Universal Dependencies - Karelian - KKPP

s-101

vepkar-1663.32

Näin myö iče loima Kalevala-eepossan uuvven juonen.

s-102

vepkar-1663.33

Irina Rinkevičin šanojen mukah, peli aina loppuu eri tavalla ta aina on mukava tiijuštua uuvven juonen.

s-103

vepkar-1663.34

Kalevala open -projektin tarkotukšena on kiinnoššuttua ihmisie karjalan kieleh ta kulttuurih, a šeikkailupeli yrittäy kiinnoššuttua ”Kalevalan” tekstih.

s-104

vepkar-1663.35

Miušta še on paraš keino kiinnoššuttua nuorie ihmisie ta lapšie Kalevala-eepossah.

s-105

vepkar-1663.36

Vet nyt on äijän erimoisie šeikkailupelijä, Petroskoissaki niitä on monta.

s-106

vepkar-1663.37

Šeikkailupelit ollah oikein šuosittuja lapšien ta nuorien kešen.

s-107

vepkar-1663.38

Tämän pelin jälkeh lapšilla ilmeštyy halu lukie ”Kalevalan” ta tiijuštua enemmäh hahmošta, kenen roolissa hyö pelattih tätä šeikkailupelie.

s-108

vepkar-1663.39

Šeuruava peli järješšetäh 19. kevätkuuta Kalevalašša.

s-109

vepkar-1663.40

Šen avulla muajilmah tuaš šyntyy ”Kalevalan” uuši istorija.

s-110

vepkar-1753.1

“Meijän šuvun lauluja…”.

s-111

vepkar-1753.2

Kiestinkin kulttuuritalošša 24. kevätkuuta Kiestinkin karjalaisien kulttuurišeura järješti kirjallisuš- ta musiikkiohjelman nimeltäh “Meijän šuvun lauluja”.

s-112

vepkar-1753.3

Ohjelman aikana esitettih katkelmie Kalevalaeepossašta ta laulettih karjalaisie ta venäläisie lauluja.

s-113

vepkar-1753.4

Pitoh yhyttih Kiestinkin koulun opaštujat, kumpaset opaššutah karjalan kieltä Tatjana Koval’ovan joholla.

s-114

vepkar-1753.5

Lapšet valmissettih runoja Kalevala-eepossašta.

s-115

vepkar-1753.6

Äijän hyvyä mieltä toi L’udmila Sem’onovan soloesityš.

s-116

vepkar-1753.7

Hiän esitti Kokko lenti -hiälaulun.

s-117

vepkar-1753.8

Pruasniekan lopušša ilmotettih Kalevala lapšien šilmin -luomiskilpailun tulokšet.

s-118

vepkar-1753.9

Lapšien luomistöijen näyttely oli järješšetty Kiestinkin kyläkirjaštošša, šiinä oli Kalevala-teemalla omissettuja piiruššukšie ta applikatijo-tehnikašša luajittuja töitä.

s-119

vepkar-1753.10

Kirjašton lukijat käytih kaččomašša näyttelyö ta kirjutettih omie mielipitoja lapšien luomistöistä.

s-120

vepkar-1753.11

Näijen mielipitojen pohjalla šiitä valittihki kilpailun voittajat.

s-121

vepkar-1753.12

Piiruššuškilpailušša parahakši tuli Jekaterina Vlasova (2. luokka), toisen šijan šai Matvei Nikiforov (2. luokka) ta kolmannella šijalla piäsi Kira Jelagina (1. luokka).

s-122

vepkar-1753.13

Luomistöijen kešen voittajakši tuli Jegor Lobačov (2. luokka), toisella šijalla piäsi Danil Terentjev (2. luokka) ta kolmannella – Maksim Glazkov (4. luokka).

s-123

vepkar-1753.14

Kaikki voittajat šuatih kunnivokirjat ta makiet lahjat.

s-124

vepkar-1753.15

Piiruššuškilpailuh ošallissuttih šamoin päiväkojin Päivänkakkararyhmän kašvatit.

s-125

vepkar-1753.16

Kalevalan päivällä omissetut pivot ollah perintehellisie Kiestinkin karjalaisien šeurašša.

s-126

vepkar-1753.17

Myö aina staraičemma, jotta lapšet yhyttäis näih pitoloih, jotta hyö tiijettäis oman šeuvun istorijua ta meilä olis kellä šiirtyä ”meijän šuvun lauluja”.

