| s-605
| Вазьмі Бухарына, бліжэйшую вёску. |
| s-606
| Была фэрма, малако вазілі. |
| s-607
| Цяляты былі, авечкі былі. |
| s-608
| Усё. |
| s-609
| Вымерла Расея, усё пустазельлем парасло». |
| s-610
| Гэтае выказваньне Зьміцер Бартосік запісаў ад жыхара беларускага мястэчка Ляды Віцебскай вобласьці на самай мяжы з Расеяй (<a_href='http://goo.gl/EU6MPm'>http://goo.gl/EU6MPm</a>), куды наш рэдакцыйны калега наведаўся з чарговым «Падарожжам Свабоды» (<a_href='http://goo.gl/79RhcD'>http://goo.gl/79RhcD</a>). |
| s-611
| Яшчэ адзін мэдаль для Беларусі! |
| s-612
| Віншуем Івана Ціхана са срэбрам Алімпіяды! |
| s-613
| Яшчэ адна бронза ў Беларусі! |
| s-614
| Віншуем усіх! |
| s-615
| Гэта сапраўдны посьпех! |
| s-616
| Ібрагім Саідаў, дзякуй! |
| s-617
| ВАРАШКЕВІЧ, ПАЛІТЫЧНАЯ СТРЫЖКА І ЛЮДЗІ, ЯКІЯ НЕ ЗАХАЦЕЛІ НАЗЫВАЦЦА ПАДОНКАМІ |
| s-618
| Добры вечар! |
| s-619
| На пачатку пажадаем моцнага здароўя і творчага натхненьня Ігару Варашкевічу, які нядаўна адсьвяткаваў 56-ты дзень нараджэньня! |
| s-620
| ВАРАШКЕВІЧ СЬВЯТКУЕ 25-ГОДЗЬДЗЕ «КРАМЫ». |
| s-621
| Ігар Варашкевіч (на здымку), адзін з найбольш вядомых беларускіх рок-музыкаў, сёлета адзначае 25-годзьдзе працы з гуртам «Крама». |
| s-622
| Пра долю неафіцыйна забароненага музыкі, пра мары і зьдзяйсьненьні, пра «Басовішча» і гімн берасьцейскага «Дынама» ён гаворыць зь Янам Максімюком у перадачы «Радасьці жыцьця» (<a_href='http://goo.gl/Jn8Cq6'>http://goo.gl/Jn8Cq6</a>). |
| s-623
| ПАЛІТЫК СТРЫЖЭЦЦА Ў БЫЛОГА ПАЛІТВЯЗЬНЯ. |
| s-624
| Павел Вінаградаў, які за сваю палітычную дзейнасьць адседзеў год у турме, дзе працаваў сьлесарам, на волі вярнуўся да сваёй вывучанай прафэсіі цырульніка. |
| s-625
| Мы запісалі на відэастужку стрыжку Алеся Лагвінца (<a_href='http://goo.gl/74LHuN'>http://goo.gl/74LHuN</a>), які ня здолеў зарэгістравацца кандыдатам на выбарах у Палату прадстаўнікоў. |
| s-626
| Кандыдатам у жыцьці можаш ты ня быць, але бяз стрыжкі не пражывеш ніяк. |
| s-627
| НАШЫ ЗДАБЫТКІ Ў РЫЁ. |
| s-628
| Беларуская зборная заняла саракавое месца ў неафіцыйным мэдальным заліку XXXI летніх Алімпійскіх гульняў, якія прайшлі з 5 па 21 жніўня ў Рыё-дэ-Жанэйра (<a_href='http://goo.gl/zfgfUW'>http://goo.gl/zfgfUW</a>). |
| s-629
| Гэта найгоршы вынік за ўсю гісторыю выступаў Беларусі на летніх Алімпійскіх гульнях. |
| s-630
| Усяго разыграна 306 камплектаў узнагародаў. |
| s-631
| Іх уладальнікамі сталі спартоўцы 86 краінаў. |
| s-632
| На рахунку беларускай зборнай адзін залаты (Уладзіслаў Ганчароў, батут), чатыры срэбныя (Дар’я Навумава, Вадзім Стральцоў, цяжкая атлетыка; Марыя Мамашук, барацьба; Іван Ціхан, кіданьне молата) і чатыры бронзавыя (жаночая байдарка-чацьвёрка; Аляксандра Герасіменя, плаваньне; Джавід Гамзатаў, грэка-рымская барацьба; Ібрагім Саідаў, вольная барацьба). |
| s-633
