| s-1
| Ha'e ore roju ramo'i ronguare ngo ko'ape , ka'aguy heta . |
| s-2
| Ha ore te roju . |
| s-3
| Ha'e'i ichyrã ou , ha'e neĩ rã teri oiko . |
| s-4
| Pero ore ropyta . |
| s-5
| Romba'apo , roñoty avachi , manduvi , guembe , guembe , umia , opa voi kuri . |
| s-6
| Ha'e , opa rupi ka'aguy . |
| s-7
| Ha'e pero roju ore ko'ape heta roiko . |
| s-8
| Romba'apo . |
| s-9
| Ha oreka'aguy oñemomichĩmba , oñemokyri'ĩmba . |
| s-10
| Oñemokyri'ĩmba oreka'aguy roñevanga , kyringue oñevanga aguã rei jepe ndaipovei ma . |
| s-11
| Pero upeve re ore roñea'ã , opyta aguã orevy ko'ape ka'aguy , orevy opyta aguã . |
| s-12
| Upe rire ma kova'e mitã'i , cheremiarirõ'i oiko , ojau . |
| s-13
| Upei roiko upeicha . |
| s-14
| Kyrĩngue'i romongakuaa peicha , romba'apo , roñemĩty roñoty avachi hũ'i peicha romongaru . |
| s-15
| Upei opa ete marã ka'aguy katu rojeheka ju opaicha ju roiko . |
| s-16
| Romoĩ mitã oñembo'e aguã jurua rami . |
| s-17
| Upearã che chehistoria , historia , che amombe'u mba'e pa che ajapo ra'e , mba'e tembiapo pa ajapo . |
| s-18
| Upei roju , kyrĩngue'i cheremiarirõ tuichapa'i ma ramo . |
| s-19
| Ndoroikuaavei ma mamo pa roo ta , ka'aguy gui rogueru ro'u va'erã . |
| s-20
| Ni ndaipovei ma tatu , ndaipovei ma kochi , ndaipovei ma guachu . |
| s-21
| Upei roñea'ã ju romba'apo mi jevy roñoty peicha , ka'aguy opa ma ramo . |
| s-22
| Roñoty ro'u va'erã . |
| s-23
| Peicha roiko , upei jave py , upe ronguare ou kuri peteĩ jurua kuery , jurua kuery ou peteĩ ara py ovaẽ kuri ko'ape . |
| s-24
| Upea ou kuri ore ka'aguy , ore ka'aguyrã'i kirami'i ome'ẽ aguã , kirami'i ome'ẽ aguã ore roma'etỹ'i aguã , oremba'e'i , ha'e py . |
| s-25
| Upeicha roiko , ha'e ymave ramo , chee chekyri'ĩ ronguare upecha e'ỹ va'ekue ri . |
| s-26
| Heta oĩ ka'aguy mi . |
| s-27
| Ka'aguy heta oĩ upepe ro'u va'erã , heta oĩ va'ekue , tembi'u mi , cho'o . |
| s-28
| Upe ronguare ni vaka ro'o ore ndoro'ui teri . |
| s-29
| Ha upei ko'agã katu opa oregui upea . |
| s-30
| Ko'apy roju rire ma , ou kuri cheñora , Patricia Madre Tierra oje'ea . |
| s-31
| Upea kuri ou orepytyvõ'i . |
| s-32
| Upecha vy teĩ ko ore roñea'ã apy , romba'apo pecha . |
| s-33
| Ha'e chee ave amba'apo upecha , pende reve ko'agã ndee reju upearã ju . |
| s-34
| Ha'e cheremiarirõ'i kuery oja ramo'i va'e pe guarã . |
| s-35
| Tembiapo'i jajapo , ñamba'apo'i . |
| s-36
| Upea arovy'a . |
| s-37
| Cheru Tupã rembiecha py , pecha aiko . |
| s-38
| Chee aa opy rupi , opy areko avi . |
| s-39
| Mba'echa vy nda'u cheremiarirõ'i kuery ñevanga reko mi amoñemonã eravy-ravy'i ri nda'u . |
| s-40
| Ha'e a rupi chee aiko opy rupi . |
| s-41
| Ha'e rami ma vy ndee reju ko'agã . |
| s-42
