Universal Dependencies - Old East Slavic - Ruthenian

s-1

texts__polotsk__1-1

Кнѧз(ь) Гердень кланѧетьс(ѧ) всем темь, кто видить сую грамот(у), тие люд(и), што ныне живи суть, а темь, кто напосле приидуть, тѣмь вѣдомо буди, какъ миръ есмы створил(и) промежи местерѧ и с ратьманы рижьскыми, и с полочаны, и видьблѧны тако, како грамот(а) написано, тако имъ надо всею землею ѡтступит(и), што есть Лотыгольскаѧ землѧ, какъ не въступатисѧ на тую землю, што кнѧз(ь) Костѧнтинъ дал местерю съ своею брат(ь)ею, съ своею грамот(ою) и съ печатью, како боле того на ту землю не поискывати.

s-2

texts__polotsk__1-2

Верху того, про ту пакость, што сѧ в розмирьи створило, какъ имъ ѡт ѡбою сторону ѡтступити, што Руськаѧ землѧ словеть Полочькаѧ, ѡт тое земли местерю и брат(ь)и его ѡтступит(и) с всею правдою.

s-3

texts__polotsk__1-3

Верху того, немечькому гостю в Полочьскую волно ехат(и) и торговат(и), купити и продат(и).

s-4

texts__polotsk__1-4

Також полочаном и видиблѧнину волно гостити в Ригу и на Готьскы берегъ.

s-5

texts__polotsk__1-5

А где будет(ь) кто кому виноват, в томь городе правити, где тотъ ч(о)л(о)в(е)къ живеть, инде суд(а) ему не искати.

s-6

texts__polotsk__1-6

В которои волости ч(о)л(о)в(е)къ извинитьс(ѧ), ту ему правда дат(и), или вина его.

s-7

texts__polotsk__1-7

А старому миру стоѧти, кнѧз(ѧ) Герденѧ, кнѧз(ь) тыихъ, кто по нем будет(ь).

s-8

texts__polotsk__1-8

Што поклепани на Рѣзне и што словеть Лотыгольскаѧ землѧ, ѡт того сѧ ѡтступили с всею правдою.

s-9

texts__polotsk__1-9

Местерь, также брат(ь)ѧ его ѡтступили, што словет(ь) Полочьскаѧ землѧ, со всею правдою.

s-10

texts__polotsk__1-10

Сию грамот(у) тогды напсана в Ризе, коли Б(ог)ъ былъ 1000 лѣт и 200 и 60 лѣт и 4 лѣ, по рожеи Б(о)жии дни за три дни.