| s-1
| Virðulegi forseti. Ég þakka hv. þingmanni fyrir ræðuna, hún var fróðleg fyrir nýjan þingmann eins og mig. |
| s-2
| Ég kem hér upp í raun til þess að fá hv. þingmann til að fræða mig aðeins betur. |
| s-3
| Hv. þingmaður ræddi niðurskurðinn til Vinnumálastofnunar og mér finnst það líka athyglisvert að starfsendurhæfingarsjóður dettur alveg út úr tryggingagjaldinu. |
| s-4
| Hvað þykir þingmanninum um þá gjörð ríkisstjórnarinnar? |
| s-5
| Við sjáum þetta náttúrlega líka með Fæðingarorlofssjóð, þar er tryggingagjaldið, það sem fer í sjóðinn, lækkað um næstum því helming. |
| s-6
| Mig langar að spyrja svolítið um reynslu þingmannsins í þessum efnum, því að ég er að læra það hér á þingi og í nefndarstörfum að þetta er bara gert án nokkurs samráðs við þá er eiga í hlut, atvinnulífið og auðvitað launþegana sem borga þetta tryggingagjald líka eða hluta af því eða vinna upp í það. |
| s-7
| Ég vil spyrja hvort það sé venja og þyki eðlilegt að ríkið geti einhliða og án samráðs stillt af hlutfall tryggingagjaldsins og þannig lækkað þessa sjóði án þess að spyrja kóng né prest. |
| s-8
| Svo fer ég kannski aðeins betur inn á þetta með Vinnumálastofnun og starfsendurhæfinguna í seinna andsvari. |
| s-9
| Virðulegi forseti. Ég vil koma hér upp og lýsa einskærri gleði yfir því hvernig forseti tekur í þetta mál. |
| s-10
| Það er greinilegt að hann hefur skoðað þetta, þessi þingsályktunartillaga kemur ekki á óvart. |
| s-11
| Fólk hugsar á sömu nótum og það er mjög gott. |
| s-12
| Mig langar svo að árétta það sem kemur fram í tillögunni að sú kynslóð sem meðal annars ég tilheyri það eru kannski ekki allir af eldri kynslóðinni sem skilja það, þótt það sé svolítið óþægilegt að viðurkenna það hér í ræðustól, hvað Facebook spilar stóran þátt í lífi minnar kynslóðar, þetta er fyrsti staðurinn sem maður dettur inn á á netinu og maður nær sér í upplýsingar þaðan. |
| s-13
| Þetta er þægileg leið til að gera það. |
| s-14
| Nethegðun hefur breyst á þann veg að menn nenna ekki að smella mörgum sinnum með músinni þannig að eftir því sem þægilegra er að nálgast upplýsingar, því líklegra er að maður nái í þær. |
| s-15
| Ef maður þarf að stíga mörg skref, eins og á hinni ágætu heimasíðu Alþingis, eru meiri líkur á að maður hætti og fari að gera eitthvað annað. |
| s-16
| Þetta er mikilvæg leið til að komast í tengsl við fólkið og ég er ánægð með þessar undirtektir. |
| s-17
| Herra forseti. Ég tek undir með hv. þm. Katrínu Júlíusdóttur. |
| s-18
| Og úr því hún nefndi skuldaleiðréttingarnar og önnur mál sem eiga að fara í gegnum þingið þá er í því tiltekna máli engin launung á, og ég hef sagt það áður í þessum ræðustól, að ég er ekki hrifin af þeim áformum ríkisstjórnarinnar að demba inn í framtíðina 80 milljörðum. |
| s-19
| Ég mun ekki styðja það. |
| s-20
| Ég sakna svo sem ekki þeirra tillagna en auðvitað er það óþolandi fyrir það fólk sem það gerir, að fólk fái ekki svör því að óvissan er miklu verri, það er miklu verra ástand en að fá bara skellinn, þá getur maður haldið áfram, en hitt er miklu verri staða. |
| s-21
