| s-505
| 30 pīrī ina šubti adūk |
| s-506
| 2 mē 57 rīmī dannūti ina narkabātiya patûte ina qitrub bēlūtiya ina kakkī ušamqit |
| s-507
| 3 mē 70 nēšē dannūti kīma iṣṣūrāt quppi ina puašhi adūk |
| s-508
| ina Ayyari UD.8.KAM₂ ultu Kalhi attumuš |
| s-509
| Idiqlat ētebir ana Gargamiš ša Hatte aqṭirib |
| s-510
| makkūr ēkallišu maʾdi ša šuqultašu lā ṣabtat amhuršu |
| s-511
| šarrāni ša mātāti kalîšunu ana muhhiya ittalkūni šēpīya iṣṣabtū |
| s-512
| līṭišunu aṣbat pānātuya uktillū ana Labnana ittalkū |
| s-513
| ultu Gargamiš attumuš ina birīt Minzigani Hamurga aṣṣabat |
| s-514
| Ahanu ana šumēliya utaššer ana Hazazi ša Lubarna Patinaya aqṭirib |
| s-515
| kaspi hurāṣi lubulti kitê attahar |
| s-516
| ētetiq Apre ētebir assakan bēdāk |
| s-517
| ultu muhhi Apre attumuš ana Kunulua āl šarrūtišu ša Lubarna Patinaya aqṭirib |
| s-518
| ultu pān kakkīya ezzūte tāhāziya šitmuri iplahma ana šūzub napšātišu šēpīya iṣbat |
| s-519
| 20 bilat kaspī 1 bilat hurāṣī 1 mē bilat annakī 1 mē bilat parzillī 1 līm alpī 10 līm immerī 1 līm lubulti birme kitê nēmatti taskarinnī ša tamlīte uhhuzāte eršī taskarinnī eršī šinnī ša tamlīte uhhuzāte unūtu ēkallišu mādāte ša šuqultaša lā ṣabtat amhuršu |
| s-520
| Kalhu mahrâ ša Šalmanu-ašared šar māt Aššur rubû ālik pāniya ēpuš ālu šū |
| s-521
| ēnahma iṣlal |
| s-522
| āla šū ana eššūte abni |
| s-523
| nišī kišitti qātiya ša mātāti ša apēlušinani ša Suhi Laqe ana sihirtiša Sirqu ša nēberti Puratte Zamua ana pāṭ gimriša Bit-Adini u Hatte u ša Lubarna Patinaya alqâ |
| s-524
| ina libbi ušaṣbit |
| s-525
| tīlu labēru unakkir adi muhhi mê lū ušappil |
| s-526
| 1 mē 20 tikpī ina mušpali lū uṭabbi |
| s-527
| ēkal erēni ēkal šurmēni ēkal daprāni ēkal taskarinnī ēkal meskanni ēkal buṭni u ṭarpiʾi ana šubat šarrūtiya ana multaʾʾīt bēlūtiya ša dārâte ina libbi addi |
| s-528
| umām šadê u tâmāti ša pēli peṣê u parūte ēpuš ina bābāniša ušezziz |
| s-529
| ussimši ušarrihši |
| s-530
| sikkāt karri siparri almeši |
| s-531
| dalāt erēni šurmēni daprāni meskanni ina bābāniša uretti |
| s-532
| kaspī hurāṣī annakī siparrī kišitti qātiya ša mātāti ša apēlušinani ana maʾdiš alqâ ina libbi ukīn |
| s-533
| ēkal Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarri rabê šarri danni šar kiššati šar māt Aššur mār Adad-nerari šarri rabê šarri danni šar kiššati šar māt Aššurma |
| s-534
| kisirtu ša tarbaṣ ēkalli |
| s-535
| Aššur-naṣir-apli šakin Enlil iššak Aššur mār Tukulti-Ninurta šakin Enlil iššak Aššur mār Adad-nerari šakin Enlil iššak Aššurma |
| s-536
| enūma bīt Ištar ša Nina bēltiya ultu uššēšu adi gabadibbīšu arṣip |
| s-537
| ēkalli Aššur-dan šarru dannu šar kiššati šar māt Aššur mār Tukulti-apil-Ešarra šarru dannu šar kiššati šar māt Aššur mār Aššur-reša-iši šarru dannu šar kiššati šar māt Aššur mār Aššur-rabi šarru dannu šar kiššati šar māt Aššurma |
| s-538
