| s-805
| aþþan jabai gaswiltiþ aba galausjada af þamma witoda abins |
| s-806
| þannu þan at libandin abin haitada horinondei jabai wairþiþ waira anþaramma |
| s-807
| iþ jabai gaswiltiþ wair frija ist þis witodis ei ni sijai horinondei waurþana abin anþaramma |
| s-808
| swaei nu jah jus broþrjus meinai afdauþidai waurþuþ witoda þairh leik Xristaus ei wairþaiþ anþaramma þamma us dauþaim urreisandin ei akran bairaima guda |
| s-809
| þan auk wesum in leika winnons frawaurhti þos þairh witoþ waurhtedun in liþum unsaraim du akran bairan dauþau |
| s-810
| iþ nu sai andbundanai waurþum af witoda gadauþnandans in þammei gahabaidai wesum swaei skalkinoma in niujiþai ahmins jah ni fairniþai bokos |
| s-811
| ƕa nu qiþam |
| s-812
| witoþ frawaurhts ist |
| s-813
| nis sijai |
| s-814
| ak frawaurht ni ufkunþedjau nih þairh witoþ unte lustu nih wissedjau nih witoþ qeþi |
| s-815
| ni gairnjais |
| s-816
| iþ lew nimandei frawaurhts þairh anabusn gawaurhta in mis allana lustu |
| s-817
| unte inu witoþ frawaurhts was nawis |
| s-818
| iþ ik qius was inu witoþ simle iþ qimandein anabusnai frawaurhts gaqiunoda |
| s-819
| iþ ik gadauþnoda jah bigitana warþ mis anabusns sei was du libainai wisan du dauþau |
| s-820
| unte frawaurhts lew nimandei þairh anabusn uslutoda mik jah þairh þo usqam |
| s-821
| aþþan nu sweþauh witoþ weihata jah anabusns weiha jah garaihta jah þiuþeiga |
| s-822
| þata nu þiuþeigo warþ mis dauþus |
| s-823
| nis sijai |
| s-824
| ak frawaurhts ei uskunþa waurþi frawaurhts þairh þata þiuþeigo mis gawaurkjandei dauþu ei waurþi ufarassau frawaurhta frawaurhts þairh anabusn |
| s-825
| witum auk þatei witoþ ahmein ist |
| s-826
| iþ ik leikeins im frabauhts uf frawaurht |
| s-827
| þatei waurkja ni fraþja |
| s-828
| unte ni þatei wiljau tauja ak þatei fija þata tauja |
| s-829
| iþ jabai þatei ni wiljau þata tauja gaqiss im witoda þatei goþ |
| s-830
| iþ nu ju ni ik waurkja þata ak so bauandei in mis frawaurhts |
| s-831
| wait auk þatei ni bauiþ in mis þat ist in leika meinamma þiuþ |
| s-832
| unte wiljan atligiþ mis iþ gawaurkjan goþ ni |
| s-833
| unte ni þatei wiljau waurkja goþ ak þatei ni wiljau ubil þata tauja |
| s-834
| jabai nu þatei ni wiljau ik þata tauja ju ni ik waurkja ita ak sei bauiþ in mis frawaurhts |
| s-835
| bigita nu witoþ wiljandin mis goþ taujan unte mis atist ubil |
| s-836
| gawizneigs im auk witoda gudis bi þamma innumin mann |
| s-837
| aþþan gasaiƕa anþar witoþ in liþum meinaim andwaihando witoda ahmins meinis jah frahinþando mik in witoda frawaurhtais þamma wisandin in liþum meinaim |
| s-838
| wainahs ik manna |
| s-839
| ƕas mik lauseiþ us þamma leika dauþaus þis |
| s-840
| awiliudo guda þairh Iesu Xristu fraujan unsarana |
| s-841
| jau nu silba ik skalkino gahugdai witoda gudis iþ leika witoda frawaurhtais |
| s-842
| Ni waiht þannu nu wargiþos þaim in Xristau Iesu ni gaggandam bi leika |
| s-843
| unte witoþ ahmins libainais in Xristau Iesu frijana brahta mik witodis frawaurhtais jah dauþaus |
| s-844
| unte þata unmahteigo witodis in þammei siuks was þairh leik guþ seinana sunu insandjands in galeikja leikis frawaurhtais jah bi frawaurht gawargida frawaurht in leika ei garaihtei witodis usfulljaidau in uns þaim ni bi leika gaggandam ak bi ahmin |
| s-845
| unte þai bi leika wisandans þo þoei leikis sind mitond |
| s-846
| iþ þai bi ahmin þo þoei ahmins |
| s-847
| aþþan fraþi leikis dauþus iþ fraþi ahmins libains jah gawairþi |
| s-848
| unte fraþi leikis fijands du guda |
| s-849
| witoda gudis ni ufhauseiþ iþ ni mag |
| s-850
| aþþan þai in leika wisandans guda galeikan ni magun |
| s-851
| iþ jus ni sijuþ in leika ak in ahmin sweþauh jabai ahma gudis bauiþ in izwis |
| s-852
| iþ jabai ƕas ahman Xristaus ni habaiþ sa nist is |
| s-853
| jabai auk Xristus in izwis leik raihtis |
| s-854
| saei ist in taihswon gudis saei jah bidjiþ faur uns |
| s-855
| ƕas uns afskaidai af friaþwai Xristaus aglo þau aggwiþa þau wrakja þau huhrus þau naqadei þau sleiþei þau hairus |
| s-856
| swaswe gameliþ ist þatei |