| Herra forseti. Eins og ég rakti í ræðu minni biðlaði ég í raun til margra góðra þingmanna sem eru í stjórnarmeirihluta, sem ég þekki af góðu og hef átt gott samstarf við í nefndum þingsins. |
| s-22
| Það er skynsamt fólk í öllum flokkum og ég vona að það búi við það frelsi í flokkum sínum að fá að taka sjálfstæðar ákvarðanir og að það geti hreinlega fylgt sannfæringu sinni. |
| s-23
| Ég vona að því sé þannig farið í öllum flokkum og það sé ekki einhver lúxus sem við búum við í Bjartri framtíð. |
| s-24
| Herra forseti. Ég þakka spurninga. |
| s-25
| Það er vissulega eilítið súrrealískt að fara að vinna á þingi. |
| s-26
| En við í Bjartri framtíð höfum haft háleitt markmið og mörgum hefur kannski fundist það barnalegt markmið, það sé svo far out að reyna að bæta stjórnmálin. |
| s-27
| En við trúum því að ef við gerum það komist hlutirnir í gang, komist áfram. |
| s-28
| Við sjáum auðvitað að þetta er ekkert eðlilegt umhverfi og svona virkar þetta ekki í fyrirtækjum landsins. |
| s-29
| Ef hver höndin er upp á móti annarri og fólk hlustar ekki hvert á annað kemst enginn lönd né strönd. |
| s-30
| Það er vissulega háleitt markmið að reyna að breyta þessu en þetta er grundvallaratriði, að ég tel, í farsæld íslenskrar þjóðar. |
| s-31
| Hér stoppar allt of margt og við erum ekkert ofboðslega klár enn sem komið er að tala saman. |
| s-32
| Ég hafði miklar væntingar til þess að fá að fjalla um þessa skýrslu og gera það eftir settum leikreglum hér á Alþingi. |
| s-33
| Ég vil trúa því áður en annað kemur í ljós að hér sé fólk að vinna af heilindum og meini það sem það segir, að það vilji hlusta á alls konar sjónarmið og það hafi eitthvað að segja. |
| s-34
| En ég hef orðið fyrir vonbrigðum með það. |
| s-35
| Hæstv. forseti. Ég þakka svörin, bæði frá virðulegum forseta og sömuleiðis þingmanninum, þó svo ég haldi áfram og lýsi vonbrigðum mínum yfir því að fólk sé ekki á staðnum til að taka þátt í því starfi sem á að fara fram hér. |
| s-36
| Ég beini því til forseta að finna lausn á því. |
| s-37
| Hv. þingmaður talaði svolítið um stóru millifærsluna svokölluðu eða skuldaniðurfellinguna eins og við könnumst við hana. |
| s-38
| Ég tók eftir því að þingmaðurinn nefndi að við værum ekki með neina greiningu á því hver fengi hvað og hver borgaði á endanum. |
| s-39
| Um það er ég henni hjartanlega sammála. |
| s-40
| Í því sambandi vil ég spyrja hana nánar út í það hvernig við veltum vanda samtímans á undan okkur og hver muni á endanum borga. |
| s-41
| Frú forseti. Ég vil þakka hv. þm. Sigríði Ingibjörgu Ingadóttur fyrir ræðuna. |
| s-42
| Hún var sannarlega„ inspírerandi“ og þingmaðurinn fór ágætlega eða mjög vel yfir af hverju hún tekur þá afstöðu sem hún hefur tekið gagnvart Evrópusambandinu. |
| s-43
| Við erum sammála um að við viljum sjá samning og skoða hvernig hann lítur út og við vitum að það er ekkert ljóst með aðild fyrr en við sjáum hvað í honum stendur. |
| s-44
| Nú er það svo að ferlið er í uppnámi og ég vil spyrja þingmanninn hvort hún álíti að hlé á viðræðum sé skárri kostur en að rjúfa þær alveg. |
| s-45
| Forseti SilG: Forseti vill biðja hv. þingmann að nota fyrst og fremst íslenskt mál. |
| s-46