| ēkal Adad-nerari šarru rabû šarru dannu šar kiššati šar māt Aššur mār Aššur-dan šar kiššati šar māt Aššur mār Tukulti-apil-Ešarra šar kiššati šar māt Aššurma |
| s-539
| ēkal Mušezib-Ninurta iššakku |
| s-540
| ana Šarrat-Kidmuri bēlti rabīti bēltišu |
| s-541
| Aššur-naṣir-apli iššak Aššur mār Tukulti-Ninurta iššak Aššurma |
| s-542
| ana balāṭ napšātiya arāk ūmēya šumʾud šanātiya šalām zērīya mātiya aqīš |
| s-543
| halṣūte lāmāri pattepatte akšud |
| s-544
| ṣibtāti ša sisê ištu Gilzani amhur |
| s-545
| aššu sisê ana bitte lā ušēribūni allabibma ana Harira Halhalauš ša bēlēni bēlē hīṭi allik |
| s-546
| šuātu ina limme Aššur-naṣir-apli akšud |
| s-547
| NIG₂sunu šallassunu būšašunu maršīssunu ušēṣâ ana āliya Aššur ubla |
| s-548
| āla sa-x-tišunu rabâ adi nišēšu ana Aššur iliya bēliya aqīš |
| s-549
| āla akšud |
| s-550
| šitmuriš atbi |
| s-551
| ašši zīqte ina šēpīya libbi Kašiyari hanṭiš lū abbalkit |
| s-552
| ana ālāni šâtunu lū allik |
| s-553
| dīktašunu maʾatta adūk |
| s-554
| Amlatti Šaburam Ruzidak Bugu Ustu ālāni nabalkutūti māt Dannuna akšud |
| s-555
| ina išātāti ašrup šallassunu būšašunu namkuršunu ušēṣâ |
| s-556
| Bit-nathi ša Ninua karāna nīqāte ša ēkur ili ṣīrte eppaš |
| s-557
| kullat mārīšunu mārātišunu |
| s-558
| ana kaspī ipšurūni ina siqir Aššur bēliya ana hubtāni lū ahtabta |
| s-559
| sītāt ummānātešunu ša ištu pān kakkīya ipparšidūni |
| s-560
| dīktašunu maʾatta adūk |
| s-561
| Kundabhale šar Katmuhi |
| s-562
| Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma eṭlu qardu ša ina tukulti Aššur bēlišu ittallakuma ina malkī ša kibrāt erbetta šāninšu lā īšû rēʾû tabrâte lâdiru tuqumti edû gapšu ša māhira lā īšû šar mušakniš lā kanšūtešu ša naphar kiššat nišī ipēlu zikaru dannu mukabbis kišād ayyābīšu dāʾiš kullat nakirī muparriru kiṣir multarhī ša ina tukulti ilāni rabûti bēlīšu ittallakuma mātāti kalîšina qāssu ikšud huršānī kalîšunu ipēluma bilatsunu imhuru ṣābit līṭē šākin līte |
| s-563
| eli kalîšina mātāti |
| s-564
| enūma Aššur bēlu nābû šumiya mušarbû šarrūtiya kakkašu lā pādâ ana idât bēlūtiya lū itmuh ummānāt Lullume rapšāte ina qereb tamhāri ina kakkī lū ušamqit |
| s-565
| ina rēṣūṭe ša Šamaš u Adad ilāni tiklēya ummānāt mātāt Nairi Habhi Šubare u Nirbi kīma Adad rāhiṣi elišunu ašgum |
| s-566
| šarru ša ultu ebertān Idiqlat adi Labnana u Tamti-rabite Laqe ana sihirtiša Suhi adi Rapiqi ana šēpīšu ušakniša |
| s-567
| ultu rēš ēni Subnat adi Nirbi ša bētāni qāssu ikšud |
| s-568
| ultu nērebē ša Habruri adi Gilzani ultu ebertān Zaba-šapliti adi Til-Bari ša ellān Zaban adi Til-ša-Zabdani u Til-ša-Abtani Hirimu Harutu birāte ša Karduniaš ana miṣir mātiya utēr |
| s-569
| ultu nērebē ša Babite adi Hašmar ana nišī mātiya amnu |
| s-570
| ina mātāti ša apēlušinani šaknūteya altakkan urdūte uppušu |
| s-571
| kudurru ēmessunūti |
| s-572
