| s-201
| потомь ж҃ ст҃ославъ олговиць съвъкѹпи всю землю новгородьскѹю и брата своѥго приведе глѣбъка |
| s-202
| кѹрѧнꙑ съ половьци идоша на пльсковъ прогонитъ всѣволода |
| s-203
| и не покориша сѧ пльсковици имъ ни вꙑгнаша кн҃зѧ ѿ себе нъ бѧхѹть сѧ ѹстерегли |
| s-204
| засекли засекли осекꙑ всѣ |
| s-205
| и съдѹмавъше кн҃зь и люд҃е на пѹти въспѧтиша сѧ на дѹбровьнѣ и ѥще рекъше |
| s-206
| не проливаиме кръви съ своею братьѥю |
| s-207
| нѣгли б҃ъ ѹправить своимь промꙑсломь |
| s-208
| тъгда же прѣстави сѧ кнз҃ь всѣволодъ мьстиславиць пльсковѣ |
| s-209
| и ꙗша сѧ пльсковици по брат҃ ѥго ст҃опълка |
| s-210
| и не бе мира съ ними ни съ сѹжьдальци ни съ смольнѧнꙑ ни съ полоцѧнꙑ ни съ кꙑꙗнꙑ |
| s-211
| и стоꙗ всѣ лѣт҃ осмьнъка великаꙗ по з҃ резан҃ |
| s-212
| въ лѣт҃ ҂ѕ҃ х҃ м҃ ѕ мс҃цѧ марта въ ѳ҃ дн҃ь на м҃ ст҃хъ бꙑс҃ громъ велии ꙗко слꙑшахомъ чс҃то въ истьбѣ сѣдѧще |
| s-213
| въ тож҃ лѣт҃ вꙑгнаша кнз҃ѧ ст҃ослава сн҃а ольгова из новагорода мс҃цѧ априлѧ з҃і въ нед҃ г҃ п пас҃ сѣдевъша в҃ лѣт҃ бес трии мс҃ць |
| s-214
| томьж҃ лѣт҃ слаша сѧ по гюргѧ володимирицѧ сѹждалю |
| s-215
| а въ к҃ г тг҃о мс҃цѧ пополошиша сѧ людьѥ |
| s-216
| сългаша бо ꙗко ст҃опълкъ ѹ города съ пльсковици |
| s-217
| и вꙑсѹша сѧ всь городъ къ сильнищю |
| s-218
| и не бꙑ ничтоже |
| s-219
| а ст҃ославлюю приꙗша новѣгородѣ съ лѹчьшими мѹжи |
| s-220
| а самого ст҃ослава ꙗша на пѹти смолнѧне |
| s-221
| и стрѣжахѹть ѥго на смѧдинѣ въ манастꙑри ꙗкоже и женѹ ѥго новегородѣ ѹ ст҃оѥ варварꙑ въ манастꙑри жидѹще оправꙑ ꙗропълкѹ съ всѣволодкомь |
| s-222
| въ тож҃ лѣт҃ въниде кнѧзь ꙗрославъ сн҃ъ гюргевъ вънѹкъ володимирь и сѹждѧлѧ новꙋгородѹ на столъ маиꙗ въ і҃ |
| s-223
| и съ пльсковици съмириша сѧ |
| s-224
| въ тоже лѣт҃ кнз҃ь кꙑѥвьскꙑи ꙗропълкъ |
| s-225
| и седѣ на столѣ брат҃ ѥго вѧчеславъ |
| s-226
| Се повѣсти времѧньных лѣт ѿкуду есть пошла руская земѧ кто въ киевѣ нача первѣе кнѧжит и ѿкуду руская землѧ стала есть |
| s-227
| се начнемъ повѣсть сию |
| s-228
| по потопѣ первие снве ноеви раздѣлиша землю симъ хамъ афетъ |
| s-229
| Хамови же я сѧ полуденьная страна еюпетъ ефивопья прилежащия ко индомъ другая же ефивопья из неяже исходить рѣка ефиѡпьская чермна текущи на въстокъ авифаникии прилежащи до куриниа маръмарья асуритисиоу и другая нумидья масурия мавританья протиоущи гадирѣ |
| s-230
| сущимъ же ко востокомъ имать киликию памъфилию писидию мосию лукаѡнию фругию камалию ликию карию лудью масию другую троаду салиду вифунию старую фругию |
| s-231
| и ѡстровъ неки имать саръдани критъ купръ и рѣку гѣѡну зовему |
| s-232
| Афету же яша с полунощныя страны и западн мидия алъванья арвинья малая и великая кападокия фефлагони галатъ влехисъ воспории меѡти дереви гаръмати тавріани сируфья фраци макидонья алматия луеи фесалья локрия пеления яже и полопонисъ нарече сѧ аркадъ япиронья илюрикъ словѣне лухитая анъдриѡкия ѡньдрѣятиньская пучина |
| s-233
| имать же и ѡстровы вротанию сикилию явию родока хиѡна лѣзовона кофирана вакунофа кефалинья ифакину керькуру часть всѧчьския страны нарицаемую ѡнию рѣку тигру текущи межю миды и вавилономь |
| s-234
| до понетьского морѧ на полънощныя страны дунаи дьнѣстръ и кавкаисинския горы рекше оугорьски |
| s-235
| и ѿтудѣ доже и до днѣпра |
| s-236
| и прочая рѣки десна припеть двина волховъ волъга яже идеть на встокъ в часть симову |
| s-237
| в афетовѣ же части сѣдѧть русь чюдь и вси языци мерѧ мурома весь моръдва заволочьская чюдь пермь печера ямь оугра литва зимѣгола корсь сѣтьгола любь |
| s-238
| лѧхове же и пруси чюдь пресѣдѧть к морю варѧжьскому |
| s-239
| по семуже морю сѣдѧть варѧзи сѣмо ко въстоку до предѣла симова |
