| s-401
| Når den fossile flammen dovnar under ballongøkonomien vår, går det nok ut over oppdrifta. |
| s-402
| Spørsmålet er kor rask og alvorleg nedturen blir. |
| s-403
| Ingen har presentert den energikjelda som kan ta over jobben når oljepumpene står der i solarglad. |
| s-404
| Som ein illustrasjon på dimensjonane har nokre rekna på kor mange menneske som skal til for å utføre det arbeidet dagens oljeforbruk utrettar i verda. |
| s-405
| Det lågaste talet eg har sett, er 22 milliardar slavar i sving døgeret rundt. |
| s-406
| Kunnskapen om at tilgangen på olje er i unnarennet, går over verda i aviser, i bøker og på nettstader. |
| s-407
| Flyselskap kjempar mot raude tal under stigande kostnader til drivstoff. |
| s-408
| Realitetane er nok i ferd med å gå opp for fleire. |
| s-409
| Men dei som spør etter politisk handling, har framleis størst sjanse til å finne dei ansvarlege på dekket av Titanic. |
| s-410
| Erik Solheim er tidlegare leiar i Naturvernforbundet. |
| s-411
| Statsmann på direkten |
| s-412
| Carl I. Hagen er fjernsynsalderens Johan Sverdrup. |
| s-413
| Carl I. Hagen dreg seg attende etter ein eineståande karriere i norsk historie. |
| s-414
| Frå ein marginal posisjon utanfor alt som vart godteke i norsk politikk, rydda han vegen fram til å verta leiar for det nest største partiet i landet, som han sjølv bygde opp. |
| s-415
| Framstegspartiet vart ikkje berre ein ny maktfaktor i norsk politikk. |
| s-416
| Carl I. Hagen fekk snudd om på kva som er tillate og ikkje tillate i det politiske ordskiftet, og kva for meiningar som det er mogeleg å hevda utan å setja seg sjølv utanfor. |
| s-417
| Avgangen hans kjem samstundes som verket er fullenda. |
| s-418
| Når Høgre vil gå til val på eit « borgarleg » regjeringsalternativ som også femner om Frp, er det politiske landskapet i Noreg vorte slik målet var for Hagen. |
| s-419
| Det er berre Johan Sverdrup det er råd å jamføra dette med. |
| s-420
| Sverdrup byrja som ein einstøing, marginal i høve til dei etablerte maktstrukturane. |
| s-421
| Men han bygde støtt og sikkert opp ei brei folkerørsle ikring seg som vart til Noregs fyrste parti. |
| s-422
| Han fekk endra førestellingane om korleis politikk skulle drivast og kva for standpunkt det var moralsk akseptabelt å hevda. |
| s-423
| Og han dreiv gjennom ei stor konstitusjonell endring. |
| s-424
| All makt i fjernsynet |
| s-425
| Kan Carl I. Hagen også notera seg som opphavsmann til ei konstitusjonell endring? |
| s-426
| Eg vil seia ja. |
| s-427
| Sverdrups tanke var at «all makt skulle samlast i denne salen» - regjeringa skulle møta i Stortinget, såleis at makta vart liggjande i hendene på dei folkevalde. |
| s-428
| Med Carl I. Hagen er endå ei statsmakt samla i den same salen - men det er knapt lenger stortingsalen det er nokon vits å samlast i. |
| s-429
| Det er i staden TV-studioet. |
| s-430
| Der har Hagen briljert - og dominert - som berre Sverdrup greidde å gjera det i stortingssalen i 1870- og 80-åra. |
| s-431
| Etter som fjernsynet tok over som forum for den politiske debatten, har det kome ei ny form for « folkestyre » . |
| s-432
| No er folket sjølv til stades i heile den politiske prosessen, og det politiske spelet går «på direkten». |
| s-433
| Meiningsmålingane har teke over for val. |
| s-434
| Dette er ikkje berre Carl I. Hagens verk. |
| s-435
| Men Sverdrup var ikkje åleine om å skapa om politikken på 1800-talet heller. |
| s-436
| Framvoksteren av dagspressa var ein grunnleggjande føresetnad, og likeins framvoksteren av rada av friviljuge foreiningar som gav eit politisk talent som Sverdrup eit nytt register å spela på. |
| s-437
| Spel på kjensler |
| s-438
| Carl I. Hagen kan ikkje forståast utan fjernsynet. |
| s-439
| Fjernsynet braut maktmonopolet til dei politiske partia og avisene som var knytte til dei. |
| s-440
| Radioen var statsmonopol, og den kunne aldri få det same emosjonelle gjennomslaget som fjernsynet. |
| s-441
| Fjernsyn er film. |
| s-442
| Det er kjensler - ikkje sakleg informasjon - som når fram til tilskodaren. |
| s-443
| Dette vart ein arena som ikkje nokon norsk politikar har greidd å nytta betre enn Carl I. Hagen. |
| s-444
| Og fjernsynet elska han! |
| s-445
| Konkurranse i eteren vart til konkurranse kanalane imellom om å få Carl I. Hagen til debattprogrammet om kvelden. |
| s-446
| Konsumentpartiet |