| ЗАРЭДКАЕ ЦІ ЗАГУСТОЕ ПАВЕТРА? |
| s-634
| Два пасажыры рэйсу Бургас-Менск, які выконвала авіякампанія «Белавія» 20 жніўня, паскардзіліся ў сацыяльных сетках на разгермэтызацыю. |
| s-635
| Паводле іх, празь нізкі ціск у салёне пасажыраў ванітавала (<a_href='http://goo.gl/NB8qQy'>http://goo.gl/NB8qQy</a>). |
| s-636
| «Белавія» ў сваю чаргу заявіла, што падчас рэйсу адзін пасажыр скардзіўся на дрэннае самаадчуваньне, але ў сувязі з задухай у салёне. |
| s-637
| Камандзір паветранага судна, гаворыцца ў заяве, зьмяніў тэмпэратуру паветра ў салёне, а таксама зьнізіў вышыню палёту з 7200 да 4200 мэтраў «для стварэньня больш камфортных умоваў для хворага пасажыра». |
| s-638
| АБ’ЕКТ СЭМАНТЫЧНАЙ ТРАНСФАРМАЦЫІ. |
| s-639
| Наш карэспандэнт наведаў вёску Знаменка ў Лагойскім раёне, якая да 1969 году называлася Падонкі (<a_href='http://goo.gl/W0eXNT'>http://goo.gl/W0eXNT</a>). |
| s-640
| Перад вайною быў у ёй і калгас з назвай «Чырвоныя Падонкі». |
| s-641
| Як кажа паданьне, гістарычная назва Падонкі паходзіць ад месцазнаходжаньня вёскі – яна ў далінцы, то бок «на дне» (глядзі: здымак). |
| s-642
| Жыхары вырашылі адмовіцца ад гэтага імя, калі слова «падонкі» стала выкарыстоўвацца ў расейскай мове амаль выключна як адмоўнае азначэньне пэўнай катэгорыі людзей. |
| s-643
| ЗА КАГО БЕЛАРУСКАЕ ВОЙСКА? |
| s-644
| КУДЫ ДЗЕЛІСЯ ЧУПАКАБРЫ? |
| s-645
| Добры вечар! |
| s-646
| Пераводзім наш позірк з Рыё на Шанхай, Пэкін і Кіеў. |
| s-647
| Так бы мовіць, спрабуем пераключыць публічны дыскурс з фізычнага на духоўнае. |
| s-648
| КІТАЙСКІ АЖЫЯТАЖ ВАКОЛ НАБЭЛІСТКІ. |
| s-649
| Кітайскія крыніцы паведамляюць: натоўп ахвочых атрымаць аўтограф Сьвятланы Алексіевіч на Шанхайскім кніжным кірмашы быў настолькі вялікі, што арганізатарам давялося выкарыстаць дадатковыя сілы правапарадку, каб авалодаць сытуацыяй (<a_href='http://goo.gl/ZIFxLe'>http://goo.gl/ZIFxLe</a>). |
| s-650
| А беларускую пісьменьніцу яшчэ ж чакае Пэкінскі кніжны кірмаш. |
| s-651
| ПАРАШЭНКА ДАЎ МЭДАЛЬ БАБІНАЙ. |
| s-652
| Прэзыдэнт Украіны Пятро Парашэнка узнагародзіў мэдалём «25 гадоў незалежнасьці Ўкраіны» пісьменьніцу Наталку Бабіну, старшыню таварыства ўкраінскай літаратуры пры Саюзе беларускіх пісьменьнікаў. |
| s-653
| Гэты мэдаль атрымалі таксама чатыры іншыя асобы зь Беларусі (<a_href='http://goo.gl/OjUjIp'>http://goo.gl/OjUjIp</a>), якія «мацавалі міжнародны аўтарытэт украінскай дзяржавы». |
| s-654
| ДВУХ ПАСАДЗІЛІ, ТРЭЦЯГА АШТРАФАВАЛІ. |
| s-655
| У адной з гучнейшых справаў сёлетняга крымінальна-працэсуальнага сэзону суд Цэнтральнага раёну Менску даў Уладзімеру Япрынцаву штраф у 500 базавых велічыняў (10,5 тысяч рублёў) (<a_href='http://goo.gl/yri2Of'>http://goo.gl/yri2Of</a>). |
| s-656
| Ягоны сын Казьбек Япрынцаў і Аляксандар Арабян былі асуджаныя на 8 год калёніі. |
