Universal Dependencies - Livvi - KKPP

s-1

vepkar-1820.1

“Karjalan nuorus” Anuksen piiris

s-2

vepkar-1820.2

Vuvvennu 2017 Karjalan tazavaldu pidäy omassah 97-vuozipäiviä.

s-3

vepkar-1820.3

Pruazniekku pietäh kezäkuul Anuksenlinnas.

s-4

vepkar-1820.4

Pruazniekan piälimäzii pidoloi rodieu suomalasugrilazen nuorižon festivuali “Karjalan nuorus”.

s-5

vepkar-1820.5

Tämän festivualin hantuzis järjestetäh kaksi matkua Petroskoispäi Anuksen piirih: nuorien pajo- da tansijoukot lähtietäh ezittymäh Anuksen piirin kylih.

s-6

vepkar-1820.6

Enzimäine matku oli jo mennyt pyhänpiän, 23. sulakuudu.

s-7

vepkar-1820.7

Gostii vastattih Tuuksen kyläs, Koveris da Kotkatjärvel.

s-8

vepkar-1820.8

Koverin eläjii ihaškoitettih Petroskoin taidoškolan Vesläžetjoukon lapset, hyö ozutettih kui ennevahnas nuoret käydih bes’odale, pajatettih, tansittih da kižattih meijän ezi-ižien tabah.

s-9

vepkar-1820.9

Tuuksen kul’tuuratalois ezityi Petroskoin konservatourien Istoki-joukko.

s-10

vepkar-1820.10

Tansijes da pajattajes rahvas ei kylmetty viluhkos kul’tuurutalois.

s-11

vepkar-1820.11

Murginan jälles kai matkuniekat lähtiettih Kotkatjärvele, sigäläzes kul’tuurutalois ezityttih jo kaksi joukkuo.

s-12

vepkar-1820.12

Paiči artistoi matkah lähtiettih karjalazien heimovellet – Vepsän kul’tuuruseurah kuulujat Larisa Čirkova da Galina Lokkina.

s-13

vepkar-1820.13

Vepsäläzet naizet saneltih omis projektois nuorižonke.

s-14

vepkar-1820.14

Matkah yhtyigi Periodika-julguamo, festivualil sai ostua kniigua, lehtie da žurnualua kanzallizil kielil, saigi tilata Oma Mua -lehti.

s-15

vepkar-1820.15

Toine tämänmoine matku Anuksen piirih rodieu 30. sulakuudu.

s-16

vepkar-1820.16

Mägriän kyläh lähtöy Petroskoin valdivonyliopiston Toive-ansambli, Kuittizes ezittyy 'Kajahuš', Kuujärves ozuttau spektaklii Čičiliušku-t y ttiteatr u.

s-17

vepkar-1820.17

Omis ruadonerolois nuorižon hyväkse saneltah Karjalan Rahvahan Liiton aktivistat.

s-18

vepkar-1820.18

Pidoh tulluot suajah ostua da tilata “Periodikan” julgavoloi.

s-19

vepkar-1820.19

Festivualin järjestäjänny on Anuksen karjalazet -liitto, projektua jengal kannattau Kandurahvahien välialovehine kannatuskeskus.

s-20

vepkar-1820.20

Festivualin hantuzis pietäh kaksi kilbua nuorih niškoi: Moja Karelija -videos’užietoin kilbu da Karelija – eto mi -karjalan, vepsän da suomen kieldy maltajien kilbu.

s-21

vepkar-1820.21

Kilboih voibi yhtyö sulakuun 30. päivässäh.

s-22

vepkar-1820.22

Festivualin jälgimäine pido rodieu 10. kezäkuudu Anuksenlinnas.

s-23

vepkar-1820.23

Suureh konsertah yhtyy petroskoilazien da anukselazien nuorien joukkuo.

s-24

vepkar-1820.24

Konsertal roitah ilmoitettu da palkittu iel mainittuloin kilvoin voittajat.

