Universal Dependencies - Latin - Perseus

s-101

phi0620.phi001.perseus-lat1.tb.xml@169

quamvis labentis premeret mihi somnus ocellos et mediis caelo Luna ruberet equis, non tamen a vestro potui secedere lusu:

s-102

phi0620.phi001.perseus-lat1.tb.xml@170

tantus in alternis vocibus ardor erat.

s-103

phi0620.phi001.perseus-lat1.tb.xml@173

possum ego diversos iterum coniungere amantis, et dominae tardas possum aperire fores;

s-104

phi0620.phi001.perseus-lat1.tb.xml@174

et possum alterius curas sanare recentis, nec levis in verbis est medicina meis.

s-105

phi0620.phi001.perseus-lat1.tb.xml@176

non nihil egit Amor.

s-106

phi0620.phi001.perseus-lat1.tb.xml@177

tu cave ne tristi cupias pugnare puellae, neve superba loqui, neve tacere diu;

s-107

phi0620.phi001.perseus-lat1.tb.xml@178

neu, si quid petiit, ingrata fronte negaris, neu tibi pro vano verba benigna cadant.

s-108

phi0620.phi001.perseus-lat1.tb.xml@179

irritata venit, quando contemnitur illa, nec meminit iustas ponere laesa minas:

s-109

phi0620.phi001.perseus-lat1.tb.xml@181

is poterit felix una remanere puella, qui numquam vacuo pectore liber erit.

s-110

phi0620.phi001.perseus-lat1.tb.xml@182

Ecquid te mediis cessantem, Cynthia, Bais, qua iacet Herculeis semita litoribus, et modo Thesproti mirantem subdita regno proxima Misenis aequora nobilibus, nostri cura subit memores adducere noctes?

s-111

phi0620.phi001.perseus-lat1.tb.xml@183

ecquis in extremo restat amore locus?

s-112

phi0620.phi001.perseus-lat1.tb.xml@184

an te nescio quis simulatis ignibus hostis sustulit e nostris, Cynthia, carminibus?

s-113

phi0620.phi001.perseus-lat1.tb.xml@187

ignosces igitur, si quid tibi triste libelli attulerint nostri:

s-114

phi0620.phi001.perseus-lat1.tb.xml@193

tu modo quam primum corruptas desere Baias:

s-115

phi0620.phi001.perseus-lat1.tb.xml@196

Quid mihi desidiae non cessas fingere crimen, quod facias nobis, conscia Roma, moram?

s-116

phi0620.phi001.perseus-lat1.tb.xml@198

nec mihi consuetos amplexu nutrit amores Cynthia, nec nostra dulcis in aure sonat.

s-117

phi0620.phi001.perseus-lat1.tb.xml@199

olim gratus eram:

s-118

phi0620.phi001.perseus-lat1.tb.xml@200

non illo tempore cuiquam contigit ut simili posset amare fide.

s-119

phi0620.phi001.perseus-lat1.tb.xml@202

non me deus obruit?

s-120

phi0620.phi001.perseus-lat1.tb.xml@203

an quae lecta Prometheis dividit herba iugis?

s-121

phi0620.phi001.perseus-lat1.tb.xml@204

non sum ego qui fueram:

s-122

phi0620.phi001.perseus-lat1.tb.xml@205

mutat via longa puellas.

s-123

phi0620.phi001.perseus-lat1.tb.xml@206

quantus in exiguo tempore fugit amor!

s-124

phi0620.phi001.perseus-lat1.tb.xml@207

nunc primum longas solus cognoscere noctes cogor et ipse meis auribus esse gravis.

s-125

phi0620.phi001.perseus-lat1.tb.xml@210

Cynthia prima fuit, Cynthia finis erit.

s-126

phi0620.phi001.perseus-lat1.tb.xml@212

at non ipse tuas imitabor, perfide, voces:

s-127

phi0620.phi001.perseus-lat1.tb.xml@213

fallere te numquam, Galle, puella velit.

s-128

phi0620.phi001.perseus-lat1.tb.xml@214

dum tibi deceptis augetur fama puellis, certus et in nullo quaeris amore moram, perditus in quadam tardis pallescere curis incipis, et primo lapsus abire gradu.

s-129

phi0620.phi001.perseus-lat1.tb.xml@215

haec erit illarum contempti poena doloris:

s-130

phi0620.phi001.perseus-lat1.tb.xml@216

multarum miseras exiget una vices.

s-131

phi0620.phi001.perseus-lat1.tb.xml@217

haec tibi vulgaris istos compescet amores, nec nova quaerendo semper amicus eris.

s-132

phi0620.phi001.perseus-lat1.tb.xml@218

haec ego non rumore malo, non augure doctus;

s-133

phi0620.phi001.perseus-lat1.tb.xml@219

vidi ego:

s-134

phi0620.phi001.perseus-lat1.tb.xml@220

me quaeso teste negare potes?

s-135

phi0620.phi001.perseus-lat1.tb.xml@221

vidi ego te toto vinctum languescere collo et flere iniectis, Galle, diu manibus, et cupere optatis animam deponere labris, et quae deinde meus celat, amice, pudor.

