| s-101
| Дугдывтӧг гымаліс-чардаліс. |
| s-102
| Гым-биясыс быттьӧ дзик орччӧн орӧдлісны сынӧдсӧ. |
| s-103
| Вӧчны нинӧм. |
| s-104
| Пыри пипу раскас да сувті неыджыд эрд вылӧ. |
| s-105
| Гымалігад пу улын сулавны оз позь. |
| s-106
| Татчӧ тӧв нырыс эз нин сэтшӧма писькӧдчы. |
| s-107
| Но чардби дугдывтӧг югъяліс син водзын. |
| s-108
| Ас кежысь казьтышті нин, гашкӧ, став Енсӧ, тӧдсаясӧс и тӧдтӧмъясӧс, мед, кӧнкӧ найӧ эмӧсь кӧ, эз жӧ эновтны туй выв мортӧс. |
| s-109
| И со шерыс вочасӧн вешйис бокӧ. |
| s-110
| Зэрыс мӧдӧдчис надзӧнджык. |
| s-111
| Воддза моз гымаліс. |
| s-112
| Но эз нин сэтшӧм яра. |
| s-113
| Сэсся и гымыс вешйис. |
| s-114
| Ньӧжйӧник мӧдӧдчи гортлань. |
| s-115
| Паськӧмӧй вӧлі брӧд ва. |
| s-116
| Муртса верми восьлавны ляти кодь туйӧд. |
| s-117
| Лысваыс болскакыліс сапӧг пытшкын. |
| s-118
| Медбӧрын кыр йылын тыдовтчисны сиктса керкаяс. |
| s-119
| Тэрыбджыка восьлавны вын-эбӧсӧй эз нин тырмы. |
| s-120
| Мамӧй паныдаліс кильчӧ вылӧ петӧмӧн. |
| s-121
| — Мыйла нӧ водзджык эн вермы кайны, — жалитӧмпырысь шуис меным. |
| s-122
| — Он ӧд тӧд, мый татшӧма зэрны-гымавны кутас, — нурбыльті сӧмын. |
| s-123
| Керкаӧ пырӧм бӧрын тэрмасьӧмӧн пӧрччи сӧдз ваӧдз кӧтасьӧм кӧм-паськӧмӧс да тэрыба кайи паччӧр вылӧ шонтысьыштны, став тайӧ страксьыс пальӧдчыштны. |
| s-124
| Шерыс уна омӧльтор вайӧма сэки сиктсаяслы . |
| s-125
| Чеглалӧма картупель да град выв пуктас коръяс, пӧрӧдӧма потшӧсъяс. |
| s-126
| А кодлыськӧ весиг чашнитӧма керка вевтсӧ. |
| s-127
| И шензи нӧшта, кор тӧдмалі, мый шерыслӧн туйыс зэв векньыдик и вӧлӧма. |
| s-128
| Неылысса сикт-грездын сы йылысь абу весиг тӧдлӧмаӧсь. |
| s-129
| Став челядь миян странаын тӧдӧны Климент Ефремович Ворошиловӧс, Советскӧй Союзса маршалӧс, Оборона кузя Народнӧй Комиссарӧс. |
| s-130
| Тӧдӧны сійӧс и радейтӧны. |
| s-131
| И, дерт, кӧсйӧны тӧдны сы йылысь дзик ставсӧ. |
| s-132
| Кыдзи сійӧ оліс ичӧтдырйиыс? |
| s-133
| Кыдзи сійӧ лои большевикӧн? |
| s-134
| Кыдзи лои Краснӧй Армияса командирӧн? |
| s-135
| Кыдзи нуӧдіс бойӧ миянлысь армияясӧс белӧйяслы паныд? |
| s-136
| Кыдзи вермывліс врагъясӧс? |
| s-137
| И мый вӧсна получитіс сійӧ орденъяссӧ, кодъяс сылӧн дзирдалӧны морӧс вылас, кор первомайскӧй парад дырйи сійӧ петас аслас вӧв вылын Московскӧй Кремльса Спасскӧй башня важ воротаысь? |
| s-138
| Медым висьтавны кӧть медся главнӧйтор йывсьыс, мый лолывліс Ворошилов ёртлӧн замечательнӧй олӧмас, ковмас не ӧти кыз книга. |
| s-139
| Дженьыдик висьтӧ ыджыд мортлӧн олӧмыс оз тӧр. |
| s-140
| Тайӧ жӧ книгаас ми висьталам сӧмын нёль самӧй обыкновеннӧй боевӧй случай йылысь, кодъяс коркӧ, гражданскӧй война лунъясын, вӧвліны фронт вылын Климент Ефремовичкӧд. |
| s-141
| Лун и вой мунісны бойяс, лун и вой красноармейскӧй частьяс писькӧдчисны рытыввывлань, Волгалань, Царицын карлань (ӧні сійӧ шусьӧ Сталинградӧн). |
| s-142
| Туйыс вӧлі сьӧкыд, белӧйяс потшисны быд боксянь. |
| s-143
| Быдлаысь кыліс винтовкаяслӧн трачӧдчӧм, орудиеысь лыйлӧм, взрывъяслӧн грымгӧм… |
| s-144
| И друг, кор миян войскаяс ас водзсьыныс ылысь аддзисны неыджыд казацкӧй сикт, Пятиизбеннӧй станица, ставыс гӧгӧр виччысьтӧг лӧнис. |
| s-145
| Ни горзӧмъяс, ни лыйсьӧмъяс. |
| s-146
| Враг быттьӧ сыліс кытчӧкӧ. |
| s-147
| Кытчӧ сійӧ воши? |
