| s-105
| Ламоксть совсесь тол потс отрядонть марто ды яла ливтнелизе весе отрядонть шумбрасто. |
| s-106
| Ансяк вейке туремасо томбавсь Люба ― Громовонь козиказо, секс пек стакат ульнесть сонзэ шачтоманзо... |
| s-107
| Маскин кандсь содов чайниксэнть пси ведь, максызе кенкшенть трокс кудос. |
| s-108
| Партизантнэ седеяк весёласто яксесть кудонть перька, учость Ястребов марто Любань лисемаст, сехте пек учость од ялганть. |
| s-109
| Конатань кандызе Люба седеензэ ало, коната марто аволь весть якась Люба ашотнень лангс пшти шашканть марто ды тунь чопода вене якась тайганть тусто роштятнень потмова. |
| s-110
| Колмо частнэ марявсть колмо чинь кувалмосот учомс партизантнэнень пек стакаль. |
| s-111
| Чись нолаштсь певтеме менелень сэньганть, тайганть велькска. |
| s-112
| Шкась малав обед. |
| s-113
| Лопатнень пестэ пиземень петнявксокс певерьсть лангозост росанть байгетне. |
| s-114
| ― Кавонест кундызь Любань кавто ёндо. |
| s-115
| Чикордсо састыне панжовсь кенкшесь, икеле лиссь Ястребов чамазо ливезев, пондакш черензэ, прок касыця виев розть нуваргадсть эрьва ладсо, сонсь пейди. |
| s-116
| Люба лиссь мельганзо, чамазо аламодо ловтаня, прок одкстомсь икеленде , черензэ судрявт валанясто, сельмензэ вансть седеяк бойкасто, кедьсэнзэ, ашо руця потсо, кирдсь тапардавт пакшиненть ды пшкадсь: |
| s-117
| ― Ну, ялгат!.. |
| s-118
| ― Люба эзь кенерть эщо валонь ёвтамо, кода весе партизантнэ саизь юткозост ды сюворясть Любань кедензэ, эрьва поздоров марто. |
| s-119
| ― Од партизан марто! |
| s-120
| ― Од ломань марто! |
| s-121
| ― Октябрёнок марто! |
| s-122
| ― Од боруциця марто! |
| s-123
| Ястребов, кавто колмо эскельдявкст тейсь ве ёнов, ды вансь пек покш мельс паросо. |
| s-124
| ― Пасиба, пасиба ялгат тенк, тынь эзимизь кадт ёмамо. |
| s-125
| ― Люба, Люба, ― жалямонь вайгельсэ пшкалесть Вострин ды Ястребов. |
| s-126
| ― Люба пейдезь сюконякшнось партизантнэнь каршо. |
| s-127
| ― Сонзэ сельмстэнзэ неявсь истямо кенярдома кона стувтовтсь мирдензэ а умонь куломанть ды горянть. |
| s-128
| Ястребов саизе пакшиненть кедензэ лангс. |
| s-129
| Кепедизе верев ды сергедсь: |
| s-130
| ― Ялгат! ― сонсь сельмензэ каинзе партизантнэнь лангс ды ушодсь кортамо: течинь чистэ минек ютксо шачовсь Громов, конатань минь ней васттано тынк марто. |
| s-131
| ― Сон шачсь пек уцяскав шкасто. |
| s-132
| ― Сон шачсь, зярдо весе трудицятне сыргасть ламо пингень нарьгамонть маштомо... |
| s-133
| ― Партизантнэ весе каштмолить, Ястребов сельмензэ пакшиненть лангс ды седеяк кеместэ поладсь, ― сон шачсь зярдо трудицятне прянь апак жаля стясть сюпавтнэнь каршо туреме эсист праваст кис. |
| s-134
| Сон шачсь, зярдо перть пельга зэрнить ― пушкат ды цярныть пулемётт, сон шачсь зярдо ине Октябрясь рестедизе а маштовикс таштонть трудиень сявдикс лангсто. |
| s-135
| ― Сон шачсь, зярдо весе масторось ушодсь оршавомо якстере фатасо, зярдо революциянь толось кирвайсь масторонь келесэ. |