s-136

phi0620.phi001.perseus-lat1.tb.xml@222

non ego complexus potui diducere vestros:

s-137

phi0620.phi001.perseus-lat1.tb.xml@223

tantus erat demens inter utrosque furor.

s-138

phi0620.phi001.perseus-lat1.tb.xml@224

non sic Haemonio Salmonida mixtus Enipeo Taenarius facili pressit amore deus, nec sic caelestem flagrans amor Herculis Heben sensit in Oetaeis gaudia prima iugis.

s-139

phi0620.phi001.perseus-lat1.tb.xml@225

una dies omnis potuit praecurrere amantis.

s-140

phi0620.phi001.perseus-lat1.tb.xml@227

te tuus ardor aget.

s-141

phi0620.phi001.perseus-lat1.tb.xml@229

illa sit Inachiis et blandior heroinis, illa suis verbis cogat amare Iovem.

s-142

phi0620.phi001.perseus-lat1.tb.xml@231

non alio limine dignus eras.

s-143

phi0620.phi001.perseus-lat1.tb.xml@232

quae tibi sit felix, quoniam novus incidit error;

s-144

phi0620.phi001.perseus-lat1.tb.xml@234

Tu licet abiectus Tiberina molliter unda Lesbia Mentoreo vina bibas opere, et modo tam celeres mireris currere lintres et modo tam tardas funibus ire ratis;

s-145

phi0620.phi001.perseus-lat1.tb.xml@236

non tamen ista meo valeant contendere amori:

s-146

phi0620.phi001.perseus-lat1.tb.xml@237

nescit Amor magnis cedere divitiis.

s-147

phi0620.phi001.perseus-lat1.tb.xml@239

tum mihi cessuros spondent mea gaudia reges:

s-148

phi0620.phi001.perseus-lat1.tb.xml@240

quae maneant, dum me fata perire volent!

s-149

phi0620.phi001.perseus-lat1.tb.xml@241

nam quis divitiis adverso gaudet Amore?

s-150

phi0620.phi001.perseus-lat1.tb.xml@244

illa neque Arabium metuit transcendere limen nec timet ostrino, Tulle, subire toro, et miserum toto iuvenem versare cubili:

s-151

phi0620.phi001.perseus-lat1.tb.xml@245

quid relevant variis serica textilibus?

s-152

phi0620.phi001.perseus-lat1.tb.xml@246

quae mihi dum placata aderit, non ulla verebor regna vel Alcinoi munera despicere.

s-153

phi0620.phi001.perseus-lat1.tb.xml@247

Saepe ego multa tuae levitatis dura timebam, hac tamen excepta, Cynthia, perfidia.

s-154

phi0620.phi001.perseus-lat1.tb.xml@248

aspice me quanto rapiat fortuna periclo!

s-155

phi0620.phi001.perseus-lat1.tb.xml@249

tu tamen in nostro lenta timore venis;

s-156

phi0620.phi001.perseus-lat1.tb.xml@250

et potes hesternos manibus componere crinis et longa faciem quaerere desidia, nec minus Eois pectus variare lapillis, ut formosa novo quae parat ire viro.

s-157

phi0620.phi001.perseus-lat1.tb.xml@251

at non sic Ithaci digressu mota Calypso desertis olim fleverat aequoribus:

s-158

phi0620.phi001.perseus-lat1.tb.xml@253

Hypsipyle nullos post illos sensit amores, ut semel Haemonio tabuit hospitio.

s-159

phi0620.phi001.perseus-lat1.tb.xml@256

quarum nulla tuos potuit convertere mores, tu quoque uti fieres nobilis historia.

s-160

phi0620.phi001.perseus-lat1.tb.xml@257

desine iam revocare tuis periuria verbis, Cynthia, et oblitos parce movere deos;

s-161

phi0620.phi001.perseus-lat1.tb.xml@258

audax a nimium, nostro dolitura periclo, si quid forte tibi durius inciderit!

s-162

phi0620.phi001.perseus-lat1.tb.xml@259

nulla prius vasto labentur flumina ponto, annus et inversas duxerit ante vices, quam tua sub nostro mutetur pectore cura:

s-163

phi0620.phi001.perseus-lat1.tb.xml@260

sis quodcumque voles, non aliena tamen.

s-164

phi0620.phi001.perseus-lat1.tb.xml@264

quis te cogebat multos pallere colores et fletum invitis ducere luminibus?

s-165

phi0620.phi001.perseus-lat1.tb.xml@267

cuius inaurati celebrarunt limina currus, captorum lacrimis umida supplicibus.

s-166

phi0620.phi001.perseus-lat1.tb.xml@269

nec possum infamis dominae defendere noctes, nobilis obscenis tradita carminibus;

s-167

phi0620.phi001.perseus-lat1.tb.xml@271

has inter gravibus cogor deflere querelis, supplicis a longis tristior excubiis.

