Universal Dependencies - Old East Slavic - RNC

s-1

GVNP_010-1

† Благословление от владыцѣ, поклонъ от посадника, и от тысячкого, и от всѣхъ старѣишиихъ, и от всѣхъ мѣншиихъ, и от всего Новагорода господину князю великому Михаилу.

s-2

GVNP_010-2

На семь, господине, Новгородъ всь хрьстъ цѣлуеть.

s-3

GVNP_010-3

Княжение твое честьно дьржяти по пошлинѣ, безъ обиды; а тобѣ, господине, такоже дьржяти Новъгородъ по пошлинѣ, безъ обиды.

s-4

GVNP_010-4

Что свободъ Дмитриевыхъ и Андрѣевыхъ, и что сельць тягнуло къ тымъ свободамъ, того всего тобѣ съступитися, то все къ Новугороду бес кунъ.

s-5

GVNP_010-5

А что, княже, селъ твоихъ, и владычьнихъ, и княгыниныхъ, и бояръ твоихъ, и слугъ твоихъ на Новгородьскои земли: которое село зашло бес кунъ, то бес кунъ поидеть къ Новугороду; а кто купилъ, а тыи знаеть своего истьца или дѣти его; истьца ли не будеть ни дѣтии его, цѣловати ему хрьстъ, како истьча не свѣдаеть, взяти ему куны, колико будеть далъ, по исправѣ, а земля къ Новугороду.

s-6

GVNP_010-6

А рубежь ти, княже, межю Суждальскою землею и Новгородьскою дати ти старыи, како было при дѣдѣ твоемь и при отци твоемь Ярославѣ.

s-7

GVNP_010-7

А что волостьи новгородьскыихъ, тѣхъ волостьи тобѣ не дьржяти, княже, своими мужи, дьржати мужи новгородьскыми; а даръ тобѣ имати от тѣхъ волостьи.

s-8

GVNP_010-8

А бес посадника ти, княже, суда не судити, ни волостьи роздавати, ни грамотъ давати.

s-9

GVNP_010-9

А без вины мужя волости не лишити.

s-10

GVNP_010-10

А в Русу ѣздити, княже, въ осень, како пошло.

s-11

GVNP_010-11

А лѣтѣ ездити на Озвадъ звѣрии гонитъ.

s-12

GVNP_010-12

А за Волокъ ти слати своего мужя изъ Новагорода въ дву носаду, по пошлинѣ; а опять ехати туды же на Новъгородъ, а съ Низу ти не слати; такоже и въ Бѣжицѣ.

s-13

GVNP_010-13

А что пошлинъ князю въ Новгородьскои волости, того вы мене не таити въ всѣхъ волостьхъ.

s-14

GVNP_010-14

А холопы и поручникы выдавати.

s-15

GVNP_010-15

А всему тому судъ въ Новѣгородѣ.

s-16

GVNP_010-16

А что ти, княже, пошло, на Тържьку и на Волоцѣ: тиунъ свои дьржяти на своеи части, а новгородца на своеи части.

s-17

GVNP_010-17

А въ Бѣжицахъ тобѣ, княже, ни твоеи княгыни, ни твоимъ бояромъ, ни твоимъ слугамъ селъ не дьржати, ни купити, ни даромъ приимати, ни по всеи волости Новгородьскои.

s-18

GVNP_010-18

А се, княже, волости новгородьскыи: Волокъ съ всѣми волостьми, Тържькъ, Бѣжицѣ, Палиць Городьць, Мелеча, Шипино, Егна, Заволочие, Терѣ, Пермь, Печера, Югра, Вологда.

s-19

GVNP_010-19

А свинии ти бити за 60 вьрстъ от города.

s-20

GVNP_010-20

А в Ладогу ти, княже, слати осетрьника и медовара по грамотѣ дѣда твоего Ярослава.

s-21

GVNP_010-21

А ездити тобѣ, княже, в Ладогу на 3-е лѣто.

s-22

GVNP_010-22

А из Бѣжиць, княже, людьи не выводити въ свою волость, ни зъ иныхъ волостьи новгородьскыихъ, ни грамотъ имъ давати, ни закладневъ приимати ни княгыни твоеи, ни бояромъ твоимъ, ни слугамъ твоимъ: ни смьрда, ни купчины.

s-23

GVNP_010-23

А грамотъ ти не посужати.

s-24

GVNP_010-24

А пожнѣ, что твои и твоихъ мужь пошло, то твое и твоихъ мужь; а новгородьское Новугороду.

s-25

GVNP_010-25

А дворяномъ твоимъ, како пошло, погонъ имати: от князя по 5 кунъ, а от тиуна по двѣ дългѣи.

s-26

GVNP_010-26

А что, княже, мытъ по Суждальскои земли и въ твоеи волости: от воза имати по двѣ вѣкшѣ, и от лодии, и от хмелна короба, и от лняня.

s-27

GVNP_010-27

А дворяномъ твоимъ у купьць повозовъ не имати, развѣ ратнои вѣсти.

s-28

GVNP_010-28

А свободъ ти и мытовъ на Новгородьскои волости не ставити.

s-29

GVNP_010-29

А холопъ или роба почнеть вадити на господу, тому ти вѣры не яти.

s-30

GVNP_010-30

А на Низу тобѣ, княже, новгородчя не судити, ни волости роздавати.

s-31

GVNP_010-31

А кто почнеть [вад]ити к тобѣ, тому ти вѣры не яти.

s-32

GVNP_010-32

А въ Нѣмѣчкомъ дворѣ тобѣ, княже, търговати наше[ю брат]иею; а двора не затворяти; а приставовъ не приставливати.

s-33

GVNP_010-33

А гости нашему гостити межи Суждальскою землею безъ рубежя, по цесаревѣ грамотѣ.

s-34

GVNP_010-34

А судие слати тобѣ свое на Петровъ день, тако пошло.

s-35

GVNP_010-35

А вывода ти, княже, межи Суждальскою землею и Новгородьскою не чинити.

s-36

GVNP_010-36

А что закладниковъ въ Тържьку или индѣ, или за тобою, или за княгынею, или за мужи твоими: кто купьць, поидеть въ свое сто; а смьрдъ поидеть въ свои погостъ; тако пошло въ Новѣгородѣ, отпусти ихъ прочь.

s-37

GVNP_010-37

А гнѣва ти, княже, до Новагорода не дьржяти ни до одиного человека.

s-38

GVNP_010-38

А ряду въ Новгородьскои волости тобѣ, княже, и твоимъ судиямъ не посужяти.

s-39

GVNP_010-39

А самосуда не замышляти.

s-40

GVNP_010-40

А старостѣ ни холопа ни робы безъ господаря твоимъ судиямъ не судити.

s-41

GVNP_010-41

А за рубежь из Новгородьскои волости твоимъ дворяномъ суда не водити, ни судити.

s-42

GVNP_010-42

А свободъ ти и селъ съступитися.