s-127

vepkar-1753.18

Passipot lapšilla, kumpaset šuurella kiinnoššukšella ošallissuttih tähä tapahtumah.

s-128

vepkar-1753.19

Šamoin kiitämmä Galina Šeinua ta L’udmila Vlasovua lapšien luomistyönäyttelyn valmistamisešta.

s-129

vepkar-1740.1

“Muan tunti” on luonnon puolešta.

s-130

vepkar-1740.2

”Muan tunti” on jokavuotini kanšainvälini aktijo, kumpaista järještäy Muajilman luonnonšiätijö ili WWF.

s-131

vepkar-1740.3

Šitä vietetäh kevätkuun viimesenä šuovattana.

s-132

vepkar-1740.4

Aktijon aikana pitäy tunniksi šammuttua valot ta muut šähkölaittehet.

s-133

vepkar-1740.5

WWF on yksi šuurimmista kanšainvälisistä järještöistä, kumpani šuojelou luontuo.

s-134

vepkar-1740.6

Šiätijöh kuuluu noin viisi miljonie ošallistujua ta še toimiu yli šuašša muašša.

s-135

vepkar-1740.7

Venäjällä niise WWF:n ošallistujie lisäytyy joka vuosi.

s-136

vepkar-1740.8

WWF:n tehtävänä on planetan luonnollisen ympäristön šäilyttämini, ihmisen ta luonnon šointu šekä Muan biologisen monipuolisuon šäilyttämini.

s-137

vepkar-1740.9

Muan tunti -aktijon tarkotukšena ei ole šähkön šiäštö, kun ihmisien huomijon kiinittämini muajilman luonnon proplemoih, kumpasista šuurena proplemana on meijän planetan ilmašton muuttumini šekä näyttyä, jotta ihmisien pitäy yhistäytyö tätä proplemua vaštah ta jotta še on mahollista.

s-138

vepkar-1740.10

WWF järješti enšimmäisen 'Muan tunnin' vuotena 2007 Australijašša.

s-139

vepkar-1740.11

Aktijo vietettih šujuvašti – šiih ošallistu yli kakši miljonie henkie.

s-140

vepkar-1740.12

Ta šeuruavana vuotena aktijoh yhty jo muajilman 35 muata.

s-141

vepkar-1740.13

Venäjällä Muan tunti -aktijo virallisešti tuli vuotena 2009.

s-142

vepkar-1740.14

Ta vuotena 2013 šiih ošallistu jo Venäjän yli 70 kaupunkie.

s-143

vepkar-1740.15

Aktijon aikana äšen muajilman kuulusimmissa nähtävykšissä šammutetah kaikki valot, esimerkiksi, Colosseus Roomašša, Empire State Building Yhyšvalloissa, Eiffelin torni Pariisissa, Ateenan Akropolis, Sidnein oopperatalo ta monet muut nähtävykšet šeisotah valotta.

s-144

vepkar-1740.16

Moskovašša šammutettih valot Moskova-Sitikeškukšešša, Uuvvella Arbatilla, Ostankinin TV-tornilla, Hristossa Pelaštajan kiriköššä, Moskovan valtijonyliopiston piärakennukšešša, Bol’šoi-teatterissa ta toisissa paikoissa.

s-145

vepkar-1740.17

Piiterissä šammutettih valot šilloilla, Petrun ta Puavalin linnašša, Palaččirantakavulla, Talvipalaččiloissa, Eremitaašissa.

s-146

vepkar-1740.18

Muan tunti 2017 -aktijon piäaihiena oli ihmisen vaštuullini šuhtautumini luontoh ta piälaušehena “Muuta iččie eikä planettua”.

s-147

vepkar-1740.19

Tänä vuotena aktijo piettih 25. kevätkuuta klo 20.30–21.30.

s-148

vepkar-1740.20

Še oli kymmeneš aktijo, kumpaista vietettih kanšainvälisellä tašolla ta tällä kertua še tuli šuurimmakši istorijašša.

s-149

vepkar-1740.21

Aktijoh liitty muajilman 184 muata ta še on kuutta kertua enemmän, mitä viime vuotena.

s-150

vepkar-1740.22

Venäjällä Muan tunti -aktijoh yhty 150 kaupunkie ta še on puolitoista kertua enemmän, mitä viime vuotena.

