Universal Dependencies - Wolof - WTB

s-1

wo_wtb-ud-train_1981

Fan lanu jëm ak sunu demokaraasi bii?

s-2

wo_wtb-ud-train_1982

Réew mu nga xam ni yennat ci ay xalaat ñoo fi dagan, yeneen dañu araam.

s-3

wo_wtb-ud-train_1983

Réew mi moo ne: sañ-sañu xalaat génne ko, xalaatal sa xel, lu mu jur nga wësin ko niki yooyee demokaraasi di yu Tugal yi nga xam ne ñooy ya mag yi ñu di roye.

s-4

wo_wtb-ud-train_1984

Loolu jural nu nuy lang ci ay mbiccam, di jafandu ci ay waggam.

s-5

wo_wtb-ud-train_1985

Nu naan lu fi di lu baax moom la, du keneen, du feneen.

s-6

wo_wtb-ud-train_1986

Loolu tax na ba sax lu bawoo feneen du leneen lu dul neen ndax li muy keneen.

s-7

wo_wtb-ud-train_1987

Lii ak lu ni mel moo jur natt ci ñaari nattukaay gi Tugal di def ba ay farandoom di ko ca fekk ak a roy.

s-8

wo_wtb-ud-train_1988

Fan yii jàll coow jeqiku woon na ci réew mi, te dara jeqiwu ko woon lu moy kàddu yu njiitu réew mi yekkati woon ñeel estateem bii di bu ñu tere ci Lislaam ci mbooleem ay yaxam.

s-9

wo_wtb-ud-train_1989

Ñenn jógoon ngir dëgëral njiit li bay indi ay yax yu di ko dëgëral te yooya yépp di woon yu di aaye yi ñu bëgg a daganal.

s-10

wo_wtb-ud-train_1990

Loola tax ba njiit la lottee ci daganal ko ci Lislaam mu bëgg a jaare ci diineedi (laïcité) di li ñenn di woowe 'tëraayu njaaxanaay' ngir rekk wone ci ne mii réew moom du jullit ñi rekk a ko moom.

s-11

wo_wtb-ud-train_1991

Ñépp a ko bokk, Nasaraan bi jullit bi ak woroom tuur yi.

s-12

wo_wtb-ud-train_1992

Te kat kii di kilifa gu mag ci réew mi di Seex Ahmadu Bamba romb na fi ay estati te waxu ci dara, naka noonu geneen kilifa gee di gu kenn magul ci Lislaam ju Senegal di Alhaaji Maalig.

s-13

wo_wtb-ud-train_1993

Waa jàngu bi it bokk ci réew mi te seen i biir jàngu ay estatee fa nekk yu ñu di jublu ci seen ag jaamu.

s-14

wo_wtb-ud-train_1994

Te looluy lu am lu kenn dul sikk.

s-15

wo_wtb-ud-train_1995

Waaw ana lu waral ñu ne nit ci mii am réew am na sañ-sañu génne li ci moom te du ko génn.

s-16

wo_wtb-ud-train_1996

Fii lu neex waay mu teg ci kaw derub yoonu Murit mbaa Lislaam.

s-17

wo_wtb-ud-train_1997

Te ñoñ Nasaraan ku leen xaw a laal réew mépp jóg jiital ci seen ñi ñu di tudde ay ñoñ xel (intellectuels).

s-18

wo_wtb-ud-train_1998

Lu nekk ñu wax ko.

s-19

wo_wtb-ud-train_1999

Te kat li jar a wax duñu ko wax mukk.

s-20

wo_wtb-ud-train_2000

Li jar a wax moo di réew mu nga xam ne 98 % ay jullit lañu te feeti Nasaraan yaa fa ëpp.

s-21

wo_wtb-ud-train_2001

Bu lu ñu di woowe Pak jotee ñu jox ndongoy daara yi ay fan yu dul jeex ngir ag bër.

s-22

wo_wtb-ud-train_2002

Waaye jullit ñi ñoom, ku ca tëbëskiji mbaa nga tamxariti mbaa lu ni mel, say doom boo moyuwul ñu dàq leen, ndax amuñu fan yu ñu leen may.

