| s-501
| مەكتەپنىڭ ھەممىلا نەرسىسى بىزنى سۆيۈندۈرىدۇ. |
| s-502
| بىزنىڭ مەكتەپكە قاراڭ: |
| s-503
| «جىرىڭ - جىرىڭ!» قوڭغۇراق چېلىندى. |
| s-504
| ئوقۇغۇچىلار سىنىپلارغا كىردى. |
| s-505
| مەكتەپ ئىچى تىمتاسلىققا چۆمدى. |
| s-506
| گويا دەرەخ يوپۇرماقلىرى شىلدىرلاشتىن، قۇشلار سايراشتىن، كېپىنەك ۋە ھەسەل ھەرىلىرى ئۇچۇشتىن توختاپ، تىمتاسلىققا ھەمدەم بولۇۋاتقاندەك قىلاتتى. |
| s-507
| تەنەپپۇستا مەكتەپ ئىچى بىردىنلا جانلىنىپ كەتتى. |
| s-508
| ساۋاقداشلارنىڭ بەزىلىرى ناخشا ئېيتىپ ئۇسسۇل ئوينىدى. |
| s-509
| بەزىلىرى ئارغامچا تاقلىسا، يەنە بەزىلىرى قوغلاشماق ئوينىدى. |
| s-510
| قىسقىسى، خىلمۇخىل ئويۇنلار تەنەپپۇس ۋاقتىنى ئاجايىپ كۆڭۈللۈك قىلىۋەتتى. |
| s-511
| يەنە تېخى يوپۇرماقلار شىلدىرلاپ، قۇشلار بەس - بەستە سايراپ، كېپىنەكلەر پىلدىرلاپ ئۇچۇپ، بۇ خوشال كەيپىياتقا جور بولدى.. |
| s-512
| مانا بۇ بىزنىڭ مەكتىپىمىز، |
| s-513
| مانا بۇ بىزنىڭ بىلىم باغچىمىز، |
| s-514
| كۆڭۈللۈك ئائىلىمىز! |
| s-515
| بىزنىڭ تۇرمۇشىمىز خۇددى رەڭگارەڭ رەسىملەرگە ئوخشايدۇ. |
| s-516
| بىز سىنىپتا دەرس ئوقۇيمىز، |
| s-517
| مەيداندا ئويۇن ئوينايمىز؛ |
| s-518
| پەن - تېخنىكا سارىيىنى ئېكسكۇرسىيە قىلىمىز، |
| s-519
| ئۆسمۈرلەر سارىيىدا ئويۇن قويىمىز؛ |
| s-520
| ئېرىق - ئۆستەڭلەردە سۇغا چۆمۈلسەك، ئورمانلىققا بېرىپ ئەۋرىشكە يىغىمىز |
| s-521
| بىز كۆڭۈللۈك تۇرمۇش ئىچىدە كۈنسايىن چوڭ بولماقتىمىز. |
| s-522
| بىز بۇ بۆلەكتىكى تېكىستلەرنى ئوقۇش ئارقىلىق، ھاياتنىڭ مول ۋە رەڭدارلىغىنى تېخىمۇ ھېس قىلالايمىز. |
| s-523
| بىر پادىشاھ ئۆزى تەختكە چىقىشتىن بۇرۇن يۈز بەرگەن بىر ئۇرۇشنىڭ ۋاقتىنى ئېنىقلىماقچى بوپتۇ. |
| s-524
| ئەمما، قايتا - قايتا ھېسابلىغان بولىسىمۇ، يەنىلا توغرا ۋاقىتنى ئېنىقلىيالماپتۇ. |
| s-525
| شۇنىڭ بىلەن، ئۇ خەلق بىلەن كېڭەش ئۆتكۈزۈپ دەپتۇ: |
| s-526
| «بىز بۇ تارىخنى ئېنىقلاشتا قانداق خاتالاشقان بولساق، كەلگۈسى ئەۋلادلىرىمىزمۇ شۇنداق خاتالىشىدۇ. |
