| s-701
| subagamuso nin mana a fò ko a bè a fa, a bèè bònna. |
| s-702
| Dawuda yèrè tagara ka taga a yèrè ka finiw ni a kòròkèw taw ta, ka o don subagamuso nin taw la. |
| s-703
| subagamuso nin kòròtòra ka na. |
| s-704
| a nana ko : ta ta ta ta, n ye a da gè ! |
| s-705
| na, ne ye mògòfagamurunin da gè! |
| s-706
| mògò ma kuma, a ye a fò bilen : ta ta ta ta, n ye a da gè ! |
| s-707
| na, ne ye mògòfagamurunin da gè. |
| s-708
| a sinna ka wuli, ka a den bèè kantigè. |
| s-709
| dugu jèra, Dawuda yèrè wulila ko woo ko e ye e denw faga ! |
| s-710
| Dawuda ye a kòròkèw ni a yèrè kè fònyòn ye, diye wuli ka taga. |
| s-711
| subagamuso nin ma don a bè a ta sara cogo min, a ye i yèrè kè Dawuda ka kòròkè ka sungurun nyumannin ye. |
| s-712
| a tagara sa. |
| s-713
| su kora subagamuso nin tagara a donna Dawuda la kòròkè ka so kònò a ye baro kè. |
| s-714
| Dawuda ka kòròkè nana sunògò a ye Dawuda ka kòròkè nyèkili fila bò ka taga ni a ye. |
| s-715
| a bamuso ko a ka taga a nyini, ko a ka taga nyèkili fila nyini ka na. |
| s-716
| Dawuda tagara. |
| s-717
| o ye a sòrò subagamuso nin den dò a tun furulen bè duguba dò la. |
| s-718
| a den kelen bè yen. |
| s-719
| a ye i yèrè yèlèma ka kè o den ye diye taga subagamuso nin nòfè. |
| s-720
| ko e ko nyèko bè n cè la ko a nyèkili fila man nyi ko ne bèna nyèkili fila nyini e fè ! |
| s-721
| ko e ko nyèkili fila tun bè ne fè wa ? |
| s-722
| ko a ye o minè. |
| s-723
| a ye nyèkili fila ta, diye sin ka yèlèma ka kè bèlènin ye. |
| s-724
| ko ne Dawuda yèrè don diye boli. |
| s-725
| subagamuso nin ma don a bè o cògò min na tugun. |
| s-726
| a ye i yèrè kè lemurusun nyumannin dò ye Dawuda ka so kònò. |
| s-727
| cènin fila tagara yèlèn o la. |
| s-728
| o tagara o fò o cènin fila bamuso fè, ko e ma ye ko a denw bè yèlèn na lemurusun na ? |
| s-729
| ko lemurusun nin tè lemurusun ye, ko subaga don ! |
| s-730
| o kèra dòròn, yirisun wulila ni cènin fila ye. |
| s-731
| subagamuso nin ka saga tun tununnen bè. |
| s-732
| Dawuda yèrè tagara ka i yèlèma ka kè saganin dò ye ka taga. |
| s-733
| ko e ko n na saganin nana bi wa ? |
| s-734
| ko ònhòn ! |
| s-735
| ko ni e dun ma cènin fila bila n kò ka kè n gèn ye, ne bèna tunun bilen tugun. |
| s-736
| a ye cènin fila bila a kò, o ye a gèn. |
| s-737
| a sinna ka cènin fila yèlèma ka kè fònyòn ye diye boli. |
| s-738
| ko woo ko ne Dawuda yèrè don. |
| s-739
| a ma a don a bè a kè cogoya min na. |
| s-740
| a tagara i yèrè ke kòba ye. |
| s-741
| Dawuda bamuso tagara finiko kè o la. |
| s-742
| Dawuda nana, ko n na, ko e kana kè finiko ye nin da dè! ko nin tè ji ye, ko bò yen sa! |
| s-743
| e ma wolo ban ji nin bè yan ! |
| s-744
| ko aw! |
| s-745