s-25

vepkar-2316.1

“Tverin Karjalas olen hyväs mieles, kui omas kodikyläs”

s-26

vepkar-2316.2

“Tverinkarjalazien ystävien” piämies 2010-2014 Tapio Mustonen sanoi Lihoslavl’an konferensies ”Karjalazet 400 vuottu Tverin mual”, ku Karjalua koskijoi kielitiijollizii tutkimuksii rodieu ainos vai enämbi Suomes da Ven’al.

s-27

vepkar-2316.3

Tverinkarjalazien kieli da kul’tuuru on tundiettu Suomesgi.

s-28

vepkar-2316.4

Vuvves 1994 algajen sie ruadau Tverinkarjalaisten ystävät ry -liitto, kuduan alguhpanijannu oli tundiettu suomelaine tiedomies Pertti Virtaranta.

s-29

vepkar-2316.5

– Virtaranta “paloi” tverinkarjalan kieleh.

s-30

vepkar-2316.6

Tverinkarjalazet voidas sanuo händy omakse Lönnrotakse, sanou Tapio Mustonen, “Tverinkarjalazien ystävien” vuozien 2010-2014 piämies.

s-31

vepkar-2316.7

Liiton piätavoittehennu on avvuttua eri tabah tverinkarjalazien kielen da kul’tuuran säilyttämisty da kehittämisty.

s-32

vepkar-2316.8

Paiči sidä “Tverinkarjalazien ystävät” avvutetah piästiä ilmoih karjalankielisty kirjalližuttu da opastuskniigua.

s-33

vepkar-2316.9

Opastujii da tutkijoi kannatetah stipendieloil.

s-34

vepkar-2316.10

– Tverin Karjalua koskijoi kielitiijollizii tutkimuksii rodieu ainos vai enämbi Suomes da Ven’al.

s-35

vepkar-2316.11

On äijy nuordu tutkijua, kuduat kirjutetah väitöskirjoi tverinkarjalan kieles eniten Helsinkis, Jovensuus da Petroskois, sanou Mustonen.

s-36

vepkar-2316.12

Tieduo tverinkarjalazis levitetäh fotokuvaozutteluloin da tiedopidoloin avul Suomen eri puolis.

s-37

vepkar-2316.13

Muga Tverin Karjalan dieloloi pietäh silmäl Suomes.

s-38

vepkar-2316.14

Tärgienny ruavonnu ollah “ad’voihkäyndy” da turistumatkat Tverin Karjalah.

s-39

vepkar-2316.15

Turistumatkoi pietäh kerran vuvves kezäl.

s-40

vepkar-2316.16

– Matkustamizen piätavoittehennu on se, ku matkustajat eletäh ainos perehis, muga hyö tuttavutah tverinkarjalazien elaigah, sanou Mustonen.

s-41

vepkar-2316.17

Tapio Mustonen mondu kerdua on käynnyh Tverin Karjalah turistumatkoin piälikönny da tundou Tverin alovehen ylen hyvin.

s-42

vepkar-2316.18

– Iče olen karjalaine Kiihtelysvuaraspäi.

s-43

vepkar-2316.19

Konzu olen Tverin Karjalas, olen moizes hyväs mieles, buitegu olen käynnyh omah kodikyläh.

s-44

vepkar-1559.1

Bobuli-briha sanoo saaraa

s-45

vepkar-1559.2

Oli sie enne saari.

s-46

vepkar-1559.3

Saari sanoi: 'Ken voinoo uuzi uvvel saaraa sanuo kolmet suutkat, sil minä tyttären miehel annan'.

s-47

vepkar-1559.4

Sit ečitäh, ečitäh saaran sanojaa, ni kus ei löytä.

s-48

vepkar-1559.5

Bobuli-briha oli yksi, se kengän ombelii oli, häi sanoo: 'Minä sanon'.

s-49

vepkar-1559.6

Saari työndää polkan saldattaa kuundelemah, briha menöö sanelemah.