| Aššur-naṣir-apli rubû naʾdu pālih ilāni rabûti ušumgallu ekdu kāšid ālāni u huršānī pāṭ gimrišunu |
| s-573
| ālu šū ana iššūte aṣbat |
| s-574
| Imgur-Enlil šumšu abbi |
| s-575
| dūra ana nalbân akṣur ēkalla ana šubat šarrūtiya ina libbi abni |
| s-576
| dalāt ašūhi ṣīrāti ēpuš ina bābiša uratte |
| s-577
| rīmī ina muhhi Puratte adūk |
| s-578
| ēkal Tukulti-Ninurta šar kiššati šar māt Aššur mār Adad-nerari šar kiššati šar māt Aššur mār Aššur-dan šar kiššati šar māt Aššurma |
| s-579
| askuppu ša Kahat |
| s-580
| ēkal Aššur-naṣir-apli šarru rabû šarri danni šar kiššati šar māt Aššur mār Tukulti-Ninurta šarri rabê šarri danni šar kiššati šar māt Aššur mār Adad-nerari šarri rabê šarri danni šar kiššati šar māt Aššurma eṭlu qardu ša ina tukulti Aššur bēlišu ittallakuma ina malkī ša kibrāt erbetta šāninšu lā īšû šarru ša ultu ebertān Idiqlat adi Labnana u Tamti-rabite Laqe ana sihirtiša Suhi adi Rapiqi ana šēpīšu ušekniša |
| s-581
| ultu rēš ēni Subnat adi Nirbi ša bītāni qāssu ikšudu |
| s-582
| ultu nērebī ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abtani adi Til-ša-Zabdani Hirimu Harutu birāte ša Karduniaš ana miṣri mātiya utēr |
| s-583
| u rapšāte mātāt Nairi ana pāṭ gimriša apēl |
| s-584
| Kalhu ana eššūte aṣbat |
| s-585
| tīlu labēru unakkir adi muhhi mê lū ahṭuṭ |
| s-586
| 1 mē 20 tikpī ana mušpali lū uṭabbi |
| s-587
| ēkal šarrūtiya ina qerebša addi |
| s-588
| ana miṣir mātiya amnuma |
| s-589
| šattišamma bilassunu kabta ūbilūma ina āliya Aššur amhur |
| s-590
| enūma bīt Sin u Šamaš ilāni rabûti bēlēya ša šarrāni ālikūt pāniya ēpušū ēnah |
| s-591
| ištu uššēšu adi gabadibbīšu arṣip |
| s-592
| ēkal Aššur-naṣir-apli šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar kiššati šar māt Aššurma |
| s-593
| Ulluba ša Sagara šar Hatte akšud |
| s-594
| nēšē ina muhhi Balihi adūk |
| s-595
| ēkal Aššur-naṣir-apli šarri danni šar kiššati šar māt Aššur mār Tukulti-Ninurta šarru dannu šar kiššati šar māt Aššur mār Adad-nerari šar kiššati šar māt Aššurma kāšid ultu ebertān Idiqlat adi Labnani u Tamti-rabiti ša Amurri ša šulmu Šamši |
| s-596
| Hatte ana sihirtešu qāssu ikšudu |
| s-597
| ultu rēš ēni Subnat adi Urume rapaštu mātāt Nairi ana pāṭ gimriša apēl |
| s-598
| Laqe ana sihirtiša akšud |
| s-599
| Suhi adi Rapiqi ana šēpīya ušekniši |
| s-600
| ultu nērebī ša Habruri adi Gilzani ultu nērebe ša Babite adi Namri ana nišī mātiya amnu |
| s-601
| mār Adad-nerari |
| s-602
| Adad-nerari rubû naʾdu kīniš ibnûni x nabnīte ana nabnīti bēlūti uštennû šikin bunnannîya išeriš ušekliluma zumur bēlūtiya išpuk tašīmta |
| s-603
| arki ilāni rabûti išīmūma haṭṭi murte’ât nišī ana qātīya umellû eli šarrāni šūt agê iššûni melamme šarrūti īpirūni siqrī šurbâ eli naphar bēlē ušāterū šumu kabta Adad-nerari šar māt Aššur ibbûni |
| s-604
| šarru dannu šar māt Aššur šar kibrāt arba’i Šamšu kiššat nišī anāku |