| s-240
| по тому же морю сѣдѧть къ западу до землѣ агнѧнски и до волошьски |
| s-241
| афетово бо и то колѣно варѧзи свеи оурмане русь агнѧне галичане волъхва римлѧне нѣмци корлѧзи веньдици фрѧгове и прочии |
| s-242
| доже присѣдѧть ѿ запада къ полуночью |
| s-243
| и съсѣдѧть сѧ съ племѧнемъ хамовмыъ |
| s-244
| симъ и хамъ и афетъ раздѣливше землю жребьи метавше не преступати никому же въ жребии братень живѧхо кождо въ своеи части |
| s-245
| быс языкъ единъ |
| s-246
| и оумножившемъ сѧ чл҃вкомъ на земли помыслиша создати столпъ до н҃бсе въ дн҃и нектана и фалека |
| s-247
| и собраша сѧ на мѣстѣ сенаръ поли здати столпъ до нб҃се |
| s-248
| и градъ ѡколо его вавилонъ |
| s-249
| и созда столпъ то |
| s-250
| за м҃ лѣт не свершенъ быс |
| s-251
| и сниде гсь б҃ъ видѣти градъ и столпъ |
| s-252
| и реч гсь |
| s-253
| се родъ единъ и языкъ единъ |
| s-254
| и съмѣси б҃ъ языкы |
| s-255
| и раздѣли на о҃ и в҃ языка |
| s-256
| и расъсѣя по всеи земли |
| s-257
| по размѣшеньи же языкъ б҃ъ вѣтромъ великимъ разраши столпъ |
| s-258
| и есть ѡстанокъ его промежю асюра и вавилона |
| s-259
| и есть въ высоту |
| s-260
| и в лѣта многа хранимъ ѡстанокъ |
| s-261
| по размѣшеньи же столпа и по раздѣленьи языкъ прияша сн҃ве симови въсточныя страны а хамови сн҃ве полуденьныя страны |
| s-262
| афетови же прияша западъ и полунощныя страны |
| s-263
| ѿ сихъ же о҃ и в҃ языку быс языкъ словѣнескъ ѿ племени афетова нар ци еже суть словѣне |
| s-264
| во мнозѣхъ же времѧнѣх сѣли суть словѣни по дунаеви гдѣ есть ныне оугорьска землѧ и болгарьска |
| s-265
| ѿ тѣхъ словѣнъ разидоша сѧ по землѣ |
| s-266
| и прозваша сѧ имены своими гдѣ сѣдше на которомъ мѣстѣ яко пришедше сѣдоша на рѣцѣ имѧнемъ марава и прозваша сѧ морава |
| s-267
| а друзии чеси нарекоша с |
| s-268
| а се ти же словѣни хровате бѣлии и серебь и хорутане |
| s-269
| волхомъ бо нашедшемъ на словѣни на дунаиския сѣдшемъ в них и насилѧщемъ имъ словѣни же ѡви пришедше сѣдоша на вислѣ |
| s-270
| и прозваша сѧ лѧхове |
| s-271
| а ѿ тѣхъ лѧховъ прозваша сѧ полѧне |
| s-272
| лѧхове друзии лутичи ини мазовшане ини поморѧне |
| s-273
| тако же и ти словѣне пришедше и сѣдоша по днѣпру |
| s-274
| и нарекоша сѧ полѧне а друзии древлѧне зане сѣдоша в лѣсѣх |
| s-275
| а друзии сѣдоша межю припетью и двиною |
| s-276
| и нарекоша сѧ дреговичи рѣчьки ради яже втечеть въ двину имѧнемъ полота |
| s-277
| ѿ сея прозваша сѧ полочане |
| s-278
| словѣни же сѣдоша ѡколо езера илмерѧ |
| s-279
| прозваша сѧ своимъ имѧнемъ |
| s-280
| и сдѣлаша градъ |
| s-281
| и нарекоша и новъгородъ |
| s-282
| а друзии сѣдоша по деснѣ и по сѣли по сулѣ |
| s-283
| и нарекоша сѣверъ |
| s-284
| тако разиде сѧ словѣньскии языкъ |
| s-285
| тѣм же и грамота прозва сѧ словѣньская |
| s-286
| полѧномъ же жившимъ ѡсобѣ по горамъ симъ бѣ путь изъ варѧгъ въ греки и изъ грекъ по днѣпру и верхъ днѣпра волокъ до ловоти |
| s-287
| по ловоти внити в ылмерь ѡзеро великое из негоже ѡзера потечеть волховъ и вътечеть в озеро великое ново |
| s-288
| того ѡзера внидеть устье в море варѧжьское |
| s-289
| и по тому морю ити до рима |
| s-290
| а ѿ рима прити по томуже морю ко цр҃югороду |
| s-291
| а ѿ цр҃ѧгорода прити в понотъ морѧ въ неже втечет днѣпръ |
| s-292
| рѣка днѣпръ бо потече из оковьскаго лѣ |
| s-293
| а двина ис тогоже лѣса потечет |
| s-294
| а идеть на полунощье |
| s-295
| и внидеть в море варѧжьское |
| s-296
| ис того же лѣса потече волга на въстокъ |
| s-297
| и вътечеть семьюдесѧтъ жерелъ в море хвалисьское |
| s-298
| тѣм же и из руси можеть ити в болгары и въ хвалисы |
| s-299
| наста |
| s-300
| въстокъ |