| s-527
| شۇڭا، بىز 12 ئاي ۋە ئاسماننىڭ بۇرجىغا ئاساسلىنىپ، ھەر بىر يىلغا ئات قويايلى، |
| s-528
| بۇنىڭدىن كېيىن يىل ھېسابى شۇ يىللارنىڭ ئايلىنىشى بىلەن ھېسابلىنىدىغان بولسۇن». |
| s-529
| ئۇنىڭ دېگىنىنى خەلىقمۇ قوللاپتۇ. |
| s-530
| شۇ مۇناسىۋەت بىلەن پادىشاھ ئوۋغا چىقىپتۇ ۋە مۇھاپىزەتچىلىرىگە ھەممە ھايۋانلارنى ئىلى دەرياسىغا قاراپ قوغلاشنى بۇيرۇپتۇ. |
| s-531
| بۇ ناھايىتى چوڭ دەريا ئىكەن. |
| s-532
| مۇھاپىزەتچىلەر بۇ ھايۋانلارنى ئىلى دەرياسىغا قاراپ ھەيدەپتۇ. |
| s-533
| ھايۋانلار جان قايغۇسىدا ئۆزلىرىنى سۇغا ئېتىپتۇ. |
| s-534
| ئۇلاردىن 12 خىلى دەريادىن ئۈزۈپ ئۆتەلەپتۇ. |
| s-535
| ئەنە شۇ 12 ىىل ھايۋاننىڭ ئىسمى 12 يىلغا ئات قىلىپ قويۇلۇپتۇ. |
| s-536
| سۇدىن ئەڭ ئاۋۋال چاشقان ئۆتۈپتۇ، |
| s-537
| شۇڭا يىل بېشى «چاشقان يىلى» دەپ ئاتىلىپتۇ. |
| s-538
| ئۇنىڭدىن كېيىن ئۆتكەنلەر تۆۋەندىكى تەرتىپ بويىچە يىل ئىسمى بولۇپ قاپتۇ: |
| s-539
| توڭگۇز يىلىغا يەتكەندىن كېيىن، ھېساب يەنە چاشقان يىلىدىن قايتا باشلىنىدىكەن. |
| s-540
| كېيىن، كىشىلەر يىللارنىڭ رەت تەرتىپىنى ئنتۇپ قالماسلىق ئۈچۈن، مۇنداق قوشاق توقۇپتۇ: |
| s-541
| بۇرۇننىڭ بۇرۇنىسىدا، پاتىمە ئىسىملىك بىر قىز ئۆتكەنىكەن. |
| s-542
| ئۇ چىرايلىق بولۇپلا قالماي، يەنە بەك ئەقىللىق ئىكەن. |
| s-543
| كۈنلەرنىڭ بىرىدە، پاتىمە بەش دوستى بىلەن ئورمانغا ئوتۇن تەرگىلى بېرىپتۇ. |
| s-544
| ئۇلار ئوتۇن تېرە - تېرە كەچ كىرگەننى تۇيماپتۇ. |
| s-545
| شۇنداق قىلىپ ئۇلار قاراڭغۇدا يولدىن ئېزىپ قاپتۇ. |
| s-546
| قىزلارنى ۋەھىمە بېسىپتۇ، |
| s-547
| بىراق پاتىمە دەپتۇ. |
| s-548
| - قورقماڭلار، بىز قول تۇتۇشۇپ ماڭايلى، |
| s-549
| - ئۇلار مېڭىپتۇ، مېڭىپتۇ. |
| s-550
| بىر چاغدا يىراقتىن پىلىلدىغان يورۇق كۆرۈنۈپتۇ، |
| s-551
| يېقىنلىشىپ قارىسا، بىر يېنىۋاتقان گۈلخان ئىكەن. |
| s-552
| گۈلخاننىڭ يېنىدا بىر بەتبەشىرە موماي ئولتۇرغۇدەك. |
| s-553
| ئۇ قىزلارنى كۆرۈپ ئاغزىنى كالچايتىقىنىچە كۈلۈپ دەپتۇ. |