| Jajapo tembiapo mi , agã guarã , agã , chee ha'a mi ma rire jepe cheremiarirõ'i kuery oja ramo ramo'i va'e pe guarã . |
| s-43
| Oreayvu ete'i ore roñembo'e mi , roporaei , ore ñembo'ete'i oikuaa aguã , oreayvu ete'i , orerembi'u ete'i ho'u aguã , ho'u kuaa'i ju aguã . |
| s-44
| Gueno pea peve rãe'i cheayvu . |
| s-45
| Ore ore kuery ko peicha ñemongeta rojapo ramo , ndoro'ui yy . |
| s-46
| Ha'e orojapo tembiapo ramo yy ndoro'ui . |
| s-47
| Porque ko'ava ndaa'ei tembiapo rei . |
| s-48
| Ha'e tembiapo porãina pea . |
| s-49
| Ha'e chee peicha vy mavoi py ichupe kuera añemoñe'ẽ . |
| s-50
| Opy rupi aguapy mi rire aju pyareve ramo akay'u a'i py añemoñe'ẽ remiarirõ'i kuery pe opy rupi chemoirũ va'ekue pe . |
| s-51
| Ha'e che upecha vy ka'ay ha'u jave , cheayvu katu ichupe kuera . |
| s-52
| Amombe'u mba'eicha pa oiko arã , mba'e pa ndojapoi arã , mba'e pa ndo'ui arã , mba'e pa ho'u arã . |
| s-53
| Porque ore upecha orechy , orejaryi orereroayvu va'ekue . |
| s-54
| Upecha guare vy chee pecha cheremiarirõ'i kuery pe areko . |
| s-55
| Aipota gui omoinge iñakã me tembiapo porã , ikatu aguãicha omombyta ikorachõ me pensamiento porã , ha'e opyta aguã ichupe kuera iñakã me mba'e pa ha'e ichupe kuera , oguerokakuaa aguã , okakuaa porã aguã , hechaĩ aguã , oñevanga porã aguã , oñevanga ijyvate peve-peve ogueroñevanga aguã , pe guete rekoachy mi . |
| s-56
| Ha'e rami ma vy che chememby kue'iry pe kyri'ĩ reve aroayvu . |
| s-57
| Kyri'ĩ reve aroayvu mba'eicha pa oiko arã , mba'e pa ojapo arã . |
| s-58
| ' Aromeno ko'agã ka'aguy opa ma ', ha'e'i ichupe kuery . |
| s-59
| Ha'e javive cheremiarirõ'i pe aroñe'ẽ ñande ñama'ety'i arã , ñañoty'i arã avachi hũ'i , opa ma ramo ka'aguy rupi , ka'aguy opa ma ramo . |
| s-60
| Ñañoty'i arã guembe , ha'e . |
| s-61
| Ha'e rami vy chee pecha areko , ore orekyri'ĩ my , orechy , orejaryi pecha orereko va'ekue . |
| s-62
| Aroñoty'i ma vy avachi'i opy rupi guarã , ha'e guembe ijaju'i ma , hi'aju ma , ijavovo'i ma okuapy ma ramo , opy rupi guarã avi , cheremiarirõ'i kuery pe aru . |
| s-63
| Upea ko ñandejara Tupã oeja yvy py , yvy rekoachy py , yvyra re oeja omoiny , ja'u va'erã . |
| s-64
| Tupã ojapo va'ekue upea , avachi ha'e avi . |
| s-65
| Ha'e rami ma vy chee ha'e ichupe kuera , ichyrã kuery pe , mba'eicha pa oiko arã , mba'e pa rojapo arã . |
| s-66
| Aroike mi opy rupi pono pe chereko omokañy . |
| s-67
| ' Mbegueve-gueve rupi ' he'i va'ekue cheru ' jaje'apa 'rã '. |
| s-68
| Aỹ ko ndapechai poteri mba'eve , ndapechai teri , jurua ramingua . |
| s-69
| Jurua kuery , ko'agã jurua ete , jurua ete jaecha pokã-pokã , ijayvua Guarani me jaecha . |
| s-70
| ' Upea agã jaikuaapa arã jurua ayvu reko agã ', he'i va'ekue cheru . |
