Universal Dependencies - Old East Slavic - Ruthenian

s-1

texts__polotsk__11-1

Се аз, князь великий Андрей Ольгердович Полоцкий.

s-2

texts__polotsk__11-2

Дали есмы Федору и сыну его Дмитрию село Семенцово на Березвячи.

s-3

texts__polotsk__11-3

А тому селу велели есмо и рубеж зарубити от реки от Березвячи по реку по Прудышчину и вверх ку частым, а от верховья от Прудышчаного рубеж по мху в озерцо в Демьяное, а от Демьяного дорогою к Заборью, а от Заборья дорогою ку Озерцом, а от Озерец дорогою к Залесью, а от Залесья в озеро в Городно, а с Городна в озеро в Мурычно, а с Мурычна в озеро в Белое, а с Белого озера рубеж в мох великии, а со мха на Гривос, а от Гривса в ручай, а по ручьи в озеро в Полов, а с Полова по Половице в реку в Дисну.

s-4

texts__polotsk__11-4

А через тот рубеж нашим людем не надобе ходити никому ни с собакою, а ни с пешнею.

s-5

texts__polotsk__11-5

А кто тот рубеж переступит, даст князю великому три гривны золота.

s-6

texts__polotsk__11-6

А при том был князь Василий Друцкий, а Братоша, а Гирдений Забельский.

s-7

texts__polotsk__11-7

А того рубежа зарубати посылали есмо ездоком Донярку.