s-23

wo_wtb-ud-train_2003

Ab laaj a ngi nii: Li Abdulaay Wàdd waxoon imaam yi ci ag suufeel ak xeebeel lu tax jurul coow?

s-24

wo_wtb-ud-train_2004

Li mu wax Sërin Tuubaa ak Alhaaji Maalig lu tax jurul coow?

s-25

wo_wtb-ud-train_2005

Ndax kat Sërin Tuuba la taxoon ñu génne ko weesuwul bañ ab estati ak lépp lu Yàlla bañ te loola di woon li Tubaab bi bëggoon.

s-26

wo_wtb-ud-train_2006

Seen i bëgg-bëgg wuute jur Tubaab bi manatu ko fee dékku mu génne ko ngir loolu.

s-27

wo_wtb-ud-train_2007

Lu tax tooñaange yii yépp jurul coow?

s-28

wo_wtb-ud-train_2008

Man damaa gis ne li tax waa ji moom wax jii wax du ngir tuutale waaye ngir layal estateem bi la.

s-29

wo_wtb-ud-train_2009

Kon manoon na yam foofa, waaye mu àgg ci naan dafay booleji ca Paab ba, mel ne Paab bi war naa manal Senegaal dara.

s-30

wo_wtb-ud-train_2010

Te moom ci jëmmi boppam taxawoon wax wax ju bon ju ñaaw jëme ci sunu sang bu tedd ba, ana lu ñu ci wax ñoom?

s-31

wo_wtb-ud-train_2011

Ndax ñaawlu nañu ko?

s-32

wo_wtb-ud-train_2012

Xanaa ñu ne 'liberté d'expression' sañ-sañu wax li ci yaw.

s-33

wo_wtb-ud-train_2013

Ba ñuy damm soorool ya ca Siwis lu ñu wax?

s-34

wo_wtb-ud-train_2014

Ba ñuy aaye muuraay ca Faraas ndax ñaawlu nañu ko?

s-35

wo_wtb-ud-train_2015

Fu ñu ko teg?

s-36

wo_wtb-ud-train_2016

Te moone soorool ya ca Siwis de weesuwul ñeent ci ay 200 jakka.

s-37

wo_wtb-ud-train_2017

Am na fi ay baat yu nga xam ni seen liggéey ci réew mi du lu moy màbb dooley jullit ñi dëgëral Nasaraan yi.

s-38

wo_wtb-ud-train_2018

Yooyu ba ca njëkk moo di diineedi, ñu gën koo xam ci 'laïcité'.

s-39

wo_wtb-ud-train_2019

Laicite du lu moy tugalal mbaa sowwul (occidentalisser) aw askan wu ko doonul.

s-40

wo_wtb-ud-train_2020

Loolu moo di tàyyi xayug sowwu gu Nasaraan ak Yahood gi (judeo-chretienne) tay ko ci réew mu nga xam ne ay jullit lañu mbaa duñu woon i ñoñ sowwu, ak ga leen ci ñu gën a doon i tubaab tubaab yi.

s-41

wo_wtb-ud-train_2021

Laïcité (diineedi), bu dee sax lu ñu gawe (imposer), dafa war a sàmm diine yi waaye waru fee nekk di luy gor seen i tànk te naan sama yoon nekkul ci yeen.

s-42

wo_wtb-ud-train_2022

Ci misaal bu dee dafa bëgg a taxaw ci réew mu mel ne Senegaal ci ag sañ-bañ, dafa war a taxaw taxawaayu Sariiya.

s-43

wo_wtb-ud-train_2023

Du lu ñu fiy doxal mbaa àtteb jeneen diine, waaye lépp lu ñuy def warees na koo xool ba xam gaañul jenn ci diine yooyu.

s-44

wo_wtb-ud-train_2024

Lu ko moy mu doonati moom ci jëmmi boppam jaasi ju ñu bocci ci kanamu diine yi.

s-45

wo_wtb-ud-train_2025

Lu am solo ñu war koo wax mooy ne su ñu bëggee ag jeqiku bañ a ami ëllëg ci réew mi na fi ag maandute dolliku.

s-46

wo_wtb-ud-train_2026

Maandute nag mooy séddale ci ag maandute déet gënale, déet def la la neex.