| s-554
| - ھا - ھا، نېمە دېگەن ياخشى! |
| s-555
| ئالتە سېمىز قىز ئۆز ئايىغى بىلەن ئالدىمغا كەپسىلەر ئەمەسمۇ! |
| s-556
| قورسىقىڭلار ئاچقاندۇ؟ |
| s-557
| بىر ئاز يىمەكلىك بېرەي، |
| s-558
| موماي ئۇلارغا ناھايىتى چىرايلىق پىشۇرۇلغان گۆشناننى ئۈلۈشتۈرۈپ بېرىپتۇ. |
| s-559
| پاتىمە بۇ دوستلىرىغا پىچىرلاپتۇ: |
| s-560
| - بۇ جادۇگەر موماي ئىكەن، |
| s-561
| گۆشناننى يېمەيلى، |
| s-562
| جادۇگەر موماي سوراپتۇ: |
| s-563
| - نېمىشقا گۆشناننى يېمەيسىلەر؟ |
| s-564
| - بىز ئازراق سۇ ئىچىۋالساق، بۇ گۆشناننى يەپ بولاتتۇق، - دەپتۇ پاتىمە، |
| s-565
| - دەريا بويىغا بېرىپ سۇ ئىچىپ كەلسەك بوپتىكەن. |
| s-566
| - بولمايدۇ! سىلەر قېچىپ كېتىسىلەر. |
| s-567
| - ئەمىسە، سۇنى سىز ئەكىلىپ بېرىڭ. |
| s-568
| بىزنى ئارغامچا بىلەن باغلاپ قويسىڭىز قېچىپ كېتەلمەيمىز ئەمەسمۇ، - دەپتۇ پاتىمە. |
| s-569
| شۇنىڭ بىلەن جادۇگەر موماي ئالتە قىزچاقنى ئالتە ئارغامچا بىلەن باغلاپ، ئالتە ئارغامچىنىڭ ئۇچىنى تۇتقىنىچە، دەريا بويىغا مېڭىپتۇ. |
| s-570
| جادۇگەر موماي يىراقلاشقاندىن كېيىن، پاتىمە ئارغامچىنى ئوت بىلەن كۆيدۈرۈپ ئۈزۈپتۇ - دە، ئۇچىنى دەرەخكە باغلاپ قويۇپتۇ. |
| s-571
| ئاندىن، دوستلىرى باغلانغان ئارغامچىلارنىمۇ يېشىپ دەرەخكە باغلاپ قويۇپتۇ ۋە ئۇلارنى باشلاپ قېچىپتۇ. |
| s-572
| جادۇگەر موماي قايتىپ كەلسە، قىزلار يوق تۇرغۇدەك. |
| s-573
| ئۇ: «خەپ، سەن شۇملارنى!» دەپتۇ - دە، ئەپسۇن ئوقۇپ، قىزلارنىڭ ئالدىغا تىمساھ بار چوڭ دەريادىن بىرنى پەيدا قىپتۇ ۋە شۇ ياققا قاراپ يۈگۈرۈپتۇ. |
| s-574
| قىزلار دەريا بويىغا كېلىپ قاپتۇ، |
| s-575
| دەريادا ناھايىتى چوڭ بىر تىمساھ ئۈزۈپ يۈرگۈدەك. |
| s-576
| پاتىمەنىڭ دوستلىرى قورققىنىدىن يىغلىشىپ كېتىپتۇ. |
| s-577
| پاتىمە دەپتۇ: |
| s-578
| - تىمساھ ئاكا، بۇ بەش قىزنى دەريادىن ئۆتكۈزۈپ قويسىڭىز، |
| s-579
| مەن سىزگە ئوزۇق بولۇشقا رازىمەن. |
| s-580
| تىمساھ ماقۇل بوپتۇ. |
| s-581