| s-447
| Mange TV-journalistar hatar Hagen, likevel har dei retta mediet sitt etter stilen hans. |
| s-448
| Kvifor? |
| s-449
| Fordi Hagen greier å nå fram til den sjåaren som fjernsynet vil nå fram til - den «vanlege mannen». |
| s-450
| Mannen som ikkje har makt, men likevel all makt. |
| s-451
| Til dømes makta til å skru over til ein annan kanal. |
| s-452
| Fridomen var det sentrale i Johan Sverdrups politiske vokabular. |
| s-453
| Fridomen er viktig for Carl I. Hagen. |
| s-454
| Fridomen for Sverdrup var arven frå Europa og revolusjonsåret 1848. |
| s-455
| Fridomen for Hagen har 1968 som føresetnad. |
| s-456
| Bodskapen frå 1968 var at fridom er å gjera kva ein sjølv vil. |
| s-457
| Og for fyrste gong i historia vart det mogeleg å gjera det. |
| s-458
| Veljarane til Carl I. Hagen er den fyrste generasjonen i landet vårt som har hatt pengar og fritid til å gjera det dei vil. |
| s-459
| Og den fyrste som ikkje har funne det naudsynt å ta omsyn til moral og religion - meir enn dei sjølve ville. |
| s-460
| Sverdrup omtala seg sjølv som «Forretningsfører for de store Nødvendigheder» - eit instrument for vokster og framsteg, bore oppe av eit ideal om eit nytt samfunn. |
| s-461
| Framstegspartiet er ikkje noko parti for framsteg. |
| s-462
| Det har ingen framtidsvisjon. |
| s-463
| Det er partiet for konsumentsamfunnet. |
| s-464
| Fridomen er valfridomen for den einskilde. |
| s-465
| Det er bodskapen som Carl I. Hagen lét etter seg. |
| s-466
| John Peter Collett er professor i moderne historie ved Universitetet i Oslo. |
| s-467
| Løgn eller gløymsle |
| s-468
| Ein statsråd kan lyga om eitt einaste tema: |
| s-469
| Om regjeringa med det fyrste kjem til å devaluera krona eller ikkje. |
| s-470
| Då har ein finansminister både rett og plikt til å lyga. |
| s-471
| Deretter er det beint stopp - og ein får bruka det slitne uttrykket «ingen kommentar» om ein ikkje vil eller kan gje att fakta. |
| s-472
| Tromsø-saka er i utgangspunktet ei fillesak. |
| s-473
| Åslaug Haga sa kven Senterpartiet meinte burde få OL - det var svært uklokt - men det stod i partiprogrammet og var ikkje noka overrasking. |
| s-474
| Og VG hevdar at Jonas Gahr Støre har sendt ein SMS som provar at han engasjerte seg for Tromsø som OL-by. |
| s-475
| Men Støre nektar for dette. |
| s-476
| Vi må difor tru han på det og gjera oss ferdige med SMS-saka. |
| s-477
| Det bør vi òg gjera med Haga-saka. |
| s-478
| Haga har rett nok uttala seg så klossete at ein undrast på om ho slår ei kvit løgn. |
| s-479
| Konfrontert med ein TV-debatt på NRK 17. februar i fjor får Brennpunkt-redaksjonen fram at ho sa ting då som ho i dag nektar for at ho har gjort. |
| s-480
| Men det kan like gjerne tyda på at ho har gløymt kva ho har gjort, som at ho lyg. |
| s-481
| Medvite å nekta for noko som ein har sagt på TV, er det ingen som gjer. |
| s-482
| Saka er for uviktig til at det er noko meir å masa om. |
| s-483
| Tvilen må koma tiltalte til gode. |
| s-484
| Bill Clinton har sagt at dei største politiske tabbane gjorde han under sterk mangel på søvn. |
| s-485
| Media tek ikkje omsyn til at statsrådar lever under eit ekstremt arbeidspress. |
| s-486
| Det er berre arbeid og lite søvn månad etter månad. |
| s-487
| At ein då ikkje alltid hugsar rekkjefølgja på ting som skjedde, er sjølvsagt menneskeleg. |
| s-488
| I Noreg rapporterer og fokuserer ikkje media på dei private feilskjera til politikarane. |
| s-489
| Difor vert det meir merksemd kring spørsmål om integritet og om ein kan ta ein politikar for å tala usant - same kor bagatellmessig saka måtte vera. |
| s-490
| Det må politikarane ta høgd for. |
| s-491
| Odd-Bjørn Hjelmeset sitt namn var ikkje med då Olympiatoppen plukka ut 23 utøvarar til OL i dag. |
| s-492
| Seks langrennsløparar var inkluderte på lista. |
| s-493
| Mellom anna Ronny Hafsås frå Stårheim. |
| s-494
| Ann Kristin Flatland frå Vik IL vart teken ut i skiskyting. |
| s-495
| Det betyr at Sogn og Fjordane så langt har med tre utøvarar. |
| s-496
| Tidlegare har skiskyttaren Tarjei Bø også fått klarsignal. |
| s-497
| Les også: |
| s-498
| Framleis tru på OL etter uflaks- sesong |
| s-499
| Mange er nok overraska over at Odd-Bjørn Hjelmeset (Fjellhug/Vereide-Hyen) ikkje vart utteken i dag. |
| s-500
| Han gjekk inn til 8.-plass på 15-kilometeren i verdscupen i estiske Otepää laurdag. |