| s-908
| swaei jabai ƕo in Xristau niuja gaskafts þo alþjona usliþun |
| s-909
| sai waurþun niuja alla |
| s-910
| aþþan alla us guda þamma gafriþondin uns sis þairh Xristu jag gibandin unsis andbahti gafriþonais |
| s-911
| unte sweþauh guþ was in Xristau manaseþ gafriþonds sis ni rahnjands im missadedins ize jah lagjands in uns waurd gafriþonais |
| s-912
| faur Xristu nu airinom swe at guda gaþlaihandin þairh uns |
| s-913
| bidjandans faur Xristu gagawairþnan guda |
| s-914
| unte þana ize ni kunþa frawaurht faur uns gatawida frawaurht ei weis waurþeima garaihtei gudis in imma |
| s-915
| Pawlus apaustaulus ni af mannam nih þairh mannan ak þairh Iesu Xristu jah guþ attan ize urraisida ina us dauþaim jah þai miþ mis allai broþrjus aikklesjom Galatiais |
| s-916
| ansts izwis jah gawairþi fram guda attin jah fraujin unsaramma Iesu Xristau izei gaf sik silban faur frawaurhtins unsaros ei uslausidedi uns us þamma andwairþin aiwa ubilin bi wiljin gudis jah attins unsaris þammei wulþus du aiwam |
| s-917
| amen |
| s-918
| sildaleikja ei swa sprauto afwandjanda af þamma laþondin izwis in anstai Xristaus du anþaramma aiwaggelja þatei nist anþar alja sumai sind þai drobjandans izwis jah wiljandans inwandjan aiwaggeli Xristaus |
| s-919
| aþþan þatei melja izwis sai in andwairþja gudis ei ni liuga |
| s-920
| þaþro qam ana fera Saurais jah Kileikiais |
| s-921
| unkunþs wlita aikklesjom Iudaias þaim in Xristau |
| s-922
| þatainei hausjandans wesun þatei |
| s-923
| saei wrak uns simle nu mereiþ galaubein þoei suman brak |
| s-924
| jah in mis mekilidedun guþ |
| s-925
| Pawlus apaustaulus Xristaus Iesuis þairh wiljan gudis þaim weiham þaim wisandam in Aifaison jah triggwaim in Xristau Iesu |
| s-926
| ansts izwis jah gawairþi fram guda attin unsaramma jah fraujin Iesu Xristau |
| s-927
| þiuþiþs guþ jah atta fraujins unsaris Iesuis Xristaus izei gaþiuþida uns ana allai þiuþeinai ahmeinai in himinakundaim in Xristau swaswe gawalida uns in imma faur gasatein fairƕaus ei sijaima weihai jah unwammai in andwairþja is in frijaþwai |
| s-928
| in imma in þammei hlauts gasatidai wesum fauragaredanai bi wiljin gudis þis alla in allaim waurkjandins bi muna wiljins seinis ei sijaima weis du hazeinai wulþaus is þai faurawenjandans in Xristau in þammei jah jus gahausjandans waurd sunjus aiwaggeli ganistais izwaraizos þammei galaubjandans gasiglidai waurþuþ ahmin gahaitis þamma weihin izei ist wadi arbjis unsaris du faurbauhtai gafreideinais du hazeinai wulþaus is |
| s-929
| duþþe jah ik gahausjands izwara galaubein in fraujin Iesu Xristau jah frijaþwa in allans þans weihans unsweibands awiliudo in izwara gamund waurkjands in bidom meinaim ei guþ fraujins unsaris Iesuis Xristaus atta wulþaus gibai izwis ahman handugeins jah andhuleinais in ufkunþja seinamma inliuhtida augona hairtins izwaris ei witeiþ jus ƕa ist wens laþonais is ƕileik uh gabei wulþaus arbjis is in weihaim jah ƕa ufarassus mikileins mahtais is in uns þaim galaubjandam bi waurstwa mahtais swinþeins is þatei gawaurhta in Xristau urraisjands ina us dauþaim jah gasatida in taihswon seinai in himinam ufaro allaize reikje jah waldufnje jah mahte jah fraujinassiwe jah allaize namne namnidaize ni þatainei in þamma aiwa ak jah in þamma anawairþin |
| s-930
| jah alla ufhnaiwida uf fotuns imma jah ina atgaf haubiþ ufar alla aikklesjon sei ist leik is fullo þis alla in allaim usfulljandins |
| s-931
| Jabai nu miþurrisuþ Xristau þoei iupa sind sokeiþ þarei Xristus ist in taihswai gudis sitands |
| s-932
| þaimei iupa sind fraþjaiþ ni þaim þoei ana airþai sind |
| s-933
| unte gadauþnodeduþ jah libains izwara gafulgina ist miþ Xristau in guda |
| s-934
| þan Xristus swikunþs wairþiþ libains izwara þanuh jah jus bairhtai wairþiþ miþ imma in wulþau |
| s-935
| dauþeiþ nu liþuns izwarans þans þaiei sind ana airþai horinassau unhrainein winna lustau ubilana jah faihugeiron soei ist galiugagude skalkinassus |
| s-936
| þairh þoei qimiþ hatis gudis ana sunum ungalaubeinais |
| s-937
| in þaimei jah jus iddjeduþ simle þan libaideduþ in þaim |
| s-938
| iþ nu aflagjiþ jah jus þo alla hatis þwairhein unselein anaqiss aglaitiwaurdein |
