Universal Dependencies - Ligurian - GLT

s-1

laz-c06-p001-s001

Comme o Lázaro o l'é anæto a-o servixo de un cappellan, e cöse gh'é intravegnuo insemme à lê

s-2

laz-c06-p002-s001

Dòppo quell'atro mæ patron son anæto à vive con un artexan ch'o pittuava tambuetti, pe-o quæ maxinava i coî; ma con lê ascì ò dovuo patî mille peñe.

s-3

laz-c06-p003-s001

Pe quello tempo m'ea za fæto un bello zoenòtto; e un giorno, dòppo ëse introu inta cattedrale, un cappellan ch'o stava lì o m'à piggiou a-o seu servixo; o m'à dæto un borricco, quattro giare e un foetto, e coscì ò comensou à vende l'ægua in gio pe-a çittæ.

s-4

laz-c06-p003-s002

O l'é stæto o primmo scæn ch'ò montou verso unna vitta ciù còmmoda, perché lì arriesciva à stâ co-o steumago pin.

s-5

laz-c06-p003-s003

Tutti i giorni dava a-o mæ patron trenta maravedís de guägno; o resto m'ô tegniva pe mi, insemme à quante arriesciva à arrecampâ a-o sabbo graçie à quello mæximo travaggio.

s-6

laz-c06-p004-s001

Quell'attivitæ a m'é anæta coscì ben che son anæto avanti coscì pe quattr'anni.

s-7

laz-c06-p004-s002

Co-o mettime i dinæ da parte, ò ammuggiou tanto da poei vestî in mainea dignitosa con da röba de segonda man; m'ea accattou un vegio giachê de fustagno, unna camixa un pö frusta, ma recammâ e co-e maneghe co-o spacco, un mantello che da neuvo o l'aiva avuo di aggibbi, e unna vegia spâ, uña de primme che l'ea stæto fabricou into paise de Cuéllar.

s-8

laz-c06-p005-s001

Da quand'ò posciuo anâ in gio vestio comme un òmmo ch'o se respetta, ò dito a-o patron ch'o se piggesse torna a seu bestia, perché no aiva ciù coæ d'anâ avanti con quello mestê.