Universal Dependencies - Wolof - WTB

s-1

wo_wtb-ud-train_956

Senegaal ak bés bi UNESCO jàgleel làkki-ndey

s-2

wo_wtb-ud-train_957

Bésu 21 fan ci weeru Fewrie at mu jot, moom la kurél gi di toppatoo caada, njàng ak xamtéef (UNESCO) te feeteewoo ci Mbotaayu-xeet-yi, jagleel làkki-ndey yi, maanaam làkk wi nga xam ne moom la nit ku nekk nàmp.

s-3

wo_wtb-ud-train_958

Loolu bi ko UNESCO dooree ak léegi ëpp na 10 at.

s-4

wo_wtb-ud-train_959

Li waral bés bi mooy yee nit ñi, artu leen, soññ leen ci solo bu jeggi-dayoo bi làkki-ndey yi am ci fànnu yokkute yépp.

s-5

wo_wtb-ud-train_960

Rawatina ci réewi Afrik yi nga xam ne daanaka ya ca ëpp ba ñu tàbbee ci 'kolonisation' ba téy jii ñu moomee seen bopp, dañoo xeeb seeni làkk yi ñu nàmp.

s-6

wo_wtb-ud-train_961

Réew yi gën a bari Afrik, Senegaal waxi noppi, seeni làkk sedduñu leen daanaka benn cër bu tàkku.

s-7

wo_wtb-ud-train_962

Kenn du leen jàng mbaa di leen jàngale ci lekkool yi.

s-8

wo_wtb-ud-train_963

Kenn du leen jëfandikoo ci bérebi àttekaay yi ak feneen ak feneen.

s-9

wo_wtb-ud-train_964

Dañu leen a soofal daal maanaam.

s-10

wo_wtb-ud-train_965

Te fekk nag, loolu sax naka jekk moo waral sunu xeex bii;

s-11

wo_wtb-ud-train_966

Amul wenn askan wu mën a am tawféex, yokkute ak jëm-ca-kanam ci wàllu politik, koom-koom, njàng ak leneen te dumooyu say làkk.

s-12

wo_wtb-ud-train_967

Bind nañu ko fi lu bare, indi nañu it firnde yiy wone ne réewi tubaab yi seen bopp nuy roy ci lu nekk, laata ñu doon génn ci ag lëndëmtu, dañoo mujj a dekkil seeni làkk.

s-13

wo_wtb-ud-train_968

Loola a nga xewoon ca ndorteel 15eelu xarnu bi:

s-14

wo_wtb-ud-train_969

Booba ñoom làkki Lateñ rekk lañu daan jàng di ca bind, defe woon ne seeni làkk tekkiwuñu dara.

s-15

wo_wtb-ud-train_970

Ba ñu daggee buum googu lañu tàmbalee gindeeku ba léegi, am yokkute ci lu nekk, ba tollu tey ci boppu àddina.

s-16

wo_wtb-ud-train_971

Looloo waral bi UNESCO nemmeekoo càggante ak yàq gu jeggi-dayoo googu mu def at mu nekk mu di fàttali xeet yi ak askan yi seeni làmmiñ!

s-17

wo_wtb-ud-train_972

Ndax gëstu yépp ci fànnu xam-xami làkk ak xaralaay jàngale wone nañu ci lu wér, ne xale bi door njàngam ci làkk wi mu nàmp, moo di gën a ubbeeku fuuf moroomam ma tàmbale njàngam làkk wu mu nàmpul.

s-18

wo_wtb-ud-train_973

Li ko waral mooy xale bi buy dal rekk dees di mën a tàggat xelam ci fànn yu bare niki matematik, xam-xami cosaan, fisik ak yeneen.

s-19

wo_wtb-ud-train_974

Te bu dee, kom ni ñu koy defe Senegaal, njàng mi yépp ci Nasaraan la, su xale bi duggee lekool dafay mel ni ku lu.

s-20

wo_wtb-ud-train_975

Dafay mel ni perantal buy door a jàng wax.

s-21

wo_wtb-ud-train_976

Dina def lu yágg ci ay at balaa lees ko mën a jàngal lenn lu am solo ci Nasaraan.

s-22

wo_wtb-ud-train_977

Ndax déggu ko!

s-23

wo_wtb-ud-train_978

Li ëpp ci lu muy jàng du weesu ijji ak nafar lu mu xamul lu muy tekki.

s-24

wo_wtb-ud-train_979

Rax-ci-dolli, xeeb boppam, tiitange ak jaaxle bi xale biy am, su ràññee ne, ndeke moom làkk bi mu nàmp tekkiwul dara ca béréb yay indi tekki ëllëg ca réewam!

s-25

wo_wtb-ud-train_980

Dafay juux ci lu ñu woowee 'crise d'identité', maanaam, dootul ràññeeti li mu doon, dafay nekk ku neex a yobbale, ku neex a ómmat!

s-26

wo_wtb-ud-train_981

Waxoon nañu fi itam ne sax soo koy seet, demokarasi bi ñuy wax, maanaam 'nguuru askan wi ngir askan wi', mënul a am ci làkk woo jeggani!

s-27

wo_wtb-ud-train_982

Wante tey bi ñu demee bay tekki ci saa si lépp li ñuy wax ci pencum réewum Senegaal ci làkki réew mi, sànt nañu Yàlla, ndax mel na ni li ñuy fiy wax am na ñu ko dégg!

s-28

wo_wtb-ud-train_983

Wante li des bare na lool: Jot na ñu jàngale làkki réew mi ci daara yi, ci lekool!