| s-857
| in þuk gadauþjanda all dagis |
| s-858
| rahnidai wesum swe lamba slauhtais |
| s-859
| akei in þaim allaim jiukam þairh þana frijondan uns |
| s-860
| gatraua auk þatei ni dauþus ni libains nih aggeljus ni reikja ni mahteis nih andwairþo nih anawairþo nih hauhiþa nih diupiþa nih gaskafts anþara magi uns afskaidan af friaþwai gudis þizai in Xristau Iesu fraujin unsaramma |
| s-861
| Ni wiljau izwis unwitans broþrjus þatei attans unsarai allai uf milhmin wesun jah allai marein þairhiddjedun jah allai in Mose daupidai wesun in milhmin jah in marein jah allai þana saman mat ahmeinan matidedun jah allai þata samo dragk ahmeino drugkun |
| s-862
| frodaim qiþa |
| s-863
| domeiþ jus þatei qiþa |
| s-864
| stikls þiuþiqissais þanei gaweiham niu gamainduþs bloþis fraujins ist |
| s-865
| hlaifs þanei brikam niu gamainduþs leikis fraujins ist |
| s-866
| unte ains hlaifs ain leik þai managans sium þaiei auk allai ainis hlaibis jah ainis stiklis brukjam |
| s-867
| saiƕiþ Israel bi leika |
| s-868
| niu þai matjandans hunsla gamainjandans hunslastada sind |
| s-869
| ƕa nu qiþam |
| s-870
| þatei þo galiugaguda ƕa sijaina aiþþau þatei galiugam saljada ƕa sijai |
| s-871
| ak þatei saljand þiudos skohslam saljand jan ni guda |
| s-872
| Ni wiljau auk izwis skohslam gadailans wairþan |
| s-873
| ni maguþ stikl fraujins drigkan jah stikl skohsle |
| s-874
| ni maguþ biudis fraujins fairaihan jab biudis skohsle |
| s-875
| þau inaljanom fraujin |
| s-876
| ibai swinþozans imma sium |
| s-877
| all binah akei ni all daug |
| s-878
| all mis binauht ist akei ni all timreiþ |
| s-879
| ni ainshun sein sokjai ak anþaris ƕarjizuh |
| s-880
| all þatei at skiljam frabugjaidau matjaiþ ni waiht andhruskandans in miþwisseins |
| s-881
| fraujins ist auk airþa jah fullo izos |
| s-882
| iþ jabai ƕas laþo izwis þize ungalaubjandane jah wileiþ gaggan all þatei faurlagjaidau izwis matjaiþ ni waiht andsitandans bi gahugdai |
| s-883
| iþ jabai ƕas qiþai þatei galiugam gasaliþ ist ni matjaiþ in jainis þis bandwjandins jah þuhtaus |
| s-884
| fraujins ist auk airþa jah fullo izos |
| s-885
| þuhtu þ þan qiþa ni silbins ak anþaris |
| s-886
| duƕe auk frijei meina stojada þairh ungalaubjandins þuhtu |
| s-887
| jabai ik anstai andnima duƕe anaqiþaidau in þize ik awiliudo |
| s-888
| jaþþe nu matjaiþ jaþþe drigkaiþ jaþþe ƕa taujiþ allata du wulþau gudis taujaiþ |
| s-889
| unufbrikandans sijaiþ jah Iudaium jah þiudom jah aikklesjon gudis swaswe ik allaim all leika ni sokjands þatei mis bruk sijai ak þatei þaim managam ei ganisaina |
| s-890
| us guda habam gard unhanduwaurhtana aiweinana in himinam |
| s-891
| unte jah in þamma swogatjam bauainai unsarai þizai us himina ufarhamon gairnjandans jabai sweþauh gawasidai ni naqadai bigitaindau |
| s-892
| jah auk wisandans in þizai hleiþrai swogatjam kauridai ana þammei ni wileima afhamon ak anahamon ei fraslindaidau þata diwano fram libainai |
| s-893
| aþþan saei jag gamanwida uns du þamma guþ saei jah gaf unsis wadi ahman |
| s-894
| gatrauandans nu sinteino jah witandans þatei wisandans in þamma leika afhaimjai sijum fram fraujin |
| s-895
| unte þairh galaubein gaggam ni þairh siun |
| s-896
| aþþan gatrauam jah waljam mais usleiþan us þamma leika jah anahaimjaim wisan at fraujin |
| s-897
| in uþ þis usdaudjam jaþþe anahaimjai jaþþe afhaimjai waila galeikan imma |
| s-898
| unte allai weis ataugjan skuldai sijum faura stauastola Xristaus ei ganimai ƕarjizuh þo swesona leikis afar þaimei gatawida jaþþe þiuþ jaþþe unþiuþ |
| s-899
| witandans nu agis fraujins mannans fullaweisjam iþ guda swikunþai sijum |
| s-900
| aþþan wenja jah in miþwisseim izwaraim swikunþans wisan uns ni ei aftra uns silbans uskannjaima izwis ak lew gibandans izwis ƕoftuljos fram unsis ei habaiþ wiþra þans in andwairþja ƕopandans jan ni in hairtin |
| s-901
| unte jaþþe usgeisnodedum guda |
| s-902
| jaþþe fullafraþjam izwis |
| s-903
| unte friaþwa Xristaus dishabaiþ uns domjandans þata þatei ains faur allans gaswalt |
| s-904
| þannu allai gaswultun |