| s-71
| ' Ha upei agã te tiempo jave a ramive , mondo ipukuve ovy-ovy a ramive , jaecha arã iguarani e'ỹ rei'i va'e ', he'i va'ekue cheru . |
| s-72
| Ha'e va'e re ' nememby kue'iry , neremiarirõ'i kuery pe eekombo'e porã'i ke erekovy ' he'i ague rami , aỹ cheremiarirõ'i chemoirũ oiny . |
| s-73
| Chee cheru he'i va'ekue ajapo , chetuva rekoachy yvy py . |
| s-74
| Cheapoare chetuva upecha chereroñe'ẽ va'ekue . |
| s-75
| Ha'e vy teĩ ko ore ñemongeta mi rojapo ramo , ore romombe'u mba'eicha pa oñevanga mi arã , mba'e ñevanga reko py pa oiko arã . |
| s-76
| Mokoĩ ñevanga reko ma aỹ jareko ha'e jepi ichupe kuera ajeve rã mokoĩ teko , jaraa porã arã peteĩ jokota re porã peteĩcha jaraa porã arã , ñandereko , ñanerembiapo , ha'e . |
| s-77
| Pecha jurua kuery rami oñembo'e ta va'e re aipoa'e , porque chee cheguaimĩ'i ha'ora aa arã pende gui , ha'e aa rire cherakykue py , chee cherembiapokue mi pono pemokañy . |
| s-78
| Jurua rami tembiapo reko pereko vy jepe , opy rupi ani penderecharãi , ha'e jepi pendevy . |
| s-79
| Ko'agã ndevy pe ha'e ainy chepi'a'i , ereikuaa aguã , erendu aguã . |
| s-80
| Mava'e nda'u cheremiarirõ'i cherembiapo oguereko mi erekovy ? |
| s-81
| Kuña va'e , kuña'i va'e , ha'e ava'i va'e ave nda'u ? |
| s-82
| Mava'e oikuaa pota ? |
| s-83
| Ha'e a rupi chee aiko . |
| s-84
| Upea peve rãe'i , cheayvu . |
| s-85
| Chee ko , mbyky'i ete'i cheayvu ju ta . |
| s-86
| Ha'e , ore ko roguapy rojapo ñemongeta . |
| s-87
| Ñanderu Tupã oecha . |
| s-88
| Ha'e kyrĩgue'i apy oiko va'e pavẽ'i me , ñaneñe'ẽ rekoachy mi pecha amoñendu va , aipota ha'e pavẽ oendu . |
| s-89
| ' Añete he'i po ra'e chejaryi .' |
| s-90
| ' Ñande , ñanderayvu ra'e , añete'i po ra'e ñande , ñandevy pe oña'ã oikovy , chejaryi .' |
| s-91
| He'i aguã rami aipota omoñendu imoiny , oendu aguã , oikuaa aguã , ñanerembiapo , ñande mokoĩ'i pecha jajoguereko , ikatu arã ha'e kuery ojopy avi ñanerembiapo mi oiko ja'e ague'i rami , ojapo ñande ñandepy'a ñeñandu pe jareko va . |
| s-92
| Mba'echa pa ñande jaiko ? |
| s-93
| Ñande ko kova'e re ñaikotevẽ . |
| s-94
| Ñanderuvicha , cacique oikotevẽ kova'e re . |
| s-95
| Ha'e pavẽ ñandejaryi kuery pendejaryi kuery oikotevẽ kova'e , kova'e tembiapo ñaroña'ã erekovy va'e re , ha'e va'e re tove arã . |
| s-96
| Ñanderu Tupã , ñanerembiapo mi tojapouka rekovy ! |
| s-97
| Jurua kuery rei'i ikuai rã jepe , jurua kuery reve'i pecha ñandeayvu rã jepe , tove tojapouka porã'i ñandevy , ñandevy pe guarã , pendevy pe guarã , kyrĩgue'i oja ramo'i va'e pe guarã . |
| s-98
| Ha'eve ma cheayvu agã remoñendu mi ta agã , cheremiarirõ'i kuery pe , chememby'i kuery pe toendu mi agã mba'e pa ha'e . |