Universal Dependencies - Old East Slavic - Ruthenian

s-1

texts__polotsk__16-1

Владисла, Б(ож)ье м(и)л(о)сти король полскии, литовскии, руски, иных земль г(о)с(по)д(а)рь.

s-2

texts__polotsk__16-2

Чинимъ славно и знаемо и даемъ ведомо оусем, хто коли сюю грамоту видить а любо слышить прочитаѧ.

s-3

texts__polotsk__16-3

Б(ог)ъ далъ намъ всего много, а ныне язъ и своимъ братомъ со кн(ѧ)з(е)мъ Скирикгаиломъ оумыслили есмы и приимаемъ Б(ож)ии даръ ч(е)сно по Б(ож)ью изволенью и его тое М(а)т(е)ри д(е)в(и)ци Б(огороди)ци М(а)рье, ажь сѧ намъ то прилучило тая вѣра принѧти и держати.

s-4

texts__polotsk__16-4

Про то мы ѡбѣчаемъ и слюбуемъ нашему брату кнѧзю Скиригкаилу и нѧлисѧ есмы крѣпко блюсти его кнѧж(е)ньѧ и д(е)рж(а)вы под братомъ нашимъ кн(ѧ)з(е)мъ Скирикгаиломъ, што жь и ныне держить братъ нашь кн(ѧ)зь Скирикгаило оу Литовьскои земли кн(ѧ)ж(е)нье Троцкое, всего ми того под братомъ н(а)ш(и)мъ не подисковати а ни ѡбидети, а никоторымъ веременемъ не ѡтнимати, ни злобою, а никоторымъ гн(е)в(о)мъ, не слушати ми лихихъ людеи, хто коли на него молвить, тому ми веры не нѧти.

s-5

texts__polotsk__16-5

А брата ми своего не оутаити: сказати ми ему и лихо, и добро.

s-6

texts__polotsk__16-6

А держати ми его выше оусее н(а)шее братье и слушати ми его боле оусехъ своихъ приѧтелии и братьи.

s-7

texts__polotsk__16-7

А всѧкому ми делу исправа ему чинити и его люд(е)мъ.

s-8

texts__polotsk__16-8

А в обиду ми брата своего кн(ѧ)зѧ Скирикгаила не выдати, хто коли его приѡбидить: любо братъ а любо иные которые люд(и).

s-9

texts__polotsk__16-9

Стати ми за своего брата крепко, во всемъ обида его правити.

s-10

texts__polotsk__16-10

Також на рускои стороне город Менескъ Литовьского жь кн(ѧ)ж(е)ньѧ весь и со всеми людми, и с землею, и со всѧкою пошлиною, и с доходомъ, и кн(ѧ)зи служебные — тымь оусемъ володети кн(ѧ)зю Скирикгаилу, брату н(а)ш(е)му.

s-11

texts__polotsk__16-11

Такжь волость Свислочь и с данью, и с землею, и с людми, и со всѣмь доходомъ.

s-12

texts__polotsk__16-12

Такжь Бобруескъ, ѡбѣ половине, и с данью, и с землею, и с людми, и со оусеми доходы.

s-13

texts__polotsk__16-13

Такжь и Речица всѧ и весь доходъ, и дань.

s-14

texts__polotsk__16-14

Також Любечь весь и люд(и), и землѧ, и весь доходъ и с данью.

s-15

texts__polotsk__16-15

Також Пропошескъ весь и люд(и), и землѧ, и весь доходъ, и всѧ дань серебрьная.

s-16

texts__polotsk__16-16

Такжь и Любошаны и с данью, и с людми, и землѧ, и весь доходъ.

s-17

texts__polotsk__16-17

Також Игумена и всѧ дань, и люди, и землѧ, и доход весь.

s-18

texts__polotsk__16-18

Такжь Логожескъ весь и Рылова долѧ, люд(и) и села, и землѧ, и дань Рылова, и весь доходъ.

s-19

texts__polotsk__16-19

Такожь логозкаѧ дань и люд(и), и весь доходъ, што Воишвилтъ держалъ.

s-20

texts__polotsk__16-20

То есва по слову оуч(и)нила и доспела есва манастырь ц(е)рк(о)вь С(вѧ)т(о)го Івана и прилучила есва к ц(е)ркви на веки С(вѧ)т(о)му Іѡану Пр(е)д(те)чи.

s-21

texts__polotsk__16-21

И далъ мои братъ, кн(ѧ)зь Скирикгаило, оусю тую дань, што нь есть дохода, — дань серебренаѧ, бобры, белки и лукна всѧ, и люди оуси.

s-22

texts__polotsk__16-22

А што ѡтлучила есва с(вѧ)тои ц(е)ркви тую истную дань с людми со всѧкимъ доходомъ, того нама не порушити никоторымь дѣломъ а ни приѡбидети ни ѡднымь п(е)н(ѧ)з(е)мъ, а хто приѡбидить или ѡтиметь ѡт С(вѧ)т(о)го Івана ц(е)ркви, тотъ будеть проклѧтъ оу сии вѣкъ и оу будущии.