s-50

vepkar-1559.7

Häi saneloo: 'Konzu minun taatto oli bohattu, kolme virstaa oli kodi piduhuttu, a virstaa levevytty; kezäkse kraassi koin mustal kraaskal, a talvekse valgiel.

s-51

vepkar-1559.8

Sit oli häkki, seičče virstaa oli sarvet piduhuttu, paimoi istui sarvel, toine toizel; torvittih, ga toine toizen ei kuulluh torvindaa.

s-52

vepkar-1559.9

Sit, – sanoo, – on minul orazen pääs ildaine, minul pidää lähtie ildastu saamah'.

s-53

vepkar-1559.10

Lähtöö, päivän ombeloo da pajattaa.

s-54

vepkar-1559.11

Polku menöö saarilloo, saari kyzyy: 'Midäbo bobuli saneli?'

s-55

vepkar-1559.12

Midä se bobuli-briha sanoi, sidäi net saldatat sanottih saaril.

s-56

vepkar-1559.13

Toine päivy tuli, tožo saari työndää saldatat saaraa kuundelemah, a bobuli-briha tuloo sanomah.

s-57

vepkar-1559.14

'Kuunelkaa nygöi, sanon saaraa, – häi sanoo, – konzu minun taatto oli bohattu, kolme virstaa oli kodi piduhuttu, a virstaa levevytty; kezäkse kraassi koin mustal kraaskal, a talvekse valgiel.

s-58

vepkar-1559.15

Sit oli häkki – seičče virstaa oli sarvet piduhuttu, paimoi istui sarvel, toine toizel; torvittih, ga toine toizen ei kuulluh torvindaa.

s-59

vepkar-1559.16

Sit, – sanoo, – on minul orazen päs ildaine, minul pidää lähtie ildastu saamah'.

s-60

vepkar-1559.17

Menöö, päivän ombeloo da pajattaa.

s-61

vepkar-1559.18

Da, tämän saaran sanottuu häi ainos kyzyy: 'Kuulittogo tämän, vojennoit, dai tiezittö?'

s-62

vepkar-1559.19

Tämän häi kyzyi enzi dai tossu pään, a vojennoit sanottih: 'Tädä saaraa emmogo kuulluh, emmogo teidänyh'.

s-63

vepkar-1559.20

Uvvessah vojennoit mendih saarilloo.

s-64

vepkar-1559.21

Saari uvvessah kyzyy: 'Midä briha sanoi?'

s-65

vepkar-1559.22

Vojennoit sanottih: 'Ga sidä samastu'.

s-66

vepkar-1559.23

Häi sanoi da uvvessah kyzyi: 'Kuulittogo tämän, vojennoit, dai tiezittö?'

s-67

vepkar-1559.24

Saari kolmandennu päivänny heidy ainos n’evvoo sanomah: 'Kuulimo dai tiezimö, dai näimö'.

s-68

vepkar-1559.25

Sit kolmas päivy mennäh taaste.

s-69

vepkar-1559.26

Sit taaste se briha muga sanoi: 'Konzu minun taatto oli bohattu, kolme virstaa oli kodi piduhuttu, a virstu levevytty; kezäkse kraassi koin mustal kraaskal, a talvekse valgiel.

s-70

vepkar-1559.27

Sit oli häkki: seičče virstaa oli sarvet piduhuttu; paimoi istui sarvel, toine toizel; torvittih, ga toine toizen ei kuulluh torvindaa.

s-71

vepkar-1559.28

Tiezittögo, – sanoi, – vojennoit, dai kuulitto?'

s-72

vepkar-1559.29

A vojennoit vastatah: 'Tiezimö d’o dai kuulimo, dai näimö'.

s-73

vepkar-1559.30

'A konzu oli minun taatto bohattu, sit andoi saaril kolme puččii dengaa, kuulittogo, saldatat, dai tiezittö?'

s-74

vepkar-1559.31

'Kuulimo, dai tiezimö dai näimö!'

