Dependency Tree
Universal Dependencies - Coptic - Scriptorium
| Language | Coptic |
|---|
| Project | Scriptorium |
|---|
| Corpus Part | train |
|---|
| Annotation | Abrams, Mitchell; Davidson, Elizabeth; Zeldes, Amir |
|---|
Select a sentence
Showing 103 - 202 of 121 • previous
| s-103
| ⲡⲉⲛⲧⲁϥⲧⲣⲉⲛⲁⲙⲉⲉⲩⲉ · ⲙⲛⲛⲁϣⲟϫⲛⲉ ϣⲱⲡⲉ ⲉⲩⲣϩⲟⲩⲟ ⲉϩⲟⲩⲛ ⲉⲣⲟϥ · |
| s-104
| ⲡⲉⲧϯ ⲙⲡⲟⲩⲁ ⲡⲟⲩⲁ · ⲕⲁⲧⲁⲛⲉϥϩⲃⲏⲩⲉ · |
| s-105
| ⲡⲉⲛⲧⲁϥⲕⲱ ϩⲣⲁⲓ ϩⲛⲧⲁⲯⲩⲭⲏ · ⲉⲧⲙⲕⲁⲗⲁⲁⲩ ⲛⲁⲓ · ⲛⲥⲁⲃⲗⲗⲁⲕ ⲙⲁⲩⲁⲁⲕ ⲡϫⲟⲉⲓⲥ · |
| s-106
| ⲟⲩ ⲅⲁⲣ ⲡⲉⲧⲓⲛⲁϩⲉ ⲉⲣⲟϥ ⲉϥⲥⲱⲧⲡ · ⲉϥⲧⲃⲃⲏⲩ ⲉϩⲟⲩⲟ ⲉⲣⲟⲕ · |
| s-107
| ⲧⲉⲛⲟⲩ ⲇⲉ ⲁⲓϩⲉ ⲉⲣⲟⲕ · ⲁⲩⲱ ⲁⲓϫⲱⲕ ⲉⲃⲟⲗ ⲛⲧⲟⲓⲕⲟⲛⲟⲙⲓⲁ ⲛⲧⲁⲕⲧⲁⲛϩⲟⲩⲧ ⲉⲣⲟⲥ · |
| s-108
| ⲁⲁⲧ ⲟⲩⲛ ⲛⲙⲡϣⲁ ⲉⲧⲣⲉⲕϯⲙⲧⲟⲛ ⲛⲁⲓ ϩⲛⲧⲉⲕⲁⲛⲁⲡⲁⲩⲥⲓⲥ ⲉⲧⲟⲩⲁⲁⲃ · ⲛⲅⲭⲁⲣⲓⲍⲉ ⲛⲁⲓ ⲛⲧⲙⲛⲧⲧⲉⲗⲓⲟⲥ ⲉⲧⲛϩⲏⲧⲕ · ⲉⲧⲉⲧⲙⲛⲧⲁⲧⲛⲟⲃⲉ ⲧⲉ · ⲙⲛⲡⲟⲩϫⲁⲓ ⲛⲁⲧϣⲁϫⲉ ⲉⲣⲟϥ · ⲁⲩⲱ ⲛⲁⲧϩⲉⲧϩⲱⲧϥ · ⲁⲩⲱ ⲛⲁⲧⲧⲁϩⲟϥ · ⲉⲓⲛⲏⲩ ϣⲁⲣⲟⲕ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · |
| s-109
