Universal Dependencies - Ligurian - GLT

s-1

wp-arba-p001-s001

Arbâ o l'é un quartê rescidensiâ do commun de Zena, poxiçionou à levante da çittæ antiga e de quello da Foxe.

s-2

wp-arba-p001-s002

Fin a-o 1874 o l'é stæto un commun indipendente co-o nomme de San Françesco d'Arbâ.

s-3

wp-arba-p001-s003

A-a giornâ d'ancheu, assemme a-i quartê da mæxima Foxe e de San Martin d'Arbâ, o forma o Muniçipio VIII da çittæ de Zena (Medio Levante).

s-4

wp-arba-p002-s001

Fin da-o secolo sezze o l'à dæto abergo à de ville tra e ciù avvoxæ da Repubrica, deuviæ da-e famigge patriçie pe-o villezzo da stæ.

s-5

wp-arba-p003-s001

O quartê d'Arbâ o comprende a parte ciù a-o meridion da colliña ch'a pòrta o mæximo nomme, urtima porçion de l'ertua ch'a dividde e vallæ di riæ Besagno e Sturla.

s-6

wp-arba-p003-s002

A colliña a finisce in sciô mâ con de erte scuggee che chì e lì abergan de ciazzette donde in antigo se poeiva arrivâ solo co-o passâ pe de streite creuse tra òrti e giardin.

s-7

wp-arba-p003-s003

Ancheu, in cangio, a linia de mæña a l'é percorsa do tutto da-o longomâ de corso Italia.

s-8

wp-arba-p004-s001

L'antiga çircoscriçion a comprende a ciù parte do territöio de l'antigo commun de San Françesco d'Arbâ, con l'ecceçion de fraçioin de Borgo Pilla e de unna parte da ciaña do Besagno (oua do tutto urbanizzâ e compreisa into quartê da Foxe) e Vernasseua, antigo borgo de mainæ che ancheu o l'é parte do quartê de Sturla.