| s-657
| Кажучы тэхнічна, справа была аб махлярстве, зьдзейсьненым арганізаванай групай у асабліва буйным памеры. |
| s-658
| Справа пачалася са скаргі алігарха Юрыя Чыжа, які неўзабаве пасьля яе таксама апынуўся пад вартай. |
| s-659
| ЗА КАГО БЕЛАРУСКАЕ ВОЙСКА? |
| s-660
| Наша ўдарная аналітычная сіла, Юры Дракахруст, Віталь Цыганкоў і Ўладзімер Глод, напярэдадні 25-годзьдзя незалежнасьці абмазгоўвае сытуацыю ў вайсковай сфэры Беларусі (<a_href='http://goo.gl/zFt6mL'>http://goo.gl/zFt6mL</a>). |
| s-661
| Калегі ставяць пытаньне рубам: гэта расейская сфэра ці беларуская? |
| s-662
| І адказваюць асьцярожна: беларуская, калі параўнаць з тым, што было 25 гадоў таму. |
| s-663
| ДАВАЙЦЕ ПРА ВЫСОКАЕ. |
| s-664
| Алена Германовіч у сваім блогу (<a_href='http://goo.gl/nyl9a0'>http://goo.gl/nyl9a0</a>) дае дармовую падказку работнікам каматознай ідэалягічнай вэртыкалі, як памяняць публічны дыскурс у Беларусі і пераключыць увагу суграмадзян зь нізкага і нецікавага (заробкі, харчы) на высокае і цікавае (НЛА, пальтэргейсты і чупакабры). |
| s-665
| А ШТО ТАМ І ДЗЕ? |
| s-666
| З ЗУБАМІ ЦІ БЕЗ, АБО 25 ГАДОЎ ПАСЬЛЯ |
| s-667
| Добры вечар! |
| s-668
| З надыходзячым днём наданьня дэклярацыі аб сувэрэнітэце БССР сілы канстытуцыйнага закону РБ! |
| s-669
| Ну, самі бачыце, трэба нешта рабіць з назвай гэтага дня, бо нават віншаваньне нагадвае прамовы Леаніда Ільіча... |
| s-670
| БЕЗ ЗУБОЎ І З ДРАНІКАМІ ЦЯЖКА СПРАВІЦЦА... |
| s-671
| «Штодня да цёмнага я стаю ў пікетах і размаўляю зь людзьмі. |
| s-672
| І вось не паверыце, найбольш актуальная праблема маіх выбарцаў — дзе ім лекаваць зубы?» – прызналася нам Тацяна Караткевіч, якая балятуецца ў Палату прадстаўнікоў у менскім мікрараёне Курасоўшчына (<a_href='http://goo.gl/KpX6Ak'>http://goo.gl/KpX6Ak</a>). |
| s-673
| Адчуваньне такое, што пасьля таго, як Брусэль страціў цікавасьць да праблемаў беларускай апазыцыі, нас чакае значна больш падобнага тыпу адкрыцьцяў у вывучэньні палітычных патрэбаў беларускага народу. |
| s-674
| ...А БЕЗ РАМОНТУ НАОГУЛ НЕ ДА ВЫБАРАЎ. |
| s-675
| У Гомелі, у акрузе, дзе балятуецца ў Палату прадстаўнікоў Уладзімер Кацора ад Аб’яднанай грамадзянскай партыі, людзі намалявалі на асфальце антыдзяржаўны лёзунг: «Няма рамонту, няма выбараў» (<a_href='http://goo.gl/HmFS0j'>http://goo.gl/HmFS0j</a>). |
| s-676
| Меўся на ўвазе рамонт камунальнага будынку. |
| s-677
| «Усе пытаньні, якія людзі ўзьнімалі, падыходзячы да нашых пікетаў, і падчас нашых сустрэчаў, я перашлю Лідзіі Ярмошынай, бо яна лічыць парлямэнт не палітычнай, а сацыяльнай структурай» – заявіў Уладзімер Кацора, які хоча зьняцца з выбараў пасьля заканчэньня пэрыяду агітацыі. |
| s-678
| ДНІ, ЯКІЯ СТВАРЫЛІ КРАІНУ. |
| s-679