| Herra forseti. Ég þakka hv. þingmanni fyrir falleg orð varðandi frumvarpið sem við leggjum fram um hefndarklám. |
| s-47
| Það er í raun birtingarmynd þess að við lifum í nýjum veruleika. |
| s-48
| Við lifum allmikið í netheimum, á hverjum degi, og þar gerast ýmsir hlutir, bæði góðir og vondir. |
| s-49
| Við verðum að vakna og vera í takt við það, láta lögin vera í takt við þann veruleika sem við búum við. |
| s-50
| Hv. þingmaður talaði um vitundarvakninguna og þá miklu samvinnu sem stjórnvöld fóru í á síðasta kjörtímabili. |
| s-51
| Stjórnvöld á þeim tíma eiga mikið hrós skilið fyrir að hafa farið fram með vitundarvakningu varðandi kynferðisbrot, einkum brot er snúa að börnum. |
| s-52
| Þau gerðu það í miklu samstarfi við ýmis félagasamtök og hagsmunaaðila. |
| s-53
| Það er auðvitað þyngra en tárum taki að sjá þá vinnu verða að engu þrátt fyrir fyrirheit þingmanna úr öllum flokkum í kjölfar druslugöngunnar í sumar. |
| s-54
| Þá vildi enginn skera neitt niður. |
| s-55
| Þá vildu allir bæta í, þá vildu allir halda áfram sama flotta starfinu og gera betur. |
| s-56
| En það er nú aldeilis ekki að sjá í þessu fjárlagafrumvarpi og það er skömm að því. |
| s-57
| Virðulegi forseti. Við gætum kannski aflað meiri tekna. |
| s-58
| Ég veit ekki hvort þess þarf, ég held að það þurfi bara að forgangsraða öðruvísi. |
| s-59
| Mér verður tíðrætt um þessa 80 milljarða sem fara í skuldaniðurfellingu. |
| s-60
| Ég hefði gjarnan viljað sjá þá fara í innviði og í lækkun skulda. |
| s-61
| Ég hefði gjarnan viljað sjá vaxtakostnaðinn lækka hjá ríkinu. |
| s-62
| Ég held að það séu ýmsar aðrar leiðir til að setja hlutina fram svo að þeir séu réttlátari og betur til þess fallnir að þjónusta alla og að mismuna ekki fólki eftir því hvort það á peninga eða ekki. |
| s-63
| Það er vegur sem við virðumst vera farin að rata, sem er mjög óhugnanlegt, að við séum komin á þann stað. |
| s-64
| Ég er svo kvöldsvæf, ég held að ég sé orðin þreytt, ég man ekki hver seinni hluti spurningar hv. þingmanns var. |
| s-65
| Hún getur þá kannski skerpt á því í næsta andsvari. |
| s-66
| Herra forseti. Ég þakka hv. ræðumanni fyrir ræðuna. |
| s-67
| Ég verð að viðurkenna að ég er ein af þeim sem hafa tekið barnið sitt með í áfengisbúð eins og hún. |
| s-68
| Ég vissi það ekki fyrr en núna, þegar ég stóð hér til hliðar í þessari umræðu, að það væri einhver sérstök skömm að því. |
| s-69
| Ég vil fá að skila henni til baka. |
| s-70
| Það eru ekki allir sem eiga í erfiðleikum með áfengi, raunar fæstir. |
| s-71
| Við verðum að hafa það í huga í allri þessari umræðu og gæta ákveðins meðalhófs þegar við erum að ræða þessi mál. |
| s-72
| Ég vil spyrja hv. þingmann hvað hún sjái fyrir sér varðandi aðbúnað vínsölu í breyttu rekstrarformi. |
| s-73
| Er hv. þingmaður sammála mér um að þörf sé á skýrum reglum um aðgengi og sýnileika vörunnar í þeim búðum sem taka mundu við ef ríkið héldi ekki áfram einokun sinni? |
| s-74
| Virðulegi forseti. Til þess að taka af allan vafa þá vil ég ekki að hv. þingmenn skilji mig þannig að ég sé ekki ánægð með tillöguna. |
| s-75
| Ég er það, ég er meðflutningsmaður. |
| s-76
| En það er gott að eiga þessar samræður við hv. þm. Össur Skarphéðinsson. |
