Universal Dependencies - Old East Slavic - Ruthenian

s-1

texts__polotsk__54-1

Мы, мужи полочѧн(е), даемъ вѣдати, кто на сию грамот(у) оузрит(ь) или оуслышит(ь) чтучи.

s-2

texts__polotsk__54-2

Кнѧз(ь) великыи Витовтъ литовьскии, наш осп(о)д(а)рь, докончал промежи нас и смирилъ нас вѣчно межи Полоцког(о) город(а) и Ризьког(о) города, штобы полочѧном доброволно ехат(и) к Ризѣ, такьже рижѧном к Полоцку, безъ всѧкоѧ завады, ни ѡдног(о) не выемши, доброволно ему купит(и) и продат(и).

s-3

texts__polotsk__54-3

Также полочѧн(о)мъ оу Ризѣ, а рижѧном оу Полочку никакое малое торговле не торговати, што розницею зовут(ь).

s-4

texts__polotsk__54-4

А то мы какъ оу Полоцку, а рижѧне оу Ризѣ, оучинимъ и поставим, а любо какъ можем межи себе оуровнат(и).

s-5

texts__polotsk__54-5

Также могут(ь) полочѧне мимо Ригу оу землю, а рижѧном мимо Полтескъ оу землю, куда хочют(ь), то на ѡбѣ сторонѣ межи нас волно водою и землею.

s-6

texts__polotsk__54-6

Н(ы)не ж бы кнѧз(ь) великыи Витовтъ, ѡсп(о)д(а)рь наш, а любо его послѣдкове, кто коли будет(ь) ѡсп(о)д(а)рь полоцкіи, оу Полоцку исклад вчинили, а любо мештерь задвиньскии в Ризѣ, а тотъ исклад держѧт(и) на ѡбѣ сторонѣ оу Полоцку и в Ризѣ такъ, какъ оуставленъ будет(ь).

s-7

texts__polotsk__54-7

А полочѧном блюсти рижѧнина оу Полоцку, какъ себе, а рижѧном блюсти полочѧнина оу Ризѣ, себе ѡборонѧт(и).

s-8

texts__polotsk__54-8

Аже полочѧнин што проступит(ь) оу Ризѣ, ино имъ того до Полоцка послат(и), ино его тамъ полочѧне ѡсудѧт(ь) по своему праву.

s-9

texts__polotsk__54-9

Также нѣмецкии купець што проступить оу Полоцку, ино его послат(и) к Ризѣ, ино его тамъ ѡсудѧт(ь) по ризькому праву.

s-10

texts__polotsk__54-11

Также оу Полоцку соль вѣсити на скалвах тым же вѣсомъ, што воскъ вѣсѧть, тыми же колоколы.

s-11

texts__polotsk__54-12

Вѣсу полоцкому быти ризьког(о) полупудом болши.

s-12

texts__polotsk__54-14

Про то же сперва рижѧном послат(и) свои колоколы и скалвы к Полоцьку на свою истраву.

s-13

texts__polotsk__54-15

Потом же сотрутсѧ тыи колоколы, или изломѧтсѧ, или погибнуть, ино намъ, полочѧном, послат(и) к Ризѣ на свою истраву на свои пѣнѧзи да оучинит(и) тыи колоколы по старому праву и полѣпшит(и).

s-14

texts__polotsk__54-17

Также серебрьныи вѣсы оу Ризѣ дѣржѧт(и) полузолотником болши во ѡдног(о) рублѧ.

s-15

texts__polotsk__54-18

Также вѣсцѣмъ кр(е)сть цѣловат(и) нынѣ и потом, коли надобѣ, што имъ право вѣсити на ѡбѣ сторонѣ, ѡдном(у), какъ и другом(у), а вѣсцю ѡтступит(и) прочь ѡт скалвъ, а рукою не примат(и).

s-16

texts__polotsk__54-19

А вѣсебное имати вѣсцю, как оу Полоцку на рижѧнех емлют(ь), такъ имат(и) оу Ризе на полочѧнех вѣсебное.

s-17

texts__polotsk__54-21

Аже будет(ь) котораѧ ѡбида или завад(а) межи кимъ на ѡбѣ сторонѣ, ино знати истьцю истьца, а никому иному в тое сѧ не вступати, ни томъ рубежѧ держѧт(и) на ѡбѣ сторонѣ.

s-18

texts__polotsk__54-22

Аже будет(ь) межи мештерем задвиньскимь или которыи ѡпослѣ будет(ь), межи земли и люди, ино купцюви ч(и)стъ путь, его товару, на ѡбѣ сторонѣ и его животу, оузѧт(и) ему свои товаръ, куда хочет ехат(и) и поити, коли ему надобѣ: или по воде, или по суху, или оу город, или на пути.

s-19

texts__polotsk__54-23

Про то ж бы тое смиренье вѣчно стоѧло непорушено со ѡбою сторону межи нами, полочѧны и рижѧны.

s-20

texts__polotsk__54-24

И пѣчѧти есмо свои привѣсили к сеи грамоте.

s-21

texts__polotsk__54-25

А писана быс(ть) грамот(а) сѧ оу Могилевѣ, по Б(о)жьемь роженьи 1000 лѣт и 400 и 7 лѣт.

s-22

texts__polotsk__54-26

А пѣчѧтана оу Ризѣ, оу семую суботу, м(есе)ца маѧ 14 день.