| s-705
| ištu šadê būṣi attumuš ana Dur-aduklimmu ērub |
| s-706
| Dur-aduklimmu ana ramāniya lū amnu |
| s-707
| ultu Dur-aduklimmu attumuš ana Laqe ana Zurih Baratara mar-Halupe ukallūni lū allik |
| s-708
| biltu u maddattu lū amhuršu |
| s-709
| ana āli ša Harani lū ētiq biltu maddattu amhur |
| s-710
| ana Sirqi ša šēp ammâte ša Puratte šaknūni ša Mudadda Laqaya ukallūni lū allik |
| s-711
| biltu maddattu makkūr ēkallišu alpī agālī biltu u maddattu ša Laqe ana pāṭ gimriša eliš u šapliš lū amhur |
| s-712
| maddattu ša Hindani lū amhur |
| s-713
| ana āliya Aššur ubla |
| s-714
| ēkallāti ina šiddi mātiya arṣip |
| s-715
| sisê ṣimdāt nīri ina emūq mātiya eli ša pāna ušāter arkus |
| s-716
| Ninurta Nergal ša šangûti irammū būl ṣēri ušatlimūnima epēš ba’āri iqbûni |
| s-717
| šeš šūši nēšē |
| s-718
| ina narkabtiya pattūte ina qitrub meṭlūtiya ina šēpīya lasmāte ina pašhi adūk |
| s-719
| arbaʾu šūši rīmī adūk |
| s-720
| 9 šūši rīmī dannūte šūt qarnī balṭūti uṣabbita |
| s-721
| šeš pīrī ina mithuṣi adūk |
| s-722
| ina šubte lū addi arbaʾu pīrī balṭūti aṣbat |
| s-723
| 5 ina kippi aṣbat |
| s-724
| nēšē rīmī pīrī ayyalī turāhī serrēmē ṣabāti lurmī sugullāte ina Libbi-ali ekṣur |
| s-725
| enūma bīt Gula bēltiya mahrû ša ina pāna Tukulti-Ninurta abī iššak Aššur ēpuš bītu šū ēnahma anhūssu unekkir dannassu akšud |
| s-726
| bīta šâtu eli mahrê mādiš utter u ušerbe |
| s-727
| ištu uššēšu adi gabadibbīšu ušeklil u narîya aškun |
| s-728
| rubû arkû anhūssu luddiš šumī šaṭra ina ašrišu lutēr |
| s-729
| Aššur u Gula ikribēšu išemmû |
| s-730
| munekkir šiṭriya u šumiya |
| s-731
| Aššur u Gula šarrūssu liskipū šumšu zēršu ina māti luhalliqū |
| s-732
| Abu UD.17.KAM₂ līmu Ili-napišti-uṣur ša rēši ša Adad-nerari šar māt Aššur |
| s-733
| šallutu ša Sangara Hattaya |
| s-734
| Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma eṭlu qardu ša ina tukulti Aššur bēlišu ittallakuma ina malkī ša kibrāt erbetta šāninšu lā īšû rēʾû tabrâte lā ēdiru tuqumti edû gapšu ša māhira lā īšû šarru ša ultu ebertān Idiqlat adi Labnana u Tamti-rabite Laqe ana sihirtiša Suhi adi Rapiqi ana šēpīšu ušakniša |
| s-735
| ultu rēš ēni Subnat adi Nirib ša bētāni qāssu ikšud |
| s-736
| ultu nēreb ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abtani adi Til-Zabdani Hirimu Harutu birāte ša Karduniaš ana miṣri mātiya uterra |
| s-737
| u rapšāte mātāt Nairi ana pāṭ gimriša apēl |
| s-738
| Kalhu ana eššūte aṣbat |
| s-739
| tīlu labēru unakkir adi muhhi mê lū ušappil |
| s-740
| 1 mē 20 tikpī ana mušpali lū uṭabbi |
| s-741
| bīt Ninurta bēliya ina qerebšu lū addi |
| s-742
| enūma ṣalam Ninurta šuātu ša ina pān lā bašû ina hissat libbiya lamassi ilūtišu rabīti ina dumuq aban šadê u hurāṣi huššê lū abni |
| s-743
| ana ilūtiya rabīte ina Kalhi lū amnûšu |
| s-744
| isinnātešu ša Šabaṭi u Ululi lū aškun |
| s-745
| ēkurru šī ana nalbân lū akṣur |
| s-746
| parak Ninurta bēliya ina qerebšu lū addi |
| s-747
| enūma Ninurta bēlu ina parakkišu elli ina atmanišu ša ruʾāme ina hūd libbišu ana dārâte uššabu kīniš lippardâ arāk ūmēya liqbi šumʾud šanātiya littasqar šangûti lirām ēma qabli u tāhāzī ašar uṣammaru ṣumrāt libbiya lū ušakšidanni |
| s-748
| ēkal Aššur-naṣir-apli šar kiššati šar māt Aššur mār Tukulti-Ninurta šar kiššati šar māt Aššur |
| s-749
| 10 manê |
| s-750
| ēkal Aššur-naṣir-apli šar māt Aššur mār Tukulti-Ninurta šar māt Aššur mār Adad-nerari šar māt Aššurma |
| s-751
| makkūr bīt Kidmuri ša Kalhi |
| s-752
| ēkal Aššur-dan šarru rabû šarru dannu šar kiššati šar māt Aššur mār Tukulti-apil-Ešarra šar kiššati šar māt Aššurma |
| s-753
