Universal Dependencies - Old East Slavic - Ruthenian

s-1

texts__polotsk__40-1

Здороваѥть намѣсник полоцькии і вси полочане посадьниковъ ризьских і всѣхъ ратъманъ.

s-2

texts__polotsk__40-2

Што жо писали ѥсте намъ ѡ вѣсу ѡ солоном, ѡ томъ вѣсу много было словъ і послы ваши были у нас.

s-3

texts__polotsk__40-3

A вѣсы солоныі, восковыі, серебреныи ѡтъ вас пришли к нам.

s-4

texts__polotsk__40-4

И мы ныне в тыи вѣсы вѣсим.

s-5

texts__polotsk__40-5

А привезлъ к нам вѣсы Іванъ Колинъ: и солоныи, и серебреныи.

s-6

texts__polotsk__40-6

А только вам не любы ваши жъ вѣсы, и вы возмите свои вѣсы, а мы вѣсимъ въ свои вѣсы въ старыи.

s-7

texts__polotsk__40-7

А што Іванъ правит(ь) воску, Момотовъ ученик, а тотъ воскъ поимали чистоі С(вя)тоѥ Софьи, а поимал тотъ воскъ Іванъ, Марков ученик, да Кондрат Ѥремѣѥвъ, Микула Романовъ у Поливала да у Ѡндрона у Сорочьковича, а передъ намѣсники полоцькими: перед Домонтом, перед Васильѥмъ Дмитреѥвич, перед Ѡвдошъком Толъстоусович, перед Терешъком Костѧнтинович; Ѡлександръ Лобьиничь былъ, Лука Попович, Климѧта Мѧсникович, Ингнатъ Нѣмъчинович, а вильневьци были: Семенъ Золотоверьхиі, Тильковъ сынъ Іванъ, а рижанъ: Іванъ Колинъ, Ѥрофѣи Федьковъ брат, Захарьѧ Кудрѧвыи.

s-8

texts__polotsk__40-8

А и нашого воску възѧли были 95 круговъ, и мы у них выимали із учѧновъ.

s-9

texts__polotsk__40-9

И нынеча намъ на вас боле жалоба: въ ваших вѣсѣхъ у берьковьска полупуда нѣтъ, а въ серебреных вѣсѣхъ полузолотьника.

s-10

texts__polotsk__40-10

По хрестъному цолованью штобы ѥсте то поправили.