s-151

vepkar-1740.23

Yhteheš täh aktijoh ošallistu kakši miljardie henkie ympäri muajilmua, yli 175 muata, noin 7000 kaupunkie.

s-152

vepkar-1740.24

Še on vapuaehtoni aktijo – ihmiset iče piätetäh, mimmoset šähkölaittehet hyö šammutetah, a kaupunkien vallat kannatetah aktijuo ta šammutetah kaupunkien eri paikkojen valot.

s-153

vepkar-1740.25

Kaupunkiloissa vietetäh erilaisie flashmobija “Muan tunnin” kunnivokši.

s-154

vepkar-1740.26

Enšimmäisinä, ket otettih vaštah Muan tunti -aktijo, oltih Samoa-šuaren eläjät ta lopetettih aktijo Cookinšuarien eläjät.

s-155

vepkar-1740.27

Muan tunti -aktijolla on virallini saitti 60.wwf.ru/, mistä voit tarkemmin lukie šiitä.

s-156

vepkar-1740.28

Venäjällä enšimmäisinä oltih PetropavlovskKamčatski -kaupunkin eläjät ta viimesinä – Kaliningradin eläjät.

s-157

vepkar-1740.29

Jokahini ehokaš voit ošallistuo Muan tunti -aktijoh.

s-158

vepkar-1740.30

Kaikki tarvittavat tiijot voit löytyä virallisilla nettišivuilla, pitäy vain täyttyä šielä pieni anomuš, jotta šiun iäni ois lašettu.

s-159

vepkar-1740.31

Lisäkši saitilta löyvät kartan, mih pitäy merkitä iččieh ta oman paikkakunnan, jotta vois kaččuo ta kuvitella šen avulla, kuin äijän ihmisie ošallistuu aktijoh.

s-160

vepkar-1740.32

Petroskoissaki on äijän šemmosie ihmisie.

s-161

vepkar-1740.33

Tietyšti, ei kaikin merkitä iččie karttah, ta voipi šanuo, jotta ošallistujie on vielä enämpi, mitä myö niämmä kartašta.

s-162

vepkar-1652.1

Anna Mugačeva: “Meijän pitäy enemmän paissa keškenäh”.

s-163

vepkar-1652.2

Anna Mugačeva on tuttu persona Petroskoin kanšalaisjärještöjen kešen.

s-164

vepkar-1652.3

Mie nävin Annua monešša tapahtumašša ta kuulin kerran hänen šuušta šemmosen ajatukšen:

s-165

vepkar-1652.4

“Muuvvalla muajilmašša myö kaikin olemma karjalaiset.

s-166

vepkar-1652.5

Konša meiltä kyšytäh mistä šie olet, niin kaikin šanotah: “Karjalašta!”

s-167

vepkar-1652.6

Karjalan tatarit, Karjalan liettualaiset, puolalaiset tahi čikanat ollah Karjalan muan lapšet, karjalaiset”.

s-168

vepkar-1652.7

Nämä šanat painuttih miun mieleh ta šen jälkeh miula himotti paissa tarkkah Annan kera hänen ruavošta ta elämän näkömykšistä.

s-169

vepkar-1652.8

Anna, šie olet Art-teltta (ven. ”Art-šat’or”) -kanšalaisjärještön johtaja.

s-170

vepkar-1652.9

Mitä ruatuo työ ruatta?.

s-171

vepkar-1652.10

– Järještön tarkotukšena on kannattua Karjalan rahvahien kulttuuri- ta henkellisen perinnön elävyttämistä ta kehittämistä, ta heijän kanšallisen omaperäisyön šäilyttämistä šekä auttua nuorien ta lapšien liittymistä Karjalan rahvahien henkelliseh kulttuurih, urheiluh ta taiteheh.

s-172

vepkar-1652.11

”Art-teltta” ruatau enämmän Petroskoin alovehella.

s-173

vepkar-1652.12

Tiälä piemmä järještön šuurimpie tapahtumie: Kaupunki, kumpasešta huaveilen -lapšienpruasiekkua, Petrin ta Fevronijan päivyä, Hiekkaveššokšien festivalie.

s-174

vepkar-1652.13

Kačoin ”Art-teltan” internettišivuo ta huomasin, jotta järještön kaikki tapahtumat ta projektit on šuunnattu perehellä ta perehen lujentamisella.