| o ye a sòrò subagamuso nin nyèkili fila tun be ji la. |
| s-746
| Dawuda tagara foronto si diye o fili subagamuso nin nyèkili la. |
| s-747
| subagamuso sinna ka a fò ko è e ka subagaya ka jugu ni ne ta ye ! diye sa. |
| s-748
| a banna. |
| s-749
| AMADU TARA |
| s-750
| n ye n ka nsiirin nin da Amadu Tara la. |
| s-751
| jamanatigi dò tun bè yen, muso kònòntò de tun bè a fè. |
| s-752
| muso kònòntò bèè ye denkè kelen kelen wolo a ye. |
| s-753
| a denkè kelen kelen bèè fana tògò ye ko Amadu. |
| s-754
| Amadu ninw, u ba tògò de tun bè da u kan ka u bò nyògòn na. |
| s-755
| Amadu bèè ncinin tun ye denkè ninw bèè la dògònin o de tun ye Amadu Tara ye o tun ye jamanatigi nin ka taramuso den ye. |
| s-756
| jamanatigi nana bana a banana kosèbè fo ka a da so kònò yen. |
| s-757
| a ye san caman kè, a tè taga yòrò si fo den ninw bèè nana kè kamalenkòrò ye. |
| s-758
| u ye furaw bèè kè, a ma se ka kènèya. |
| s-759
| bòn, denkè ninw tagara mògò nyini, mògò min bè se ka na a lajè, ni o ye a sòrò a bè sa wa a bè kènèya bana nin na. |
| s-760
| cènin nana, a ye cèkòròba filè, a ye a fò u ye ko cèkòròba nin ko kòni, ko a ka bana nin juguyalen bè cogo min na, ko fèn kelen dòròn de bè se ka sòrò min bè se ka a kisi. |
| s-761
| ko ni o kòni sòròla ka di a ma ko a bè kisi, ko mè ni o ma sòrò a ka gèlèn a ka balo. |
| s-762
| ko fèn dò fana a sòròla a ka gèlèn kosèbè. |
| s-763
| o tuma na, a ye fura nin sòròcogo fò cèkòròba ye ko a bè sòrò ko ba dò de bè yen, ko jinèw ka ba do, ko dan tè ba nin na, ko mògò tè a fòlòyòrò ye, i bè taama fo ka sègèn, abada i tè a danyòrò ye ko o ba nin cèmancè la, ko jirisun nin bè yen. |
| s-764
| ko ni i sera ka jiri nin bulu sòrò ka na ni a ye, ko cèkòròba bè se ka furakè o la. |
| s-765
| o tuma na cèkòròba fana ko ni Ala sònna ko ale ko ni o kòni bè a furakè ko o tuma na ko ale be kènèya ni Ala sònna. |
| s-766
| o tuma na a ye denkè ninw bèè, a ye a denkè kònòntò ninw bèè wele ka u sigi ka kuma u fè. |
| s-767
| ko u ye mògò nyini a ye, min bè a furakè sisan ko cè ye furakèli cogoya bèè fò, ko fura nin sòrò ka gèlèn ko epi ko ni o ye a sòrò u ye ale den de ye, ni min bè sa de furanyini fè a ka sa nin min bè balo o ka balo ko u kònòntò bèè ka taga fura nin nyini, ko u kònòntò bèè ka taga ko nin min seginna ka a sòrò fura ma na, ko a bè o den nin haramuya ka o gèn, ka a bè a ba fana gèn ko u ka a filè u yèrè ni min ma sòn fana ko a bè o gèn, o ni a ba bèè. |
| s-768
| o tuma den ninw bèè yèlènna u ka so kan, ka u ka tamaw ni u ka minènw ta. |
| s-769
| u tagara, u tagara furanyiniyòrò la. |
| s-770
| Amadu Tara ma taga o tagara bò a ba kan, ka taga kuma nyèfò a ba ye. |
| s-771
