Universal Dependencies - Ligurian - GLT

s-1

esl-c01-p001-s001

Incomensa l'evangëio de Gexù Cristo, o Figgio do Segnô.

s-2

esl-c01-p002-s001

Comme gh'é scrito into profeta Isaia: «T'æ, mi mando o mæ messaggê primma de ti: quello ch'o l'à da inandiâ o tò cammin».

s-3

esl-c01-p003-s001

Voxe de un ch'o cria into deserto: inandiæ o cammin do Segnô, addrissæ i seu sentê, gh'é stæto Zane, ch'o battezzava into deserto e o predicava un battezzo de converscion pe-o perdon di peccæ.

s-4

esl-c01-p003-s002

A vegniva da lê tutta a region da Zudea e tutti i abitanti de Gerusalemme.

s-5

esl-c01-p003-s003

E se favan battezzâ da lê into sciumme Zordan, e confessavan i seu peccæ.

s-6

esl-c01-p003-s004

Sto Zane o l'ea vestio de pei de camelo, con unna çenta de pelle in gïo a-a vitta, o mangiava e grillasse e l'amê sarvægo e o diva: «Apreuvo à mi me ven un ch'o l'é ciù fòrte che mi: mi no son manco degno d'ascoacciâme à desligâghe i ligammi di cäsæ.

s-7

esl-c01-p003-s005

Mi v'ò battezzou con de l'ægua, ma quello o ve battezzià into Sprito Santo».

s-8

esl-c01-p004-s001

E t'æ, inte quelli giorni Gexù o vëgne da Nazareth de Galilea, e Zane ô battezza into Zordan.

s-9

esl-c01-p004-s002

E comm'o sciòrte d'inte l'ægua, o vedde o çê ch'o s'arve e o Sprito ch'o ven zù in sce de lê comme unna comba.

s-10

esl-c01-p004-s003

E se sente unna voxe da-o çê: «Ti t'ê o mæ figgio, quello ch'o m'é cao, e inte de ti me compiaxo».

s-11

esl-c01-p005-s001

E tòsto o Sprito ô fa andâ into deserto, e into deserto o gh'arresta quaranta giorni, con Satan che ô tentava; o stava in mezo a-e bestie sarvæghe e i angei ô servivan.

s-12

esl-c01-p006-s001

Quande an misso Zane in prexon, Gexù o l'é andæto à predicâ l'evangëio do Segnô inta Galilea, e o diva: «O tempo o l'é finio e o regno do Segnô o l'é da-a vexin; convertîve e creddei inte l'evangëio».

s-13

esl-c01-p007-s001

Intanto ch'o passava in riva a-o mâ de Galilea, o vedde Scimon e Andria, o fræ de Scimon, che bollavan e ræ in mâ; defæti ean doî pescoei.

s-14

esl-c01-p007-s002

Gexù o ghe dixe: «Vegnîme apreuvo, che ve fasso pescâ di òmmi».

s-15

esl-c01-p007-s003

E quelli mòllan tòsto e ræ, e se ghe mettan apreuvo.

s-16

esl-c01-p007-s004

O va un pittin ciù avanti, e o vedde ascì Giacomo de Zebedeo e sò fræ Zane, into gosso, che davan recatto a-e ræ.

s-17

esl-c01-p007-s005

O î ciamma.

s-18

esl-c01-p007-s006

E quelli lascian sò poæ Zebedeo in sciô gosso co-i garsoin e ghe van apreuvo lô ascì.

s-19

esl-c01-p008-s001

Arrivan in Cafarnao pròpio a-o sabbo, e Gexù o l'intra inta scinagöga e o se mette à dâ leçion.

s-20

esl-c01-p008-s002

E se mäveggiavan tutti de quello ch'o mostrava, perché o ghe mostrava comme un ch'o sa e cöse d'autoritæ, e no comme un scrivan.

s-21

esl-c01-p008-s003

Aloa un òmmo ch'o l'ea inte quella scinagöga, e ch'o l'aiva inte de lê un sprito de quelli sossi, o s'é misso à criâ, e o diva: «Comme ti gh'intri ti con niatri, Gexù de Nazaret? ti n'ê vegnuo à arroinâ?