s-23

texts__polotsk__16-23

А то есва оучинила собѣ на памѧть, а с(вѧ)т(о)му Ивану в ч(е)сть и оу славу.

s-24

texts__polotsk__16-24

Такжь село Лебедево, што и к Лебедеву тѧгло и тѧгнеть, и што Лебедевьская волостка, люди вси и села, тая околица.

s-25

texts__polotsk__16-25

Також Дмитрьево село Груздовица, Анципорово село и Сколубино, и Тургкенево село, тые 4-ри села и што к нимъ тѧгло и тѧгнеть, — тыми городы и селы и всѣми людми володети кнѧзю Скиригкаилу.

s-26

texts__polotsk__16-26

А ѡколо Троковъ таѧ места по Ваку по старыи рубежь, а по Вельи оунизъ такжь по старыи рубежь, толко ѡпроче Жеимовъ и Кулвы.

s-27

texts__polotsk__16-27

А на су сторону по Сколву город Радынѧ и оусѧ тая волость со всѧкою службою, оуси люд(и) и села, и оусѧкии доходъ.

s-28

texts__polotsk__16-28

Солчники и вси люде, и оусѧ тая села, што оу Солчницехъ, и в тои волости тое село Иваново, што Андреи держалъ Борисовичь.

s-29

texts__polotsk__16-29

А ныне кн(ѧ)зю Скирикгаилу.

s-30

texts__polotsk__16-30

Також и Ментвино село, што Ѧць держалъ.

s-31

texts__polotsk__16-31

Тое кн(ѧ)зю Скирикгаилу.

s-32

texts__polotsk__16-32

Такжь што на Ваце село, што Борисъ держалъ.

s-33

texts__polotsk__16-33

А ныне кн(ѧ)зю Скирикгаилу и с тымь, што к тому тѧгло и тѧгнеть.

s-34

texts__polotsk__16-34

А ѡт Троковъ за Немонъ рубежь ѡт Мерецкого города, поколѧ Мерецкаѧ волость, ѡттулѧ оунизъ по Немну алижь и до Немець обаполъ Немна, и пуща по старому, и городки: 1-и Немунекъ и волоска, 2-и Ѡлита и волостка, 3-и Пунѧ и волостка, 4-и Бирштанъ и волостка, и Воикгува, и село Румшишки, и Шловоишува, алижь и до Ковна.

s-35

texts__polotsk__16-35

А ѡт Ковна дале оунизъ.

s-36

texts__polotsk__16-36

А за Велью и за Невѧжю и по Невѧжи оуверхъ Лобунова, Арвистова, Пѧди, а ѡттолѧ алижь до Шатеевъ.

s-37

texts__polotsk__16-37

А ѡт Шатеевъ оуверхъ алижь до Хурмокголы и до Лепиниковъ.

s-38

texts__polotsk__16-38

А ѡт Лепиниковъ по тои стороне Вельи оуверхъ алижь и до Ваки.

s-39

texts__polotsk__16-39

А ѡколо Троковъ села Лѣпуны и с волостью, другое Перелаѧ и с волостью, Навиники, таѧ волость Сомилишки и Стрѧвиники, волость Троки, Попорти и Новое село.

s-40

texts__polotsk__16-40

Такожь Новыи городъ на Вельи противъ Шатеевъ поставили есмы кн(ѧ)зю Скирикгаилу, брату своему.

s-41

texts__polotsk__16-41

А стеречи и помагати намъ оусемъ со ѡдиного.

s-42

texts__polotsk__16-42

А тые люди, што живуть, ѡт Немець подмагати ихъ намъ оусемъ заѡдно.

s-43

texts__polotsk__16-43

А нинечи Б(ог)ъ намъ далъ городъ Полтескъ, а братъ нашь кн(ѧ)зь Скирикгаило Б(ож)ьею помочью и нашею оузѧлъ свое место оу свои руки, што еще ѡ(те)ць ему оуделилъ.

s-44

texts__polotsk__16-44

Також и мы ему даемъ и дали есмы тотъ городъ Полтескъ.

s-45

texts__polotsk__16-45

А иному никому оу Полтескъ не оуступапатисѧ, толко кн(ѧ)зю Скирикгаилу володети городомъ Полоцкомъ и оусеми тыми месты и городы, и волостми, и людми, оусею тою землею, што коли тѧгло и тѧгнеть к городу Полоцку.

s-46

texts__polotsk__16-46

На семъ на всемъ далъ есмь правду крепкую брату своему кн(ѧ)зю Скирикгаилу, ажбы то было не измешано.

s-47

texts__polotsk__16-47

На то жь дали есмы сю грамоту и под нашею печатью завеситою.

s-48

texts__polotsk__16-48

А при томъ были ч(е)сные люди: панъ Хр(е)сщ(о)нъ Козегловьскии и докторъ С(вѧ)тославъ.

s-49

texts__polotsk__16-49

А кончано и написано оу ловехъ Скоистерскихъ, оу первую нед(е)лю по с(вѧ)т(е)мъ Марку еуанг(е)листе, под леты Б(ож)ьими 1387-е.