Universal Dependencies - Old East Slavic - Ruthenian

s-1

texts__polotsk__55-1

+ Мы, ризкии ратманѣ и вси кꙋпци ризкие, даем вѣдати, хто на сию грамотꙋ оузрит(ь) или чтꙋчи оуслышит(ь).

s-2

texts__polotsk__55-2

Кн(ѧ)зь великии Витовтъ литовъскыи, и наш ѡсп(о)д(а)рь, доконьчалъ промѣжи нас и смирил нас вѣчно мѣжи Пол(о)цког(о) города и Ризког(о) города, штобы пол(о)чаном доброволно ехати к Ризѣ, такжѣ рижаном к Полоцкꙋ, бѣз всѧкое завады, ни ѡдного нѣ выемши, доброволно емꙋ купити и продати.

s-3

texts__polotsk__55-3

Так полочаном оу Ризѣ, а рижаном оу Пол(о)цкꙋ никакое малое торговли нѣ торговат(и), што розницѣю зовꙋт(ь).

s-4

texts__polotsk__55-4

А то мы какъ оу Пол(о)цкꙋ, a рижанѣ оу Ризѣ, оучиним и поставим, а любо как мы можем мѣжи себѣ оуровнати.

s-5

texts__polotsk__55-5

Такжѣ могꙋт(ь) полочанѣ мимо Ригꙋ оу землю, а рижанѣ мимо Полтѣскъ оу землю, кꙋдѣ хочют(ь), то на ѡбѣ сторонѣ мѣжи нас вол(ь)но водою и землѣю.

s-6

texts__polotsk__55-6

Н(ы)нѣ жь бы кн(ѧ)зь вѣликыи Витовтъ, ѡсп(о)д(а)рь наш, а любо ег(о) послѣдковѣ, хто коли бꙋдет(ь) ѡсп(о)д(а)рь полоцкии, оу Пол(о)цкоу исклад вчинили, а любо мѣштѣрь задвиньскии в Ризѣ, а тот склад дѣржати на ѡбѣ сторонѣ оу Пол(о)цкꙋ и в Ризѣ так, какъ оуставленъ будѣт(ь).

s-7

texts__polotsk__55-7

А полочаном блюсти рижанина оу Пол(о)цкꙋ, какъ себѣ, а рижаном блюсти пол(о)чанина оу Ризѣ, какъ себе ѡборонѧти.

s-8

texts__polotsk__55-8

Ажь пол(о)чанинъ што простꙋпит(ь) оу Ризѣ, ино тог(о) имъ до Полоцка послати, ино ег(о) тамъ полочанѣ ѡсꙋдѧт(ь) по своемꙋ правꙋ.

s-9

texts__polotsk__55-9

Такжѣ нѣмѣцкии кꙋпѣць што простꙋпить оу Пол(о)цкꙋ, ино ег(о) послати к Ризѣ, ино ег(о) там ѡсꙋдѧт(ь) по ризкомꙋ правꙋ.

s-10

texts__polotsk__55-10

Такжѣ оу Пол(о)цкꙋ соль вѣсити на скалвах тым жѣ вѣсом, што воскъ вѣсѧт, тыми жь колоколы.

s-11

texts__polotsk__55-11

Вѣсꙋ полоцкомꙋ быти ризког(о) полупꙋдком бол(ь)ши.

s-12

texts__polotsk__55-12

Про то жь испѣрва рижаном послати свои колоколы и скалвы к Полоцкꙋ на свою истраву.

s-13

texts__polotsk__55-13

Потом жѣ сотрꙋтсѧ тыи колоколы, или изломѧтсѧ, или погынꙋть, ино нам, полочаном, послати к Ризѣ на свою истравꙋ на свои пѣнѧзи да вчинити тыи колоколы по старомꙋ правꙋ и полѣпши.

s-14

texts__polotsk__55-14

Такжѣ серѣбрѧныи вѣсы дѣржати в Ризѣ полꙋзолотником бол(ь)ши пол(о)цког(о) вѣсꙋ оу- в одног(о) рублѧ.

s-15

texts__polotsk__55-15

Такжѣ вѣсчимъ кр(е)стъ цѣловати н(ы)нѣ и потом, коли надобѣ, што имъ право вѣсити на ѡбѣ сторонѣ, ѡдъномꙋ, как дрꙋгомꙋ, а вѣсчѣмꙋ ѡтстꙋпити прочь ѡт скалвъ, а рꙋкою не приимати.

s-16

texts__polotsk__55-16

А вѣсчѣе имати вѣсчѣмꙋ, как оу Пол(о)цкꙋ емлют(ь) на рижанѣх, такъ имати оу Ризѣ на полочанѣхъ вѣсчѣе.

s-17

texts__polotsk__55-17

Ажь будет(ь) которая ѡбида или завада мѣжи кимъ на ѡбѣ сторонѣ, ино знати истьцю истьца, а никомꙋ иномꙋ в то сѧ нѣ въстꙋпати, ни ѡ том порꙋба дѣржати на ѡбѣ сторонѣ.

s-18

texts__polotsk__55-18

Ажь бꙋдет(ь) мѣжи мѣштѣрем задвиньским или которыи ѡпослѣ бꙋдѣт(ь), мѣжи земли и людѣи, ино кꙋпцѣви чистъ пꙋт(ь) и ег(о) товарꙋ на ѡбѣ сторонѣ, и ег(о) животꙋ, взѧти емꙋ свои товаръ, кꙋда хочѣть ехати и поити, кꙋда емꙋ надобѣ: или по водѣ, или по сꙋхꙋ, или в городѣ, или на пꙋти.

s-19

texts__polotsk__55-19

Про то ж бы тое смирѣнье вѣчно стоѧло нѣпорꙋшѣно с обою сторонꙋ мѣжи нами, полочаны и рижѧны.

s-20

texts__polotsk__55-20

И пѣчат(ь) есмо свою привѣсили к сѣи грамотѣ.

s-21

texts__polotsk__55-21

А псан(а) быс(ть) грамота сѧ оу Могилѣвѣ, по Б(о)жьем нарожѣньи 1000 лѣт и 400 лѣт и сем(ь) лѣт.

s-22

texts__polotsk__55-22

А пѣчат(а)на в Ризѣ, оу семꙋю сꙋботꙋ, м(е)с(е)ца мая 14 д(е)нь.