| s-1
| Հայաստանում 2018-ին տնտեսական ակտիվության ցուցանիշը կազմել է 5,8%, սպառողական գների ինդեքսը՝ 2,5%. Հայաստանի Հանրապետության վիճակագրական կոմիտեն հրապարակել է ՀՀ սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները։ |
| s-2
| 2017-ի տվյալներով` Հայաստանում տնտեսական ակտիվության ցուցանիշը 2016-ի համեմատ աճել էր 7,7%-ով։ |
| s-3
| Համաձայն հրապարակման՝ Հայաստանում 2018-ին աճել են շինարարության ծավալը (2017-ի համեմատ 4,5%-ով), արդյունաբերական արտադրանքի ծավալը (2017-ի համեմատ 4,3%-ով), իսկ գյուղատնտեսության համախառն արտադրանքի ծավալը նվազել է 7,6%-ով։ |
| s-4
| Հայաստանում էական աճ է արձանագրվել ծառայությունների ոլորտում՝ 18,8%, իսկ առևտրաշրջանառության մեջ արձանագրվել է 8,7% աճ։ |
| s-5
| Հայաստանի արտաքին առևտրաշրջանառությունը կազմել է 7,4 մլրդ դոլար՝ 16,4%-ով ավելի, քան նախորդ տարի, այդ թվում՝ ներմուծումն աճել է 21,1%-ով, արտահանումը՝ 7,8%-ով։ |
| s-6
| Տնտեսական ակտիվության ցուցանիշը (ՏԱՑ) երկրի տնտեսությունում արտադրանքի թողարկման իրական ծավալի փոփոխության ամսական ագրեգացված ցուցանիշ է: |
| s-7
| Այն ընդգրկում է տնտեսական գործունեության բոլոր տեսակները և սկզբնապես հաշվարկվում է նախորդ տարվա միջին տարեկան գներով, ինչը հնարավորություն է տալիս ունենալ տվյալ ամսվա արտադրանքի թողարկման ծավալի իրական փոփոխությունը նախորդ ամսվա և նախորդ տարվա համապատասխան ամսվա նկատմամբ և ստեղծել ՏԱՑ-ի ժամանակագրական շարքեր` շղթայակապ ինդեքսներ։ |
| s-8
| Այն մոտ է լինում երկրում գրանցված տնտեսական աճի ցուցանիշին։ |
| s-9
| 2017-ին Հայաստանում ՀՆԱ-ի աճը կազմել է 7,5%: |
| s-10
| Հայաստանի 2018-ի պետական բյուջեով տարվա համար կանխատեսվում էր 4,5% տնտեսական աճ, իսկ արդեն 2019-ի պետական բյուջեով՝ 2018-ի տնտեսական աճի կանխատեսումը 6,5% է, 2019-ինը՝ 4,9%: |
| s-11
| Համաշխարհային բանկը 2018-ի Հայաստանի տնտեսության աճը գնահատել է 5,3%, իսկ 2019-ի և 2020-ի համար՝ համապատասխանաբար 4,3% և 4,6%: |