| Aššur-naṣir-apli šakin Enlil iššak Aššur mār Tukulti-Ninurta šakin Enlil iššak Aššur mār Adad-nerari šakin Enlil iššak Aššurma |
| s-754
| makkūr bīt Ištar ša Nina |
| s-755
| ša {m}x-x |
| s-756
| ana Samnuha Mušezib-Ninurta ana balāṭišu iqīš |
| s-757
| ēkal Aššur-naṣir-apli šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar kiššati šar māt Aššurma |
| s-758
| makkūr bīt Ninurta |
| s-759
| x šar kiššati šarru dannu šar māt Aššur |
| s-760
| Aššur-naṣir-apli šakin Enlil iššak Aššur šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma |
| s-761
| Imgur-Enlil |
| s-762
| Ialligu ša Bit-Adini akšud |
| s-763
| maddattu ša {URU}x-x-ga-x-x |
| s-764
| ēkal Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar kiššati šar māt Aššurma kāšid mātāt Nairi ana pāṭ gimriša ištu nērebī ša Habruri adi Gilzani |
| s-765
| ultu rēš ēni Subnat adi Šubre qātī ikšud |
| s-766
| ultu ebertān Idiqlat adi Hatti Laqe ana sihirtiša Suhu adi Rapiqi ultu nērebī ša Babiti adi Hašmar Zamua ana sihirtiša ištu ebertān Zaba-šupali adi Til-Abari ša ellān Zaban adi Til-ša-Abatani ultu Til-ša-Abatani adi Til-ša-Zabdani Hirimu Harutu birāte ša Karduniaš ana miṣir mātiya utīra |
| s-767
| ina mātāti u huršānī ša apēlušununi šaknūtiya altakkan |
| s-768
| maddattašunu amhur urdūtu uppušu |
| s-769
| ṣalam šumi ša Tukulti-apil-Ešarra |
| s-770
| qaqqad muqtablīšunu |
| s-771
| sisê imērī |
| s-772
| ina ūmešuma ina pî ilāni rabûti šarrūtī bēlūtī kiššūtī ūṣâ |
| s-773
| šarrāku bēlāku nâdāku ṣīrāku kabtāku šurruhāku ašarēdāku uršānāku qarrādāku labbāku u zikarāku |
| s-774
| rubû arkû anhūssu luddiš šumī šaṭra ina ašrišu lutēr |
| s-775
| Aššur bēlu rabû ikribēšu išemme |
| s-776
| mār Tukulti-apil-Ešarra šar kiššati šar māt Aššur mār Aššur-reša-iši šar kiššati šar māt Aššurma |
| s-777
| sitātešunu uqatta |
| s-778
| x ša ištu tarṣi Šalmanu-ašared šar māt Aššur abiya nišē māt Aššur x x u du’āki igmurūni |
| s-779
| kullat mārīšunu mārātišunu |
| s-780
| ana kaspī ipšurūni ina siqir Aššur bēliya ana hubtāni lū ahtabta |
| s-781
| dīktašunu maʾatta lū adūk šallassunu būšīšunu makkūršunu alpīšunu ṣēnīšunu ašlula ana āliya Aššur ubla |
| s-782
| narkabāti ummānāti adki |
| s-783
| ālānišunu appul aqqur ina išātāti ašrupu |
| s-784
| sītāt ummānātešunu ša ištu pān kakkīya ipparšidūni |
| s-785
| ištu x adi Halhalauš ša Sa-x-zi arkišunu artedi |
| s-786
| dīktašunu maʾatta adūk šallassunu makkūršunu ašlul |
| s-787
| ina qibīt Aššur bēliya ana Katmuhi lū allik |
| s-788
| Šara-x x appul aqqur ina išātāti ašrup |
| s-789
| Kundibhale šar Katmuhi ina qabal ēkallišu qātī lū ikšussu |
| s-790
| x-silla dāgil pāni ša ramāniya ina kussî bēlūtīšu ušēšib |
| s-791
| Kundibhale šar Katmuhi ana māt Aššur ubla ina Arbail lū akūṣ maškašu dūra ša x-naš uhallip |
| s-792
| ina qibīt Aššur bēliya dakût ummānāteya aškun Mat Musraya ša ittiya ikkirūni akšud |
| s-793
| ālānišunu appul aqqur ina išātāti ašrup |
| s-794
| šallassunu ana lā mīni ušēṣâ ana āliya Aššur ubla |
| s-795
| x-e ša Aššur bēliya ša ištu tarṣi x maddattu ana Aššur bēliya iklû |
| s-796
| bīt Aššur bīt Šamaš |
| s-797
| ina qibīt Aššur bēliya ana Kirriuri lū allik |
| s-798
| Šuhu {URU}x Simerra Lu-x ālāni ša Kirriuri lū akšud |
| s-799
| šallassunu būšīšunu makkūrīšunu alpīšunu ṣēnīšunu ušēṣâ ana āliya Aššur ubla |
| s-800
| ilānišunu kī qīšūte ana Aššur bēliya lū aqīš |
| s-801
| nišē māt Aššur anhāte ša ištu pān sunqi bubūte hušahhi ālānišunu bītātišunu uššerūni ana mātāti šaniāte ēliʾūni utēraššunu |
| s-802
| ālānišunu bītātišunu naṭûte ušaṣbissunu šubtu nēhtu ušbū |
| s-803
| ēkallāti ina šiddī mātiya arṣip |
| s-804
| epinnāti ina šiddi mātiya arkus še’ū tabkāni eli ša pāna ušāter atbuk |