| ba fana ye kòòrimugu dò dila ka a di a ma, ko u ka taga nyògòn fè, ko ni u sera yòrò la, ko ni u sera sira fila bènyòrò, ko a ka kòòri nin bila yen ko ka a lajè, ko ni kòòrimugu mana taga sira min fè, a ka taga o sira fè, ko o tuma ko a bè taga ko a ka taga o sira fè. |
| s-772
| u tagara, Amadu Tara tagara fo a kunna tòw la minkè, u sera sira fila sirafara yòrò nin na dòròn, a jòra ka bò a ka so kan, komi i n'a sòrò a bè nyègènè kè. |
| s-773
| tòw tagara dòònin dòròn, o tuma a ye kòòrimugu nin bila. |
| s-774
| kòòrimugu nin tagara sira min fè, o ni a kòròkèw tagara sira min fè, o tè kelen ye. |
| s-775
| a kelen tagara o sira fè. |
| s-776
| a tagara, a tagara, a ye tile caman taama, a tè bèn ni mògò ye, a tè dugu ye, a tè foyi ye kungo kolon gansan gansan. |
| s-777
| a bè taga fo a tagara se ba belebele nin ma. |
| s-778
| a sera yen fana, jiri tè yen, foyi tè yen, ba nin gansan i bè o dòròn de ye. |
| s-779
| o tuma na, ni a ka so sera yen, a jiginna. |
| s-780
| a jiginna dòròn, sègè dò nana ka na i jò a kòrò ka a yèrè kè mògò ye ka kuma a fè, ko a ka so di a ma. |
| s-781
| a fana ye a ka so nin di sègè nin ma sègèn sinna ka so nin kunun. |
| s-782
| ko Amadu Tara ka yèlèn a kan. |
| s-783
| a ye Amadu Tara tagayòrò nyininkali kè. |
| s-784
| Amadu Tara ye a ka taamakun bèè nyèfò a ye. |
| s-785
| o tuma na, a ko Amadu Tara ka yèlèn a kan, ko a bè taga o bila o jiri nin sanfè. |
| s-786
| a yèlènna a kan, a tagara ni a ye ka taga a sigi jirisun nin sanfè. |
| s-787
| u sera fo dugutilama fè kabiri sògòma fo fajiri fè dè u sera jiri nin yòrò la. |
| s-788
| a ye Amadu Tara sigi yen. |
| s-789
| bòn a ye a fò a ye ko a bè na sani dugu ka jè, ko a bèna a ta ko ka a segin, ko ni a ma a sòrò yen o la sa, ko o tuma na ko a tè se ka taga ni a ye, ko a tè se ka segin tugun. |
| s-790
| Amadu Tara fana ko ni Ala sònna a ma ko a bè a sòrò yen. |
| s-791
| a ye Amadu Tara sigi yen minkè, sègè tagara dòròn. |
| s-792
| jinèmusonin dò nana Amadu Tara sòrò jiri sanfè. |
| s-793
| o ye a sòrò, Amadu Tara ye jiri nin a bulu kònòntò kari, a yèrè kelen, a kòròkèw ninw fana bèe kelen kelen. |
| s-794
| o tuma na, jinèmuso nana. |
| s-795
| jinèmuso ye Amadu Tara nyininka ko a nana mun kè jiri nin kan ? |
| s-796
| a ye a fò a ye ko a nana fura nyini ko a bè taga a fa furakè ni a ye, ko a bòra fo hadamadenyòrò de la ko, ka na yanninnò fura nin nyinini kama. |
| s-797
| jinè ye a nyininka a sera jiri nin kan cogo min na. |
| s-798
| a ye o fana cogoya nyèfò jinèmuso nin ye. |
| s-799
| o tuma, jinèmusonin fana ye a fò a ye ko a ka na ko u ka taga a ka so ko, a bè taga dumuni di a ma. |
| s-800
| jinèmuso nin tagara ni a ye o la u ka jinèdugu la, a tagara dumuni di a ma, ka a bonyè kosèbè, ka a fò cènin ye ko ni cè nin bè a fè ka a furu ko ale bè Amadu Tara fè. |