s-22

esl-c01-p008-s004

Mi ô sò chi t'ê: o santo do Segnô».

s-23

esl-c01-p008-s005

E Gexù o ghe braggia: «Taxi!

s-24

esl-c01-p008-s006

E sciòrti feua da quell'òmmo».

s-25

esl-c01-p008-s007

E quello sprito sosso ô straggiava e o criava fòrte, ma o l'é sciortio da lê.

s-26

esl-c01-p009-s001

Tutti se son attrovæ poia, tanto che se divan un con l'atro: «E comm'a l'é sta cösa?

s-27

esl-c01-p009-s002

Unna dötriña neuva e o â mostra con autoritæ.

s-28

esl-c01-p009-s003

O commanda fiña a-i spriti sossi, e ghe dan a mente!».

s-29

esl-c01-p009-s004

Coscì a sò nòmina a s'é spantegâ a-a lesta, in sà e in là in gïo pe-a Galilea.

s-30

esl-c01-p010-s001

Comme son sciortii de d'inta scinagöga, son andæti aviou in cà de Scimon e de Andria, insemme à Giacomo e à Zane.

s-31

esl-c01-p010-s002

A seuxoa de Scimon a l'ea in letto co-a freve, e ghe n'an giusto parlou.

s-32

esl-c01-p010-s003

Lê o ghe va arente, o â piggia pe-a man e o â tïa sciù; a freve a gh'é passâ e a s'é missa à servîli.

s-33

esl-c01-p011-s001

Comme s'é fæto seia e l'é andæto sotta o sô, ghe portavan tutti i maròtti e i indemoniæ.

s-34

esl-c01-p011-s002

Gh'ea tutta a çittæ lì da-a pòrta.

s-35

esl-c01-p011-s003

O l'à fæto stâ ben tanti de quelli ch'ean afferræ da uña ò da l'atra mouttia e o l'à mandou via un muggio de diäi; ma i diäi o no î lasciava parlâ, perché ô conosceivan.

s-36

esl-c01-p012-s001

A-a mattin fito o l'é stæto sciù che l'ea ancon scuo, o l'é sciortio d'in cà, e o s'é arretiou int'un pòsto deserto pe mettise à pregâ.

s-37

esl-c01-p012-s002

Ma Scimon e quelli che gh'ea insemme ghe son andæti apreuvo.

s-38

esl-c01-p012-s003

Ô treuvan, e ghe fan: «Ammia che son tutti lì che te çercan!».

s-39

esl-c01-p012-s004

E lê o ghe dixe: «Andemmosene da quarche atra parte in gïo pe-i paixi di contorni, coscì predico lì ascì: l'é ben pe quello che son vegnuo!».

s-40

esl-c01-p012-s005

E coscì o se n'é andæto pe tutta a Galilea, o predicava inte quelle scinagöghe e o scorriva i diäi.

s-41

esl-c01-p013-s001

L'é vegnuo da lê un leproso: ô pregava in zenoggion e o ghe diva: «Se ti veu, ti ti me peu fâ stâ ben!».

s-42

esl-c01-p013-s002

O gh'à fæto pròpio de mäprô.

s-43

esl-c01-p013-s003

O destende a man, ô tocca e o ghe dixe: «Öscì che veuggio, stanni ben!».

s-44

esl-c01-p013-s004

A lepra a l'é scentâ tutt'insemme e quello o stava torna ben.

s-45

esl-c01-p013-s005

Lê o s'é misso à ammonîlo, e intanto che ô mandava via a-a lesta o gh'à dito: «Ammia ben de no dî ninte à nisciun, ançi vanni à fâte vedde da-o saçerdöte e danni pe-a tò purificaçion quello ch'o l'à prescrito Mosè, comme testimoniansa pe-i atri».

s-46

esl-c01-p013-s006

Ma quello, comm'o se n'é andæto, o l'à comensou à contâ in gïo quello che l'ea avvegnuo, tanto che Gexù o no poeiva ciù intrâ inte unna çittæ avertamente, e o se ne stava de feua, inte di pòsti abbandon֯æ, ma vegnivan pægio da lê da tutte e parte.