| s-136
| Партизантнэ цяпасть пек кенярдозь, Ястребов пейдезевсь ды таго кармась кортамо: |
| s-137
| ― Ох, ох! ― таго кувтсезь лепштявсь потстонзо вальгеень кондямо. |
| s-138
| ― Сон шачсь, аволь сыре бабань ловажав коморос, сельведь марто ды пазонь лем марто. |
| s-139
| Сон шачсь аволь поптнэнь пейдема ― нарьгамо таркас. |
| s-140
| Сон шачсь партизанонь юткс, сон шачсь, коммунистэнь юткс... |
| s-141
| Истя, ялгат, минь вишкинька Громовонь васень руця лангсто алтасынек коммунистэнь ине партиянтень... |
| s-142
| ― Виде! |
| s-143
| ― Виде! ― сергедсть весе партизантнэ. |
| s-144
| ― Макстанок вал, Ястребов варштась Любань лангс, ― минсенек боевой ялгантень ― Любанень, што минь, минек родной паморькскенть кастсынек эсинек ютксо, сон улезэ истямо, кодамо ульнесь боевой тетязо ды кодамо ютксо шачсь светэнть лангс... |
| s-145
| ― Ялгат! |
| s-146
| ― Люба вачкодинзе вейс кедензэ ды лепштинзе мокшнанзо мештензэ ёжос, сорновтызе прянзо ды эскельдясь икелев, ― ялгат! ― сонсь пейди, ― мон ней масторонть лангсо весемеде уцяскав. |
| s-147
| ― Мон а муян валт, кода бу ёвтамс, зярошка монь уцяскам, монень а ёвтавить весе, мезе ашти мельсэнь. |
| s-148
| ― Люба, Люба! |
| s-149
| ― Ули мелем пек покш валонь ды ламонь кортамо... |
| s-150
| ― Пасиба ды пасиба тенк, ялгат. |
| s-151
| ― Мон бажан, штобы весе трудиця аватне улест истят уцяскавт. |
| s-152
| ― Мон максан вал тенк, ялгат, коть зярдо улян анок стямо тынк марто сэрсек ды эськелямс кеместэ икелев весе трудицятнень кис, ― сонсь Люба венстизе вить кедензэ Ястребов ёнов, прок снартни здоровакшномо мартонзо, ― мон а вейксэ кандынь седеем ало те вишькинька эйденьть эйсэ, эзинь кемть, што сон ванстови, тынь содатадо, кодат шкат ульнесть, мон эзинь жаля эсень прям. |
| s-153
| ― Эзинь жаля сонзэяк. |
| s-154
| ― Кайсевкшнынь кепедевть сабля алов, аволь весть понгонинь свинецэнь цярахман аловгак. |
| s-155
| ― Коли ванстовсь, мон максса тыненк, максса куммонистэнь партиянте. |
| s-156
| ― Виде! виде! ― рангстасть весе партизантнэ ды цяпасть кедь ладошкасост. |
| s-157
| ― Любань кортамонть полавтызе Ястребов! |
| s-158
| ― Ялгат! ― Ястребов сергедсь седе чевте вайгельсэ, ― пакшинесь шумбра, а лемезэ арась, давайте лем тензэ макстано, кие кодмо лем арьси? |
| s-159
| Партизантнэ пурнавсть ды вансть, таймаскадозь, Любань лангс. |
| s-160
| ― Ялгат! ― сергедсь Юрченко, ― мон арьсян путомс тензэ «Октябрёнок». |
| s-161
| ― «Вишка партизан!» ― сергедсь Маскин. |
| s-162
| ― «Од бороциця!» ― пек кеместэ сейресь Рябов. |
| s-163
| ― Ялгат, ― пшкадсь Ястребов, партизантнэ аламос чатьмонсть. |
| s-164
| ― Конатнень ёвтненк, лемтьне весе вадрят, весе лемтьне минек, пек ладяволь пакшиненте меремс «Октябрянь левкс», а берянь. |
| s-165
| «Вишкинька партизан» эли берянь «Од бороциця», истяжо лемесь мазый. |
| s-166
