды видеме кармиде позда? |
| s-856
| Пазось лоткась моданть коронзо кирдемадо. |
| s-857
| Тестэ од сёрмадыцятне нейсызь, кодамо киява мольсь Дуняшин. |
| s-858
| Пазось велявтызе чаманзо мастор лангсо эрицятнеде. |
| s-859
| Ютась пазонть кирдема шказо. |
| s-860
| Секс. |
| s-861
| Секс. |
| s-862
| Появасть од ломанть. |
| s-863
| Появасть мень-бути клубт, ячейкат. |
| s-864
| Мень-бути од валт, од арсемат: пазось, келя, арась ды арасельгак, поптнэ, келя, шанжавт, церьковась, келя, народонь маньшема тарка... |
| s-865
| И сорны, и дивси народось. |
| s-866
| Колияк Федоров эссе токше политиканть. |
| s-867
| Сисемь иеть уш эри советэнь властесь Петровка велесэнть. |
| s-868
| Кизэ сонзэ аберянь. |
| s-869
| Федоров хоть весть маняволь. |
| s-870
| Хоть весть ёвтаволь вал синдсь политикадонть. |
| s-871
| Колияк а паро ёндо, а берянь ёндо эссе ледстне советэнь властенть. |
| s-872
| Эрясь каштом лангсо каткакс: эзь неявт, эзь марявт, содась ансяк церьковань тевензэ, служась, эсензэ валкс, пазонтень ды народнэнь. |
| s-873
| Мейсь эно течи лиякстомсь Федоров? |
| s-874
| А Федоров прок чарькодинзе народонь дивсематнень: |
| s-875
| ― Мон истямо валсо вестькак эзинь корта мартонк. |
| s-876
| Течияк аволинь корта. |
| s-877
| Ды колияк аволинь карма кортамо, аволь неявтдеряй тень исень вене вейке видения. |
| s-878
| Чуда, братият, чуда. |
| s-879
| Ушодовсь сон газетс сёрмадомасто. |
| s-880
| Кепететсь, буто, варма и салызе монь кудонть прянзо. |
| s-881
| Се шкастонть сырьгась зоря тештестэнть валдо сруна ды новольсь монь кудонтень. |
| s-882
| Се срунанть вельде, братият, каятотсь тосто вайгель. |
| s-883
| Кие кортась тосто ― пазось эли сонзэ ангелэзэ ― а содан. |
| s-884
| Повнясынь ансяк валтнэнь. |
| s-885
| Кода маринь не валтнэнь, телаван кельме ведь валовсь, прячерень дубушки стясть... |
| s-886
| ― Бачка! |
| s-887
| Бачка! |
| s-888
| Пазавась... |
| s-889
| Пазавась... валдомомо кармась. |
| s-890
| Те сборникенть нолдамсто кинь-кинь пельде марявсть истят кортамот: сборникесь поздаясь, ловноманзо а кармить. |
| s-891
| Чуда, бачка... |
| s-892
| Чуда... |
| s-893
| Истя мезть тейни пазавась? |
| s-894
| Ванодоя!.. |
| s-895
| Те сеересь сторужось ― Микита-атя. |
| s-896
| Федоров кармась сорномо. |
| s-897
| Народ талакадсь. |
| s-898
| Весе кармасть ваномо уголонтень, косо поводезель «нерукотворенный образ Христа». |
| s-899
| Комсь иеть уш ашти уголсонть те пазавась. |
| s-900
| Пиже чекеренть алдо содавсь ансяк (сеяк аламнеде) Христозонть судозо. |