| ⲙⲁⲣⲉϥϩⲣⲟⲕ ⲛϭⲓⲡⲕⲱϩⲧ · ⲛⲧⲉⲡⲕⲁⲕⲉ ⲁⲛⲁⲭⲱⲣⲉⲓ ⲛⲁϥ · ⲛⲧⲉⲡⲉⲭⲁⲟⲥ ⲣϭⲱⲃ · ⲛⲧⲉⲧⲉϩⲣⲱ ⲛⲥⲁⲧⲉ ϣⲱⲡⲉ ⲛⲁⲧϭⲟⲙ · ⲛⲧⲉⲧⲅⲉϩⲉⲛⲛⲁ ⲱϣⲙ · ⲁⲩⲱ ⲛⲥⲉⲟⲩⲁϩⲟⲩ ⲛⲥⲱⲓ ⲛϭⲓⲛⲁⲅⲅⲉⲗⲟⲥ ⲉⲧⲟⲩⲁⲁⲃ · ⲛⲧⲉⲛⲇⲁⲓⲙⲟⲛⲓⲟⲛ ⲣϩⲟⲧⲉ · ⲛⲥⲉⲟⲩⲱϣϥ ⲛϭⲓⲛⲁⲣⲭⲱⲛ · ⲛⲧⲉⲛⲇⲩⲛⲁⲙⲓⲥ ⲙⲡⲕⲁⲕⲉ ⲁⲛⲁⲭⲱⲣⲉⲓ ⲛⲁⲩ ⲛⲥⲉϩⲉ ⲉⲡⲉⲥⲏⲧ ⲛⲧⲉⲛⲧⲟⲡⲟⲥ ⲉⲧϩⲓⲟⲩⲛⲁⲙ ⲁϩⲉⲣⲁⲧⲟⲩ · |
| s-110
| ⲙⲁⲣⲉⲡⲇⲓⲁⲃⲟⲗⲟⲥ ϫⲓϣⲓⲡⲉ · ⲛⲥⲉⲥⲱⲃⲉ ⲛⲥⲁⲡⲥⲁⲧⲁⲛⲁⲥ · |
| s-111
| ⲙⲁⲣⲉⲡⲉϥϭⲱⲛⲧ ⲱϣⲙ · ⲛⲧⲉⲧⲉϥⲙⲁⲛⲓⲁ ϩⲣⲟⲕ ⲙⲙⲟⲥ · |
| s-112
| ⲙⲁⲣⲉⲡⲉϥⲧⲁⲓⲟ ϫⲓϣⲓⲡⲉ · ⲛⲧⲉⲧⲉϥⲟⲣⲅⲏ ⲟⲩⲱϣϥ · ⲙⲁⲣⲟⲩⲥⲉⲕⲛⲉϥϣⲏⲣⲉ ⲉⲡⲉⲥⲏⲧ ⲛⲥⲉⲡⲉⲣⲕⲧⲉⲩⲛⲟⲩⲛⲉ ⲧⲏⲣⲥ · |
| s-113
| ⲙⲁ ⲛⲁⲓ ⲛⲧⲉⲝⲟⲩⲥⲓⲁ ⲉⲧⲣⲁⲙⲟⲟϣⲉ · ⲁⲩⲱ ⲛⲧⲁϫⲉⲕⲧⲁϩⲓⲏ ⲉⲃⲟⲗ ⲁϫⲛϩⲓⲥⲉ ϩⲓϣⲧⲟⲣⲧⲣ · ⲉⲓⲛⲏⲩ ϣⲁⲣⲟⲕ ⲡⲁϫⲟⲉⲓⲥ ϫⲉⲕⲁⲥ ⲉⲓⲉϫⲓ ⲛⲛⲁⲅⲁⲑⲟⲛ ⲛⲛⲉⲛⲧⲁⲩⲱⲛϩ · ϩⲛⲟⲩⲟⲡ · |
| s-114
| ⲛⲁⲓ ⲇⲉ ⲛⲧⲉⲣⲉϥϫⲟⲟⲩ · ⲛϭⲓⲓⲱϩⲁⲛⲛⲏⲥ ⲡⲑⲉⲟⲗⲟⲅⲟⲥ · ⲉϥϭⲱϣⲧ ⲉⲙⲙⲁ ⲛϣⲁ ⲉϥϯⲉⲟⲟⲩ ⲙⲡⲛⲟⲩⲧⲉ · |
| s-115
| ⲉⲁϥⲡⲉⲣϣⲛⲉϥϭⲓϫ ⲟⲛ ⲉⲃⲟⲗ ⲁϥϣⲗⲏⲗ · ⲉϥϫⲱ ⲙⲙⲟⲥ · ϫⲉⲛⲧⲟⲕ ⲕϣⲟⲟⲡ ⲛⲙⲙⲁⲓ · ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · |
| s-116
| ⲁⲩⲱ ⲛⲧⲉⲩⲛⲟⲩ ⲁϥϥⲟϭϥ ⲉⲡⲉⲥⲏⲧ ⲉⲡϣⲓⲕ ⲛⲧⲁⲩϣⲁⲕⲧϥ · ⲡⲙⲁ ⲉⲧⲉⲛⲉϥϩⲟⲓⲧⲉ ⲡⲟⲣϣ ⲛϩⲏⲧϥ · |