| s-77
| Ég er honum alveg sammála um að það er mikilvægt að efla sjálfstæði þingsins. |
| s-78
| Það er raunverulega þannig að sérstaklega minni hlutinn það hlýtur alltaf að vera þannig, hver svo sem þar er hefur ekki mikið um málið að segja. |
| s-79
| Það er ef til vill betur hægt, þrátt fyrir allt tal um mikilvægi samráðs og sátta, þegar þingmenn hafa beinan aðgang að málinu. |
| s-80
| Það er ágreiningur um leiðir og það er mikilvægt að við ræðum um þær. |
| s-81
| Við gætum orðið ósátt við hvaða leiðir ríkisstjórnin vill fara til að byggja upp Landspítalann. |
| s-82
| Ég segi fyrir mig að ég vil að það sé alveg á hreinu að Landspítalinn verði á einhverjum tímapunkti eign þjóðarinnar, að það verði ekki einkaaðilar sem reki hann í stórum stíl. |
| s-83
| Ég verð að segja að ég varð svolítið hrædd í þeirri umræðu sem ég átti við hæstv. fjármálaráðherra, þegar ég ræddi þessar leiðir við hann, um að hann væri ef til vill ekki sama sinnis. |
| s-84
| Þá hugsaði ég: Jæja, það er kannski betra ég veit ekki hvort ég á að segja þetta að láta kyrrt liggja. |
| s-85
| Það er vissulega mikilvægast í þessu stóra máli að fólk Forseti hringir. komist að samkomulagi og þetta sé gert í sátt. |
| s-86
| Frú forseti. Ég verð að vera ósammála hv. þm. Össuri Skarphéðinssyni um að nefndin hafi ekki afstöðu, hún hefur það einmitt og skýrir hana ágætlega. |
| s-87
| Afstaðan er að okkur vantar meiri upplýsingar. |
| s-88
| Afstaðan hefði alveg getað orðið sú hjá einhverjum að hætta bara algerlega en það er öll atvinnuveganefnd sem skrifar undir þetta álit og vill að hæstv. ráðherra vinni áfram með málið. |
| s-89
| Það er góð afstaða finnst mér og það er vel af sér vikið. |
| s-90
| Ég er mjög ánægð með vinnu nefndarinnar í þessu máli og við skrifum öll undir og færum ráðherra skýr skilaboð til að vinna áfram með málið þannig að við getum stuðst við betri upplýsingar svo ríkja megi sátt um þá niðurstöðu sem verður í framhaldinu. |
| s-91
| Herra forseti. Ég þakka svarið. |
| s-92
| Við erum þá alveg sammála, hv. þingmaður og ég. |
| s-93
| Við eigum það líka sammerkt að vera meðflutningsmenn á þessu máli. |
| s-94
| Ég verð að segja að í mínum huga er það mjög skýrt að sé þetta fært í annað form verða að vera mjög skýrar reglur um hvernig aðgengi er háttað, hvernig útstillingu í búðum er háttað. |
| s-95
| Það er nokkuð sem þarf að ræða og finna út úr. |
| s-96
| Mergur málsins er sá að mér finnst fjarstæðukennt að það þurfi endilega að vera ríkið sem selji þessa vöru frekar en einhverja aðra. |
| s-97
| Ég vil treysta öðrum til þess og ég tel að nú þegar sé aðgengið mjög gott hjá ÁTVR. |
| s-98
| Ég er ekki viss um að það breytist mikið eða að salan aukist mikið við þessa breytingu. |
| s-99
| Herra forseti. Ég þakka fyrirspurnina. |
| s-100
| Nei, ég verð að játa að ég sé ekki hvað það hafi átt að vera, nema ef verið gæti að skýrslan hafi einfaldlega verið of jákvæð og sýnt Evrópusambandið í of jákvæðu ljósi fyrir stjórnarþingmenn, nú er ég að spekúlera, ef þeir hafa ekki séð sér fært að verja það að halda ekki áfram, þetta væri of góður díll, ég veit það ekki, ég hreinlega veit það ekki. |