| s-939
| us munþa izwaramma ni |
| s-940
| þarei nist Kreks jah Judaius bimait jah faurafilli barbarus jah Skwþus skalks jah freis ak alla jah in allaim Xristus |
| s-941
| swaswe jah Xristus fragaf izwis swa jah jus taujaiþ |
| s-942
| aþþan ufar alla þo friaþwa sei ist gabindi ainamundiþos |
| s-943
| jah gawairþi gudis swignjai in hairtam izwaraim in þammei jah laþodai wesuþ in ainamma leika jah awiliudondans wairþaiþ |
| s-944
| waurd Xristaus bauai in izwis gabigaba |
| s-945
| in allai handugein jah frodein ahmeinai laisjandans jah talzjandans izwis silbans psalmom hazeinim saggwim ahmeinaim |
| s-946
| in anstai siggwandans in hairtam izwaraim fraujin |
| s-947
| all þisƕah þatei taujaiþ in waurda aiþþau in waurstwa all in namin fraujins Iesuis awiliudondans guda attin þairh ina |
| s-948
| jus qinons ufhausjaiþ wairam izwaraim swe gaqimiþ in fraujin |
| s-949
| wairos frijoþ qenins izwaros jah ni sijaiþ baitrai wiþra þos |
| s-950
| barna ufhausjaiþ fadreinam bi all |
| s-951
| unte þata waila galeikaiþ ist in fraujin |
| s-952
| jus attans ni gramjaiþ barna izwara du þwairhein ei ni wairþaina in unlustau |
| s-953
| þewisa ufhausjaiþ bi all þaim bi leika fraujam ni in augam skalkinondans swe mannam samjandans ak in ainfalþein hairtins ogandans guþ |
| s-954
| þisƕah þatei taujaiþ us saiwalai waurkjaiþ swe fraujin ni mannam witandans þatei af fraujin nimiþ andalauni arbjis |
| s-955
| unte fraujin Xristau skalkinoþ |
| s-956
| sa auk skaþaila andnimiþ þatei skoþ jah nist wiljahalþein at guda |
| s-957
| Bidja nu frumist allis taujan bidos aihtronins liteinins awiliuda fram allaim mannam |
| s-958
| fram þiudanam jah fram allaim þaim in ufarassau wisandam ei slawandein jas sutja ald bauaima in allai gagudein jag gariudja |
| s-959
| þat uþ þan ist god jah andanem in andwairþja nasjandis unsaris gudis saei allans mans wili ganisan jah in ufkunþja sunjos qiman |
| s-960
| ains allis guþ ains jah midumonds gudis jah manne manna Xristus Iesus sa gibands sik silban andabauht faur allans þizei weitwodein melam swesaim |
| s-961
| du þammei gasatiþs im ik merjands jah apaustaulus sunja qiþa in Xristau ni liuga laisareis þiudo in galaubeinai jas sunjai |
| s-962
| wiljau nu wairans bidjan in allaim stadim ushafjandans swiknos handuns inuh þwairhein jah tweiflein |
| s-963
| samaleiko jah qinons in gafeteinai hrainjai miþ gariud_n jah inahein fetjandeins sik ni in flahtom aiþþau gulþa aiþþau marikreitum aiþþau wastjom galaubaim ak þatei gadob ist qinom gahaitandeim guþ blotan þairh waurstwa goda |
| s-964
| qino in hauniþai galaisjai sik in allai ufhauseinai |
| s-965
| iþ galaisjan qinon ni uslaubja nih fraujinon faura waira ak wisan in þahainai |
| s-966
| Adam auk fruma gadigans warþ |
| s-967
| þaþroh Aiwwa |
| s-968
| jah Adam ni warþ uslutoþs iþ qino uslutoda in missadedai warþ |
| s-969
| iþ ganisiþ þairh barne gabaurþ jabai gastandand in galaubeinai jah frijaþwai jah weihiþai miþ gafraþjein |
| s-970
| iþ nu þus jah mis bruks þanuh insandida |
| s-971
| iþ þu ina þat ist meinos brusts andnim |
| s-972
| þanei ik wilda at mis gahaban ei faur þuk mis andbahtidedi in bandjom aiwaggeljons |
| s-973
| iþ inu þein ragin ni waiht wilda taujan ei ni swaswe bi nauþai þiuþ þein sijai ak us lustum |
| s-974
| aufto auk duþe afgaf sik du ƕeilai ei aiweinana ina andnimais ju ni swaswe skalk ak ufar skalk broþar liubana ussindo mis iþ ƕan filu mais þus jah in leika jah in fraujin |
| s-975
| jabai nu mik habais du gamana andnim þana swe mik |
| s-976
| iþ jabai ƕa gaskoþ þus aiþþau skula ist þata mis rahnei |
| s-977
| ik Pawlus gamelida meinai handau |
| s-978
| ik usgiba |
| s-979
| ei ni qiþau þus þatei jaþ þuk silban mis skula is |
| s-980
| jai broþar ik þeina niutau in fraujin |
| s-981
| anaþrafstei meinos brusts in Xristau |
| s-982
| gatrauands ufhauseinai þeinai gamelida þus witands þatei jah ufar þatei qiþa taujis |
| s-983
| bijandz uþ þan manwei mis saliþwos |
| s-984
| wenja auk ei þairh bidos izwaros fragibaidau izwis |
| s-985
| goleiþ þuk Aipafras sa miþfrahunþana mis in Xristau Iesu |