| Наш калега Сяргей Навумчык вяртаецца ва ўспамінах да гарачых жнівеньскіх дзён пасьля путчу 1991 году, калі ў Вярхоўным Савеце вырашалася пытаньне незалежнага існаваньня Рэспублікі Беларусь. |
| s-680
| Першы матэрыял тут (<a_href='http://goo.gl/sgCDQl'>http://goo.gl/sgCDQl</a>), а другі – тут (<a_href='http://goo.gl/AL8eD2'>http://goo.gl/AL8eD2</a>). |
| s-681
| ПАРАШЭНКА ПРАЦЫТАВАЎ МАЯКОЎСКАГА. |
| s-682
| Адбылося гэта падчас урачыстага параду з нагоды Дня незалежнасьці ў Кіеве. |
| s-683
| Прэзыдэнт Украіны сказаў: «Наш парад — гэта сыгнал і ворагу: украінцы сурʼёзна гатовыя і далей змагацца за сваю незалежнасьць. |
| s-684
| І таму агрэсару лепш прыгадаць мудрую параду расейскага паэта Ўладзіміра Маякоўскага: „Товарищ москаль, на Украину шуток не скаль!”» |
| s-685
| (<a_href='http://goo.gl/6Dzcff'>http://goo.gl/6Dzcff</a>). |
| s-686
| ДА ПЫТАНЬНЯ МОЎНАГА ЎЗЬЯДНАНЬНЯ БЕЛАРУСІ. |
| s-687
| Тацяна Тоўсьцік, арганізатарка курсаў па кампутарах і інфармацыйныя тэхналёгіі на беларускай мове, кажа, што сярод яе навучэнцаў толькі адзінкі — з усходу Беларусі, большасьць — жыхары Менску і заходніх рэгіёнаў краіны (<a_href='http://goo.gl/UbPD4I'>http://goo.gl/UbPD4I</a>). |
| s-688
| «У Магілёве, як і ў маім родным Гомелі, расейскамоўная большасьць ставіцца да беларускамоўных людзей як да дзівакоў. |
| s-689
| У Менску, да прыкладу, я ня ведаю ўсіх беларускамоўных, а ў сваім Гомелі ведаю» – падсумоўвае рэгіянальны расклад беларушчыны кампутаршчыца. |
| s-690
| Відэатрансьляцыя. |
| s-691
| Сьвяточнае шэсьце пад бел-чырвона-белымі сьцягамі ў Менску! |
| s-692
| Распавядзіце, калі ласка, сябрам, каб больш людзей паглядзела на бел-чырвона-белы Менск на дзень незалежнасьці! ✌ |
| s-693
| ПАЗЬНЯК ПРА СВАІХ ГЕРОЯЎ, СІЛЬВЭР – ЭКСТРЭМІСТ, ПАМОЧНІК ОСВАЛЬДА Ў МЕНСКУ, ГУЛЬНЯ ДА ЎГОДКАЎ НЕЗАЛЕЖНАСЬЦІ |
| s-694
| Добры вечар! |
| s-695
| Мы разумеем, што сёньня шмат хто сьвяткуе 25 гадоў незалежнасьці й часам чыста фізычна ня ў стане асіліць нашу рубрыку, але самым трывалым мы раім пазнаёміцца з рассылкай. |
| s-696
| НЕЗАЛЕЖНАСЬЦЬ УЗЯЛІ, НА ЎЛАДУ НЕ ХАПІЛА СІЛЫ. |
| s-697
| Свабода пачынае новы цыкль «Пасьля СССР. |
| s-698
| 25 гадоў незалежнасьці». |
| s-699
| Удзельнікі гістарычных падзеяў гавораць пра тое, як гэта адбывалася, што можна было зрабіць інакш і хто найбольш выйграў ад незалежнасьці. |
| s-700
| Першае ў цыклі — інтэрвію (<a_href='http://www.svaboda.org/a/27940165.html'>http://www.svaboda.org/a/27940165.html</a>) зь лідэрам Апазыцыі БНФ у Вярхоўным Савеце 12-га скліканьня Зянонам Пазьняком. |
| s-701
| УЛАДЫ ЗНАЙШЛІ НОВАГА ЭКСТРЭМІСТА. |
| s-702
| Сёньня суд прызнаў экстрэмісцкімі 9 артыкулаў з сайту Джона Сільвэра <a_href='1863x.com'>1863x.com</a>. |
| s-703
| На судзе Эдуарда Пальчыса не было. |
| s-704
| Што адбываецца зь ім цяпер, як ён уцякаў, калі яго экстрадавалі ў Беларусь — Свабода сабрала храналёгію ягонага перасьледу. |