| s-117
| ⲁⲩⲱ ⲛⲧⲉⲣⲉϥϫⲟⲟⲥ ⲛⲁⲩ ϫⲉⲧⲉⲓⲣⲏⲛⲏ ⲁⲩⲱ ⲧⲉⲭⲁⲣⲓⲥ · ⲁϥⲕⲁⲛⲉⲥⲛⲏⲩ ⲉⲃⲟⲗ · ⲁⲩⲃⲱⲕ ⲁⲩⲉⲓ ⲉⲃⲟⲗ ⲙⲡⲉϥⲣⲁⲥⲧⲉ · |
| s-118
| ⲛⲧⲟϥ ⲙⲉⲛ ⲙⲡⲟⲩϩⲉ ⲉⲣⲟϥ · ⲁⲗⲗⲁ ⲁⲩϩⲉ ⲉⲡⲉϥⲥⲁⲛⲇⲁⲗⲓⲟⲛ · ⲙⲛⲟⲩⲕⲁϩ ⲛⲃⲣⲣⲉ ϩⲣⲁⲓ ϩⲙⲡⲙⲁ ⲛⲧⲁϥⲃⲱⲕ ⲉⲡⲉⲥⲏⲧ ⲉⲣⲟϥ · |
| s-119
| ⲁⲩⲣⲡⲙⲉⲉⲩⲉ ⲗⲟⲓⲡⲟⲛ ⲙⲡϣⲁϫⲉ · ⲛⲧⲁⲡϫⲟⲉⲓⲥ ϫⲟⲟϥ ⲙⲡⲉⲧⲣⲟⲥ ϫⲉⲉⲓϣⲁⲛⲟⲩⲱϣ ⲉⲧⲣⲉϥϭⲱ ϣⲁⲛⲧⲓⲉⲓ · ⲛⲧⲕ ⲛⲓⲙ ⲛⲧⲟⲕ ⲟⲩⲁϩⲕ ⲛⲥⲱⲓ · |
| s-120
| ⲁⲩⲱ ⲁⲩϯⲉⲟⲟⲩ ⲙⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ · ⲉϫⲛⲧⲉϣⲡⲏⲣⲉ ⲛⲧⲁⲥϣⲱⲡⲉ ⲙⲡⲙⲁⲕⲁⲣⲓⲟⲥ ⲛⲁⲡⲟⲥⲧⲟⲗⲟⲥ · ⲁⲩⲱ ⲛⲉⲩⲁⲅⲅⲉⲗⲓⲥⲧⲏⲥ · ⲁⲩⲱ ⲡⲑⲉⲟⲗⲟⲅⲟⲥ · ⲁⲩⲱ ⲡⲡⲁⲣⲑⲉⲛⲟⲥ ⲉⲧⲟⲩⲁⲁⲃ · ⲡϩⲁⲅⲓⲟⲥ ⲓⲱϩⲁⲛⲛⲏⲥ · ⲡⲙⲉⲣⲓⲧ ⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲡⲉⲛϫⲟⲉⲓⲥ · ⲁⲩⲱ ⲡⲉⲛⲛⲟⲩⲧⲉ · ⲁⲩⲱ ⲡⲉⲛⲥⲱⲧⲏⲣ · |
| s-121
| ⲡⲁⲓ ⲉⲣⲉⲉⲟⲟⲩ ⲛⲓⲙ ⲡⲣⲉⲡⲉⲓ ⲙⲡⲉⲓⲱⲧ ⲛⲙⲙⲁϥ · ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ⲛⲣⲉϥⲧⲁⲛϩⲟ ⲙⲡⲧⲏⲣϥ · ⲁⲩⲱ ⲛϩⲟⲙⲟⲟⲩⲥⲓⲟⲛ · ⲧⲉⲛⲟⲩ · ⲁⲩⲱ ⲛⲟⲩⲟⲉⲓϣ ⲛⲓⲙ · ϣⲁⲛⲁⲓⲱⲛ ⲧⲏⲣⲟⲩ ⲛⲛⲁⲓⲱⲛ ϩⲁⲙⲏⲛ :— |
Text view
•
Download CoNNL-U