| ئۇ بەش قىزنى مىندۈرۈپ بىر - بىرلەپ دەريادىن ئۆتكۈزۈپ قويۇپ قايتىپ كېلىشىگە، جادۇگەر موماي يېتىپ كەپتۇ. |
| s-582
| جادۇگەر قارىسا، قىرغاقتا ھېچكىم يوق، |
| s-583
| دەرھال تىمساھنىڭ دۈمبىسىگە مىنىپ دەريادىن ئۆتۈپ قىزلارنى قوغلىماقچى بوپتۇ. |
| s-584
| سىزگە ئىىشك ئېچىلدى. |
| s-585
| دۇنيادا نۇرغۇن يېپىقلىق ئىشىك بار. |
| s-586
| ھەربىر ئشىكنىڭ ئىچىدە سىزگە ناتونۇش بىر دۇنيا يوشۇرۇنۇپ ياتىدۇ. |
| s-587
| بىلىم ئىزدەش، جاھان كېزىش دەل بۇ ئىشىكلەرنى ئېچىش جەريانىدۇر. |
| s-588
| بۇ ئىشىكلەرنى ئېچىپ يىڭى شەيئىلەر بىلەن ئۇچرىشىش، بىلىمنىڭ يىڭى دۇنياسىغا قەدەم قويۇش ئادەمنىڭ يۈرەك تارىنى چەكمەي قالمايدۇ، |
| s-589
| شۇنداقلا، چەكسىىز شادلىققا تولدۇردۇ. |
| s-590
| ئاشۇ ئىشىكلەرنى ئېچىپ كۆرۈش ئىستىكى يوق كىشىلەر روھىي جەھەتتىن نامرات، ئىرادىسى زەئىپ كىشىلەردۇر. |
| s-591
| تەبىئىەت بىلەن ھاياتلىق ئوتتۇرسىدىكى ئاجايىپ مەنزىرىلەر باشقىلارنى ھەيرانلىقتىن مەستخۇش قىلغاندا، بۇنداق كىشىلەر غەپلەت ئۇيقۇسىدا ئوخلاپ ياتقان بولىدۇ. |
| s-592
| ئىشىك سىرتىدا زېرىكىشتىن لاغايلاپ يۈرۈشىدۇ. |
| s-593
| دۇنيادا ئاچقىلى بولمايدىغان ئىشىك يوق. |
| s-594
| سىز ۋاقىت ۋە زېھنىڭىزنى ئايىمىسىڭىزلا، يۈرىكىڭىزدە ‹ ‹ ئىشىك › › ئىچىدىكى دۇنيانى كۆرۈش، چۈشىنىش ئىستىكى لاۋۇلداپ تۇرسىلا، بۇ ئىشىكلەر ئېچىلماي قالمايدۇ. |
| s-595
| كۆز ئالدىڭىزدا ئاجايىپ مەنزىرىلەر نامايان بولىدۇ. |
| s-596
| مۇشۇ تاقاق ئىشىكلەر ئىچىدە ناھايىتى مۇھىم بىر ئىشىك بار. |
| s-597
| ئۇنىڭ ئىسمى ئەدەبىيات. |
| s-598
| ئەدەبىيات ئىنسانىيەتنىڭ ئەڭ نازۇك ھېسسىياتلىرىنىڭ ئەڭ تەسىرلىك ۋە مول مەزمۇنلۇق ئىزھارى، ئىنسانىيەت تارىخىنىڭ ئەڭ ئوبرازلىق قايتا ئىپادىلىنىش شەكلى. |
| s-599
| بىر مىللەتنىڭ ئەدەبىياتى ماھىيەتتە دەل شۇ مىللەتنىڭ تارىخىدۇر. |
| s-600
| بىر دەۋىرنىڭ ئەڭ مۇنەۋۋەر ئەدەبىي ئەسەرلىرى شۇ دەۋىرنىڭ ئىخچام كۆرۈنۈىشى، يۈرەك ساداسىىدۇر، رەڭگارەڭ ئىجتىمائىي تۇرمۇش كارتىنىسى، شۇنداقلا دەۋر روھىنىڭ ۋە كىشىلەر ھېسسىياتىنىڭ جەۋھىرى. |