s-175

vepkar-1652.14

– Pereh ”perehenä” šuau puoleheš vähän valtijon huomijuo.

s-176

vepkar-1652.15

Valtijo auttau lapšie, invalidija, yksinäisie muamoja.

s-177

vepkar-1652.16

On šamoin olomašša erilaisie naistai eläkkeläisliittoja.

s-178

vepkar-1652.17

Miehet liitytäh kalaštajien ta mečäštäjien liittoloih.

s-179

vepkar-1652.18

On olomašša šuurie ohjelmie, mit kannatetah näitä ihmisjoukkoja.

s-180

vepkar-1652.19

Ka šemmosie valtijollisie ohjelmie tahi projektija, mit kannatettais perehie kaikkine jäšenineh, on näpin verran.

s-181

vepkar-1652.20

”Art-teltan” Kaupunki, kumpasešta huaveilen -lapšienpruasiekkua piemmä tänä vuotena 28. oraškuuta.

s-182

vepkar-1652.21

Myö kučumma šinne juštih perehie – lapšie vanhempineh, ämmöineh ta ukkoineh.

s-183

vepkar-1652.22

Ilman perehtä ei ole mitänä kulttuurie eikä kieltä, eikä tapoja eikä tulovaisutta.

s-184

vepkar-1652.23

Kaikki meijän partn’orit (Karjalan eri rahvahien kanšalaisjärještöt) valmissetah šemmosie ohjelmie, mih voijah liittyö lapšet tai aikuhiset.

s-185

vepkar-1652.24

Arkielämäššä myö vietämmä vähän aikua omien lapšien kera.

s-186

vepkar-1652.25

Miun mieleštä on ylen tärkie pruasniekan aikana antua perehillä olla yheššä ta yhistyä perehen jäšenet šamalla ruavolla, olisko še karjalaisen lipun valmistamini, šul’ččinojen ajelomini tahi kyykän peluamini.

s-187

vepkar-1652.26

Šie olet šyntyn Petroskoissa, toteutat omie projektija Petroskoin alovehella.

s-188

vepkar-1652.27

Oletko šie käynyn Karjalan kylissä ta mitä Karjalan kantarahvahien kulttuuri šiula merkiččöy?.

s-189

vepkar-1652.28

– Milma ei miellytä, konša Petroskoin pruasniekkoih kučutah laulajie Karjalan ulkopuolelta – Moskovašta, Piiteristä ta äšen ulkomailta.

s-190

vepkar-1652.29

Ihmiset ikävöijäh omie artistoja ta pruasniekkojen epävirallista tunnelmua.

s-191

vepkar-1652.30

Karjalan piirilöissä on nerokkahie ihmisie ta mahtavie ryhmie, kumpaset voijah näyttyä kantarahvahien kulttuurie ta kieltä monipuolisešti ta kirkkahašti, ta esittyä ei keinotekoista spektaklie, vain tovellista elämyä, mitä kylissä on.

s-192

vepkar-1652.31

Miun mieleštä, lava aina erottau kaččojie artistoista.

s-193

vepkar-1652.32

Nykyihmiset eletäh ikäh kuin vakumissa, monet ei tunneta omie nuapurija, käyväh töissä ta kaupoissa eikä huomata toini toista.

s-194

vepkar-1652.33

Pruasniekat, missä artistat esitetäh lavalla, erotetah ihmisie vielä enämmän.

s-195

vepkar-1652.34

Mie järješšän šemmosie pruasniekkoja, missä ihmiset voijah ottua toini toisen kiäštä, kaččuo šilmih, muhie toini toisella ta paissa keškenäh.

s-196

vepkar-1652.35

Ihmini ymmärtäy, jotta hänen rinnalla on šamanmoisie ihmisie.

s-197

vepkar-1652.36

Kanšankulttuurin pruasniekoissa kanšan šielu, juuret ta istorija tullah näkyvih.

s-198

vepkar-1652.37

Karjalan kylissä on totista ta alkuperaistä voimua, mi voit innoššuttua kaupunkilaisie.

s-199

vepkar-1652.38

Mie tahon, jotta petroskoilaiset tiijettäis paremmin omua kotimuata.

s-200

vepkar-1652.39

Omalla ruavolla tahon herättyä ihmisissä haluo tuntie kotimuata paremmin ta käyvä šitä kaččomašša.