Universal Dependencies - Old East Slavic - Ruthenian

s-1

texts__polotsk__52-1

А се мы, полочан(е), вси добрыи люд(и) и мал(ы)и, надѣючес(ѧ) на Б(ог)ъ, св(ѧ)т(о)го Софеѧ м(и)л(о)сть и кнѧз(ѧ) великог(о) Витовта здровье, хочем с тобою, кнѧж(е) местерю, любовь держат(и) и с твоею брат(ь)ею, со всеми ридели.

s-2

texts__polotsk__52-2

Також хочем с вам(и), ризькии ратьмѧне, и со всем(и) ризькии купьци, межи себе приѧзньство держат(и) и любовь на обѣ сторон(е) крѣпко.

s-3

texts__polotsk__52-3

Вам нашег(о) полочан стереч(и) как своего брат(а) немчина оу Ризе.

s-4

texts__polotsk__52-4

А нам, полочаном, вашег(о) немцин(а) также по тому ж стереч(и) оу Полотьсце.

s-5

texts__polotsk__52-5

А торговат(и) по старом(у) закону всѧкую торговлю, купит(и), продат(и).

s-6

texts__polotsk__52-6

Купит(и) вам, немцем, оу нас оу Полотьсце немецьком(у) купьцю полъберьковьска воску, полътысѧчи белкы.

s-7

texts__polotsk__52-7

А торговат(и) немецьком(у) купьцю с гостем Литовьское земли доброволно.

s-8

texts__polotsk__52-8

А с новъгородци немецьком(у) купьцю торговат(и), а промеж има ходит(и) нашему полочанин(у), занеже нас новьгородци не пустѧт оу Немечькии дворъ торговати без своего новьгородца.

s-9

texts__polotsk__52-9

А съ с москвич(и) торговати вашим немьцем.

s-10

texts__polotsk__52-10

Также нашему полочанин(у) межи ими ходит(и), торговат(и), занеже на нас квич(и) тамьгу емлют(ь).

s-11

texts__polotsk__52-11

А восковыи весъ держат(и) по старому закону, што же наш берьковескъ восковыи болши вашег(о) берьковьска полупудом ризьког(о) весу.

s-12

texts__polotsk__52-12

А серебрыныи весы ризькии держат(и) болши полочькиих весов серебрыных полузолотником.

s-13

texts__polotsk__52-13

А соль весит(и) пудным ременем.

s-14

texts__polotsk__52-14

А берковескъ солоныи оучинит(и) оу восковыи берьковьскъ.

s-15

texts__polotsk__52-15

А белка купит(и), а наметъ дават(и), а оу дворъ не имат(и).

s-16

texts__polotsk__52-16

А мимо город(а) Польтескъ немецьком(у) купьцю не ходит(и), торговат(и) немьцем оу Полотьсце.

s-17

texts__polotsk__52-17

А малое вам торгование купит(и) оу Полотьсце по розничи.

s-18

texts__polotsk__52-18

А корьчмы вам оу нас оу Полотсце не держат(и).

s-19

texts__polotsk__52-19

А весцем нашим и вашим кр(е)сты целоват(и), што же имъ право весит(и) на обѣ сторон(е).

s-20

texts__polotsk__52-20

А кони намъ оу вас оу Ризе купит(и), на чемъ оу верхъ ехат(и), а ѡт ногъ не имат(и).

s-21

texts__polotsk__52-21

А извинитсѧ нашь полочанин оу Ризе, ино его немьцем оу Ризе не казнит(и), ѡтпустити его оу верхъ, ино его тамъ свои полочан(е) казнѧт(ь).

s-22

texts__polotsk__52-22

А извинитьс(ѧ) немьцинъ оу Полотьсце, ино его полочаном не казнит(и) оу Полотьсце, пустит(и) его оу Ригу, ино его свои там судѧт(ь) по своему праву.

s-23

texts__polotsk__52-23

А рубежа не чинит(и), знати истьцю истьца, а торговьцю приехат(и), ѡт(ъ)ехат(и) ч(и)сто на обѣ стороне.

s-24

texts__polotsk__52-24

А томъ есме къ вам послали свои добрыи люд(и) чесныи, к тобе, кнѧж(е) местерю, и къ всем риделемъ, и къ всем ратьмѧномъ, и къ всем купьцем ризькиим, што вам дат(и) правда нашему послу ч(и)сто, безъ всѧкоѧ хитрости.

s-25

texts__polotsk__52-25

А наш посолъ вамъ дасть ч(и)сто правду безъ всѧкоѧ хитрости нашимъ правомъ.

s-26

texts__polotsk__52-26

А старыму делу, што сѧ оучинил(о) межи себе, того не поминат(и) и вам, и ни нам, на обѣ стороне.

s-27

texts__polotsk__52-27

А писана быс(ть) грамот(а) си в лѣт(о) 6000-ное сотное 13 , м(есе)ца юнѧ въ д(е)нь нед(е)лныи 21 д(е)нь, на пѧмѧт(ь) с(вя)т(о)го м(у)ч(е)н(и)ка Оульяна.