| s-148
| Кытысь лэбыштас выльысь? |
| s-149
| Некод оз тӧд! |
| s-150
| Война вылын татшӧм гӧгӧрвотӧмыс лёкджык медся ён бойысь. |
| s-151
| Неприятель страшнӧй, бура кӧ он тӧд, кӧні сійӧ и мый сійӧ вӧчӧ. |
| s-152
| Колӧ вӧлі ӧні жӧ мунны смелӧй разведкаӧ, воӧдчыны ылі пемыд посёлокӧ, тӧдмавны, оз-ӧ дзебсясь сэні враг. |
| s-153
| Тайӧ вӧлі вывті опаснӧй могӧн, но коланаӧн. |
| s-154
| Решитісны ыстыны разведкаӧ броневичок — пулемёта бронированнӧй боевӧй автомобиль. |
| s-155
| Броневик вӧлі важ да жугласьӧм, но мӧдтор нинӧм кипод уланыс эз вӧв. |
| s-156
| Эрд вылӧ петігӧн лои известнӧ, мый броневикса командирӧн мунӧ армияӧн командуйтысь Климент Ефремович Ворошилов. |
| s-157
| Тыдалӧ, разведкаыс сійӧ луннас вӧлі сэтшӧм важнӧй делӧӧн, мый Ворошилов решитчис мунны ачыс. |
| s-158
| Броневик ӧдйӧ муніс паськыд восьса эрд вывсӧ, коді торйӧдіс краснӧй боецъясӧс ичӧтик сиктысь, да зэв ӧдйӧ пырис посёлокас. |
| s-159
| Главнӧй уличаыс сылӧн вӧлі куш. |
| s-160
| Но врагъяс вермисны дзебсьыны бокиса переулокъясас. |
| s-161
| Одсӧ чинтытӧг, шоферыс машинасӧ веськӧдіс ӧти татшӧм переулокӧ, коді вӧлі зэв крутӧя кежӧ. |
| s-162
| Но ӧдва на машинаыс воис бергӧдчанінӧдзыс, кыдз шоферыс став вынсьыс кутчысис тормоз дінас. |
| s-163
| Сійӧ пыр жӧ гӧгӧрвоис, мый лоис лёктор. |
| s-164
| Переулокыс помасис тупикӧн. |
| s-165
| Мӧд петанін сэтысь эз вӧв. |
| s-166
| Сэні, переулок помас, пу заборъяс дінӧ домавлӧмаӧсь седлӧа казацкӧй вӧвъясӧс. |
| s-167
| А став ӧдзӧсъяссьыс, воротаяссьыс, калиткаяссьыс мотор шум вылӧ котӧртісны нин вооружитчӧм йӧз. |
| s-168
| Казакъяс! |
| s-169
| Белӧйяс! |
| s-170
| Шоферыс сувтӧдіс машинасӧ. |
| s-171
| Чужӧмыс сылӧн лои мел кодь еджыд. |
| s-172
| — Мый тэ вӧчан? |
| s-173
| Мыйла тормозитін? — горӧдіс Ворошилов. |
| s-174
| — Векни! |
| s-175
| Мунігмозыс он тӧр бергӧдчыныс, командир ёрт! |
| s-176
| Сійӧ эз на удит шуны тайӧс, кыдз казакъяс горзігтырйи уськӧдчисны машиналань. |
| s-177
| И пыр жӧ броневик пытшкас пондіс шумитны, тратшкакывны да чеччавны: тайӧ мӧдіс уджавны краснӧйяслӧн дзик ӧти пулемёт. |
| s-178
| — Ага! |
| s-179
| Эз кажитчы! |
| s-180
| Водінныд пуляяс улӧ, бандитъяс? |
| s-181
| Шоферыс паръяссӧ курччӧмӧн тракнитіс задньӧй ходлысь рычагсӧ. |
| s-182
| — Ох, командир ёрт, беда! |
| s-183
| Задньӧй ходыс портитчис… |
| s-184
| Крукасис мыйкӧ. |
| s-185
| Не петны миянлы… |
| s-186
| Казакъяс пыр жӧ гӧгӧрвоисны, мый броневикыс сибдіс. |
| s-187
| — Мый? |
| s-188
| Сюринныд краснӧй чӧртъяс? |
| s-189
| Ну, ӧні ми тіянӧс! |
| s-190
| И вот найӧ шыбласьӧны нин канаваӧ, кыссьӧны турун пӧвстті, старайтчӧны воӧдчыны кыдз позьӧ матӧджык. |
| s-191
| Налӧн пуляясыс сяргӧны броневикӧ сідз, мый пельяссьыс перепонкаясыс машина пытшса йӧзлӧн чуть оз потласьны. |
| s-192
| Пуляясыс жугласьӧны зэв уна посньыд пӧсь свинец да сталь торпыригъяс вылӧ. |
| s-193
| Тайӧ торпыригъясыс пырӧны боевӧй ӧшинь векньыдик щельясӧд, ранитӧны кияснысӧ, чужӧмнысӧ, соталӧны паськӧмнысӧ пырыс… |
| s-194
| Шоферыс, том зонка на, дзикӧдз растеряйтчис. |
| s-195
| Мый вӧчны? |
| s-196
| Командир ёрт? |
| s-197
| Кыдз лоны? |
| s-198
| Вошим ми, — шӧпкӧдіс сійӧ. |
| s-199
| Чорыд киыс Ворошиловлӧн усис сылы пельпом вылас. |
| s-200
| — Да мый тэ, друг, мый тэ! |