s-75

vepkar-1559.32

'Nu, gu on muga dielot, läkkäättös otamo vellat ääre'.

s-76

vepkar-1559.33

Sit saarilloo mendih sinne.

s-77

vepkar-1559.34

Sit taaste tämä briha kuuloitti: 'Konzu minun taatto oli bohattu, sit saaril andoi kolme puččii d’engaa.

s-78

vepkar-1559.35

Kuulittogo, vojennoit, tämän dai tiezittö?'

s-79

vepkar-1559.36

Vojennoit vastatah, kui saari käski: 'Kuulimo myö tämän dai tiezimö'.

s-80

vepkar-1559.37

Muga briha sai saaris kaksi puččii d’engaa da vie kolmas d’äi vellakse.

s-81

vepkar-1559.38

Nai bobuli-briha da rubei mučoin ker elämäh.

s-82

vepkar-1805.1

Arbuamatoi muailmu

s-83

vepkar-1805.2

Kogo muailmas arbaituksii pietäh hyvin muinazennu kanzanrunohuon lajinnu.

s-84

vepkar-1805.3

Karjalazisgi tekstois löydyy ennevahnallizii miiffizii piirdehii da luguloin elementoi.

s-85

vepkar-1805.4

Karjalazet arbaitukset puaksuh kuuluttih ritualoih, niidy sanottih svuad’bas da muah pannes.

s-86

vepkar-1805.5

Toiči mečästäjät meččäh mennes arbailtih – uskottih, gu nenga tulou parembi sualis.

s-87

vepkar-1805.6

Uskomuksien mugah arbaituksii voibi arbaittua vaigu huondespuoles, illal saneltih suarnoi.

s-88

vepkar-1805.7

Illal ei suannuh arbailla – varattih Arbaituksen akkua, ku häi tulou yön aigua da ähkiäy bokkah.

s-89

vepkar-1805.8

Ku unohtannet tämän dielon, sit Arbaituksen akku vältämättäh tulou da prižmiy sinuu mustoittamah semmostu arbaitustu, kudamua häi iče ei musta.

s-90

vepkar-1805.9

Gu semmostu ei tule piäh, uskottih, ku häi voibi syvvä ristikanzan.

s-91

vepkar-1805.10

Arbaituksen akku oli ylen viizas, kaikkien arbaituksien tiedäi, hänes oli ylen jygei piästä eroh.

s-92

vepkar-1805.11

Semmostu mifolougistu personuažua ei ole toizis kul’tuurois, on vaigu karjalazes.

s-93

vepkar-1805.12

Parahannu aijannu arbuamizeh on talven Synnynmuanaigu, konzu mennyh da tulii aigu vastavutah.

s-94

vepkar-1805.13

Myöhembäite arbaituksii saneltih enimilleh ilokse.

s-95

vepkar-1805.14

Niilöin vuoh lapset opastuttih ellendämäh muailmua da miettimäh muailmoin eri dieloloi.

s-96

vepkar-1805.15

Tavallizele ristikanzale on ylen jygei kerras arvata, mis on pagin vahnas arbaitukses, gu tekstas nimidä ei sanottu kohti da sen ližäkse käytettih erilazii metaaforoi.

s-97

vepkar-1805.16

Ennevahnas opastettih arbuamah jo pienete olles.

s-98

vepkar-1805.17

Sen ližäkse lapset hyvin tiettih kai vešit, kudamat kuvattih tekstois, gu net kuuluttih jogapäiväzeh elaigah.

s-99

vepkar-1805.18

Tarkah kuunneltes arbaitukses ainos löydyy semmozii piirdehii, mit avvutetah ellendämäh da arbuamah.

s-100

vepkar-1805.19

Enimytten karjalazis arbaituksis voibi tiijustua kyläläzien talolois da jogapäiväzis veššilöis, kui, ezimerkikse, käziastii, kuožali, čirpi, sieglu.