orv-rnc-test-doc8

Universal Dependencies - Old East Slavic - RNC

LanguageOld East Slavic
ProjectRNC
Corpus Parttest
Javascript seems to be turned off, or there was a communication error. Turn on Javascript for more display options.
index • sentence 7 - 17 < sentence 18 - 28 > sentence 29 - 39
А се, княже, волости новгородьскыи: Волокъ съ всѣми волостьми, Тържькъ, Бѣжицѣ, Палиць Городьць, Мелеча, Шипино, Егна, Заволочие, Терѣ, Пермь, Печера, Югра, Вологда. А свинии ти бити за 60 вьрстъ от города. А в Ладогу ти, княже, слати осетрьника и медовара по грамотѣ дѣда твоего Ярослава. А ездити тобѣ, княже, в Ладогу на 3-е лѣто. А из Бѣжиць, княже, людьи не выводити въ свою волость, ни зъ иныхъ волостьи новгородьскыихъ, ни грамотъ имъ давати, ни закладневъ приимати ни княгыни твоеи, ни бояромъ твоимъ, ни слугамъ твоимъ: ни смьрда, ни купчины. А грамотъ ти не посужати. А пожнѣ, что твои и твоихъ мужь пошло, то твое и твоихъ мужь; а новгородьское Новугороду. А дворяномъ твоимъ, како пошло, погонъ имати: от князя по 5 кунъ, а от тиуна по двѣ дългѣи. А что, княже, мытъ по Суждальскои земли и въ твоеи волости: от воза имати по двѣ вѣкшѣ, и от лодии, и от хмелна короба, и от лняня. А дворяномъ твоимъ у купьць повозовъ не имати, развѣ ратнои вѣсти. А свободъ ти и мытовъ на Новгородьскои волости не ставити.

Download XML • Download text • Sentence view • Dependency trees