| ― Ялгат! ― Ястребов сельмензэ панжинзе седеяк покшсто, прок мезе бути покш дивавкс нейсь, ― мон арьсян тыньгак каршо а ульдядо. |
| s-167
| ― Марясынек гудоконть? ― Ястребов покшолгавтызе вальгеензэ. |
| s-168
| ― Марясынк кода тердиця гудокось ранги тайганть велькссэ... |
| s-169
| ― Ине вальгей чудесь тусто роштятнень потмова прок стявтсь нусманясто арьсезевезь тайганть эйсэ. |
| s-170
| Эрьвейкень сэредсь седеезэ Любань кис, но лездамс а кода те тевентень. |
| s-171
| ― Давайте мерьсынек лемензэ «Валскень Гудок!» |
| s-172
| ― Валскень Гудок! |
| s-173
| ― Валскень Гудок! |
| s-174
| ― Валскень Гудок! ― весе партизантнэ кеменьшкаксть мельсек ёвтызь те од лементь. |
| s-175
| ― Ястребов эщо месть бути кортыксэль, но сергедсть весе партизантнэ. |
| s-176
| ― Виде! виде! |
| s-177
| ― Валскень Гудок!.. |
| s-178
| ― Виде! |
| s-179
| ― Валскень Гудок!.. |
| s-180
| ― Цяпасть куватьс кедь ладошкасост. |
| s-181
| Ястребов саизе Любань вить кедензэ. |
| s-182
| ― Шумбра улезэ Гудок! |
| s-183
| ― Сон касы, ды громасынзе веси кадовикстнэнь наксадо таштонть эйстэ. |
| s-184
| ― Ялгат, ― таго пшкадсь Ястребов, ― минсенек шканок аволь ламо, кортамс куватьс а мери шкась. |
| s-185
| ― Люба, Люба ялгай, адя кодаяк пачкодть, ней уш аволь васоло минек таркась. |
| s-186
| ― Адя кодаяк цидярдт, ― сорнось Ястребовонь вайгеезэ Любань велькссэ. |
| s-187
| ― Ох, кулан! |
| s-188
| Весемеде икеле мольсь отрядонь командирэсь Ястребов. |
| s-189
| Партизантнэнь лишметне мольсть ды яжасть пильксэст роштянь тарадтнэнь. |
| s-190
| Ястребов Вострин марто кирдсть Любань кавто ёндо, Люба панжинзе сельмензэ. |
| s-191
| ― Ох, пек сэредян!.. |
| s-192
| ― А кирдевимашка... |
| s-193
| ― Ней аволь васоло, кодаяк кирдть, ― мерсь Ястребов седеяк чевтестэ ды кавал алдо кирдсь Любань эйсэ. |
| s-194
| Пачкодсть тайгань пек тусто таркантень козонь сеедьстэ савкшнокшность партизантнэ ютась шкасто оймсеме. |
| s-195
| Охотникень зимовканть кудыненьтень партизантнэ кандызь Любань кедест лангсо, путызь илёвонь кровать лангс. |
| s-196
| Ястребов нуваргадсь вельксэнзэ, кедензэ путызе Любань коняс. |
| s-197
| ― Пек сэредят? ― сорнозь вайгельсэ кевкстизе Любань Ястребов. |
| s-198
| ― Ох, пек! ― шкань шкань эсть чаркодевть Любань валонзо, сорнозь кедьсэнзэ тулкадизе Ястребовонь кедензэ. |
| s-199
| Сон капшавтсь лишменть эйсэ, секе тев нерькстнесь пильксэнзэ пеке боканзо. |
| s-200
| ― Азёдо тестэ, кадымизь ськамон, аволь вадря истя монень, ― кортамонть човор сорнось Любань вальгеезэ ды рунгозо, прок маштыкссэ сэредемстэ. |
| s-201
| Ястребов лиссь кудынестэнть нусманясто. |
| s-202
| Киненьгак вейке вал эзь пшкадть, саизе Любань лишменть марто эсинзэнтень , ветинзе тусто роштятнэнь потс ды сюлминзе башка чувтс. |
| s-203
| Лишметне каволясть роштянь пиже лопатнень. |
| s-204
| Лавшомтызе подпругаст, зепстэнзэ таргизе браунингенть, путсь барабанонтень од патронт ды путызе мекев. |