s-168

phi0620.phi001.perseus-lat1.tb.xml@272

ille meos numquam patitur requiescere postis, arguta referens carmina blanditia:

s-169

phi0620.phi001.perseus-lat1.tb.xml@273

' Ianua vel domina penitus crudelior ipsa, quid mihi tam duris clausa taces foribus?

s-170

phi0620.phi001.perseus-lat1.tb.xml@274

cur numquam reserata meos admittis amores, nescia furtivas reddere mota preces?

s-171

phi0620.phi001.perseus-lat1.tb.xml@277

tu sola humanos numquam miserata dolores respondes tacitis mutua cardinibus.

s-172

phi0620.phi001.perseus-lat1.tb.xml@278

o utinam traiecta cava mea vocula rima percussas dominae vertat in auriculas!

s-173

phi0620.phi001.perseus-lat1.tb.xml@280

nunc iacet alterius felici nixa lacerto, at mea nocturno verba cadunt Zephyro.

s-174

phi0620.phi001.perseus-lat1.tb.xml@282

te non ulla meae laesit petulantia linguae, quae solet irato dicere tota loco ut me tam longa raucum patiare querela sollicitas trivio pervigilare moras?

s-175

phi0620.phi001.perseus-lat1.tb.xml@286

sic ego nunc dominae vitiis et semper amantis fletibus aeterna differor invidia.

s-176

phi0620.phi001.perseus-lat1.tb.xml@287

Et merito, quoniam potui fugisse puellam, nunc ego desertas alloquor alcyonas.

s-177

phi0620.phi001.perseus-lat1.tb.xml@289

quin etiam absenti prosunt tibi, Cynthia, venti:

s-178

phi0620.phi001.perseus-lat1.tb.xml@290

aspice, quam saevas increpat aura minas.

s-179

phi0620.phi001.perseus-lat1.tb.xml@293

tu tamen in melius saevas converte querelas:

s-180

phi0620.phi001.perseus-lat1.tb.xml@296

a pereat, quicumque ratis et vela paravit primus et invito gurgite fecit iter!

s-181

phi0620.phi001.perseus-lat1.tb.xml@299

illa meum extremo clamasset pulvere nomen, ut mihi non ullo pondere terra foret.

s-182

phi0620.phi001.perseus-lat1.tb.xml@301

si quando vestras labens Amor attigit undas, mansuetis socio parcite litoribus.

s-183

phi0620.phi001.perseus-lat1.tb.xml@302

Haec certe deserta loca et taciturna querenti, et vacuum Zephyri possidet aura nemus.

s-184

phi0620.phi001.perseus-lat1.tb.xml@303

hic licet occultos proferre impune dolores si modo sola queant saxa tenere fidem.

s-185

phi0620.phi001.perseus-lat1.tb.xml@304

unde tuos primum repetam, mea Cynthia, fastus?

s-186

phi0620.phi001.perseus-lat1.tb.xml@305

quod mihi das flendi, Cynthia, principium?

s-187

phi0620.phi001.perseus-lat1.tb.xml@306

qui modo felices inter numerabar amantis nunc in amore tuo cogor habere notam.

s-188

phi0620.phi001.perseus-lat1.tb.xml@307

quid tantum merui?

s-189

phi0620.phi001.perseus-lat1.tb.xml@308

quae te mihi carmina mutant?

s-190

phi0620.phi001.perseus-lat1.tb.xml@310

sic mihi te referas, levis, ut non altera nostro limine formosos intulit ulla pedes.

s-191

phi0620.phi001.perseus-lat1.tb.xml@311

quamvis multa tibi dolor hic meus aspera debet, non ita saeva tamen venerit ira mea, ut tibi sim merito semper furor, et tua flendo lumina deiectis turpia sint lacrimis.

s-192

phi0620.phi001.perseus-lat1.tb.xml@314

a quotiens teneras resonant mea verba sub umbras, scribitur et vestris Cynthia corticibus!

s-193

phi0620.phi001.perseus-lat1.tb.xml@317

omnia consuevi timidus perferre superbae iussa neque arguto facta dolore queri.

s-194

phi0620.phi001.perseus-lat1.tb.xml@318

pro quo divini fontes et frigida rupes et datur inculto tramite dura quies;

s-195

phi0620.phi001.perseus-lat1.tb.xml@319

et quodcumque meae possunt narrare querelae, cogor ad argutas dicere solus avis.

s-196

phi0620.phi001.perseus-lat1.tb.xml@321

Non ego nunc tristis vereor, mea Cynthia, Manis, nec moror extremo debita fata rogo;

s-197

phi0620.phi001.perseus-lat1.tb.xml@323

non adeo leviter nostris puer haesit ocellis, ut meus oblito pulvis amore vacet.

s-198

phi0620.phi001.perseus-lat1.tb.xml@324

illic Phylacides iucundae coniugis heros non potuit caecis immemor esse locis, sed cupidus falsis attingere gaudia palmis Thessalus antiquam venerat umbra domum.

s-199

phi0620.phi001.perseus-lat1.tb.xml@325

illic quidquid ero, semper tua dicar imago:

s-200

phi0620.phi001.perseus-lat1.tb.xml@326

traicit et fati litora magnus amor.